阿一豬扒酸辣米綫

营业中

休息中

呢度最出名既係豬扒酸米線, 不過今日想食清淡少少所以就冇叫到豬扒😅古法手撕雞麻酸辣米線🐓($42)今次揀左微辣, 因為唔知佢辣既程度係點所以叫左個最輕量既辣試下先🤭 雞肉係好嫩唔肥有鹽焗雞既味道, 米線勁爽身係我鍾意既質感, 湯底就係偏麻帶少少既辣, 幾惹味😚 除左米線之外仲有泡飯可以選擇, 同埋佢既分店大部分都係港島, 所以鍾意食米線既朋友黎開港島可以試下😎

又來食呢間豬扒米線，真係食第三次都係咁好食！今次食咗小食同埋加咗餸，再介紹俾大家，真係抵食又好食🤩🤩🤩🍴阿一真味豬扒蠔仔麻酸辣米線 $43 +$7 中辣 (10/10)上次食小辣唔辣，今次食中辣剛剛好！米線份量都好多，表面有葱、花生、自製酸辣菜。湯底酸辣帶有少少麻辣，酸辣係來自佢嘅酸菜，辣度啱啱好，唔會辣到胃痛又有刺激感，唔太鹹，酸菜爽口又好食，加埋花生配料，口感好豐富。米線比較粗，好滑，唔會煮得太淋，啱啱好，感覺浸幾耐湯都唔會淋。由於叫咗蠔仔兩個餸所以豬扒比起正常少左一舊，蠔仔加$7，真係抵到爆炸，有成八粒，每精話都勁大粒勁飽滿，一啲都唔腥有蠔仔味！一定一定要加蠔仔嚟食！豬扒有兩大舊，豬扒有炸香過，有油香好香口，淋身得來爽口，仲要少醃味冇拿口，真心超好食！$43咁足料咁大碗，仲要超級飽，好高CP值！食完冇口乾亦都唔覺得太鹹！🍴 麻辣手撕雞 $44 (9/10)手撕雞嘅份量正常，都有10舊嘅，有超級多嘅酸菜，花生，蔥花，再加埋酸酸地嘅麻辣醬，酸菜好爽口又夠醒，麻辣得來又大少少麻，唔會太辣，手撕雞係雞胸肉嚟嘅，唔會太鞋口，真心用嚟撈米線食好正！真心好食，下次會想食牛肉🤣🍴凍檸茶少冰走甜

食物：阿一豬扒+蠔仔米線(蕃茄湯)56$首先要讚他們的外賣，快速、穩陣、一碗都送，辛苦外賣員了招牌菜是豬扒，瘦肉偏多，味道不錯，另一款蔥油會較好蠔仔要加十蚊，尾指頭大小、略腥，7-8粒左右，份量合理，可以不加蕃茄湯加三蚊，是蕃茄薯仔湯，個人覺得比清湯和麻酸辣出色，但也只是平平水準米線有分湯，但過淋，可能是他們的特色，叫了爽米線都是這個質量，比意大利粉粗一點點，他們的白飯也是水份偏多，較軟，個人來說不喜歡

我叫雞c米線變左超級雞皮米線成碗都係，食到我燥，之前都吾係禁。離哂大普。明明之前我成日食。麻煩改善下。。。。。。。。。。。。。。。。。。。。。。。。。。。。。。

呢間豬扒米線好出名，好似都有聽過呢個名！見到佢嘅分店集中喺港島地區，咁好食嘅豬扒米線竟然九龍區冇真係好傷心呀！食咗一次就即刻愛上🤤(好食過臻味豬扒🍴阿一真味豬扒麻酸辣米線 $43 小辣 (10/10)因為第一次食驚太辣，所以都係叫小辣！豬扒大大塊，好足料，米線份量都好多，表面有少量葱、花生、自製酸辣菜。湯底酸辣帶有輕微麻辣，酸辣係來自佢嘅酸菜，辣度啱啱好，唔會辣到胃痛又有刺激感(同譚仔酸辣差唔多辣度)，唔太鹹，酸菜爽口又好食，加埋花生配料，口感好豐富。米線比較粗，唔會煮得太淋，啱啱好。最出名嘅豬扒好大塊，有三大舊，豬扒有炸香過，有油香好香口，淋身得來爽口，仲要冇醃味冇拿口，真心超好食！$43咁足料咁大碗，仲要超級飽，好高CP值！食完冇口乾亦都唔覺得太鹹！🍴凍檸茶少冰走甜 +$9 (7/10)正常凍檸茶，欣賞真係少冰，茶味夠濃！推薦指數: 10/10阿一豬扒酸辣米綫正式打敗觀塘臻味豬扒米線，成為暫時覺得世一嘅豬扒米線，好好食！真心推薦比鍾意食豬扒米線嘅你哋！

今日去北角一間酒店staycation 所以夜晚我地去左買兩間外賣 台灣野同米線 兩間嘅距離都唔遠 十分鐘內步程✨阿一真味豬扒麻酸辣米線 $44叫左小辣覺得啱啱好 佢真係有麻有酸味 湯底唔錯 少少油 豬排有3 舊份量都唔少 豬排有啲豉油味 唔鞋 都ok 不過米線就好一般🙈🙈🙈 好粗 一啲都唔煙韌 仲碎晒好難夾🤦‍♀️🤦‍♀️ 不過呢個價錢黎講覺得已經好唔錯味道❤️❤️❤️💔抵食❤️❤️❤️❤️服務 (外賣）環境 (外賣）💰晚餐人均～$20 (+其他外賣）

每一次食完都唔夠喉嘅餐廳，隔一排又會好想食😆▫️阿一豬扒麻辣米線▫️韭菜湯餃叫咗兩碗都係一樣嘅米線，因為佢實在太好食😛豬扒好入味，米線嘅湯底嘅辣度適中，食得好過癮🙆🏻‍♀️但係要注意個湯底應該都有味精成份，食完都需要飲多啲水。不過間唔中食一次，當獎勵吓自己啦😆至於碗韭菜湯餃嘅餡好足料，而且一碗大約有八隻，又有幾條菜，好抵食👍🏼另外，外賣嘅時候會係湯另上，咁就唔怕返屋企啲米線會索晒水😆

隔了幾星期，又掛住這間豬扒米線。已經光顧了幾年，覺得味道無走樣，時不時又會想起，要搭地鐵過來吃一碗。反正地點方便，店舖對面就是地鐵站入口。今次星期六，下午二時二十五分到，可以等到下午茶啦。米線在下午茶時間送飲品，可節省$9😆呢間米線，下午茶又好，正餐時間也好，碗米線和豬扒份量都是一樣的，幾公道😁我們二人吃，要了一碗肉燥豬扒飯，一碗豬扒米線。肉燥飯和米線都分別有四片中型豬扒，喜歡多餸的我們，看到都十分高興😄肉燥飯好味，適合不吃辣的人吃，米線少許麻辣，我覺得味道剛好，過一排不吃，又會記掛著的味道。總的來說，好味。還是會再來。

阿一豬扒米線今次叫咗阿一真味豬扒酸辣米線，小辣，豬扒米線辣嘅程度同譚仔四小辣差唔多，但係口味偏麻，係香港比較少米線鋪咁做，但係食得過癮。豬扒直接放喺個湯度，冇另上，即使咁仍然都入味同脆；睇返上網係中央工場所以應該醃得夠耐，而且炸得夠重火候亦都夠脆口，菜脯連住一齊上唔會好似依家坊間舖頭咁分開放係枱俾你加；直接放係湯好似更加衛生。米線都夠滑口而且煮得剛好唔容易斷。可惜凍檸茶超甜味道奇奇怪怪；而環境就一般，座位極之殘舊，而且燈光唔夠猛。但堅係平米線42蚊加凍飲要九蚊連埋51蚊。

辣住嗌 嗌住食 唔停口 蠔仔麻酸辣紅薯粉🥵本身想開胃啲，嗌個酸辣（少辣）紅薯粉，佢酸辣變咗麻辣俾我。唔知係佢重手左，定係我真係唔係好食得辣，少少酸辣變咗勁麻辣，好像有碗湯沖下佢，辣到降低左，雖然對於我來講都仲係好辣，紅薯粉滑嘟嘟忍唔住照食唔停口。#酸辣變麻辣🥵㊙️水吧重俾左杯懸浮紅豆冰，紅豆浮呀浮薦度（10👍🏻滿）：7.5👍🏻衞生（10⭐️滿）：8⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：7⭐️地點（10⭐️滿）：8⭐️

難得去到北角，咁staycation第二日係北角，之後搵吓有咩好嘢食，就搵到呢一間馳名嘅酸辣豬扒米線🍜😻😻😻既然咁難得嚟到當然要試吓啦😽環境：偏細狹窄，而且人多要搭枱，比較要快食快走😮酸辣豬扒麵：人哋叫米線但我麻麻哋米線，所以轉左面，先講個豬扒一個豬扒揸得啱啱好唔係用粉漿嗰隻，同埋醃得好入味🤩之後到個面，個酸辣湯底我揀咗小辣，酸味同辣味都啱啱好，仲有個面軟硬適中，有咬感，好好食😋價錢：符合性價比🥳

阿一豬扒酸辣米線在北角⋄ 豬扒麻酸辣米線 $42✍︎ 相信是港島人都不意外的米線鋪～ 最近吃到發現真的蠻好吃的🤣🤣 喜歡麻酸辣湯底，同時吃到麻辣和酸辣兩種口味，滿足感直接升一級(⁰▿⁰) 雖然米線軟了點，但無論是招牌豬扒或配料酸菜都很好吃（酸菜正正正！），朋友常點的撈公仔麵麻辣度很足，但吃了幾口覺得太鹹了，我覺得湯米線還是比較好吃～這家還蠻適合愛吃辣和重口味的人( ՞ټ՞)✍︎ 4#852fatboy米線#852fatboy在北角

食米線既話 除左譚仔之外 我最愛就係呢間🤤🤤🤤 餐牌除左米線之外 亦有泡飯 燉湯等等 都幾多選擇架～ / 阿一真味豬扒米線 🌟$42🌟呢度既米線同出面有啲唔同 佢地既米線係粗身 食落好彈牙🤣 而豬扒亦有成三至四舊 每舊都好大塊同好厚 而且唔會話好硬 反而炸得好香脆 好入味同好juicy💦💦 另外亦有唔少既配菜 例如花生 蔥花 酸菜等等 同米線一齊食都好開胃😆 唯一係湯底有啲油 但真係好好味！🔻佢地有幾間分店 不過都係喺港島區🥲 而且店面亦唔算大 lunch hour去食都要排一陣隊～ 佢地既米線真係又平又正 希望遲啲九龍都會有分店🤣

好味指數：🌟🌟🌟抵食指數：🤑🤑🤑🤑喺北角做嘢晏晝想簡簡單單食個lunch，正苦惱緊食咩嘅時候就見到阿一豬扒米線，雖然間店叫呢個名但入到去睇到餐牌其實選擇幾多，除咗米線仲有泡飯同燉湯套餐✅手撕雞上海麵：手撕雞正正常常，唔算嫩但係都叫易入口，而我自己比較鍾意食粗啲嘅面所以就叫咗上海麵，味道係幾正宗，而雖然係叫清湯底但係都夠味，湯底有陣鹹香味，整體來講不過不失，以呢個價錢嚟講算係實惠，而且下午茶時段嚟食仲會送多杯紅豆冰添

本來就打算走遠一點那今天就到香港區吃午餐吧到了一家 2家 都滿座了所以還是下午茶時間吃飯比較舒適第3家因為距離落場時間還有45分鐘在下不喜歡這種時間束縛最後選到第4間看來客人滿滿的但幸好還有位置讓一條友進去吃個飽..其實也不只是一條友明明眼見店裡滿滿的客人但門外還不斷湧入的客人..是有隱藏位置嗎？還是都去了第2但時空呃..今天7月14是也..所以在下還是乖乖吃我的麵好了 😶菜單選擇好多..在下好像看了好久？直到店員忍不住來問在下吃什麼於是在下指著前面說“跟他一樣”再加分水母.....而事實上眼前有白色的隔離板在下只知前面有人而不知道那客人在吃什麼這樣比較有驚喜？反正在下幾乎不挑食 😆阿一真味豬扒酸辣米線 $42飲料是熱柚子茶 +$9豬扒厚厚的在下比較喜歡薄薄的因為這個好像咬得有點吃力還有3件那麼多米線是粗身的 配上辣湯真是100%的最佳組合就是要跟米線一起才好吃湯也多按照在下一口湯一口麵的吃法到最後還有湯剩不容易的耶麵的配料不多看似有點空虛但其實足夠有餘小食麻香海哲 $38吃完才看到有水母跟手撕雞Max..😑算了今天就不吃雞 放你一馬吧..水母也是超大一碟的這價錢來說真的低食只是好像他