阿一豬扒酸辣米綫

营业中

休息中

試過阿一的麻辣(痺)米線，感覺不太好，皆因湯底辣得有點過火，似是把湯底的清香、米線的鮮美完全掩蓋了引述一句來自友人的評價︰吃完後，口感就像腳痺的感覺搬進口中所以，今次光顧我也不敢叫酸辣米線，只是叫了一碟炸雲吞炸得幾香脆可口，而且不太油膩，皮脆之餘也不失雲吞內菜與豬肉的鮮味阿一的招牌菜是酸辣米線，但我就欣賞她的小食多於招牌菜了！

剛到北角工作, 因趕時間入了哩間食, 叫了兩碗豬排酸辣米綫 因為都知道會很酸辣,千叮萬囑要好小辣, 黎到見到成碗野油浸甘, 賣相很差, 辣油重多過湯, 明明叫左小辣, 唔明點解都可以甘辣, 辣到冇朋友, 完全唔酸,食落豬扒似是番炸, 太薄, 冇肉, 毫無特別之處. 冇香味, 待應0 service, 態度好似想趕你走甘, 心諗我地都趕時間, 唔係食得慢ga la, 做生意gei, 唔駛甘下ma.. 因為成口油章住, 我同同事下午都覺得很口臭, 很口干

就係無上openrice做research之下，盲中中入左哩間食，叫了兩碗水餃酸辣上海麵，一上檯見到油浸咁，都心知不妙，連相都費事影，因為我只會影好味的食物。食落第一啖，條利有d痺，好似唔係酸辣味，就算係麻辣都唔緊要，但個湯真係好差勁囉。係叫上海麵，但睇落係烏冬嚟喎，仲要係“淋bat bat”的烏冬，點解要整D咁難食嘅都俾人？相信對食物無要求的人先會再幫襯，完全係無誠意的店舖！當然要blacklist佢啦！

六月中旬•晴 話說吃了筲箕灣店，吃過豬扒，不錯，卻未試雞肝雲吞，是日下午就在這裡吃吃。 這裡的午市，是想像得到的多人，還好我一個人來，比較易找位，就在餐廳的一角坐下來。要了碗雞肝雲吞米線，重點當然在雞肝雲吞。 先雞肝雲吞的賣相，有點小失望，粒粒也爆餡的，明顯的見到雞肝外露。吃起來雞肝有點實，不算起沙，不至於難吃，但也不算是「日賣30碗」的特色食品。 連飲品一杯，埋單35蚊，都是吃豬扒穩陣。

我真係估唔到呢間野咁多劣評。我地係夜晚先去食既，見佢裝修幾光猛咪試下囉，都唔駛等位。見到佢幅牆度有好多藝員相，但咁都唔代表咩既。我地叫左個蕃茄豬扒米線同酸辣撈米線。個酸辣米線好鬼麻，但冇乜香味，食到條脷麻痺。個蕃茄豬扒米線就普通啦，係茶餐廳個隻蕃茄味，ｄ豬扒又乸過，不過不失咁啦。service方面都唔錯既，個哥仔猛介紹人食呢樣食個樣，可能waiter唔同有唔同service啦。

跟同學路經, 見人多,心想應該幾好食, 於是入去試試.同學叫左招牌豬扒酸辣米綫;我叫韮菜餃酸辣米綫.一黎到,見到d麻辣油厚厚地係個面度...都驚驚地.豬扒太油...毫無特別之處....韮菜餃都ok,但係d湯底真係好唔得= =,辣得好離譜....一d酸味都冇...仲搞到個咀同利麻痺晒-_-....不過都算好,肯拎清湯比我地浸淡d面...後來d waiter先話我地知有得簡大中小辣,點解落單時唔同我地講聲呢= =?

整天路過這家店,看見任何時段都頗多食客,心想一定不會太差,所以趁星期六中午去試一下他們的招牌菜豬扒酸辣米線.上菜時看見賣相頗吸引,大大一碗有三塊豬扒.先試一口湯底,發現有頗濃烈的中國芹菜味,加上許多酸菜和辣味,真的又酸又辣又鹹.不過三種味道混合起來很不討好,令人有種在吃調味雜燴的感覺.那幾塊炸豬扒,只令我覺得大而無當.雖然看起來好像很抵食,不過只嚐到醃了很久的味道.加上一陣濃濃的美極鮮醬油味,覺得自己好像在吃醬油.真的不知所謂,雖然只是$28,但我覺得此店在欺客.吃完一次,已經決定不會再來!再次領略到店內多食客,未必代表一定好吃的道理.下次試新店前,最好先看該店食評才去試.:bowl

歐揚鎮華endorse嘅豬扒酸辣米線...仲有宣圈添...店內係咁claim嘅...呢間阿一豬扒酸辣米線喺七姊妹嘅店另外有兩間分店其實我唔知係乜春, 不過見佢話豬扒出名, 行入去試試當然叫佢signature, 豬扒酸辣米線啦...豬扒有四舊, 有啲鬆化有啲唔係, 但味道冇乜特別, 得個鹹字... 唔知歐陽生點解咁喜歡...到食米線, 唔對路, 原來係麻酸嗰啲, 越食越鹹越酸越麻, 係酸到我打冷震嗰隻sorry, 我唔識欣嘗, 食兩啖唔受得, 放棄 (我唔係話唔好食, 只係唔啱本人)咁點算? 仲好肚餓, 再叫另一招牌貨... 蕃茄湯底米線,併韮菜餃出事, 蕃茄湯本來好哋哋, 味道亦ok, 但加薯仔, 褒到好沙, 同米線嘅滑好唔夾, 好似洒啲沙落豆腐度食咁... 唔得, 我又放棄韮菜餃就一般... 就係咁, 兩碗都食唔夠 四分一就走... 唉... 走時先發覺.. 又係台灣嘢...?!!!!題外話, 隔離枱有個好靚好精緻好sharp好slim嘅女仔, 我不柳都係睇人唔倒嘅人都不禁望jor三四眼...後尾諗起係楊貽, 明星果然呀!

這篇不是食評。呻下早幾天受的無理對待話說數天前到了該食店等位由於人真的太多阿姐要求我地4個人在外面等有位就叫我入去坐等了5分鐘左右有5個裝友行入去企同一位阿姐指佢，我以為佢都係叫D 西裝友出去等原來唔係，佢地係坐去剛剛走的位置上其中一位朋友上前理論阿姐說：人地有5個人，我緊係做佢生意先.......哇.....咁早知我一早行入去企下好過啦 : (

同"內子" 去試味我點左個卥肉飯佢點左個蘿蔔肥牛酸辣米線我個飯黎左先..一睇..好少可見咁淺食既卥肉飯bor...一試..果然係無乜味..唔算好食亦唔算難食...當醫肚算啦..老婆個米線黎左一望個樣還算 OK點知一食落去...點解個酸辣湯麵有麻辣味既....D米線又好似唔太夠熟...唔夠彈牙唯一可取係D肥肉算幾多下..估計食完呢次有排都唔會再去了..

又係懶煮飯，叫外賣時間。諗住俾多次機會阿一，所以叫左阿一豬扒米線。佢係湯同米線分開既，都好，起碼不會過腍。豬扒都ok，但真係好普通，不特別好味。d 湯就真係....完全冇味!!!!!!!!!!!!!!!!!!! 想加d 鹽...至於個腩肉飯，就好鬼油及肥.....味道ok，但毫不驚喜....真係唔明，點解可以開分店。仲好似好出名，好多人食咁....

上星期日同男友在這裡晚飯, 平時經過也想試, 就大家來試下啦.一入去見到menu 及店內貼了很多明星照片, 又有歐陽振華....又說是用心之作, 每天限量發售.好似很出名, 很好食. 但店內就沒有太多人.我們選擇了皇牌套餐, 鮑魚泡粥及蓄茄牛肉意粉. 食品來了, 真的大失所望.鮑魚泡粥是白飯加咸水, 沒有鮮湯味, 飯也是一塊塊不是泡粥. 食下非常" 咸"......附送的豆腐也可能天氣大熱, 變質酸了, 唔敢食. 另外的蓄茄牛肉意粉, 我們也不敢期望太大, 真的沒有估錯 也是非常酸及咸. 成晚就浪費了八十元比佢地, 又浪費食物.這間餐廳之前由新加坡 轉手了好幾次, 原因不是地點不好. 是食物本身就有問題.老闆想用心製作, 就真的不可以馬馬虎虎, 是是但但來做. 用心誠意, 也真的要先嘗試自家的食物水準. 不要以為改了一個了不起的名字 阿一豬扒酸辣米綫, 就可以欺騙街坊. 真的失望..........

新開張無耐，總要嚟試下。見佢招牌係豬扒，一行9人，8人都叫了豬扒。叫既時候，真係好驚全軍覆沒，但個廚師拍哂心口話保證好味，所以即管試下。終於食得，嗯......個豬扒都叫ok，但或者對佢期望太高，所以有d失望。有d "high" 口，唔夠腍。我唔食得辣，但碗米線竟有少少辣，可能係廚房用埋一個殼卦...結論係，一試無妨，不會成為我們的飯堂!!!

有日lunch叫個外賣,叫10樣漏左成3,4樣...然後打電話去諗住追討番,點知個電話長期唔通...打左起碼3個字終於接通左電話,同佢講番個情況,電話中人話而家好busy唔得閒送番上黎,要2點後先得...oh,大家lunch time時間通常都係1-2pm,2點鐘後先送上黎,我地咪又餓死又唔洗食啦...電話中人依然堅持唔肯送...最後...搞到4點幾5點先有人"得閒"上門退番錢自己送漏野又唔肯負責任...真係唔會再幫襯囉

新店開張，一直心郁郁 ... 適逢下晝休息，就試個下午荼餐 ~地方尚算寬躺(如果同譚仔記比)，招呼尚算殷勤！太多配搭，最後俾個爽字吸引左，叫左爽腩麻辣米線加凍飲，估唔到爽腩有咁多同咁大件，第一個得！原來唔叫酸辣都有酸菜，本來想撥埋一邊唔食，點知無意中試左一啖又係另一個得喎，卒之全部食晒 ~無留心聽哥仔解釋下午茶餐點計法，以為$30點知$26就可以行出門口，第三個得 ~麻辣度略嫌不足，如小弟般瘋狂的的嗜辣者不妨要求加辣 ~ 對豬扒無乜興趣 ... 下次應該會試下雞肝雲吞！