阿一豬扒酸辣米綫

营业中

休息中

阿一豬扒酸辣米線由朋友口中聽說過10分多次，舖頭位於北角地鐵站附近，所以一出地鐵站口就可以到達，相當方便。今次我就冇選擇大家平時最鍾意食嘅酸辣米線啦反而就選擇左呢個蚵仔肉碎泡飯，因為想食得比較清淡啲。泡飯熱辣辣食到出汗但係味道相當好食湯底唔會太濃。另外我哋叫咗一碟麻辣手撕雞，絕對係一個比較鍾意食川菜嘅人嘅口味。雞絲唔會話好粗唔會好難咬，絕對係容易入口。雞肉比較嫩，冇雪藏未。辣都係比較適中，絕對係適合大部份人。

以前覺得豬扒好食，會專門坐車過來吃，今天本來專門過來吃，發覺品質差了很多，豬扒十分之硬，豪不鬆軟，像紙皮一樣，雖然服務態度很好，也算乾淨衛生一但食品質素羞，不會再幫襯。

好少寫食評，唔係間餐廳個收銀呀姐咁衰，叫外賣食足一肚火一肚氣，都唔會令我有動力寫出來！中午十二點前已經經外賣平台叫定中午外賣，一點去到，收銀阿姐聲大夾惡話收唔到單，因為部機無電，叫我自己搵返外賣平台退錢，佢唔會俾食物我，話係平台做我生意，唔關佢事！態度極差！一句道歉都無！有個呀叔見到我同收銀呀姐講左咁耐，先話俾返個外賣我。個收銀呀姐搞唔掂又唔問老細，剩係趕客倒米！！！之後打去投訴佢，問佢叫咩名，佢話自己叫收銀呀姐，仲cut我線。呢間餐廳本來係我哋北角人飯堂，但請著個咁嘅橫蠻無理收銀呀姐，簡直係倒米。如果阿一豬扒個老闆見到呢個寫評，我強烈建議你炒咗呢個倒米收銀阿姐。不過經過今次，我同我同事唔會再幫襯你！

自從朋友送左一樽《 同一盞》麻辣醬俾我之後  我就不禁愛上了它 每次朋友叫夾單 我都忍吾住 買幾樽返屋企 因為佢既麻辣醬 主要係香麻而不太辣 但原來《同一盞》麻辣醬係阿一豬扒酸辣米線推出 我竟然而家先知🤣 趁住今日放假 我決定親自去北角買麻辣醬 順便食埋碗米線先返屋企🤗 我平時就好少食酸辣米線 因為我好怕太酸嘅食物😬 阿一豬扒酸辣米線咁出名 難得嚟到點可以唔食返碗呢 🥳。阿一真味豬扒酸辣米線 (HK $42)呢間餐廳最出名就係豬扒酸辣米線 豬扒炸到好香脆 肉質嫩滑 唔會乾爭爭 我個人比較怕酸又唔食得辣 所以點咗小酸小辣😚 除咗豬扒之外 配料仲有花生 酸菜 蔥花🤗 湯底酸酸辣辣原來都幾開胃🤤 可能係豬扒關係啦 令湯底比較油膩😎 間唔中食下都ok嘅😏。阿一真味豬扒麻酸辣撈水晶粉 (HK $47)平時都係食開撈檬 撈水晶粉都係第一次試 份量和配料其實同湯米線差唔多 而水晶粉口感較為煙韌 成碗粉係冇汁架 單靠碗入面既餸菜去調味 未必足夠 所以要加入佢跟黎果碗湯 但湯底偏鹹 記得唔好加太多😅。總括而言 我都係覺得佢嘅麻辣醬 比起餐牌上嘅粉麵更為出色🤣。食物:6/10價錢:5/10環境:6/10。

今日外賣左招牌豬扒返屋企食之前食過筲箕灣間分店覺得幾好味... 所以諗住其他分店都會差唔多點知返到屋企打開個蓋之後就呆咗啲豬扒睇落又黑又乾... 好似overcooked佢仲要好薄，薄到好似牛肉乾咁個賣相已經極度唔吸引$52有5片... 正常豬扒嘅一半大細食落口好鞋... 一d肉汁都冇仲有哽胃嘅感覺味道係死鹹味，食完要飲好多水同埋個鹹味仲會留係個口到好耐覺得一d都唔抵，又好難食...真係好失望一定一定一定唔會再食呢一間重要野要講3次

其實香港真係好多品牌米線店，不過食過咁多間，最鐘情都係D間因為疫情，所以都好耐無食，以前食開都係筲箕灣那間，不過那間店實在太擠迫，所以經過北角就咩都唔諗就去食第一次去北角店，店舖大好多食得舒服又安❤️因為無咩留意下午茶，雖然還有幾分鐘就開始下午茶時間，但我已豪不留意，點餐了😂ps: 下午茶真超抵2：30-6：00 ，點選某些粉麵奉上紅豆冰或熱飲，（凍飲加3蚊）因為一個人，所以只選了例牌，就係阿一真味酸辣🐽扒米線（小辣）真心，本人真係唔太喜歡食🐽扒，因為通常都麻麻地但這店整既豬扒，真係食完再想食第一，唔會好dry第二，唔會好硬第三，味道醃得入味而且D米線同普通米線店唔同，這店比較粗，而且好夠淋，淋得嚟又有Q彈食開米線應該明白咩質感😂湯底更唔洗講，每次食都想飲晒成碗湯😋😋😋超級推介，而且咁多年還保持水準👍👍👍

今年下半年開始，鴨腿湯飯越食越難食，以前有干瑤柱，璋魚，做嘅湯底都幾好味，有用鴨腿，早幾個月就開始用雞胸，瑤柱又唔知用左邊種劣貨，已經差左，基於疫情，節省成本無可口非，我也勉強接受，今天再試，除咗眉豆同花生，已經冇乜嘢，最慘係唔知咩事，湯底酸嘅，再加上又係雞胸，搭條雞頸，咁叫鴨腿湯飯？真係唔明，搭條雞頸落去做乜，不如留返去淆湯底好過，希望疫情過後，佢地會做返好啲，如果仲係諗住咁樣質素可過骨，就真係天真，而家疫情選擇唔多咋

今日行下行下,唸緊食乜之際就行到阿一豬扒米線門口,以前我歡喜幫襯佢,因為貪佢啲豬扒夠大塊又好好食.,但係因為而家食素既關係,要同豬扒暫時分手.原來係餐牌上都有少少素食人士可以選擇 (雖然可以選既ITEM唔係好多)但係都仍然有可以點既ITEM今日我就揀左呢碗菇既米線,而且仲送左個拍青瓜-->雖然唔係話好好食,但係因為免費唔可以太多要求咁當然同豬扒個味道當然無法比, 但係都唔差架.呢個價錢黎講都非常大碗. 所以食完都已經好飽.,

今日經過北角，發現好耐都冇食過呢間阿一米線啦，所以就入嚟食咗一碗蓮藕魚餅酸辣米線，魚餅份量多，蓮藕好爽口，米線口感剛剛好，同其他米線不同之處，就係會有酸菜、花生。辣度可以根據個人喜好。

應該幾年前有幫襯過，記得個招牌豬扒酸辣米線同埋豬手好好食。頭先咁啱經過諗住再去幫襯，簡直面目全非！豬扒又乾又硬，個酸辣嘅味道已經唔同咗。個侍應話個米線可以送熱飲，我問菜蜜係咪都得，佢答係。點知原來買單嗰陣佢都要加$9！加都算，係咪應該講一聲？咁樣係詐騙！個餐牌亦都冇寫到！收銀（估計係老闆娘）態度又唔好，黑口黑面又晦氣！雖然餐廳仍然見到有好多食客，但我就真係一定唔會再幫襯！即係浪費自己嘅quota，又曬錢！

-阿一豬扒酸辣米缐·豬扒份量足夠（2-3件）好入味👍🏻好香😍好好味·酸辣可以揀幾辣😋酸菜好好食，配麵冇得頂🥳·一碗嘅份量好足好飽好抵食·服務態度都唔錯👍🏻上麵嘅速度都算快（午市）值得一試👏🏻👍🏻😋

今日去左北角搵朋友，甘耐無去果頭，所以叫朋友帶左我去食好西。貴為全店既招牌豬扒，果然無令我失望。首先米線大大碗，完全係一個成年男人既份量。真味豬扒足足有3大塊，比坊間茶餐廳食到既豬扒都要厚一半，豬扒整得非常入味，配上麻辣湯底簡直係一絕。黎碗麵一上枱，我同朋友都打左個凸，相比之下無論份量或者配料都比較小，最大既問題係已經係撈粉，但撥開個底完全冇汁，只靠上面既手撕雞黎吊味完全唔足夠，食到最尾差唔多淨1/3既粉既時候已經無餸，唯有用佢果碗好咸既湯黎送粉，有d失色。

冇嘅呢度要我湊夠200 粒字，我一陣附加個圖就知道。事關咁嘅咁米線加辣入邊啲料有時睇唔清楚直接食到最後先會發覺有撩交咗比我。原本我都唔想寫但係佢哋去到我屋企派傳單我又覺得太搞笑所以就.....希望你哋明白環境衛生一流簡直冇得頂。啲食物好快到叫咗5分鐘就到。有時啲筷子好似用咗好耐啲枱櫈粒粒地，可能個侍應仲插咗隻手指入去你兜麵度。嗰個料都幾趣卜卜嘅。好彩嗰隻小強都係細細地如果唔係成隻腳指公咁大都幾好。多謝你哋

因為六點前要清場，所以放工同朋友近近地去咗北角食阿一豬扒。以前平日多數返屋企食，今日最後一日可以堂食，食完呢餐下次唔知幾時再有得食。講返阿一豬扒酸辣米綫，位置近北角港鐵站，可以話一出站就到，位置非常便利。平時未有疫症前，係好多人食，今日入到去得返小貓三四隻，差啲店員多個食客，可見生意難做。店舖著重食物質素，裝潢擺設可以講係一般般。我同朋友嗌左阿一真味豬扒西辣上海麵、酸菜粒肉燥豬扒飯，由於下午茶時段仲有嘢飲送。豬扒香脆可口係佢嘅特色食物主打食物。至於酸菜粒肉燥豬扒飯，雖然賣相不佳，但味道好OK。配合酸菜嘅味道，確實是一款開胃的食物。最後買單$96一啲都唔貴，又係一間高CP值的食店，總括而言可以再食。👸🏻🤴🏻評價：7/10

中午1點，去到餐廳嗌豬扒薯粉外賣自取，等外賣等到13:40，lunch hour都完，不停叫服務員check 單，後面的單不停拎走，收銀阿姐唔嗌退錢都唔得行入去check,奉勸各位千奇唔好係北角店嗌外賣