阿一豬扒酸辣米綫

营业中

休息中

今次介紹嘅係一間只係港島區有分店嘅米線舖，感受到店主好用心咁整好每一碗米線😋第一次去食梗係要試下招牌豬扒米線，無論主菜定配菜都好好味，係好滿足嘅一餐！🤩🍜 $46 1️⃣ 阿一豬扒酸辣米線碗米線好足料，有三大舊豬扒，豬扒軟硬適中，厚實多汁，唔會有陣雪藏味😋😋米線麵質粗身，略嫌比較碎，同想像有啲出入🥲🥲湯底都尚算出色，幾開胃，唔係好食得辣嘅我叫咗小辣，辣度岩岩好唔會食得辛苦👍🏻👉🏻 𝑹𝒂𝒕𝒊𝒏𝒈 : 𝟕.𝟓/𝟏𝟎2️⃣ 酥炸雲吞雲吞新鮮炸起脆卜卜，要讚下冇油膉味👍🏻👉🏻 𝑹𝒂𝒕𝒊𝒏𝒈 : 𝟕/𝟏𝟎————————————————————𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 🤤: 𝟕.𝟓/𝟏𝟎💸: 𝟵/𝟏𝟎𝑹𝒆𝒗𝒊𝒔𝒊𝒕: 𝟴.𝟱/𝟏𝟎📍Address📍阿一豬扒酸辣米綫🐷北角七姊妹道3號筲箕灣筲箕灣東大街30號地下西環西營盤皇后大道西248號地舖西環卑路乍街7-11號海都樓地下C1號舖柴灣小西灣道18號富景商場地下47號舖粉嶺聯和墟和豐街59B號地舖

好耐冇食過米線，即刻搵吓附近有冇米線餐廳（其實都係兩個禮拜冇食😂😂）搵到呢一間之前見到有其他傳媒介紹過就試吓啦入到去坐低 除咗有招牌豬扒之外 仲有好多唔同嘅餸選擇不過既然未試過依家餐廳 當然要試吓佢個招牌豬扒先啦🤣叫咗個有一份小食嘅餐下午茶嘅時候加$3多杯嘢飲小食有拍青瓜 木耳 海蜇等等選擇今次試個香麻海蜇先除咗海蜇之外 原來仲有酸菜同花生撈埋一齊不過同想像中嘅味道有出入以為香麻係等如麻辣香因為佢冇咩辣味 所以我就諗佢嘅香麻係麻油香味🤣過多一陣個豬扒米線就到啦有4塊炸香嘅豬扒 雖然係炸嘅但都仲有保持肉汁 唔會太乾太靭米線就比較粗 唔係我哋食開嗰種幼身小小嘅米線口感係比較爽 一咬就斷果種 唔係帶煙韌食完晒之後先醒起 原來唔記得幫碗米線影相下次有機會嘅話就補返啦🤣🤣

最近好鍾意食米線，尤其係酸辣🫢聽過好多朋友大力推介呢間豬扒米線，早排過海睇醫生就順便試下佢~.📍阿一豬扒酸辣米線.🥢豬扒韮菜餃酸辣米線 ($49) - 豬扒貴為鎮店名物就一定要試試佢😂份量夠哂多，仲好細心咁剪到一塊塊容易食~味道醃得啱啱好😋韮菜餃大大粒好正~今次我叫左小辣都唔算好辣，食得辣可以試下中辣~🥢豬扒墨魚鬚米線 ($49) - 老公唔食辣就叫左個清湯，墨魚鬚爽脆👍🏻清湯唔油膩，湯底都清甜，配埋葱粒都幾香嫁~

午餐時一個人去門口等位，後面特然有一男一女就衝入去，西亞姐就叫佢等陣，咁我先來，我照做安心出行，有位準備行入去，亞姐好L惡話執埋枱先，我等佢執完入去坐底，佢就係咁問係咪佢2個先，我話我响出面等先，佢又話佢2個先，叫我起身，我話明明我排先，佢哋衝入嚟又當佢先，我起身走，佢就叫嗰2個人入去，我話你咁樣都有，呢個亞姐，無禮貌，永遠都唔會去食，又惡又無禮貌，食個午餐都要受氣

好食到食完第二日又去食過。以前淨係識去源記飲桑寄生蓮子蛋茶，無意中發現咗阿一豬扒米線，第一日食完，好啱自己口味，好難得仲有呢種炸豬扒，無沾厚粉，豬扒亦唔會薄切切，配埋個酸酸辣辣米線，好惹味，好滋味，套餐揀咗炸雲吞，乾爽唔油淋淋，咬落脆仆仆，嗦嗦聲，落單後先炸嘅，套餐好抵食，一碗粉仲有小食，份量好多好夠，店舖又乾淨，當日四點幾食，店內唔多人，同佢哋傾下計，順便問下附近有咩好嘢食，交流下，可惜只有港島區有店舖，如果九龍新界又有就好啦。

之前介紹咗咁多高質精緻餐廳✨今日想介紹返下平日食開嘅貼地餐廳🤣平時Lunch hour 想快靚正解決🏃🏻‍♀️呢一間米線舖一定係首選！出餐快得來 味道都唔錯😋仲有好多餸菜同埋面嘅種類揀份量亦好充足 男仔食都夠飽😚不過餐廳就比較細 坐落會好逼😵‍💫所以平時午餐時間都好多人排隊買外賣㗎🏃🏻‍♀️🌶麻辣爽撈嘢🐖阿一真味豬扒公仔麵 ($53)呢間餐廳最出名就係佢哋嘅豬扒不過豬扒好唔好食真係要睇彩數有時就會比較薄同硬🥶不過大部份時間都非常鬆軟入味嘅👍🏻撈公仔麵亦都好惹味濃郁🤤🐓海蜇雞絲撈烏冬($48)海蜇雞絲份量俾得非常慷慨上面嘅酸菜亦都好多 食到最尾都唔會冇餸食😙雞絲唔會太鞋 配埋爽口嘅海蜇頭好有口感不過我哋叫BB辣都夠晒辣🥵唔食得辣嘅朋友要注意啦！可以叫返普通嘅湯麵😋

未買呢間嘢食之前，都知道呢間豬扒開左都有一段時間，我個人係第一次食因為今次我係買外賣拎走，所以賣相上感覺冇咁吸引，同埋我嗌咗小辣都覺得好辣~呢間嘅辣真係非同小可，可能呢個就係佢一直開咗咁耐嘅賣點

因為今日喺附近做嘢，所以上網search左一下附近有咩好嘢食，見到阿一豬扒米線，印象中曾經有聽朋友提及過，所以就上網search一下究竟有乜嘢食！見到有人推介豬扒米線，所以就決定一試！11:30到達，只有三四枱客，好彩唔使排隊！試完之後，果然冇失望，我叫小辣，對於我呢啲唔食得辣又鍾意食辣嘅人係啱啱好！有三塊豬扒，雖然係薄切，冇成塊面咁大，但係好入味，同埋一啲都唔鞋啊！對於唔係太大食嘅我，係啱啱好！**溫馨提示**記得帶現金，唔收八達通

突然間好想食酸辣米線, 行過見有間阿一豬扒酸辣米綫, 環境價錢都可以, 就入去食番碗先止下引先😋餐牌上有好多選擇, 有清湯底, 蕃茄湯底, 酸辣湯底, 麻辣湯底 (辣味湯底仲可以選擇辣度添🌶️🌶️) 麵都有米線, 烏冬, 油麵, 紅薯粉, 公仔麵而餸料都有好多選擇同配撘, 有選擇困難症既我, 就叫左個阿一豬扒大滿貫酸辣米線😋嘩嘩嘩嘩😱 超夠料, 除左有塊好香好腍既阿一豬扒, 仲有鮑片, 豬手, 魚片頭, 雜菌, 肥牛, 墨魚鬚.. .. 真係超級豐富! 米線比平時食既粗身, 好有口感, 好好食!

米線控NANA終於上線啦😽！之前一早就講咗NANA係名副其實嘅米線愛好者🍜今次帶大家食嘅係阿一豬扒酸辣米線 係港島bb既專利（因為只有港島才有分店🥲）-極力套餐：阿一真味豬扒酸辣米線配麻香海蜇 $51 （飲品+$9）係阿一梗係要食佢嘅著名阿一豬扒酸辣米線啦！一上枱已經有撲鼻嘅豬扒香 成碗睇落好紅好辣 NANA就叫做中辣 但其實不是很辣 （我諗相等於譚仔嘅五小辣）首先講吓佢個米線麵質 實不相瞞並唔係唔係我杯茶 因為佢米線偏粗偏碎 食落廉價感高 似係茶餐廳叫嘅非專業米線🥸佢個湯底都尚算出色 有麻有香 足夠嘅酸味！但就都幾油！而豬扒鬆軟入味 係會令人食完一舊有一舊嘅豬扒 但都係果句食完就會成口油 都算heavy架🧐-麻香海蜇酸酸地好開胃 成碟睇落好多 但其實個底全部都係酸菜🤣都明嘅海蜇比較成本高 如果兩個人食就會有唔太夠喉既情況哈哈！-阿一真味豬扒雞翼麻辣米線 $49其實同就咁嘅豬扒米線大同小異 只不過係多咗一樣餸：雞翼✨佢個雞翼係同豬扒既顏色外貌差唔多 都係有炸過的 但雞翼SIZE偏小 好瘦削唔夠肉 相比起豬扒啖啖肉口感有別🤔推薦指數不高！而麻辣湯底只係走酸 反而仲少左香味 所以NANA建

麻辣肥牛米線配生菜等待時間約15 分鐘, 比連鎖米線集團快.連鎖店隨時要等30分鐘以上.麻辣米線味道都不錯, 可以揀辣度, 不過分量比較少. 不過配的生菜不衛生, 有烏蠅, 令整體評分下降.

今日第一次食西營盆嘅*阿一豬扒酸辣米線*(港島區總共有四間分店，及國內澳門九間分店），當然先試試佢哋嘅招牌豬扒酸辣米線。我在非繁忙時段幫襯，服務友善有禮。叫咗中辣小酸，佢哋嘅中辣應該係譚仔Level嘅小小辣。豬扒拖個油，調味正常，肉質偏實，所以我只係食邊位較鬆軟嘅位置。最欣賞係佢哋嘅花生有炒過/焗過，好香口。更抵讚佢哋加左芹菜，更有特色。但佢嘅米線質素奇差，發脹到挽起我公仔麵煮到過軟過淋嘅恐怖回憶。如果有下次，我會轉試佢嘅其他粉面，例如烏冬、水晶粉、薯粉 etc　全程播好老土嘅八九十年代流行曲，都幾難頂。

服務態度超級差😑有個阿姨嘅職員仲會鬧人添😱對啲客唔好☹️同埋座位擠迫😔食得好唔舒服，一個黐住一個咁坐，食完好快就收碟😓好似想趕人走咁😡尤其中午又唔係特別好食👎🏻而且係服務差，唔值得幫襯！佢嘅蕃茄米線其實只不過係蕃茄醬鋪喺面，冇咩特別，又唔係特別好食，唔係好掂😑同埋有時啲粉都煮唔熟👎🏻黐埋一舊好難食😓啲炸雞翼太燶☹️好唔掂😒不過最令人印象差嘅都係佢嘅服務態度😠以後都唔會再幫襯😤

今日食嘢唔小心漏咗個保溫壺係舖頭。打返去問阿姐一聽電話態度已經其差。我因為住新界好遠，問可唔可以過兩日嚟拎。佢一句得埋嚟話要今日拎返，我哋唔keep嘢。我係唔岩唔小心。不過其實留一個水壺一兩日有幾阻地方，同埋態度使唔使差到咁。我本來影低咗諗住下次嚟食，不過幾好食都唔會再返嚟食。

本身同朋友趁疫情好轉有當食時，去試下食好西啦。夏天又熱又濕，想食d酸辣開胃既。其實米線係好好既選擇。公道講，米線硬度適中，我叫既阿一真味豬扒米線，豬扒夠味，煎得外脆內嫩。而且份量幾好，夠大塊。但湯底好平平無奇，同其他既小鍋米線差不多，食5到有咩特色。只可以話價錢合理，大眾價。但我朋友食米線食到附送膠帶又真係離譜左。疫情期間，衛生意識理應有所提高。但甘都可以有加料米線，可見呢間店好極有限。有圖有真相，希望店家有所改善。但我就真係無興趣再食