阿一豬扒酸辣米綫

营业中

休息中

作為米線控吃米線已成為生活的一部份這次到了港島本身是為了吃最近人氣甚高的貴緣小窩米線但得悉等候時間很長後立即在附近找了一間也有點名氣的米線店這間米線店在幾年前都吃過印象不俗這次有過來吃嘗嘗✩‧₊阿一豬扒酸辣米線加豬肚走麻走青豬扒米線是餐廳的招牌但豬扒的質素和預期有些落差雖然雙拼有兩件份量也不少但沒有想像中鬆軟有點鞋身和觀塘另一間也是以豬扒米線馳名的質素相差頗遠豬肚爽口味道主要是依靠湯底不過不失米線份量偏多酸辣湯本身帶麻辣不吃辣但又不喜歡清湯的朋友記得要走麻喔另外值得一提的是感覺餐廳衛生情況不太理想餐桌上不時有很多小蒼蠅希望餐廳可以正視一下ᴏᴠᴇʀᴀʟʟ味道ᴛᴀsᴛᴇ:💕💕💕 𝟻.𝟻 / 𝟷𝟶 價錢ᴘʀɪᴄᴇ : ~$𝟼𝟶*☼*―――*☼*―――*☼*―――*☼*―――*☼*

呢間阿一豬扒米線我哋一家都支持咗好多年😂唔知同九龍嘅臻味豬扒係咪一樣🤔但我就喜歡阿一豬扒多啲啦！🔸 阿一豬扒雞翼酸辣米綫(💰58)🔸 阿一豬扒韭菜餃酸辣米綫(💰55)每碗都有好多大大粒嘅炸花生、蔥花、白蘿蔔。唔係太食得辣嘅人可以叫佢酸辣另上，又麻又酸真係好惹味！招牌真味豬扒有三大塊，好鬆軟，好juicy，好入味架！白蘿蔔亦煮得好淋，無乜渣，吸哂啲湯。套餐仲包冷熱飲品或者紅豆冰。性價比高🤗Overall評分: 8/10👍🏻

好耐都冇食酸辣紅薯粉🩷自從疫情開始，小左出街食飯，所以都好耐冇食酸辣粉，今日lunch經過見到，價錢吾貴，就入左去試下，味道都非常之好👍🏻主食：阿一豬扒魚片頭酸辣紅薯粉$53我叫左小辣，對我尼講就啱啱好，魚片頭爽口、豬扒有2大塊，好抵食😋，仲有酸菜、花生做配料，紅薯粉好滑身，配埋酸辣湯真係超級正，性價比極高🥰飲品：凍檸茶套餐跟一杯飲品或者紅豆冰，最重要係凍飲都吾洗加錢，叫左凍檸茶小甜小冰配酸辣粉，最好既配搭🫢

26-8-2023 (Sat)晚,同老公送完月餅俾姑媽後,佢竟然話要食嘢,由於我唔餓,就由佢話事,佢話想食湯粉麵嗰啲,我哋邊行邊搵,行入七姊妹道,見到呢間標榜食豬扒米線,佢就揀呢間.我哋入到去,剩返最入嗰張卡位,冷氣開得夠,舒服.睇完menu,老公就要$46.00嘅阿一真味豬扒麻酸辣紅薯粉少辣,加$9.00要凍檸樂.我就要$28.00嘅上湯蘿蔔菜.端上嚟,兩碗嘢都大大碗,我試啲豬扒,都好鬆軟同juicy,調味亦唔錯,係幾好食.而紅薯粉好彃,不過老公話如果係扭扭紅薯粉會吸引啲.而少辣都算幾辣,我要隔走啲湯至敢食,不過成碗嘢冇麻嘅口感.不過呢個份量係好多,豬扒有3件,老公話食極都食唔完咁.味道:4.67分而上湯蘿蔔菜呢?菜係唐生菜,白蘿蔔大大舊,冇乜渣,個湯清甜,幾好飲.而我最後只飲幾啖檸樂,都唔覺得口渴.味道:5分環境:係寬敞嘅,而我哋食完行出去時,發覺我哋坐嗰個位係最涼快.服務:落單嗰個男人冇乜點,但之後右單,個短頭髮女店員態度就麻麻,有少少係掉張單同嘢食到枱上,好似睇唔起我哋叫咁少嘢食咁.

講左咁多集雲南米線，大家或者都知我的Preference係麻辣米線，而我唯一一間會食酸辣米線就係阿一豬扒。第一次食阿一豬扒反而係中環附近，那時我仲記得米線都未成為主流，所以當初食一刻味蕾的衝擊係好震憾。由於工作地點關係，所以知道係北角都係阿一豬扒的分店，就平均一個月都會食1至2次。阿一豬扒米綫有3大賣點，第1賣點一定係個湯底，佢的酸同辣味係好出得黎又唔會搶過大家的味道，酸菜同辣油的比例岩岩好，仲有無限配菜，唔知點解係其他地方係食唔到呢種的酸辣味。第2賣點係個豬扒，其實都餣得幾入味又唔算好鞋，雙拼餸的豬扒分量都有兩大塊，其實都真係抵食。而最後一個賣點就係分量夠大碗，豬扒有兩大塊不特至，隻碗Size都好大，米線分量都唔少，如果胃口細D的朋友都未必食得晒。我首推豬扒韮菜餃酸辣米線，因為韮菜餃可以有四大粒，餃子皮夠滑，內裏餡料味道都唔錯，加埋豬扒同大大碗米線相當夠飽。

成日覺得食飯時間要一人前好難，又可以fit到一個人坐而又唔會俾個環境覺得自己係孤獨精咁食飯。嚟到阿一豬扒酸辣米線滿足咗我嘅獨食要求，枱夠大張唔會人迫人背貼背，可以有自己一個食飯空間，成件事夠哂獨，正👍🏻✅阿一真味豬扒麻酸辣上海麵($46)我叫左中辣, 一D都唔辣，大約7小辣而已，食得辣可以要叫特辣先會開心。酸菜唔太多所以酸味都唔太夠。麵底轉咗上海麵，有食緊粗炒嘅feel。豬扒係薄豬扒，一碗有2.5塊，都淋嘅，味道唔會好咸，但不夠麻，再辣啲重好。望上去個碗好大，但其實碗不深，一個人份量係食得哂。✅凍檸茶(+$9)要加9蚊有啲小貴，可能食辣野（呢碗唔辣）係同飲料掛釣。可能佢地都知貴，會有4塊檸檬算係咁。

店名: 阿一豬扒酸辣米綫地址: 北角七姊妹道3號北角站B4出口，行1分鐘環境: 3.5/5價錢:4.5/5味道: 3.5/5呢間米線嘅豬扒好出名，除左北角之外，係筲箕灣，小西灣，西環同粉嶺都有分店~招牌豬扒雞翼肥牛酸辣紅薯粉❤️❤️❤️❤️$60豬扒無想像中咁好，有啲會比較鞋😐雞翼算大隻，肥牛亦正常，紅薯粉比較搞笑，食落似米線嘅口感😂阿一豬扒韭菜餃酸辣米線配紅豆冰❤️❤️❤️$55餃子嘅肉肥瘦適中，韭菜亦好足，帶有陣陣韭菜香，豬扒同上，但米線口感有啲搞笑，食落似通粉嘅口感，紅豆冰略嫌太淡，不過紅豆🫘份量夠多🙈蠔油時蔬❤️❤️❤️$2222蚊有好大碟生菜，質素正常🙈#stitchfoodie北角#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

剛日本回港 食了很多外國菜立即想來一個本地口味 酸辣麵點了個名物 酸辣豬扒上海麵入口～～咳咳咳咳咳～酸味十分之搶口好彩 係有人歧視前停了下來豬扒色澤靚 可惜一啲都唔juicy 死死實實麵質偏軟淋 沒有咬口下次再食 一定去返西環個間分店 雖然店細啲啲 但好食多了

中午去到附近，見裝修環境OK，就諗住一試叫左個 皇牌套餐 蘿蔔韮菜餃酸辣米線份量都唔細，每隻水餃都好大隻，而且有4，5粒，但水餃似雲吞多過餃當你以為佢個名將蘿蔔擺第一位，仲要係皇牌，實無死但唔好意思，個蘿蔔完全無醃過，仲要蘿蔔同水餃都係用滾水煮⋯⋯而個湯啲味全部係靠佢放既辣椒醬溝出黎，個味完全就係超市買大陸一包包酸辣粉既味道簡單啲講即係味精濃明顯所以材料都係獨自用滾水煮，然後放埋一齊再溝啲辣椒醬一啲誠意都無既一碗米線。

今日天氣凍，諗住叫個煲仔飯食！ 見阿一有煲仔飯外賣，所以決定試試平時食開佢米線同泡飯，係無問題！但今日試佢煲仔飯非常之失望🫣落單時 ，聽電話果個姐姐 話要等30分鐘，我都ok, 結果等左50分鐘叫個滑雞煲仔飯加左$10 臘腸，$3凍飲總數$75 唉， 雞得3舊 ，飯焦真係焦左囉， 係燶味嗰隻， 搞到個飯底 既飯有少少苦送左個菜， 菜烚得太淋😣湯又咸得制😑😑$75 來講真係唔值囉！好失望阿一豬扒米線都係食番佢豬扒或者泡飯算啦

中午時間嚟梗係試吓依間招牌豬扒麻酸辣米線～就試吓你係咪咁好食先阿一豬扒麻酸辣米線～賣相唔算吸引囉～睇落冇咩驚喜～三塊細豬扒、麻辣椒油、酸菜、蔥花、花生粒～食落湯底偏淡～麻辣油應該係買返嚟冇咩特別～酸菜好酸～我鍾意食酸嘢都覺得酸～不過幾開胃～豬扒份量都算多～應該唔係即炸～但係都幾香口幾入味～唔會好乾難咬～偏咸配返個淡嘅湯咁都好D～湯同米線冇咩味可以加$9配凍、熱飲不過依個質量比起價錢好似又貴咗D喎

秋天奇遇 米線舖既臘味煲仔飯😯原來喺米線舖頭都有煲仔飯仲$60一個餐，連菜湯連嘢飲👍🏻外賣用錫紙盒裝，我都有啲驚唔會有飯焦，但係點知都冇令我失望，都有薄薄地嘅一層飯焦，不過我嗰個飯偏向乾身，我自己都好鍾意，不過唔知會唔會有人覺得硬，隔住個兜都傳來一陣臘味嘅香味。兩個人食，加埋一個炸韭菜餃小食啱啱好。放工之後飯都唔使煮。溫馨小提示：由於佢話即叫即整，要等半個鐘時間，預早打電話去叫完，先去攞😆推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7.5⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：7.5⭐️價錢（10⭐️滿）：7.5⭐️服務（10⭐️滿）：7.5⭐️地點（10⭐️滿）：8⭐［阿一豬扒酸辣米綫 (北角)］📍北角七姊妹道3號#晚餐 #晚餐吃什麼 #晚餐時間 #食飯 #推介 #美食 #美食推薦 #美食日記 #dinner #dinnerideas #dinnerrecipes #dinnertime #foodgasm #homemade #hkfoodshare #discoverhongkong #hkeat #eeeeeats #foodiegr

由於係附近返學既關係，經過見到呢間米線鋪，就走左入去食。由於係食飯時間，所以都要搭枱。不過唔緊要 呢D都係貪快D食完快D走。佢上菜都好快 坐低一陣好快碗米線就送左上黎。米線係粗身米線，個份量都夠晒大，豬扒係切左幾塊但係食落都心諗仲有既，而餃子就俾左三大舊。所以都幾夠飽。我叫左大辣，所以食落都夠辣，成個都幾開胃，但係真係好多油(不過食得米線都唔會驚呢D野架啦😆😆).價錢略貴，$58（米線+可樂）埋單。

行經見到試試佢。 豬扒酸辣米線，有得揀大中小辣。豬扒佢會剪碎上，幾好，唔怕大啖咬。份量算ok, 豬扒夠味夠鬆軟，正常。個湯如無意外係另外煮，豬骨+味精，再另外倒d酸辣汁落去，睇你食幾辣。湯底有d花生粒同酸菜仲有新鮮蔥，呢樣抵讚，譚仔就係差呢樣野。米線正常。環境一般，勝在枱細唔洗搭枱。譚仔級數。

✨阿一豬扒酸辣米線📍北角七姊妹道3號地下哩間米線都幾出名 出名在於佢地既豬扒但係佢地既分店多數都係港島區而北角哩間就係正北角地鐵站B4出口對面 好方便搵到🙌🏻 ▫️阿一真味豬扒麻酸辣米線 $44見menu可以揀麵底，湯底，同辣度今次就揀左麻酸辣，粗上海麵，小辣試下黎到碗麵都有好多配料 有蔥，花生，同埋酸菜食落有驚喜😋果然出名係豬扒豬扒好香 都幾大塊！食得出係有用美極去醃製～D肉口感唔乾 好易咬開🤤麵既份量都大碗 起碼至少都有三塊豬扒而且湯底都好夠酸😌辣度岩岩好！咁岩遇着下午茶時間（14:30 - 18:00）叫碗麵 仲送杯紅豆冰😋紅豆冰都好大杯 好足料 好多紅豆🫘咁熱既天氣 飲返杯紅豆冰 個人都爽D😎🔸總結．食物選擇都多，除左麵類之外 仲有好多湯飯選擇．如果唔食得辣既 辣度可以揀微辣 再加小小酸菜 食落就一D都唔辣😗．價錢黎講都算係平價，經開港島區可以一試👍🏻