阿一海景飯店 (已結業)

阿一海景飯店 (銅鑼灣)銅鑼灣謝斐道535號Tower 535 25樓望住個海景食飯係幾舒服，但係啲食物不過不失，阿一飽魚、但係個鮑魚又唔係特別出色🧐仲話係米芝蓮食府既🤭覺得整體既味道淡左d人均消費：$450好味指數： 1️⃣2️⃣3️⃣4️⃣5️⃣5.5/10分Encore 指數：7/10

團年飯 - 未試過禁難食既中菜，叫左888個鮑魚套餐，個鮑魚汁得個鹹字...仲差過開罐頭鮑魚😓個蟹蓋裏面有d一粒粒白色無味既應該係蛋白，一d鵝肝味都無...紅酒牛完全唔似係紅酒煮...個炒飯還可以...甜品好難食...員工好似好趕時間禁，我地4個人去，其中一個食完即上下一道，其餘三個就放係旁邊...食完自己換下一道...食左一陣已經好想現場投訴，但怕佢之後加料所以就只可以忍😑禁既價錢完全唔值。我從來都唔全寫comments，但真係太差，唔想有其他未食想去試既人唔好中伏😵

原本想柯打優惠套餐788的南非鮑，經理推介每位加多3百便可吃澳洲鮑魚套餐，相比鮑魚大一点点的，原以為好介绍誰知很失望，真系想不到不是乾鮑，套餐雖然食得飽，重点期待是鮑魚，不是乾鮑是新鮮鮑魚，唉。。。早知如此，何必花千多元吃个套餐？套餐的雞絲翅沒有翅，阿一鮑魚不是乾鮑，焗蟹蓋D料系急凍野味道不鮮微膻，真系曬左我个胃，幸好個紅酒燴牛尾夠淋滑，富貴抄飯爽口，焗芋茸西米布甸一般可以不吃，餐厅品牌建立難，破坏容易，劝句，不要再推這種套餐了，賺了錢失了声誉！

相信無人食阿一鮑魚係乜掛？😆😆而佢間海景餐廳無論係食物質素，餐廳環境，服務都係一流。真正係一哥嘅餐廳！今次嚟到銅鑼灣嘅分店，飽嘗佢嘅鮑魚午餐，鮑魚好食唔使講，但係佢個紅酒炆牛尾亦非常好食，炆得好淋之外亦好入味。除此之外，佢哋啲點心都好好食同新鮮，特別係個鮮蝦餃皇，內面個蝦係用新鮮蝦做，蝦肉爽口彈牙，而且個皮又夠薄！真正皮薄餡靚👍🏻👍🏻👍🏻最後，一定要試吓個蓮蓉焗西米布甸，佢簡直就係我自愛😍😍😍

國慶來到吃午餐。很寧靜的環境、精緻的餐廳、熱心的服務令人印象深刻。我們選了每位$288的套餐，另外加了鮑汁扣鵝掌和腸粉。食物的擺盤精緻，味道一流。本人最喜歡的是紅酒燴牛尾及甜品。總價差不多八百元。覺得非常值得。高雅的環境及一流的食物，加上貼心的服務，令這個假期完美。

星期日比阿媽叫醒，話好耐無一家四口去飲茶，又話啲朋友有好介紹，唯有做下乖女應酬下佢啦！到左餐廳門口先知，原來阿媽講緊既係「阿一」，咁唔洗佢朋友介紹都知係好啦！呢度環境真係無得輸，搞到我本來勁眼訓都即時精神為之一振，真係居高臨下又開揚，喺度食嘢完全係享受！睇睇餐牌，當然比普通酒樓貴少少，但服務加埋環境都抵返，阿哥仲出到聲話呢餐佢請，阿爸阿媽即刻瘋狂點菜，我當然都唔執輸。無耐食物陸續上枱，大家都勁鍾意個焗菠蘿叉燒餐包，點左兩客。個包外脆內軟，入面D叉燒夠熱又甜，醃料比例岩岩好，講真一個人鯨吞一碟都完全無難度！老豆同阿哥都好buy個燒鵝，又係既，肉食男最緊要啖啖肉，呢份燒鵝皮脆肉滑，燒得好香口，人人爭住食。燒賣皇一人一粒唔洗爭，大大粒熱辣辣好美味，又夠鮮，確實同出面食開既有d分別喎！蝦餃望落晶瑩剔透，蝦肉豐富同食得出鮮味，忍唔住encore多一籠。阿媽最鍾意呢個鮑汁配鵝掌，佢話平時屋企整唔到咁入味，咁梗係啦，一分錢一分貨嘛！最後歎左個香滑芝麻糊，咁就坐左接近兩個鐘，真係唔捨得走。

星期日的晚上來用餐，雖然定位時沒有說明要窗口位，但因為客人不多，服務員安排了窗外的位置給我們。我們6:30開始，坐到8點幾，天色由明變黑，感覺很不一樣。服務員說隔離的西餐也是他們同一集團的，還讓我們走到西餐的露天坐看看，那邊的風景更好呢。我們點了鮑魚餐的34頭吉鮑，我之前沒有吃過吉鮑，對它有很大期望，但可能因為34頭的大少實在太細了，沒有我想像中的好吃，也沒有所謂的糖心。但其他食品就好好，個湯很好喝，另外牛尾做得好入味，又軟軟林林，連陪碟的薯仔都超好味，蟹蓋就更加出色，用咖喱，入味但又唔會掩蓋曬D蟹味。如果選擇最平的鮮鮑，價錢只是700多，我覺得都幾低。

如果唔係 呢間餐廳我諗我都唔會去呢幢大廈扶手電梯去 電梯嗰度勁多暗斜啲老人家唔小心就會跌親都唔知點設計跟住個𨋢門開咗 唔夠五秒內佢一定閂番呢間嘢尖沙咀啲嘢會好食啲服務就不嬲都係一流㗎啦好勤力咁樣幫你換碟但係佢連粒蝦餃都蒸唔好一夾就散唔夾都散黑松露餃就蒸到痴立立夾完仲要同佢掙扎一輪xo醬炒腸粉亦都係散曬普通蒸腸粉都係蒸到過籠而且腸粉唔滑但係佢嘅炒粉麵都真係幾好食星洲炒米好有鑊氣 炒飯亦都炒得好乾身送嘅糖水杰撻撻加水就會好食

扁皮鴨兩食方法、下面配鵝肝醬油炸鬼幾特別、但重點鴨皮完全不脆、味到一般、蝦多士不錯、幾香口但有點油膩、龍蝦賣相同味道都不錯下次可以再點、冬瓜盅有正常吧、係那些牛仔骨、同菜都煮得過份重手落好多鹽有點鹹、唯一好係覺得服務態度係唔錯嘅員工嘅服務態度係很好、非常細心、成日加茶同碗碟！這樣係值得表揚嘅！仲有環境都很好望住過海又有房！家庭聚會都不錯！有私人嘅空間！

上次一大棚人來光顧，坐在牆角，只顧閒聊，感覺點心一般，而無欣賞其他。今次2人世界，面對維多利亞港，晴空一片，看着九龍半島遠境，各式輪船穿梭其中，尤如一幅慢動風景畫；陽光慷慨照入室内，室内只有4，5張枱，聲浪不大，空調適中，厚白枱布，黑木邊黄色皮高背椅，潔白高级磁器，配棗红色花纹綑金邊大碟，令四感良好~心身眼耳，悠閒舒泰。先來陳醋雲耳，醒醒胃，叉燒菠蘿焗餐包$42，應有水準，雖然講不上頂瓜瓜，蘇皮脆薄，包質鬆軟，彈性，叉燒上肉，不太肥。野菌黑松餃$45，粉皮晶瑩煙靭，菌新鲜，有質感，當然有黑松露味，不太濃，又不太油，鼻感良好。鮑汁扣鵝掌，要推介，2大隻鵝掌，厚切冬菇，兩者都又淋又有嚼頭，索咗的不是茄哩鮑魚汁，是阿一鮑汁，又升仙，如果有柚皮墊底，变神添，都係賣$48咋，舌感一流。雪菜火鴨餃$42，有些失望，雪菜還用梅菜顏色嗰隻，如用青綠色雪裡紅，爽脆，顏色美觀，真有點浪費。發覺高級中菜，越來越貴，以此價錢，有這樣高级服務，上等材料及貼身享受，好難得

和家人一行四人到阿一海景吃晚飯慶祝母親節，很失望當晚向海的一邊有酒宴，也只好坐到樓景那一旁。服務員招呼殷勤，坐下來已奉上茗茶和小吃，我們點了個人套餐，再加了幾道小菜。香芒藍龍蝦沙拉：兩片薄薄的芒果再加一塊小小的龍蝦和沙拉菜，芒果十分甜，但龍蝦不算鮮味，可能因為太小，不見特出。鮮雞螺頭燉花膠條：螺頭肉雞湯味很濃，花膠一小片，味道不錯。天白花菇扣鮑魚伴唐生菜：花菇肉厚，原隻鲍魚不大，但炆得腍，唐生菜心很爽脆，鮑汁用來送飯一流。招牌釀焗蟹蓋：葡汁香，蟹肉足，很惹味。紅酒燴牛尾：這是另一道阿一名菜，自家製的紅酒汁很香濃，用來燴牛尾和薯仔很配合，牛尾肉很嫩，美味可口。燒汁牛仔骨煲：以大量生蕃茄和生洋蔥伴底，再加上五、六片牛仔骨，到枱時加入熱燒汁來提味，但牛仔骨數量奇少，而且韌和無味，生蕃茄加生洋蔥似十足紐約扒房的配搭，很不像樣，失敗！陽光豆豉馬蹄蒸肉餅：我是第一次見蒸肉餅有豆豉，由於豆豉不多，影響不大，肉餅似是手跥的，有嚼口，但我較喜歡馬碲切得大一點，這樣會令軟腍肉餅和爽脆馬蹄的口感對比更為明顯。啫啫滑雞煲：侍應說雞是用上新鮮的，雞肉的確做得很滑，加入了大量的蒜子和紅蔥頭令這雞煲更香口惹味！芥蘭

媽咪想試阿一好耐所以中秋加生日飯諗住去試下，有鮑魚套餐四位揀日本吉品鮑34頭每位大概一千蚊多啲頭盤係龍蝦沙律焗蟹蓋湯鮑魚大富大貴炒飯其實係餐所以無得揀中意食嘅小菜，不過鮑魚好似幾抵食但所有食物都非常麻麻無特別1. 冬菇大過鮑魚已經非常無引，兩條菜係白烚嘅，2. 炒飯係暖嘅仲要唔好味，問侍應係咪番叮佢話係一大鑊炒定😒3. 甜品我諗美心好味過佢其實去得食都預左要貴但都要好味掛？加上其實當日3成滿，要炒定所有叫同一個餐嘅客人一次過上菜嗎？當日4人食左6000蚊左右，同樣価錢可以食好味嘅野好多

今日老闆約左個大客傾野，小女子非常有幸可以跟去學野，仲食到呢餐豪到無朋友既美酒配佳餚盛宴，唔寫返篇食評炫耀下真係對唔住自己！一入到黎個氣勢已經唔講得笑，陣列左好多名酒，成個人都高級左，好在今日都著得幾端莊，如果唔係真係失禮死人~睇睇個menu先，總共有8道菜，期間會飲到4款酒，老闆可能知道我飲得，所以帶我黎見識下，其實中菜不嬲都同酒好夾，今晚注定有口福了~第一杯係Cocktail，可以揀Johnnie Ginger或Johnnie Soda，我揀左前者，未到帶少少辣又好清新，成個胃開晒~有個同事揀左後者，我都偷偷地飲左啖，口感比較rich~之後就開始食第一道菜，叫”龍馬精神”，其實係豉汁馬蹄炒原隻乳龍蝦球~乳龍蝦即係龍蝦BB，可想而知每一啖都係精華，食落嫩滑彈牙，鮮味都好出。跟住就係John Walker & Sons Private Collection 2017，配玉帶龍腰卷同鮑魚扣鵝掌，杯酒味道層次好豐富，配埋味道偏香濃既玉帶龍腰卷，都相當唔錯，而隻鮑魚口感超滑同厚身，靚酒配矜貴菜式認真一流~第三杯酒係Johnnie Walker Blue Label，配搭煙倉魚、豉油皇法國鵪鶉

我同媽咪第一次豪少少黎試阿一，見到一兩個熟既伙記，雖然貴少少，但是環境同食物都幾好，服務都是幾好!望到海景!我們叫左個餐，皮蛋夾酸薑都吾錯!螺頭湯幾好飲!鮑魚都吾錯!~

🗓6月9搬去cwb wework 後都係第3次係座building 食lunch 之前聽同事講尼間午餐幾抵 不過要夠4位先享用到D 套餐今日farewell lunch 5個人就一於上去試下話明海景 自然有個靚景比你 野食睇menu 係貴價野 不過價錢又唔叫貴最後都係叫左個276既午市套餐 D野係會分哂一份份比大家 搞到我都冇乜興趣影相講真D料係唔錯 食落去冇加味精煮🤔 野食比較淡口 不過始終香港地美食林立重要多多卓頭 尼到感覺好普通 你問我食完真係冇咩邊道菜令我有印象 🤔最好食應該係個菠蘿叉燒包加上分開一碟碟 D野又零碎 食起上尼又冇咩氣氛甘 如果係biz lunch 可能就岩既 不過幾位同事甘既casual lunch 就麻麻