影片
更多
2022-08-04
405 浏览
又來食呢間豬扒米線，真係食第三次都係咁好食！今次食咗小食同埋加咗餸，再介紹俾大家，真係抵食又好食🤩🤩🤩🍴阿一真味豬扒蠔仔麻酸辣米線 $43 +$7 中辣 (10/10)上次食小辣唔辣，今次食中辣剛剛好！米線份量都好多，表面有葱、花生、自製酸辣菜。湯底酸辣帶有少少麻辣，酸辣係來自佢嘅酸菜，辣度啱啱好，唔會辣到胃痛又有刺激感，唔太鹹，酸菜爽口又好食，加埋花生配料，口感好豐富。米線比較粗，好滑，唔會煮得太淋，啱啱好，感覺浸幾耐湯都唔會淋。由於叫咗蠔仔兩個餸所以豬扒比起正常少左一舊，蠔仔加$7，真係抵到爆炸，有成八粒，每精話都勁大粒勁飽滿，一啲都唔腥有蠔仔味！一定一定要加蠔仔嚟食！豬扒有兩大舊，豬扒有炸香過，有油香好香口，淋身得來爽口，仲要少醃味冇拿口，真心超好食！$43咁足料咁大碗，仲要超級飽，好高CP值！食完冇口乾亦都唔覺得太鹹！🍴 麻辣手撕雞 $44 (9/10)手撕雞嘅份量正常，都有10舊嘅，有超級多嘅酸菜，花生，蔥花，再加埋酸酸地嘅麻辣醬，酸菜好爽口又夠醒，麻辣得來又大少少麻，唔會太辣，手撕雞係雞胸肉嚟嘅，唔會太鞋口，真心用嚟撈米線食好正！真心好食，下次會想食牛肉🤣🍴凍檸茶少冰走甜
🍴阿一真味豬扒蠔仔麻酸辣米線 $43 +$7 中辣 (10/10)
上次食小辣唔辣，今次食中辣剛剛好！米線份量都好多，表面有葱、花生、自製酸辣菜。湯底酸辣帶有少少麻辣，酸辣係來自佢嘅酸菜，辣度啱啱好，唔會辣到胃痛又有刺激感，唔太鹹，酸菜爽口又好食，加埋花生配料，口感好豐富。米線比較粗，好滑，唔會煮得太淋，啱啱好，感覺浸幾耐湯都唔會淋。
由於叫咗蠔仔兩個餸所以豬扒比起正常少左一舊，蠔仔加$7，真係抵到爆炸，有成八粒，每精話都勁大粒勁飽滿，一啲都唔腥有蠔仔味！一定一定要加蠔仔嚟食！豬扒有兩大舊，豬扒有炸香過，有油香好香口，淋身得來爽口，仲要少醃味冇拿口，真心超好食！$43咁足料咁大碗，仲要超級飽，好高CP值！食完冇口乾亦都唔覺得太鹹！
🍴 麻辣手撕雞 $44 (9/10)
手撕雞嘅份量正常，都有10舊嘅，有超級多嘅酸菜，花生，蔥花，再加埋酸酸地嘅麻辣醬，酸菜好爽口又夠醒，麻辣得來又大少少麻，唔會太辣，手撕雞係雞胸肉嚟嘅，唔會太鞋口，真心用嚟撈米線食好正！真心好食，下次會想食牛肉🤣
🍴凍檸茶少冰走甜 +$9 (7/10)
正常檸檬唔會苦澀，茶味今次比較淡。
推薦指數: 10/10
阿一豬扒酸辣米綫暫時都係心目中最好食嘅豬扒米，真心推薦比鍾意食豬扒米線嘅你。
张贴
