阿一海景飯店 (已結業)

呢排成team人日日OT趕Project，搞左成個月終於KO，今日阿頭好識做請我地歎茶，仲揀左間超靚景餐廳，難得可以抖啖氣，大家都盡情點野食~我好懷疑我地成班同事係咪都係叉燒狂，如果唔係點解要點完叉燒包，又點叉燒腸粉，仲黎個叉燒拼燒鵝，真搞笑~不過呢度啲叉燒出品又幾有水準喎，叉燒包個包熱辣辣勁軟熟，夾埋甜甜地嘅多餡蜜汁叉燒大啖食好滿足~叉燒腸個皮夠薄又滑身，入面又係爆多叉燒，好食~整體上叉燒好惹味，而燒鵝就皮脆肉滑多汁，好快畀大家掃晒~有同事想encore個叉腸，阿頭就話不如試下黃沙潤腸粉丫，唔係好多地方有得食~咁又係喎，小女子廿幾歲人都未食過，值得一試！個皮一樣咁滑，潤腸脆身有口感，唔錯~另外蝦餃都要讚下，睇落已覺好晶瑩剔透，蝦食落又大粒又鮮味，好想一人獨享一籠~有個同事點左個叫七彩小鳳仙，睇名完全唔知係咩，睇到先知原來係醉雞加皮蛋酸薑再加海蜇頭，呢個組合好特別，又出奇地夾，三樣野都好滑好爽口，各種都味道都好出~而酸辣羹就好足料，酸辣味好平衡，大家都食得好滿足~男同事們堅持要有粉麵落肚先夠飽夠實在，所以叫埋個星洲炒米。下上檯已聞到濃濃嘅咖哩香氣，米粉好爽口彈牙，食材配料又多，本身已飽

兩個女兒、老公要為我慶祝母親節，當然想有景觀，食物又好吃，又就腳，價錢不太貴，我便選了阿一海景飯店，因為曾在instagram見到它賣廣告，已經很想試3/5/2017嘗試打電話去訂位，要求窗口位置，食店話無了，但如果可以一點前還檯，便可以留窗口位置，並要落訂金，心很想去，所以全部照做。到母親節當日，一家人聚在一起，一路欣賞美景，一路享受食物，很滿足！我們選了每位$288餐，大家都問我，每款食物得一件，飽嗎？我回答，食店職員話應該夠的，不夠便散叫其他。 食物共10款，逐一上檯，味道很不錯，賣相亦相當吸引，整個進食過程，由於客人尚少，服務員一直招呼我們，添茶換碟，每樣上檯食物加以介紹，覺得自己好像VIP接近1:00，客人逐漸增多，果種感覺就消失，因為開始要招呼其他人整體來說，食物A，服務A，環境A，會推薦朋友或再去！*當日家人都很飽足，母親節有花及腰果酥送贈

阿媽生日，作為孝順女嘅我，特登叫埋姨媽一家齊齊食飯慶祝，於是一行12人浩浩蕩蕩嚟到呢間高級食府開餐。平時阿媽睇到電視廣告介紹呢度都會雙眼發光，今晚就同佢豪食「深海黃皮老虎斑宴」，等佢開心下啦！點解會揀呢個餐呢？因為媽子最愛食魚，影響到個家族都鍾意食，個個都皮光肉滑~不過深海魚媽子就比較少整，佢話功夫多喎，出街食梗係要食啲平時喺屋企整唔到嘅功夫菜啦，有道理！首先上枱有喜慶事一定見到佢嘅乳豬全體，皮脆肉滑，大家個胃熱好身之後，就歎返隻鮮雞螺頭燉原隻吉濱鮮鮑魚~阿爸阿媽姨媽姨丈都食到津津有味咁款，話個湯好清甜，完全飲得出係精華所在，而隻鮑魚咬落去好軟滑，成件事好夾，乜事成班長輩當正自己食家咁款~跟住就到主角──深海黃皮老虎斑出場喇！一魚三食，包括翡翠果皮油泡球、荷葉紅棗蒸斑頭腩同埋古法炆斑翅。寫明嚴選6斤以上嘅深海黃皮老虎斑，阿媽話呢種魚好名貴，翡翠果皮油泡球嘅肉紋弧形繃起，話係活魚即烹嘅效果，啖啖肉勁正，大家爭住食，好快畀我地消滅左！而荷葉紅棗蒸斑頭腩又完全係另一種食法，荷葉香氣四溢，斑頭腩面層有好多香蒽覆蓋，食落香口彈牙，份量亦唔少！至於古法炆斑翅好惹味，魚皮有D厚度，入口軟滑起膠，簡直

阿一鮑魚聽就聽得多，食就真係第一次，呢間叫得做阿一海景鮑魚，個景真係好靚，座落喺535 tower，即係舊總統戲院個位。上到去個景真係無敵，可以穿過同一集團嘅餐廳去到外邊睇維港夜景，氣氛真係一流，仲睇到幻彩詠香江添！我地叫左680蚊嘅套餐，由頭盤 鮑魚 湯 牛尾 炒飯都包晒唔使煩惱。頭盤個藍龍蝦芒果沙律 芒果好甜 龍蝦好爽 好味，不過略嫌太細份，叫做試左個味。鮑魚其實冇咩特別，可能我地叫個平餐啦，冬菇仲大粒過鮑魚，味道唔錯嘅。全餐最好味係個牛尾，熱辣辣調味惹味，炆到腍晒，真係諗返起都想再食呀！

雖然香港市道持續低迷，但好開心公司上年仍然有錢賺，老闆對我地成班員工又超好，抵個個同事都咁為公司搏命！今晚老闆好闊綽帶大家嚟到呢度歎超豪晚餐慰勞一番，實在太滾動喇~第一款上枱嘅係36個月伊比利亞火腿、芝士拼盤，火腿肥瘦搭配啱啱好，加埋芝士一起食，好更突出到呢款火腿嘅成年味道！個個同事都好肚餓，所以火速就消滅左呢個前菜喇，勁~第二款黎嘅係油浸石頭魚，講真咁大個女都未食過呢款魚，啲鱼肉好白，食落嫩滑鮮香，油浸清淡可口，仲食到原汁原味。由於個個都掛住食，完全無人記得要畀相機食先，直到今餐主角鮑魚出場，大家終於忍唔住喪影~呢道紅燒南非吉濱鮮鮑拼波蘭鵝掌，賣相極度誘惑，唔影相upload上網放閃真係對唔住自己囉！好唔捨得食隻鮑魚呀，佢好似成隻元寶咁，輕輕咬落去，肉質嫩滑，濃香肉厚，人人食到嘩嘩聲，好誇張~而隻波蘭鵝掌都幾大隻，肥美腳筋粗，有咬口~然後到貴妃法國鵪鶉，排滿晒成隻大碟好震撼，視覺效果認真一流，食落又點先？相當肉香鮮嫩，佢嘅體型唔大，一人一隻非常好。紅酒燴牛尾件牛尾大到好似成隻豬手咁，真係慢火出細貨，炆得好鬼軟稔，上枱無耐就好快食淨一堆牛尾骨！食左咁多豪華菜，係時候要食返少少飯落肚平衡

我的食評：1. 鵝肝片皮鴨 - 個鴨本身好好味，啲肉 juicy 得嚟個皮又脆。加鵝肝醬提升了個 dish 嘅層次。不過配下面個包非常失策，應該配番平時食蜜汁火腿嘅白色蝴蝶包。2. 蝦醬生菜象拔蚌 - 象拔蚌同生菜一齊咁爽，佢嘅蝦醬濃度剛好。建議同白飯食，因為蝦醬始終比較咸。3. 高湯燉三寶 - 冬菇味道出眾，可惜粒瑤柱散哂，如果成粒上會好睇啲！4. 黑松露醬油撈麵 - 超香！雖然佢只有菜薳同蛋麵，但已經啱啱好，如果唔係會哂咗啲黑松露。建議減少醬油分量一半會比較 balance。5. 蛋白杏仁茶 - 杏仁好香，同蛋白堅夾，應該係即磨，而且甜度啱啱好！Perfect！另一個糖水係朋友嘅，據聞太甜。服務一流，整體上満意

青蛙出咗bonus,請家人飲茶，我當然有份。波蘿义燒包，水晶餚肉(夠多）和樟茶鴨okxo醬煎腸粉，xo醬唔夠香又唔夠多煙薰素鵝，帶苦，無紅蘿蔔，無木耳，認為沙田川准居，中環白玉蘭好食賣相靚多多。手找餅，即薄餐，唔係想像圓形餅狀個隻，失望。瑤柱蛋白炒飯，多瑤柱，爽口，not oil素餃及帶子餃，味道都得，但皮失色，太軟，唔彈。勝在有景，5人的枱坐落舒適，環境又唔嘈，餐具簡單貴氣。

阿頭升職，我地做細嘅梗係開心啦，佢仲好識做，今日請晒成team人食個豪lunch，有呢d阿頭真係幸福~@@一行9人嚟到呢度，嘩！嘩！嘩！個環迴超靚維港景睇到大家都眼定定，望住呢個景食野可以話係開心到暈。有4款set lunch可以揀，4至12位用都得，好彈性，我地賣口乖話要慳住阿頭個荷包，食最平果款就ok喇，原價$348一位，而家做緊75折，$261一位，話係最平但都已經相當豐富。第一round上枱嘅有子薑皮蛋：子薑甜酸爽脆，皮蛋彈牙，好味開胃。風味河豚乾：味道香濃，好咬口好煙韌。蜜汁叉燒：肉質軟嫩又入味。辣酒螺肉：肉質鮮甜爽脆，辣味同鮮味都食得到。鮮蟹肉魚翅灌湯餃：lunch食魚翅真係好串咀，大家都瘋狂地「相機食先」擺上網放閃！餡料份量足，餃皮幾透薄，一咬開入面有唔少蟹肉同魚翅，而個湯 又夠鮮甜，飲落好滋潤。一哥鮑魚酥：聽講係用南非鮑魚，洗唔洗咁豪先？呢個又係要瘋狂selfie，賣相好得意嘅一款創意點心。鮑魚軟腍得黎又有d咬口，加上焗得好香脆嘅撻底，真係超級好味，好想問：可唔可以食多隻呀？然後又黎一round點心：筍尖鮮蝦餃、蟹子蒸燒賣同菠蘿焗叉燒包，每樣一人一件唔洗爭。蝦餃d肉好鮮

今天去銅鑼灣Tower 535 25/F嘅亞一海景鮑魚食午餐，一個set 連加一不用$300。食物有水準，前菜小碟、灌湯餃、鮑魚酥一流。有靚海景。呢間分店新開的，值得一試。

九月下旬·炎熱踏入九月，食壇是意想不到的熱鬧起來。除了不少的轉季餐牌陸續出爐，還有不少新名字的出現，當中包括這間店子。嚴格來說，這不是新名字。店子在尖沙咀取得成功，無論食物、服務及環境都頗有水準。今天渡江再在銅鑼灣搶灘，分店在月前在這幢新食廈開業。就在一個下午，抓了同事及朋友來吃個午餐。店子在25樓，落地玻璃前臨維多利亞港及港島西全景。坐在靠窗的位置，是日天晴，陽光自窗外射進來，感覺是相當舒適的。拿餐牌一看，這裡跟尖沙咀一樣在午市供應不少套餐。四人到來，就選了當中的「午市套餐2」。八道菜的午餐，看陣容是豐富的。先來的前菜是一口氣的四款，當中最喜歡的是五香素鵝，味足而香口，這不是容易做的前菜。白鹵水法國鵝肝味道不如想像中的濃郁，太白醉香雞肉嫩而酒味略嫌不足，西班牙火腿就是簡單好吃。如果不是下午還有大堆工作要做的話，來一杯白酒來吃這四款前菜就最適合不過。套餐中湯品藍龍蝦海鮮豆腐羹是吸引的，不過對於我來說，反而更喜歡店子的「每天精選靚湯」，是日來的是荷葉綠豆竹蔗馬蹄煲豬踺。跟尖沙咀店一樣，其實也不需要懷疑這裡燉湯的水準。火候十足而味道也十足甜美，非常不錯。建議大家無論來吃午餐或晚餐，也要留意