阿久根和牛拉麵屋

营业中

休息中

香港人一向愛吃拉麵，每逢有新拉麵店開張，都會引來排隊人潮。早前從媒體報導得知，從事演藝事業的李泳豪同哥哥，喺旺角開咗間日本麵店，據說是鄰街「阿久根和牛立燒店」的分支，以和牛做主打，拉麵和沾麵俱備。兩口子雖然說不上是拉麵痴，但亦頗喜愛吃拉麵，加上店子以 A4 級和牛作招徠，非常吸引，所以就特意拿了半天假來一嚐。麵屋位於廣華街 13 號廣輝大廈地下，店面不大，地方小小，座位不多，但裝潢頗有特色，仿照日本屋台設計，牆上繪畫了一幅和牛、蝦及拉麵的巨型卡通塗鴉，既搶眼又奪目。餐廳設有自助下單機，客人要先在這裡揀食物，然後拿取號碼牌，返回座位後便可等拉麵送上。本來一心想來吃和牛沾麵，但據店員稱，餐廳午市只有四款拉麵供應，不過客人亦可於小食欄中，點選慢煮和牛叉燒。 我揀咗炙燒豚肉雞白湯拉麵 ($68)，而老公就點咗香煎虎蝦龍蝦湯拉麵，另外再加咗兩款小食。豚肉拉麵率先送上，雞白湯以日本走地雞及豬骨熬製，入口鮮味濃厚，膠質非常豐富。麵條掛湯又有咬口；溏心蛋烹調時間剛好，蛋黃呈鮮橙流心狀，入口黏滑兼富蛋香。另外件炙燒豚肉亦做得非常出色，以五花腩製成，豚肉肥瘦均勻，加上用火槍燒過，入口鬆軟又有油香。至於老公

炙燒豚肉．雞白湯(拉麵)🍜$68香煎虎蝦．濃蝦湯(拉麵)🦐$92本來想嚟食沾麵🙈可惜沾麵只供應晚市😂既然嚟到，點都要食返碗拉麵先走😉確實有驚喜🤩兩種湯底都非常濃郁😎尤其個濃蝦湯🤤真係非常突出☺️蝦味超香超濃厚🦐雞白湯，亦都出色👍濃而不膩😝炙燒豚肉肥瘦適中😏虎蝦好大隻👍另外追加咗糖心蛋🥚慢煮A5和牛叉燒2片🐮和牛真係好正🤩肉質鮮嫩，入口溶化👍店員無介紹錯，必食😝小食章魚小丸子🐙和牛餃子🥟第一次食用和牛整既餃子🙈牛味夠，味道唔錯，相當有特色😛另外，響等待上菜前😏店員俾左個許願牌我哋寫😎仲可以掛響門外👍

近排我好似食拉麵食上癮咁 今日我又去咗旺角一間都算係新開嘅拉麵店 佢裏面有和牛做主題 佢主打有四個拉麵今次我就叫左白雞龍蝦湯拉麵同灸燒豚肉白雞湯拉麵 佢個面底超大 同埋佢個湯底非常之濃 佢既白雞雖然係雞胸但係啲肉都非常之嫩一啲都唔嚡 佢個豚肉係炙燒入口即溶真係一定要試兩碗都另再加左灸燒A4和牛 嗰塊和牛真係超正入口即溶 脂肪比例亦都啱啱好 佢有一塊或者兩塊俾你揀 今次我第一次去所以加咗一塊試咗先但係我下次去一定會加兩塊玩拉麵裏面仲有隻糖心蛋 佢隻蛋真係好入味但係又唔會太鹹其實佢哋唔知做拉麵佢哋仲有沾麵 但係沾麵只係夜晚先會提供 如果你係去食午餐嘅話就只有拉麵俾你揀佢裏面仲有唔少小食 我就叫咗章魚小丸子同埋和牛餃子 全部都好有水準另外佢仲有個牌可以俾你寫低你嘅夢想 寫完之後可以掛喺店出面 非常之特別 好有心思 值得一讚

得知這間拉麵店是名人開的關係，今晚專程來旺角試試它的拉麵我與老公各自叫了蝦湯拉麵，老公另加和牛。這𥚃的店員很友善，我們等位期間指導我們買飛先落單，可以坐著等候，等了5分鐘左右店員已經指示有位可以入座。蝦湯拉麵賣相不錯，但蝦湯味道普通，不算濃味。拉麵是幼麵款式，而且份量蠻多。缺點是拉麵掛不上湯，有種湯還湯，麵還麵的感覺老公另加$45 叫多一片和牛，他説味道還好，但當中肥膏也蠻多的。到我食到差不多最後，夾了一塊筍片，上面好像有一條超超超迷你的蝦乾，怪怪的！我與老公都分不清楚這是什麼，由於我們已經差不多食完，我們決定算了不作深究吧。

阿久根除了有和牛燒肉店，還有和牛拉麵屋，兩店都在旺角，今晚想吃拉麵於是就到訪位於旺角煙廠街的「阿久根和牛拉麵屋」。拉麵屋門口位置設有自助點餐機，可用八達通/信用卡付款，好讓在排隊的客人可以一坐下就能快速吃到所點的食物。坐下來等餐時職員還會給你一塊木牌和水筆，寫完後可掛在店外的鐵架上呢！《慢煮A4和牛叉燒雞白湯沾麵 $128》和牛有兩片，還有青檸木耳、荀、蔥、紫菜、溏心蛋等的配料。和牛粉嫩，入口香甜肉味濃雞白湯濃稠度和味道剛好不會過咸，麵粗身份量足，彈牙有嚼勁，加上青檸汁可提味又減膩。《炙燒豚肉龍蝦湯拉麵 $80》火炙豚肉有四片，另外同樣有木耳、紫菜 、荀和溏心蛋。拉麵只有固定的軟硬度，麵質有彈性不會太硬。一次過點了兩款特別的餃子，還有三款不同辣度的辣粉提供。《沖繩苦瓜餃子(4隻) $48》肉餡入口帶點苦瓜甘香，但味道不重，有肉汁。《和牛餃子(3隻) $68》肉汁豐富而且覺得肉餡比較實在，肉味亦香。邊吃熱騰騰的拉麵，邊喝冰涼的《可樂 $15》都很不錯。

拉麵嘅種類其實有分好多唔同嘅，唔同嘅店舖做出來的拉麵有好大分別。對於我來講我就最鍾意食啲比較粗身，煙韌嘅拉麵，特別係沾麵，因為J沾麵面嘅麵條通常會係比較粗，容易掛上湯汁，而且有彈性嘅。呢間鋪頭的沾麵，質感非常之有彈性，而且係我鍾意食嘅類型。佢嘅雞白湯湯底稠到剛好，每條麵都能充分掛上湯汁，味道濃郁，香甜。而且佢選用和牛做配料，絕對不平凡。又令我諗番起我一位朋友，就算食和牛都要吃全熟。。。。直至我打救了他，他才知道和牛一定係半熟才最好味。就好似呢到嘅和牛一樣，看似通紅，但吃落口感剛好，濃濃的牛味，加上油脂，十分美味。店鋪用自助購買的形式，方便又快捷。如果唔識就隨時可以諮詢店員，拒地都會好細心的解答。

試咗慢煮A4和牛叉燒．雞白湯(沾麵)，醬汁用石鍋上，但唔係好夠熱，唔夠一陣已經凍哂，再食落口已經好油膩。湯底太濃(或者有好多味精?) 食完成晚都好口渴。因室內座位太少，員工主動提出有有少量戶外位置供應，設有大風機，但其實keep住大風吹食得都唔舒服。不吐不快，戶外位置突然滴水，員工都唔可以即時解決，就咁拎塊毛布放係檯，但都彈到成檯濕哂仲差不多彈到落碗麵度。之後先搵咗個膠盆裝住。與其比百幾蚊係戶外滴住冷氣機水食碗沾麵，呢個價我可以搵間環境好啲嘅餐廳食。入座前先係門口位置用電子mon落單, 付款只接受Credit Card/ 八達通。

通常我去到日本搵拉麵食都會搵豬骨湯湯底，直至一次我去到福岡，因為已經好夜，所以豬骨湯拉麵店都已經關門，忽然行行吓見到一間係寫住白雞湯拉麵，咁就唯有試吓啦。如果唔係連宵夜都冇得食，就係咁岩果次之後令我愛上。其實雞湯拉麵同豬骨拉麵嘅味道我覺得差唔多，一樣都係咁濃。起初以為雞湯拉麵會比較淡，但係原來唔係，煮得好食雞湯拉麵一樣係十分之受歡迎。呢度嘅雞湯拉麵都做得幾好，濃而不鹹，唔會油膩。我仲特別喜歡佢嗰塊豬肉片，唔會太肥膩，而且佢仲用咗灸燒，除咗豬肉嘅香之外仲多咗一陣燒烤嘅香，幾得意。

我鍾意食沾面嘅原因係因為佢嘅湯會比較濃郁，而且佢嘅面通常都係比較厚身，同埋有彈性，啱晒我嘅口味。今日我揀選左龍蝦湯配和牛，呢度最大嘅特色就係選用和牛來做肉類 但係佢嘅價錢同普通拉麵店一樣，所以係十分之抵食。佢嘅和牛會有兩大片，煮到半生熟，看起來可能好生，但食起來剛好，又軟身，又有口感。至於拒嘅龍蝦湯，味道係十分之濃，唔會一味得個咸字 ，有淡淡的龍蝦香味，比起豬骨湯嘅湯底來得特別。另外配料除牛肉之外 ，仲會有其他配菜。特別係我最鍾意嘅筍，平時喺出面食要加一份先至會有呢度係包埋，正。

早前去左和牛立燒店, 質素不錯, 發現原來鼎爺既孖仔仲開埋和牛拉麵店, 成日睇愛回家既我就支持下啦~店內似日式居酒屋格局, 用QR code自助點餐~呢到的拉麵最平$68都有交易, 仲要係灸燒豚肉 雞白湯拉麵, 性價比好高!!第一次黎就點了招牌的慢煮A4和牛叉燒雞白湯沾麵 一試, 份量都幾多, 慢煮和牛半生熟，咬落去充滿油脂, 麵質粗身, 掛住得香濃的雞白湯👍🏻👍🏻小食方面加多左個平時比較少見的沖繩苦瓜餃子, 平時我好怕食苦瓜, 但聽聞沖繩苦瓜幾好食, 就點來試下, 點知真係幾有驚喜, 改變左我的苦瓜既印象, 一d苦澀味都無, 加埋豬肉, 味道好夾, 絕對值得一試🤩🤩🔹慢煮A4和牛叉燒雞白湯沾麵 ($128)🔸 沖繩苦瓜餃子 ($48)

第一次食沾麵上網睇到呢間新開既日式拉麵，主打有和牛，仲係藝人開既，應該好食，要去食過啦咁！我都早去，所以拉麵店都吾多人。日本格調既裝修，我揀左住吧枱，望住師父煮，風味十足。點餸係自助式咁篤篤大螢幕，方便快捷。鐘意食和牛既我揀左慢煮A4和牛叉燒·雞白麵 沾麵同和牛餃子。和牛沾麵好大份！第一次食沾麵，餐廳好貼心有tips教食。雞白汁好濃郁，湯好厚，加沾麵當撈麵食，條條麵都黏到汁，好正。加上麵好彈牙，似手打既，冇鹼水味，連埋配菜，木耳、筍、蔥，讚👍🏻。和牛不得了，肥美到暈，鐘意肥膏既人岩晒。師父用火係表面辣一辣，基本上得1，2成熟，其他都生既，靚和牛先可以咁整法。和牛餃子咁矜貴既餃子都係第一次食，煎好既餃子咬落好香和牛味，油脂俾餃子皮索晒，所以皮都有牛香，係size細粒d，多幾粒就正😄整體餐廳環境同野食都幾好，食完個身冇油益味，野食都有心機煮，和牛😋👍🏻

之前都試過佢另一間阿久根立燒燒肉店，質素都好好，所以今次就試下呢間阿久根拉麵店。平時經過都大排長龍，今天晚上8點左右黎到，可能係落雨的關係，所以無人排隊。等左一陣就有位。餐廳格局舒服，日式。買野食係用qr code/自助點餐。我叫左個虎蝦拉麵黎食。都大碗，湯底非常濃郁，湯底係用蝦去熬既，所以好香，非味精。麵質彈牙，有口感，一路食，其他面都冇因爲慢食浸耐左而變軟。虎蝦大隻，煎得好香，同埋係新鮮既。配有日本溫泉蛋，店員話係日本進口蛋，我都覺得好味d。單點左個嫩滑和牛小食。和牛好正，半生熟，咬落去有香牛味，又充滿油脂，高質。單食真奢侈，配個拉面一齊食都係好味。

今日又黎旺角搵食，前排食完和牛燒肉發現原來同一個老細，仲有開一間和牛為主題既日本拉麵店，為食既我地梗係就去試下啦🤤🤤店舖不大，但係採用QR code自助落單，客人只要一掃QR code 就可睇到菜單同落單，之後拎住個QR 去門口既自助機就可比錢架啦，就算排隊都有可以落左單先，一有位就有得食架啦😀😀(仲有一排櫈比等位既朋友坐住等，都幾貼心)野食方面，慢煮A4和牛叉燒雞白湯沾麵係招牌，薩摩雞熬製既雞白湯，非常香濃又咸淡適中，加埋青檸汁，拉麵濃而不膩。(食唔慣沾面覺得太濃既朋友都可以加入昆布醋中和，都另有一番風味)☺️配上掛湯能力比較好既粗身麵質，同慢煮和牛既油香，正👍🏻👍🏻🦐我地仲試左個虎蝦濃蝦湯拉面，一上菜就聞到好濃既蝦味，配埋大大隻既香煎虎蝦同櫻花蝦同溏心蛋等配料，非常足料😋😋除左拉麵，店內仲有唔少特色餃子🥟，好似未見過既和牛餃子，一淡咬落去淡淡和牛既肉香，味道唔錯👍🏻不過最驚喜都係店員推介既沖繩苦瓜餃子，雖然一黎到見到綠色既餃皮加埋一貫對苦瓜既印象真係有d卻步😂😂 但係估唔到苦瓜一d都無苦澀味，混和埋入面既豬肉仲出奇地夾，味道仲一流添，真係值得一試🤩🤩🔹慢煮A4和牛叉燒雞白湯沾麵 ($

因為見到網上推介, 所以去左李泳豪兄弟開嘅新拉麵店, 之前去左佢地間燒肉店已經食過返尋味道!好高質, 而家有間新嘅拉麵店梗係要再去一次! 自己一個食,灸燒豚肉, 雞白湯拉麵。豚肉都幾多, 有3塊, 灸燒過嘅豚肉同平時食普通嘅豚肉都幾唔同, 有少少焦味都幾特別!湯底係雞白湯, 雞湯味唔會太濃, 所以唔鐘意食重口味拉麵嘅朋友(我係其中之一), 應該會鐘意呢個清清地嘅雞湯! 如果想濃味D可以加少少調味,佢地有拉麵胡椒, 辣椒粉等等, 不過要小心落,因為店員話D辣椒粉真係好辣下,千其唔好貪心落太多!XD 呢碗拉麵只係$68就可以食到, 性價比真高!另外叫左個小食-沖繩苦瓜餃子, 同平時一般嘅煎餃唔一樣,食落有少少苦苦地, 但加埋肉同醋一齊食又好夾! 好特別! 

今日同左男朋友去食拉麵, 呢間拉麵店喺登打士街直入嘅巷仔入面, 都算易搵, 去到就見到門口有好多掛牌, 係許願牌來, 好有日本feel! 拉麵屋雖然唔大, 但個感覺好似去左日本嘅居酒屋咁, 有bar枱位, 即係對住廚房嘅位, 仲有室外露(?) 嘅位!入到去諗住點解無menu, 原來係要用QR code睇menu再落單, 成個過程都係自助的, 自己落單再出去俾錢, 好有拉麵店自己落單買飛嘅感覺!我地今次叫左佢地推介嘅慢煮A4和牛叉燒, 雞白湯沾麵; 有好大份湯同麵, 湯比我地想像中濃同”傑身”D, 以為會好重口味, 點知食落味道又唔算太濃, 沾麵係粗麵, 如果鐘意食硬身D嘅麵可以唔洗浸太多湯, 如果想食淋D嘅就可以浸耐少少! 麵上面嘅配料都幾多, 有2大片A4和牛, 幾新鮮, 生熟程度都可以自己控制 (浸耐D定短D), 另外仲有溏心蛋木耳等配料都幾多,男人食都夠飽!另外叫左小食, 沖繩苦瓜餃子, 餃子皮係苦瓜嘅青青綠色,冇見過呢隻色嘅餃子!係用左苦瓜一齊整嘅餃子皮, 餃子料就係普通豬肉, 不過食落有少少甘甘地嘅苦瓜味, 好特別!