阿久根和牛拉麵屋

营业中

休息中

上網見到呢間拉麵d牛小排同埋豚肉好似好正 上個禮拜放工就過左黎試下 七點到黎到門口已經有幾個人排緊隊 好彩食拉麵個turnover都快 唔駛等好耐 一入到去有種日本拉麵小店嘅溫馨味道 店員同廚師有講有笑 感覺好似一家人咁慢煮安格斯牛小排濃蝦湯沾麵 ($138) - 一黎到個湯仲係熱辣辣咁滾緊 冬天食好岩 暖粒粒咁 蝦湯真係好濃 湯汁掛晒係沾麵上面好正 沾麵麵質彈牙 牛小排好好味 肉味好香 首先要將佢淥落碗湯度 淥到咁上下熟先食 牛小排既口感就會好軟熟 最好唔好太生食 如果唔係會有啲靭雞白湯炙燒豚肉拉麵(清爽) ($75) - 塊炙燒豚肉不得了 燒得好香 豚肉肥瘦適中 入口即溶 唯一不足既就係個雞白湯湯底唔夠香 好似唔太夾 可能係因為我揀左清爽 如果濃厚同激辛應該會正好多沖繩苦瓜餃子 ($48) - 第一次見咁特別嘅餡料 出奇地好味 佢有淡淡既苦瓜甘味 可以中和平時食餃子嘅油膩感

好嘢梗係去完可以再去㗎啦今次嗌另外一個面同樣地湯底濃郁面咁又或爽朗 真係每一碗湯你都唔捨得放棄每一滴再加上再加上嗌一罐日本嘅啤酒真係賞心樂事說到冰冰動動連嗰杯都係好凍嘅試想想又飲啤酒又食這個正宗嘅日本拉麵湯底濃郁蝦味十足在配襯呢一度好日本拉麵店嘅裝修細細間好有feel這裏的服務亦都非常之好淨係啲幾樣野已經可以一來再來下次如果再嚟嘅話可以叫佢不同嘅配菜因為每樣配菜都可以散嗌只係加少少錢就可以試埋唔同嘅味道

這是一間非同凡響嘅日本黃牛拉麵店這個沾麵 湯底係非常濃郁嘅蝦味湯底用一個石鍋放上枱面熱辣辣而且碗麵真材實料 麵條非常煙韌好有口感咬落去10分彈牙將佢放落湯一同放入口無比滿足不能用言語來形容牛雖然係好薄的但係牛味非常濃郁入口即溶還有其他配料半隻雞蛋筍紫菜等等簡直好似親身去到日本一樣另外玩叫咗一碟炸雞肉咬落去啲繼續爆曬出嚟加上呢個沙律醬我認為每一次都要去食這裏還有不同的調味料令到口感同埋味道更加豐富唔同層次快啲去食啦

#日式eatcovery #旺角eatcovery💡令你思念鄉下的沾麵🍜天氣凍凍地，最啱就食啲熱野暖下胃，自從無得番鄉下日本，就好耐無食沾麵，今次仲要有A4和牛，即刻令到小編更思念鄉下，幾時先有得去😭😭🍽慢煮A4和牛叉燒沾麵一上枱已經比整碟賣相吸引到，見到滿滿的牛肉🥩鋪滿了整個碗，用上A4鹿兒島和牛，牛肉好粉嫩，上菜前廚師會用火槍輕炙，令牛叉燒充滿油香！另外，湯汁表面放左櫻花蝦，令濃蝦湯味道好濃郁，因為用上自家製蝦油同新鮮蝦熬足六小時，絕對係誠意推介。沾麵粗幼適中，掛湯力十足。而且碗內仲有好多配料，令到層次感好豐富😋😋🍽慢煮蕯摩雞白湯拉麵湯底可以選擇清爽/濃厚雞白湯，湯底奶白色，有香濃既雞味，而且用左慢煮日本雞胸去代替叉燒，肉質嫩滑唔肥膩🥰🍽沖繩苦瓜餃子🥟餃子雖然唔算係好大隻，但煎完仲可以保持到入面juicy，食落有淡淡落瓜味，無咁油膩 ，如果再重啲苦瓜味就更好。#旺角食咩好 #旺角美食 #好西 #小店 #情侶拍拖食咩好 #情侶拍拖好去處 #打卡 #旺角 #旺角日式 #相機食先 #打卡小店 #和牛 #拉麵 #沾麵 #chill #hkfoodie #food #hkinstagram

秋涼了🍃，最岩就系食返碗熱辣辣嘅拉麵🍜暖身。今次分享最近食嘅阿久根和牛拉麵屋，位於旺角煙廠街同廣華街交界位，鋪面吾大，所以之前行過好多次竟然都冇發現，真係走寶🥲。打開門入去，昏黃溫馨嘅燈光💡，牆身貼滿日文手稿，介紹各種食材同食物。可能因為我實在太掛住日本🇯🇵，好似穿梭去咗日本“深夜食堂”咁，麻雀雖小，五臟俱全。講返野食，menu有多款湯麵同沾麵選擇，單單湯底已經有濃蝦湯、雞白湯、醬油湯同黑蒜濃湯四種，雖然我好揀食，但係有咁多選擇，真系實有一款岩你架！最後決定order 一碗黑蒜濃湯灸燒豚肉拉麵(HKD88)同慢煮安格斯牛小排濃蝦湯沾麵 (HKD138)，小食方面系沖繩青芥末餃子(HKD48)同吉列池魚(HKD45)。濃蝦沾面醬汁質地濃稠，本人覺得可能鹹咗少少，但上枱時個湯(醬)仲系滾嘅，而安格斯牛小排就煎得好靚，肉質鮮美，一D都吾韌，同沾面一齊沾滿醬汁，個麵超掛湯，再一啖入口，真係好有滿足感🥰🥰。黑蒜濃湯灸燒豚肉拉麵的豚肉燒得好靚，外表微焦，內裡鮮嫩，湯麵彈牙爽口，而且湯麵價錢貼地，抵食💰！而小食方面我覺得可以用出色嚟形容。青芥末餃子🥟好有特色，芥末味道吾會太搶，但係又縈繞在嘴裡面，建

🥟和牛拉麵屋🍜廣華街附近美食多籮籮✨中西日泰韓台式美食甜品都有選擇但係真係太耐太耐冇食過濃郁美味嘅拉麵啦( ･᷄ὢ･᷅ )朋友介紹呢間阿久根和牛拉麵屋話風味十足 食過一定會返轉頭( ̀⌄ ́)😳第一次吃當然要食招牌慢煮A4和牛叉燒拉麵🍜😛配上濃郁蝦味海老湯和牛入口即溶 牛肉香在嘴裏慢慢滲透朋友就選了以香蔥醬油湯作湯底的炙燒豚肉拉麵小食方面我哋繼續探索未知🤤有沖繩苦瓜餃子還有阿波美雞皮餃子🥟♪(´ε｀ )苦瓜餃子做得非常香脆平時不喜歡吃苦瓜的我也能慢慢接受苦瓜的香味～雞皮餃子更加唔使講雞皮的油香 雖比較油膩但配上肉餡 卻恰到好處♪( ´θ｀)ノ👍🏻📍阿久根和牛拉麵屋旺角廣華街13號廣輝大廈地下1號舖#拉麵 #廣華街美食 #旺角美食 #拉麵膠 #ramen #hkramen #japanesefood #日式 #foodie #foodblogger #foodiehk #foodbloggers

🍜中午想食一碗拉麵 係旺角搵左呢間有和牛嘅拉麵店 店內只有木吧枱 自己一個人黎食都唔會唔自在 裝修好有日本拉麵小店感覺 🍜 慢煮A4和牛叉燒拉麵 $148拉麵食得多 和牛拉麵麵係第一次食 和牛有兩片 肉質好嫩滑食完好想再食🦐湯底係濃蝦湯 蝦湯底真係係法抗拒 超香濃蝦味 重口味嘅必揀呢個湯底麵屬於幼身但亦好掛湯有半隻味玉 好流心🍜燒牛肩胛拉麵 $98湯底可以揀濃蝦湯 雞白湯 或者香蔥醬油呢個揀左香蔥醬油 食落比都清 但都食到好濃蔥香拉麵上鋪滿左牛肩胛肉 一上枱好香燒肉味 肉比較厚身 🥟沖繩苦瓜餃子 $48 一見到呢個餃子就覺得好新奇 賣相同普通餃子分別不大 但食落有淡淡落瓜味 感覺有咁油膩 但如果再重d苦瓜味天好🥟阿波美雞皮餃子 $48我本身對炸雞皮唔大興趣 但呢個食落好有驚喜個外皮炸雞皮超鬆脆 一咬會有咯一聲 內裡嘅肉好juicy

裝潢以日本既拉麵店為藍本，鋪面細細，座位唔多，但感覺幾舒服。拉麵定價雖然比出面食豚骨湯、雞白湯既為高，但阿久根主力做既係牛肉，自然成本高一啲，整體黎講性價比不俗。另外，放喺枱面既辣椒粉可以一試，幾唔錯🥢慢煮安格斯牛小排濃蝦湯沾麵沾麵賣相吸引，端上黎既濃蝦湯仲係滾下滾下，蝦湯非常濃郁，咸度適中。牛小排油脂分佈均勻，一碗沾麵有7塊牛肉，感覺相當滿足🥢燒牛肩胛拉麵牛肩胛肉肉質比較結實，炙燒過帶點焦香，溏心蛋都做到流心效果，而湯底都係選擇左濃蝦湯🥢沖繩苦瓜餃子🥟沖繩苦瓜口味既日式餃子出面餐廳真係唔多，切碎既苦瓜加入豚肉，甘香唔苦，比一般餃子少左份油膩感

✨慢煮A4和牛叉燒拉麵A4和牛 油花唔錯 肉質軟嫩 帶油脂香濃蝦湯 鮮味 濃郁 唔算好厚身 唔油膩拉麵 粗麵 軟硬適中 有彈性 份量好多半隻半熟蛋 流心程度唔錯另有配料紫菜 筍 木耳 正正常常✨燒牛肩胛拉麵燒牛肩胛 薄身 有肉味 肉質軟腍雞白湯 清爽 唔油膩 拉麵 粗麵 軟硬適中 彈牙半隻半熟蛋 流心程度唔錯 另有配料紫菜 筍 木耳✨阿波美雞皮餃子雞皮包住餃子餡外層炸得香脆 帶油香 餡料正常 整體味道唔錯 幾特別食物唔錯環境幾別緻 地方唔大 鐘意佢啲高枱櫈唔係太高 都幾好坐 服務唔錯 價錢合理

好耐無食拉麵🍜，去開旺角記得有朋友推介過呢間決左試下，等左一陣就入得去，裝修都好有日本居酒屋感覺燒牛肩胛濃蝦湯拉麵 🌟🌟🌟🌟第一款人氣麵，濃蝦湯濃而不咸，拉麵係幼身，彈牙，燒牛肩有牛味又唔會燒到好硬身，配料都好足，有流心蛋、荀片、木耳慢煮安格斯牛小排濃蝦湯沾麵 🌟🌟🌟🌟第二款人氣麵，一上枱～嘩～用石窩碗上，熱辣辣既濃蝦湯，薄切安格斯牛小排，燒到半生熟，但無咩牛味，但都好嫩，而拉麵係粗身彈牙，沾落熱辣辣既湯墨魚海膽戀 🌟🌟🌟個名好吸引其實係墨魚餅包住海膽餡，海膽餡都唔少，但唔重海膽味，墨魚餅唔彈牙，普通啦鹿兒島流心芝士薯餅 🌟🌟🌟🌟做會員送既，推介脆卜卜，一咬超多芝士，流心流哂出黎最後值得一讚就係店員服務態度好，埋單後總送coupon俾我地下次食

去開旺角想食拉麵就揀咗一間鋪面唔係太顯眼嘅小店 叫咗兩碗拉麵一碗沾麵，一碗拉麵。🍜●「濃蝦虎蝦拉麵」($98)● .拉麵麵身比沾麵幼，所以掛湯力會比較強😃濃蝦湯本身就比較重口味，食到最尾會覺得有少少咸，唔使驚食到尾冇曬餸會好寡，因為湯底本身都已經好rich🤣🤣雖然比較濃味 但係非常好味🤩🤩蝦味非常突出！唔係一般死咸😃係蝦膏再配埋醬油嘅鹹鮮味❤️🌠虎蝦個蝦頭入面都有蝦膏🤩所有精華都收埋咗喺呢個咁細嘅頭入面🥰😍😍.🍜●「 a4和牛濃蝦湯沾麵」($148)● 因為沾麵嘅湯底畀湯麵濃好多倍 所以用粗身嘅面麵粉去中和返鹹味就啱啱好🤩粗拉麵比幼麵有咬口得多 煙煙韌韌真係好正🥰🥰.🍜●「 墨魚海膽戀」($58)● 黑色嘅墨魚餅中間包住鮮甜嘅海膽鹹鹹甜甜嘅組合真係好新鮮 同埋炸得超級超級脆🥳🥰.六點幾嗰陣入去唔使排隊，食完出嚟先七點到已經出現咗人龍😱😱😱 想食嘅話記住早啲去呀💭💭💭好味(7/⑩)抵食 (7/⑩)💭💭💭

㕵角廣華醫院附近好多小食店就人人皆知，後街更加不用說。呢間沾麵小店之前一直想試好耐，但每次都排長龍。今次特登搵個閒日諗住少啲人😂點知都係要排，好彩只係排左15分鐘就入得。可惜今日和牛賣晒，唯有試另外果d款式。安格斯牛小排濃蝦沾麵 $138一黎到就比個賣相吸引左😍上菜個湯仲係熱辣辣。食既時候將個麵浸落碗湯度，等d湯汁掛住條拉麵，麵質食落彈牙之餘仲充滿蝦既咸香味。牛小排份量都唔少，但肉質並唔求其。塊塊都肥瘦適中，而且冇雪味，食落牛味濃烈。一塊牛小排，再啜一啖拉麵，完全係完美配搭。食完個麵仲可以叫店員加湯落個石鍋湯度，將頭先濃濃既蝦味中和返個味蕾，感覺好完滿。魚介湯豚肉拉麵 $88食拉麵當然先試吓個湯😇湯底味濃濃既魚味，飲落好舒服，豬肉外層少少焦香，肉質保持到淋得黎唔似煲湯既口感，真心好味，食得出餐廳嘅誠意。小食方面鹿兒島流心芝士薯餅 $28熱辣辣黎到🔥薯容同芝士個比例岩岩好，食落唔會好漏，芝士仲有拉絲效果😍雞皮餃子$48鍾意食脆口野既人一定岩✨一咬個皮脆卜卜，入面充滿啖啖雞皮肥膏，好juicy。

成日都覺得，一間餐廳嘅氣氛環境，可以令食物嘅味道提升。而我哋上星期就去到喱間「阿久根和牛拉麵屋」，除咗嘢食好味，裝修都頗為地道☺️🎌🎏即刻令我哋想走返轉日本（如果得😂）🦐濃蝦湯招牌三色拉麵(慢煮A4和牛, 雞肉, 灸燒豚肉) $128蝦湯蝦味頗濃🦐，拉麵份量亦多🍜👍🏻 講到主角，雞肉無咩特別🐓；豚肉肥瘦均勻，加上燒過，特別香口🐖；和牛有厚度之餘，唔會un ，亦非常有牛味，好食🐂😋加埋半隻流心蛋，整體相當唔錯👍🏻唯一建議，啲料太豐富，個碗相對有啲逼，一開始食嘅時候有啲難「畢」湯😂🐷雞白湯灸燒豚肉拉麵(濃厚) $88+溏心蛋🥚$15湯底呈奶白色，飲落有膠質同少許黏口既感覺❤️豚肉份量👌🏻，灸燒過令豚肉焦香感同賣相大大提升，完隻流心蛋做到真流心🤤如果無特別想食和牛，都係個好選擇啊🥳🧀鹿兒島流心芝士薯餅 $28一黎到見到d芝士流哂出黎就知正😋薯餅好有薯仔味，薯蓉好香好綿🥔加埋芝士不得了👍🏻🍗唐揚雞件 $38有5件，炸得岩岩好，外層個炸粉好薄，🐔雞肉食落juicy，可以加d辣粉一齊食，就更加惹味😋😋Overall食物質素好，雖然店面唔大，但裝修有日本味道🇯🇵，頗有居酒屋🏮嘅感覺。未試過，去開日本又想

今日到旺角呢間拉麵店試下，餐廳望落雖然唔大，但入面嘅座位比想像中多。首先一入到去坐低就見到餐廳上年拎過嘅獎（第一次聽微笑企業大獎🤣）炙燒豚肉濃蝦湯拉麵$88拉麵同豚肉份量十足，豚肉燒得好惹味，不得不讚嘅係糖心蛋好好味，熟度剛剛好，想食多粒但追加要$15🥲。燒牛肩胛肉鷄白湯拉麵$98鷄白湯底比濃蝦湯底清淡啲，但清澈不油膩，個人更鍾意鷄白湯底。另外小食揀咗唐揚鷄件同埋日式餃子。唐揚鷄件$38日式餃子$48 烏龍茶$20

牛小排肉質鮮嫩真係好好味！旺角呢一間人氣沾麵店，😍好耐之前已經想試，今日Sunday同屋企人一齊行街，shopping完當然lunch time要搵嘢食，就試吓呢一間先😊慢煮安格斯牛小排龍蝦湯沾麵$138牛小排非常之香濃佢啲牛肉味好濃，果然係安格斯優質嘅牛肉，🤤加埋佢嘅沾麵好彈牙，龍蝦湯好香滑，一啖沾麵一啖湯，真係好滋味！墨魚海膽戀呢個小食都好有特色，原來佢係墨魚滑，再加埋海膽。🥰黑色嘅外表，已經好吸引❤食落去有海膽嘅鮮甜味，仲有彈牙口感，好特別。雞皮餃子係用雞皮包住傳統嘅餃子餡，食落去有雞皮嘅甘香，更有特色。