阿一豬扒酸辣米綫

营业中

休息中

今日又去咗阿一豬扒，剛好午市冇乜人，揀左一個係角落的自閉位坐，之前試過佢哋招牌阿一豬扒，覺得味道唔錯，幾抵食，又嚟幫襯。但今次試嘅手撕雞絲薯粉，真係有啲令人失望。我叫咗個古法手撕雞另加8蚊多5塊鮑魚片清湯底的紅薯粉，一共 $53。個價錢我覺得有啲貴喇，唔算好抵。等餐時間唔算好長，冇等好耐，個雞絲薯粉就上台。食落去，味道真係好普通，所謂古法，唔算好有特色，雞絲好少，冇乜味，仲要鞋同韌。雞絲得少少，唔夠喉。菜呀、炸花生啲配料越來越少，食落唔過癮。個鮑魚片普普通通，冇咩特別。之前食過佢哋嘅阿一豬扒，覺得好正，又大塊又好味，價錢又唔貴。但今次呢個雞絲薯粉真係同之前個豬扒差好遠。今次食呢個手撕雞絲薯粉，我覺得唔太值呢個價錢，食物質素又一般般。下次再嚟，都係試返豬扒穩陣。如果大家嚟呢度，我就推薦試吓佢哋招牌嘅阿一豬扒，唔好好似我今次咁踩雷喇😅。我唸食完這碗粉，真係好深刻感受到香港的物價、人工租金的高昂。

今日同朋友，去咗食阿一豬扒酸辣米綫，分別叫咗豬扒撈薯粉(叫咗微辣)和麻辣海蜇手撕雞撈薯粉(叫咗少辣)，叫餐包野飲豬扒撈薯粉食落豬扒有淡淡嘅炭燒香氣，味道濃郁，可惜有點乾同硬，但係好食嘅。紅薯粉軟硬適中，配料有酸菜、花生等，加上微辣，越食越野味😋朋友食麻辣海蜇手撕雞撈薯粉，雞肉同海蜇嘅份量唔多，手撕雞係雞胸肉嚟嘅，唔會”鞋口”， 配料同樣有酸菜、花生等，但朋友叫咗少辣，佢話越食越辣，食到有點嗆🥵包嘅飲品，分別叫咗凍咖啡同凍檸茶，飲落味道普普通通， 勝在叫凍飲唔使加錢，同可以解吓辣😅整體來講，食物唔差，豬扒幾好味，份量足，價錢可接受，服務還可以，但放午飯時，人多，要與陌生搭枱，圓枱一次坐6個人，真係有啲迫，易撞到人😖

我細個食到依家最常去的地方是豬扒米線，今年應該12年，今日食豬扒撈薯粉，很棒，味道好，我喜歡。份量巨大，價值很高。繁忙時間與陌生人共用餐桌，人真係好多，氣氛不錯～～

今日去試好多時係社交媒體網站見到有推介嘅麵線。見到佢話的豬排係佢哋嘅招牌菜就叫咗碗豬扒麵線。哇啲豬扒真係又老到咩咁。成碗麵啲湯係無味，只係靠啲酸菜調味。叫佢俾啲豉油我，佢淨係得美極🙄。水都冇杯俾人。咩中餐廳得美極？服務一般。同啲侍應講嘢佢哋係好求其答人。環境有啲污糟感。要食米線真係大把其他更好嘅選擇。

有時夜晚9點幾搵食真係唔容易好多已經last order左去左依間【阿一豬扒酸辣米線】仲光殘殘，就入咗去食咗個晚餐😝🧡【阿一豬扒麻酸辣米線】（$47）大大碗豬扒米線，豬扒厚身，唔會好乾，軟腍Juicy雖然望落去好似唔係好辣，但食落去都會流晒鼻水，麻酸辣三款味齊晒，正🤭米線爽口唔係淋到爛嗰種

試試北角人氣炸豬扒米線 最近都開咗幾多分店 吸引左我去去試吓 但最鍾意竟然係 ⭐️酥炸韭菜餃$40.呢次叫咗⭐️阿一真味豬扒麻酸辣薯粉$47加一款餸$10⭐️豬扒 👍🏻幾大塊 肉質軟腍⭐️豬軟骨 👎🏻伏 得2粒 肉質又硬 軟骨又硬⭐️豬頸肉 👍🏻肉質幾爽彈⭐️麻酸辣湯底 👌🏻唔算重口味 但幾開胃 都唔會好油⭐️酥炸韭菜餃$40 👍🏻👍🏻係新鮮即炸熱辣辣 餡料飽滿 韭菜味幾香 超級脆卜卜.#hkfunfoodrecord窮遊香港#hkfunfoodrecord_北角.#阿一豬扒酸辣米綫 (北角)地址：北角七姊妹道3號地舖..#飲食 #美食 #hk #foodphotography #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊 #香港好去處 #北角美食 #北角必食 #炮台山美食 #炮台山必食 #西灣河美食 #西灣河必食 #天后美食 #天后必食 #北角 #炮台山 #米線 #炸豬扒 #雲吞

今日（29-1-2025 Wed）大年初一，同老公去北角向姑媽拜完年後，老公要食晏，去邊喥食？經過見到3間齋舖都要排隊，一路行，又行到我哋前年食過嘅呢間，嗰時覺得豬扒唔錯（食評係2023年8月31日刊登嘅呢篇：https://www.openrice.com/zh/hongkong/review/%E8%B1%AC%E6%89%92%E4%BF%82%E5%BE%97-e4976947），於是都入嚟食啦，啱啱剩低最後一張卡位，老闆俾張新年menu我哋 ，話只有呢幾款嘢食，由於我喺姑媽喥食咗好多炸嘢，所以我唔餓，就由老公自己揀，佢揀咗豬扒魚餅米線，走酸辣，即係清湯，亞姐問加唔加$5.00要可樂？我哋答好。由於我唔叫米線食，亞姐問要唔要加$7.00食三粒水餃，老公又話要。冇耐所有嘢都齊晒，由於我黐食，就叫亞姐俾個碗仔我。我分好就食得，配料花生仍脆；豬扒依舊鬆軟，味道啱啱好；魚餅得兩件，咬開係由鯪魚肉做成，口感都正常OK；薄皮水餃係韭菜餃，但我覺得唔夠香;米線同清湯都ok冇問題。味道係3.67分， 抵食係2.7分

江河日下服務態度太差基本就是很咸 豬排太老其他菜式也是很hea沒有在用心經營的一家分店不是一次好的體驗 相較大型連鎖米線品牌竟然連味道都不如其他的環境 服務等就更是 輸太多 沒有必要浪費這餐錢的感覺

近排去開北角就去返以前好鍾意食阿一豬排揀咗豬扒酸辣小辣米線依家啲米線口感差咗下午茶仲冇咗杯嘢飲以前可以送紅豆冰或者其他飲品依家只可以飲品減$5整體嚟講價格貴咗質素差咗好失望

之前在西營盤有吃過阿一豬排米線，不過豬排較幾年前吃的好像失色了點，今天午前時間在北角隨便吃就來了這間。菜單好像不大一樣，選擇除了豬排米線那些還有泡飯，就點了豬排魚片頭米線和胡椒豬肚肥牛泡飯，另外還有紅豆冰。豬排魚片頭米線，份量不少，米線很軟滑，最好吃的是配料的酸菜。紅豆冰，紅豆冰完全是小時候的味道，就是最簡單花奶加紅豆蓉，粒粒紅豆。胡椒豬肚肥牛泡飯，推薦，肥牛和豬肉碎都很好吃，就是有點咸了。這間分店地方很大，還有卡座。

今日係呢間野買左外賣，食到最尾有隻曱甴係湯底，你仲會唔會幫襯？我就唔會啦，打番去鋪頭，淨係話: 哦，咁你番黎換囉！態度極差！有曱甴！有曱甴！有曱甴重要既野要講三次！！衛生情況極有問題

外賣豬扒蒸蛋米線，差唔多食完時發現到隻小強🪳，即刻反胃.打返電話比阿一，接電話個阿姐叫我拎返去換🤷‍♀️我只是想表達返如果有不適佢地要負責返..***3月初都有外賣蔥油雞扒定蔥油咩，食完當晚有嘔吐發燒，隔左兩個月唔記得左教訓，再食返就遇到小強. 唔會再食

阿一真味豬扒麻酸辣紅薯粉，是一道充滿風味的美食。紅薯粉的口感獨特，麻酸辣的調味使得整道菜更加豐富。粉上的花生提供了額外的香脆口感，而酸菜的酸甜味道則與豬扒的鮮嫩口感相得益彰。整體來說，這道菜不僅令人垂涎欲滴，而且讓人回味無窮。值得推薦給喜愛辛辣風味的食客們品嚐。

今天我要分享關於這家餐廳的兩款主食——豬扒撈紅薯粉和海蜇手撕雞酸辣米線。首先，關於豬扒撈紅薯粉，豬扒真的非常好吃！豬扒帶有淡淡的炭燒香氣，味道濃郁，只是稍為有點乾，但也算好味。然而，我對紅薯粉的表現感到有些失望。紅薯粉的調味只有豉油和酸菜花生，顯得有些平淡無奇，缺乏一些特色和層次感，而且酸菜超級酸！接下來是海蜇手撕雞酸辣米線。這碗麵的雞肉和海蜇的份量很少，讓人感到有點失望。而且，我覺得海蜇和湯汁配合在一起有些奇怪，口感和風味並不太協調。至於手撕雞，它並沒有帶來太多的味道，雞肉本身也有點無味，讓我感到有些失望。總體而言，這家除了豬扒，其他菜式仍有改進的空間。希望餐廳能夠在配料和調味方面做出一些改進，提升菜品的口感和風味。

今日去咗阿一豬扒麻辣米線，一入去就飄嚟一陣香，食得出廚師係用心煮。我點咗酸辣粗上海麺加埋炸豬扒，辣度選咗中辣，湯頭咬口勁，痴心都送上少少微麻嘅舌頭感受。豬扒塊塊香煎得啱啱好，外皮脆卜卜，肉質彈牙，咁厚塊還丹心唔覺油膩，真係整得好掂。食米線時每條麺都掛滿湯汁，麺條爽滑得滯，令人意猶未盡。而且杯雜錦鮮湯都鮮味撲鼻，真係好實在。忍唔住話，食哂成碗，個肚都飽住笑😂。店舖唔算大間，但坐落喺熱鬧街頭，好方便。下回見到朋友，一定會推介佢哋嚟味試阿一👌，好吃到唔洗落廣東話都知係正宗香港味道🇭🇰！