閨•家 (寶榮大廈) (已結業)

搬咗出嚟住之後，成日都冇住家飯食，有時都好掛住家嘅味道掛住阿媽煲嘅老火湯可以嚟閨家，佢啲老火湯真係冇得輸，完全冇味精系列，健康又好飲，飲多咗都唔怕肥<香煎蓮藕餅豬扒飯$50>招牌推介，所以試吓，同預期一樣幾好食特別推介佢個蓮藕餅，以前去榮式燒雞扒好鍾意食過蓮藕餅，好似唔係好多餐廳有，閨家個蓮藕餅更加出色冇咁鬆散，而且又清甜嘅蓮藕味<柱候牛筋腩配菠菜麵$50>牛腩淋身好入味，牛筋軟淋入口即溶，唔會咬唔開波菜麵好Fresh，健康之選<炸饅頭配煉奶$20>平時已經勁鍾意食炸饅頭，食親上海嘢都會叫炸饅頭配煉奶外脆內軟，沾少少煉奶，甜入心特別一提，飯餐跟個靚靚老火湯，清甜絕對無味精系列，必試

閨家一間主打無添加劑同防腐劑既自家菜，當中抗疫湯更相當受歡迎，用心去熬煮4小時，買任何飯都會送細盅，所有醫護人員同學生更是免費💪🏻－－－－－－1. 香煎蓮藕餅豬扒飯 $50 7/10呢到招牌菜係豬扒飯，加左鮮榨果汁取代砂糖同梳打粉去醃製豬扒，不過我覺得豬扒過度鬆軟，冇左可以咬既口感，不過醬油幾惹味，反而蓮藕餅幾出色，煎得金黃，食到爽脆可口蓮藕😋ps叫左少飯都夠食2. 慢煮豬軟骨紫薯麵 $46 7.5/10呢到既手工麵都係佢地自製，有菠菜麵、甘筍麵同紫薯麵，三款顏色都幾吸引🥰叫左碗紫薯麵，連湯都變左紫色，不過食落紫薯味唔係太出，口感偏腍身，可以一試，豬軟骨入味且份量都唔少，非常軟腍，老人家都食到👍🏻3. 麻辣雞腎 $28 7.5/10雞腎加左白芝麻，香氣同味道生色不少，幾辣幾惹味，大細適中，份量唔少，抵叫一份4. 炸饅頭 $20 8/10好耐冇食炸饅頭，好好食🤤即刻炸所以好熱同好脆，真係外脆內綿既口感，童年既味道

今晚又要O.T，回家又不想自己煮食，同事介紹了公司對面一間餐廳買外賣，推介一定要試老火湯。同事每週都會幫襯一兩次，話說老火湯料足，無味精。一星期七天不同款式。今日係青㰖，青蘿蔔，杏汁，豬𦟌湯。味道清甜，果然材料十足。青欖潤喉，正！十個買外賣的人大多數會買香煎蓮藕餅豬扒飯，我也不執輸。原來豬扒要醃製一天，非常用心。肉質軟腍，夠入味。對我來說蓮藕餅是懷舊餸菜，小時家中經常食的。爽口有嚼勁。手撕雞肉質細膩，配以沙薑汁，有濃厚的香味，是不錯的伴菜。

想係北角Lunch，見到好多人排長龍嘅店，就想試下😯一入到去望到裝修令人感到舒適，牆上的畫好令，望到每日嘅老火湯都好吸引，原來叫正餐都會送細湯，好有歸家的感覺🤣朋友叫左豬軟骨飯，豬軟骨煮得好林，個汁送飯都好balance，呢個價黎講唔錯～我就叫咗手撕雞飯，雞嫩，個汁就唔點都可以，加$6 嘅糖心蛋都好正我地仲叫左個雞扒小食，味道都唔錯最鐘意佢地個湯，足料，唔得閒煲湯嘅打工仔like me 就最適合啦🤣🤣最後人均$70就食到咁多野～～ 正

偷懶唔想煮，又想食無味精住家飯就要落街去閨家買外賣。點了麻辣雞腎及涼拌海蜇手撕雞2個小食，1個鰻魚炒飯（送細湯），另外加多1個大湯，2個人食剛剛好。星期日老火湯係雪梨麥冬百合紅蘿蔔煲豬展。唔駛自己煲幾個鐘都飲到一碗住家湯，落足料煲無味精，冬天來一碗十分滋養潤喉。飲湯當飯都得。日式鰻魚炒飯鋪滿鰻魚粒，炒得乾身，少油。麻辣雞腎爽口有嚼勁，辣度係bbbbbb辣，小朋友都食得。涼拌海蜇手撕雞似麻醬伴雞，無雞皮，雞肉嫰但海蜇較幼。店員配合我用自己的餐盒，亦可免去外賣加$1. 錢事少，背後意義大。買外賣求的是方便，但為了堅持環保，一係堂食，一係自己煮，一係盡量帶餐盒。係麻煩架，食完又要洗。自抗逆以來，外賣數量急增，連帶用的膠盒數量幾何級數上升，對地球的傷害是無可挽救。其實太熱的食物放入膠盒都會釋出塑化劑，對身體有害，簡稱食膠。無可避免用膠盒時，都會清潔完拎去可信的回收商回收。

聽屯門友朋友講閨家之前係屯門有店，不過之後無咗，原來炮台山有分店就決定去試試。朋友話老火湯必試，加埋menu見到豬扒好出名，一於叫個午餐，同行友人就叫好多人叫嘅紫薯麵。雙蛋豬扒飯配老火湯 $45豬扒偏薄不過醃得夠有味，加埋蔥油、酸菜一齊食，$45一個飯連湯真係好抵。老火湯好清甜，屋企少飲湯的話可以來滋潤一下，唔叫餐的話可以單點。麻辣口水雞紫薯麵 $45紫色的係紫薯麵，不過食落就無紫薯味，反而湯底唔錯，口水雞帶微辣，份量都唔細。

無論係店名或者設計都俾人一種窩心小店嘅印象。我幫襯左外賣幾次，而每一次都會點未試過嘅野品嘗品嘗。第一次幫襯，同樣喺附近開餐廳嘅朋友們就極力推薦蓮藕餅豬扒飯，蓮藕餅口感適中有咬口，唔會粉，味道亦恰到好處。豬扒好入味，非常適合下飯。另外一次就試左慢煮豬軟骨同家傳炆豬手。呢兩樣食材要做的好食唔算好難，但係要整到好似佢地咁好食，就要花一定嘅功力同心機。豬軟骨煮到連軟骨嘅膠質都熬埋出黎，好過癮。炆豬手煮得非常之軟腍煙靭，即管大啖大啖咬，唔需要擔心豬皮會回彈，唔會啲汁彈到周圍都係。另外，佢地嘅老火靚湯亦都非常值得一試！總括而言，去閨家食飯，比起歸家食家常便飯有過之而無不及嘅窩心感。佢地最近仲喺深水埗開左分店，希望大家有機會都去試下佢地嘅手勢啦

炮台山站附近嘅閨家最有名的系佢地的靚湯，同HONEY在放假時，去到哩間閨家嘗試下佢地的靚湯~~店舖都系用粉紅色的設計，真的好有WARM的感覺，一連7日的靚湯，真的款款都想試~~我地點左個手刴蓮藕餅，豬手配甘荀麵，口水雞配菠菜麵，另外點左大盅的湯，今日湯系蘋果紅蘿蔔沙參豬骨，蘋果紅蘿蔔沙參豬骨真的煲得好入味，甜甜的湯底，一D味精都無，真的好足料~~手刴蓮藕餅手刴蓮藕餅三大塊，食落好多蓮藕粒，好爽口同埋好彈牙，真的怪唔得多人叫啦豬手配甘荀麵豬手配甘荀麵，甘荀麵食得出有甘荀味，加埋軟到淋身的豬手，真的好淋好食口水雞配菠菜麵口水雞配菠菜麵，口水雞真的好夠麻辛辣，雞件也唔錯，職員態度都好好，好nice，佢的湯令我真的好想再來飲~~~

今日去北角搵朋友，順便買外賣上去食見到呢一間都幾多人排緊隊買外賣，望一望餐牌價錢都不貴，仲要附送老火湯 一於就買三個小菜上去食！🎈叫咗手剁香煎蓮藕餅飯 加$6要糖心蛋 ♥️有兩大塊 非常足料😆見到有好多蓮藕絲 爽口得來又煎得好香口 飯已經加咗豉油同蔥油 再加上糖心蛋 超級好食😚家傳炆豬手飯豬手一客大概五件左右 又軟又好食 再配上花生 感覺有極多骨膠原 女仔食最正😀梅子金沙骨飯有成五六舊金沙骨 因為有梅子關係～所以醬汁酸酸甜甜 金沙骨都好好咬口 送飯一流每一個餐都附送老火湯♥️今次係蜜棗紅蘿蔔豬骨湯 非常鮮甜 又有好多湯渣 又滋潤又好飲本來我仲想試吓呢度出名嘅手工麵 但係為免質素影響所以就唔提供外賣 😞下次真係要來試吓堂食！

放假去完朋友家，順便到閨家喝個住家飯，飲個暖湯。5點來到，環境明亮，新淨，粉紅壁畫墻身增添了餐廳特色。唔係好肚餓，叫了三樣野食。香煎蓮藕餅豬扒飯配老火湯(小)份量足，豬扒大大塊，蓮藕餅粉粉地微帶肉香，豬扒煎得金黃色，肉夠嫩，伴有蔥油，香噴噴。老火湯味紅和青蘿蔔🥕🐷肉湯清甜不含味精家傳炆豬手補充骨膠原蛋白的選擇，皮薄滑，南乳挺香，不油膩。涼拌海蜇手撕雞海蜇爽涼，手撕雞肉滑，加上芝麻香，口感不錯。整體而言，抵食味道不錯的健康住家飯。

天后呢區最多美食，成日見到呢間餐廳爆滿食客，門口好多人排隊等位，果然有驚喜。「老火湯」天天不同款，好足料又冇味精，今日天寒地凍，今日滋潤湯水係「山藥南北杏合掌瓜煲豬展」碗湯熱辣辣，感覺倍感滋潤，下次可以叫碗大盅😋「香煎蓮藕餅豬扒飯」好好味，豬扒啖啖肉，感覺入口即溶，同個汁融入咗一齊，果然係招牌菜😋蓮藕餅真心好食，煎到好香口，有口感👍🏻下次會揀星期日過嚟飲湯，皆因好想試下「雪梨蜜冬百合煲豬展」同 「香煎鹹魚餅」😍

幾耐冇返過屋企食飯？不如今晚一齊閨家 一齊食下住家飯呢間店用咗粉紅色做主調 成間餐廳好似一間Cafe但係銷售嘅菜式就以中菜住家菜為主依家佢哋仲做緊抗疫菜單任何煮餐牌嘅飯類都會送一個燉湯今日係星期三 飲嘅係海底椰栗子煲豬展個湯超足料 每一啖都有藥材味道仲有紅蘿蔔清甜嘅感覺 豬展煲到入晒味冬天飲的確一流😻😻😻另外見好多人都點波菜麵原來呢度嘅主打係佢哋嘅手工面好欣賞個菠菜麵 真係打得好彈牙仲有真正嘅菠菜味喺面條另外我再叫咗咖喱牛腩飯同呢度推介嘅蓮藕餅香茅豬扒飯香茅豬扒煎得金黃色 唔會太厚 非常適中蓮藕味道香脆😋😋另外仲可以加錢送油菜 蠔油仲可以另上！誠意推介大家去感受一下家的感覺

一心本著紫薯麵來的，怎知原來外賣無法提供，因為會影響麵條質素，那就點別的吧。晚市等候外賣的人都很多，在門口等了一會就回去開餐了。隨餐附送一碗老火湯，湯頭鮮味且甜，是日靚湯為青紅蘿蔔湯，雖然是細細碗，但每碗都很豐富，足料，沒有添加味精，喝著湯水真是有家的感覺。日式鰻魚炒飯炒飯乾身，炒得蠻惹味，鰻魚切成小粒，有粟米粒、雞蛋絲、生菜絲、蔥花等等，不算油膩或太濃味。溏心蛋 很成功的一顆溏心蛋，蛋黃呈現半流心，如膏狀的，蛋白口感順滑，帶微微酒香。真 手撕雞飯配沙薑汁雞肉本身帶有淡淡的鹽香味，蘸一點沙薑汁，味道頓時昇華，不過沒有很多醬汁，喜歡濃味的朋友，就可能不太夠喉了。

夜工想飲啖靚湯所以搵左呢間餐廳食下住家飯~~呢到所有飯類都會附送老火靚湯(小), 每日都唔同嫁! 今日個湯係海底椰栗子煲豬展, 真係好正好清甜, 果然係無味精老火湯, 下次再黎既話完全值得俾$28單點大盅!!咖哩牛腩飯 (小辣) hkd50咖哩可以自由選擇辣度, 唔食辣既人都唔怕, 今次叫左小辣, 但其實都唔辣好易入口。 牛腩份量雖然唔算多, 但超淋, 一夾就散開好入味!香煎蓮藕餅豬扒飯 hkd50 蓮藕餅好大塊, 煎得夠脆咬落好有口感。豬扒就冇咩特別, 比較推薦蓮藕餅!  而配菜有雪菜同蔥油, 撈飯一流。

位於炮台山站附近嘅閨家，終於第一次食啦🥰 主打家的味道，冇味精，對於我呢啲冇住家飯食嘅人，真係100分😭😭😭手剁蓮藕餅+紫薯麵+熱華田 $42食完飽到上心口，竟然只係$42，好抵食呀🤩個湯底好濃味，唔知係咪真係冇味精，食完唔會好口渴/口乾😛 蓮藕餅口感好好，食到一粒粒，又唔會好粉。紫薯面就唔係好有紫薯味，不過彈性十足！紫薯麵隻色都幾少女💜💜💜店舖粉紅色，好有少女feel啊！職員態度都好好，好nice☺️