阿久根和牛拉麵屋

营业中

休息中

係旺角經過幾次， 每次都要等位今日6點去到終於唔駛等位店內大部份係bar枱， 啱曬1~2 人去食叫左個慢煮薩摩雞拉麵我簡左濃厚雞白湯，個湯濃得黎又唔會口乾，好好飲雞肉好軟腍，配上糊椒粒十分好味下次會再試下和牛拉麵

朋友知道我好鍾意食日本🇯🇵拉麵🍜，亦都有少少認識😅，每有佢覺得好或者比較特別嘅拉麵店，都會介紹俾我👍，佢曾經介紹過呢間和牛🇯🇵🐂拉麵🍜店，呢日喺旺角，近近哋就決定行過去試吓😆叫咗 $148 嘅「慢煮A4和牛叉燒拉麵」，加 topping $38 嘅「炙燒豚肉」😆飲啖湯先，幾濃郁，有牛味仲有蝦味😆；跟住食主角A4和牛，肉質鮮嫩軟熟，油脂好充足😋；再跟住用日本人🇯🇵食拉麵嘅方法 slurping，將拉麵🍜連湯同空氣 吸啜入口裏邊，幾好食😋

今次去咗一間位於旺角廣華街入面主打牛嘅拉麵店🍜，不過可惜當日淨返牛肩胛款式，唔緊要，下次可以再戰，咁就講下今次食咗嘅款式先🍜燒牛肩胛拉麵 $98有三款湯底選擇，朋友仔揀咗香蔥醬油湯，湯底唔油膩，牛肩胛肉質厚實，但入口軟嫩😍🍜炙燒豚肉拉麵 $89見冇其他牛款叫，又唔想同朋友叫同一款🤣就叫咗炙燒豚肉，呢款湯底同樣係香蔥醬油湯，唔油膩，入口清爽，拉麵幼身掛湯，炙燒豚肉炙燒完充滿油香，口感柔軟有彈性，油脂滿滿🥰🥟沖繩青芥末餃子 $48餃子餡內嘅豬肉新鮮加上芥末更提升鮮味🥢日本枝豆 $38—-烏龍茶 $20另外值得一提，店員服務好好，主動有禮，見佢同客人有傾有講，打成一片

Seldom in Mong Kok. Found this small ramen restaurant and could not resist to go in! Small restaurant with counter seats. Just feel like in Japan! Staff was really friendly and polite. He was really gentle when he said every words. ordered the grilled chuck ramen in prawn soup. Accidenly add extra tamago 😅Ramen comes in generous portion of beef, fungus. Soup is really rich of prawn flavour. I love strong flavour food and this is my cup of tea! Beef not super tender but full of beef flavour. Smil

由於開會遲咗，去到已經兩點，我最想食嘅和牛拉麵已經賣晒，所以叫咗兩個蝦湯底拉麵：一個係虎蝦🦐另一個係豚肉五花叉燒🐷🌟湯底先，質地濃稠，有蝦味，但佢唔算係最重蝦味嘅湯底，但我已經夠滿足🌟豚肉叉燒夠厚，佢再煎香左，油香出晒嚟🌟虎蝦夠大隻，仲有啲櫻花蝦令湯底更鮮🌟再叫咗個苦瓜餃子，食落去即刻回味沖繩嘅感覺! 值得推介🌟叫咗兩個啤酒，日本檸檬味啤酒，雖然佢唔係好多泡嘅啤酒，但成餐好有日本feel，因為佢無論係牆身手繪banner ，定係廁所嘅poster都一絲不苟，雖然佢唔係日本人主理，但都睇得出佢哋嘅用心

非常中意食沾麵😉平時都會捐窿捐罅搵下香港地有咩拉麵店都會去試下。上網睇到呢間阿久根拉麵小店，一於去試下。店舖嘅裝修都好有日本關東風格🧡✨慢煮安格斯牛小排 濃蝦湯 沾麵經過慢煮嘅安格斯牛小排呈粉紅色😍食落夠晒嫩滑，牛肉味好濃，肥瘦適中，唔會好油膩！用大量蝦殼熬製嘅濃湯，用一個石鍋裝住，上枱嗰陣仲滾緊架！呢度嘅沾麵相對粗身，口感煙韌彈身，重點係非常掛湯😋正！✨三色濃蝦湯拉麵三色係A4和牛、日式叉燒、雞肉😉半熟慢煮嘅A4和牛油脂分布啱啱好，超香牛肉味！日式叉燒表面炙燒過，好香口！雞肉口感軟腍，好食都想要多幾塊！呢個拉麵滿足晒食肉獸！一次過食到哂豬牛雞😆✨日式餃子餃子皮好薄，表面煎到脆卜卜🥰入邊都好多肉汁🥟食拉麵沾麵一定要叫埋夠風味嘛😚📍阿久根和牛拉麵屋 (旺角)旺角廣華街13號廣輝大廈地下1號舖

呢間用和牛做主題嘅拉麵好有噱頭，日本風裝潢出眾，部份座位參照屋台設計，仲有大大幅打卡牆～有湯麵同沾麵供應，湯麵有四款湯底選擇：濃蝦湯/雞白湯/香蔥醬油湯/黑蒜濃湯揀咗🥢人氣燒牛肩胛拉麵$98雞白湯香醇順滑，麵質幼滑爽口，燒牛肩油脂少肉味香濃。沾麵有三款湯底選擇：濃蝦湯/雞白湯/魚介湯揀咗🥢店主推介👍🏻慢煮A4和牛叉燒沾麵$148以慢煮方式處理嘅和牛肉質非常細嫩，A4和牛油脂細緻肉質柔軟，石鍋可以保持高溫，濃蝦湯蝦味濃郁，每一啖都食到蝦嘅鮮味；麵質有很強掛湯效果，加入清湯於醬汁內，立即變成可品嚐嘅湯品。沖繩青芥未餃子/沖繩苦瓜餃子🥟$48兩款餃子各有特色，揀咗青芥末，皮薄多汁，芥辣味恰到好處。罐裝啤酒🍻細$25支裝汽水/樽裝茶 $15樽我哋大概七點左右食完已經開始多人，建議大家早啲嚟食就唔使等啦。

主打和牛、炙燒豚、濃蝦湯☺️座落喺街市附近既低調小店，餐廳由鼎爺細仔李泳豪主理，平時好少人排隊，私心分享😁，吸引我黎係因為和牛色澤睇起身好嫩，和牛拉麵店亦好少見😋🍁整體🍁🥑性價比：8/10🥑美味：8.8/10🥑環境：8.5/10🤑人均：$100-150🥑慢煮安格斯牛小排濃蝦場沾麵$138面比較粗身望落好似油面食落都彈牙嘅，但有少少實，沾麵嘅湯都非常熱，用石鍋裝，湯唔係剩得蝦嘅味道🍤，佢仲有豚骨嘅味道所以食落好有層次。個湯聽講係自家制蝦油加特，用大量蝦殼熬製。即使係牛小排油脂分佈平均😯，程粉紅色💕，靠個熱湯浸一浸就好快熟。🥑炙燒豚肉拉麵$88如果唔鍾意太硬嘅面可以揀湯拉麵，豚肉炙燒有好薰香味，肥瘦均勻嘅五花腩🥓，好軟諗，配料有半熟溏心蛋、黑木耳同埋筍，個人覺得筍麻麻所以通常走筍🤪

今日去咗 ❥⧽阿久根和牛拉麵屋 ❥⧽食拉麵。拉麵店麻雀雖小, 五藏俱全, 全部都係吧枱位, 不過唔會覺得迫。𓊈 慢煮A4和牛叉燒沾麵 ✧ 濃蝦湯 $𝟷𝟺𝟾𓊉和牛煮到半熟, 肉質非常軟腍, 充滿肉汁。沾麵汁用石鍋盛住, keep 住暖笠笠, 濃蝦湯味道非常濃郁, 有好多蝦仔喺入面, 實在好適合我呢個重口味人士, 湯汁濃稠, 拉麵輕輕一蘸已經掛曬汁, 食完拉麵就叫店員加湯, 咁個沾麵汁就變咗碗湯, 可以飲埋, 好滿足!𓊈 香煎虎蝦拉麵 ✧ 黑蒜濃湯 $𝟿𝟾𓊉虎蝦好大隻, 啖啖肉。黑蒜湯好香蒜味, 湯底有好多蝦仔, 味道濃而不油膩。糖心蛋剛剛好半熟, 好好食! 𓊈日式餃子 $𝟺𝟾𓊉係韭菜豬肉餃子, 韭菜味濃, 豬肉肉質鮮嫩, 外皮煎得香脆。𓊈 忌廉 $𝟷𝟻 ✧ 烏龍茶 $𝟸𝟶𓊉好少見玻璃樽裝嘅忌廉呀, 味道好好!♡♡ 不論沾麵定湯麵都好好食, 雖然店員好忙碌不過都好有禮貌, 值得支持!

平時食拉麵一般係叉燒，今次同老公去咗廣華街 #阿久根和牛拉麵屋 🍜食拉麵哩間主打和牛🐮安格斯牛🐮牛肩等。。我地未到6：00就去到，可能太早🤭竟然冇乜人等位店子不算好大但乾淨企理，但都有13，14個座位左右🍜慢煮安格斯牛小排濃蝦湯沾麵 $138麵底係粗身，安格斯牛小排雪花紋好靚呀🤩輕輕一浸勁滾熱辣辣沙鍋濃蝦湯，食落口感軟棉棉冇得頂喔🤤🍜燒牛肩胛拉麵 $98哩個麵底係幼身🤗選了濃蝦湯🦐個湯真係好濃郁濃而不油膩，牛肩胛，牛味濃好大片😋🥟冲繩青芥末餃子 48wasabi有料到😆慢慢攻上鼻👃勁到呢🤧原來點餐紙有些飲品係冇印出來，有幾款要睇牆上先知🤭點了日本果味梳打🍑桃味🍊橙味 每支$32整體哩度關於牛肉嘅拉麵都唔錯，店員又有禮貌👍

終於feel到秋天嘅感覺 係時候碗熱辣辣嘅拉麵 今次去到旺角食呢間主打和牛拉麵嘅阿久根和牛拉麵屋 🍜 牛肩胛肉雞白湯拉麵🐓 雞白湯鮮甜但又唔會太油 牛肩胛肉肉質較堅實 牛味濃郁 再追加一片慢煮A4和牛叉燒 和牛粉嫩入口即溶🐮牛小排濃蝦湯沾麵 個湯好濃 粗麵夠掛湯 可以將粉嫩牛小排放到熱騰騰嘅濃湯輕輕煮熟牛肉 油脂分布平均嘅牛小排吸埋蝦湯別有一番味道🦐 沖繩苦瓜餃子比較少見 有淡淡苦瓜回甘味 一咬就爆湯🥟 仲有個沖繩青芥末餃子聽落都幾特別 下次再試下！

又系comfort food系列，每次食拉麵都覺得系pamper緊自己個胃，熱暖嘅湯頭加上飽腹嘅麵身，特別系在秋涼時分🍂，呷一啖熱湯，真係身心舒暢☀️～今次再訪阿久根和牛拉麵屋，日式裝潢未變，平日夜晚7時已經滿座，為咗一碗靚麵，排隊系值得嘅～▶️牛小排濃蝦湯沾麵🍜($138)濃蝦湯真係名副其實，啖啖無敵香濃，麵條本身Q彈有咬口。同雞白湯相比，濃蝦湯嘅湯頭濃稠許多，所以每條麵條都超掛湯，可以感覺湯頭與麵完美結合，啖啖食到鮮蝦味。吃完沾麵後，可以請店員加入清湯，就變成可以飲用嘅蝦湯～除咗湯頭、麵條，不得不提系安格斯慢煮牛小排，見到廚房內系將慢煮後嘅牛小排炙燒，上枱時片片呈鮮嫩嘅粉色，入口嫩滑，食到舔舔脷～▶️牛肩胛肉雞白湯拉麵🍜($98)雞白湯濃郁creamy得嚟又吾會肥膩，牛肩胛肉燒得恰到好處，鮮嫩吾韌，牛味濃郁。拉麵爽口彈牙，QQ有嚼勁，一啖入口sir sir聲。▶️沖繩青芥末餃子/苦瓜餃子🥟($48/4件)大愛苦瓜餃子，食得出苦瓜嘅回甘，好有特色嘅小食！現在預先在openrice可以買八折券，更加抵食！👍🏻

好耐無食過拉麵，今次同老婆去開旺角行街，搵到呢間好似幾高質嘅入去試吓招牌三色拉麵(慢煮A4和牛、雞肉、燒豚肉)，先試一試個湯底，非常濃郁又有蝦嘅鮮味，麵條軟硬適中夠彈牙～隻糖心蛋好香蛋味，正！雞肉非常嫩滑，而豚肉係五花腩，肥瘦分明，好好味！A4和牛更加係正到不得了，唔單止有牛味，油脂分佈恰到好處，喺個口到慢慢溶化，有齊三種肉，真係大滿足！😋慢煮安格斯牛小排濃蝦湯沾麵，先用麵條浸落去濃濃嘅醬汁，大啖大啖咁食，比我既拉麵湯底有更濃郁既蝦味，刺激住口腔內每一個味蕾，慢煮既牛小排，除左牛味十足，口感亦都好鬆軟，好味！👍🏻炙燒豚肉，額外加多三塊豚肉，塊塊都燒得好香，唔錯！👏🏻枝裝可樂，唔係度度都有，飲落去感覺總係好味過罐裝 🙊非常滿足，下次想試下佢既黑蒜湯底，應該都唔錯 👀

人均$100 柔軟滿煮🐮牛小排肉香十足，濃郁蝦湯沾麵/拉麵🦐平日食開都係叉燒/雞拉麵，難得見到慢煮牛拉麵！🐮慢煮安格斯牛小排·蝦濃湯沾麵$138慢煮牛小排脂肪分佈均勻，食落柔軟肉質再加上香濃嘅牛味，真心好jeng👍🏻👍🏻蝦濃湯用熱石碗裝著，上枱依舊滾熱🔥🦐香煎虎蝦拉麵$98半個碗咁大嘅虎蝦，肉質爽彈🔥蝦肉+蝦濃湯嘅搭配簡直係鮮上加鮮😍好味！🎋佢地嘅筍好好食，大塊爽脆有口感！阿久根和牛拉麵屋 (旺角)旺角廣華街13號廣輝大廈地下1號舖

雖然而家日本開放左，不過都未知幾時有假去，食碗拉麵過癮下頂住旅行癮先！呢間阿久根和牛拉麵屋除了有豚肉同埋一般雞肉主菜之外，仲係主打和牛拉麵🍜，款式又夠多，可以揀牛肩胛肉、安格斯牛小排、仲有慢煮A4和牛叉燒。拉麵未嚟之前可以食小食先，呢款沖繩青芥末餃子🥟皮脆肉嫩，食起嚟爆汁之外仲可以feel到Wasabi喺嘴裏便迴盪，原來都好夾👍我就揀咗燒牛肩胛肉濃蝦湯拉麵加配慢煮A4和牛叉燒，A4和牛好抵食，40幾蚊就食到啦！一塊咁多啦！但係都好大塊嘅，粉紅色嘅牛肉軟綿綿嘅口感，真係不得之了！主菜牛肩胛肉都燒得剛剛好，有濃厚的肉味同火香，啲肉汁一直流緊，好正囉！個龍蝦湯底都好鬼濃郁，對付呢啲咁濃郁嘅湯底我鍾意一啖湯一啖面咁食😋一於消滅佢😂老公就揀咗沾麵，叫咗慢煮安格斯牛小排龍蝦湯沾麵，沾麵麵身特厚，食起嚟特別有質感，沾麵湯底砂鍋上，勁有熔岩feel！仲可以運用熱力瞬間將湯底掛滿沾麵上，所以沾麵食起嚟除咗保持到彈性之外，仲可以同時品嚐到特濃嘅龍蝦湯底，一絕！牛小排經過慢煮之後，仲可以保持到肉質係粉紅色嘅之外，軟綿綿嘅口感都唔講得少，拍得住和牛潻bor😍估唔到百幾蚊就可以食到一碗咁高質素嘅沾麵真係真心抵！