閨•家 (寶榮大廈) (已結業)

豬扒蓮藕肉餅飯+靚湯  50元 (外賣1元)    2.5/5分1. 香茅豬扒味道唔差,似泰國的味道,比較薄身都尚算大塊2. 蓮藕肉餅有咬口,蓮藕的份量反而比肉餅多,個人喜歡兩者平均的感覺,不算太出色3. 米飯是超級失望,落太多水,引致過濕,根本不能入口,我期望乾爽及粒粒分身,實在吃不下4. 湯忘記叫什麼名字,好多人都大讚,但今次飲落口卻無味,似乎太淡這家小店定價比較中性,之前得到很多人推介,所以不可能有機會買到,排隊排死人,今次晚上買外賣才不用等卻是可悲,,因為政府無能令小店無法生存。味道不算好突出,不過有小店的味道,未必會有下次,但值得支持,謝謝黃店的同行。

《Home Kong🇭🇰》———————————————-#閨家🏠呢間小店一如其名，好有家既感覺，每個餐都跟老火湯，而且好有火喉，完全無落味精，好用心。每次經過炮台山都想食，不過次次見到佢門口條長長既龍，都打退堂鼓。尤其係佢個豬手飯，超級大熱，每次都賣哂... 所以今次又用網上外賣平台叫外賣，都專登五點就叫定晚餐，終於比我地嗌到🥳-超級期待個豬手飯，好入味，南乳汁撈飯一流。另外仲有招牌豬扒，我地簡左配炒公仔麵，炒得好乾身，完全唔油！令我地相當驚喜既係個豬軟骨飯，佢係用左慢煮既方法，炆得好淋，一咬就化開，值得一讚！-⭐參考價錢︰家傳炆豬手飯：$55慢煮豬軟骨飯：$58招牌豬扒炒公仔麵：$58-🍌抵deal 指數：8/10💰人均消費：$60

💛-#手剁咸魚煎肉餅飯 $46肉餅好厚身煎完都好juicy仲食到好大舊咸魚😍不過咸魚略嫌唔夠香 再香啲鹹啲就正喇🤤跟餐仲有不含味精嘅老火湯 好味又健康🥰評分:7.5/10-#鐵板炒招牌豬扒出前一丁 $40招牌豬扒真係必食🤤醃得夠入味之餘 豬扒都幾大塊又夠腍😍出前一丁又唔會炒得好油膩評分：7/10

叫左個醉雞飯真係都幾唔好食⋯好苦，好似擺左好多日咁可能無乜人叫掛 去唔到貨 味道好唔新鮮不過$48有個湯送都無得點投訴⋯支持小店～不過味道真係有待改善希望繼續加油啦

之前都外賣買過閨家嘅招牌咖喱豬扒飯係幾好食嘅 因為佢個豬扒係用啲果汁醃肉保證天然醃製唔會有科學成份.今次想試下佢其他菜式可能因為杜汶澤之前介紹過所以都係人氣食店 等咗陣先入得.而今次就試咗佢個煎鹹魚蓮藕餅同埋炆豬手個豬手炆得好淋 入口即溶 👍🏻👍🏻👍🏻鹹魚煎肉餅就好有鹹魚味 不過有少少鹹手工麵就冇乜紫薯味 係坊間少見.每人大概$40-50 連餐飲自家無味精食材呢個價錢算係唔錯✨.閨•家 🍴北角蜆殻街6-16號寶榮大廈地下F號舖

今日又黎到呢間位於蜆殼街既隱世小店：閨家啦😍😍😍😍叫飯類既話會附送一碗湯，好足料既老火湯😍😍，淨係碗湯都值回票價🥰🥰之後就到招牌豬扒飯啦，一如以往豬扒飯個豬扒醬汁惹味，好juicy，好食👍🏻👍🏻👍🏻而個蓮藕餅，就真係第一次食，結果係超超超超級好食，食落去仲食到一條條既蓮藕😍😍，黎到值得一食😍😍之後到呢個人人叫好既豬手飯，豬手同花生都好冧，好入味，個南乳醬又好食，撈飯食一流，好味，係豬扒飯外既另一選擇😍😍

"閨家"嘅屯門分店比popo同正苦借「投訴」之故, 不斷騷擾, 搞到無奈結業, 當然要身體力行去炮台山分店支持一下!💪🏻呢間良心小店名符其實, 食落真係好有家的感覺, 又主張唔落味精👍🏻出名招牌豬扒飯, 有豬扒2塊thanks! 😂但第1次黎梗係試多d😌, 點左"蓮藕餅豬扒飯", 仲包埋抗疫老火湯, 竟然50蚊都唔洗, 實在太過份😦😦, 大家真係要夾手夾腳多d去懲罰下佢先得!🙏🏻🙏🏻🙏🏻當日老火湯係蓮藕章魚煲排骨湯, 原來呢到老火湯都係用慢火熬製4個鐘以上, 好用心呀!😳飲落好清甜又唔淡, 唔似平價茶記一係加勁多水變到好淡, 一係就勁多味精, 好似呀媽煲開嘅味道XD😆豬扒好大塊鬆軟, 店主用鮮梨汁同埋秘製醬汁醃過夜, 取代砂糖、梳打粉同味精, 入口有果香好惹味, 必食呀!🤤🤤配菜有薑蓉同雪菜, 同豬扒汁, 撈埋飯食勁夾, 食到一半見到有人點餐時可以叫多汁, 部份飯有煮得比較淋唔平均, 大家有機會去食都記得叫多汁, 用黎撈飯更好!🤨而蓮藕餅幾爽脆, 蓮藕肉量好足, 唔會太煎得太過, 調味亦岩岩好, 但就有少少油膩, 呢到仲有製手工麵, 下次再黎試埋先~P.S: 午餐時段, 任何飯類會送上

閨家是區內知名黃店，每逢食飯時間都有長長的人龍，門外亦貼了文宣寫明幫助學生，店內則有PePe提醒大家保持衛生抗疫早幾天來看過早餐餐牌，見到A餐30多元有花膠湯底，立即想試試，可惜9時多已賣光，今天再去碰運氣，終於買到，外賣帶走(+$2)A3 金牌火腿通配餐肉配煎蛋+香脆蒜蓉牛油厚多士($36)金牌火腿通：真的有一隻花膠在通粉上，咬落滑嘟嘟好香花膠味，試一口湯底，杰身得來有點漿口，吃得出是真材實料，濃濃的花膠鮮甜味，加上通粉吸滿湯汁，好吃又養顏，如果大碗一點就好了餐肉配煎蛋：餐肉切得薄身，和煎太陽蛋一樣是正常水準香脆蒜蓉牛油厚多士：可能是外賣焗住的關係，開吃時已經不脆口變得淋身，但蒜蓉味仍然很濃以$36的價錢在港島區吃早餐，竟然還有花膠湯底，出名黃店的確名不虛傳，惟一的是侍應哥哥一腳踢實在太忙，跟他說「唔該」他都無反應，可能需要增添人手吧，希望下次見到他輕鬆的樣子

係炮台山搵野食lunch，無意中比我搵到呢間店就入黎食下啦佢地個王牌係豬扒又見佢有手工面，一於叫黎食下佢個波菜麵，食落有少少波菜味，同埋佢煮到個面唔會太林加埋佢個湯底一齊食，好好食豬扒就正常整體都好好食

哩騷前排都介紹過，大家應該唔陌生呢間閨家主打冇味精住家飯，尤其佢哋個清甜零味精老火湯！不過四點幾去食已經賣晒，其中一個招牌炆豬手都賣晒😭以為係住家飯菜式就唔吸引？餐牌多款小食小菜而且經濟抵食會再encore！💛黃店認證：1.1遊行日派水及寶礦力；屯門分店(已結業)內有貼紙不招待警察；杜汶澤認證，拒絕招待警察。.👓蓮藕餅豬扒飯 配老火靚湯 $48蓮藕餅煎得香脆有脆邊，明顯食到蓮藕粒爽口有口感，不過略嫌細塊唔夠喉😭豬扒同樣煎得香脆肉質好淋，味道重香茅味。飯除咗淋上豉油重有大量蔥油和榨菜，惹味十足😋評分：8/10👓口水雞配手工麵 $45手工麵分別有菠菜、紫薯、甘筍三款口味，全人手製作冇防腐添加劑。今次揀咗波菜麵，雖然鮮綠色顏色有點驚人，但味道討好可放心☺️麵質少鞋吾係好滑身明顯食得出真係人手製作，食唔出有菠菜味但反而麵吸哂湯底係咩，雖然唔知湯底不過麵最後味道偏鹹😅口水雞面頭好多蒜蓉辣椒醬而底層隔住辣油，味道少辣，但辣味唔算好入味欠缺少少惹味感，不過雞肉肉質滑冇問題。評分：7/10👓麻辣雞腎 $18雞腎份量比想像中多，有蒜蓉辣椒醬而生菜墊底，微辣，雞腎未算好爽口，但呢個價錢呢個份量味道好抵食🤣評

之前見新聞呢間鋪嘅屯門店執咗，先發現原來係近炮台山同天后之間有呢間咁出名嘅小店，今日去開呢頭就決定專誠黎排隊😍😍黎到先黎老火靚湯，好清甜，唔係味精湯，好飲，我淨係碗湯都值回票價❗️❗️不過留意佢係送完即止，唔知平時會唔會飲唔到呢😂😂請再叫咗個麻辣雞腎 $18 麻辣味好夠，唔似平時其他地方可能得個辣字，麻味好夠，正👍🏻👍🏻而雞腎都好爽😍😍跟住到主菜出場，今次我叫咗雙蛋豬扒飯 $43，蛋可以簡要太陽蛋的荷包蛋，我就梗係揀太陽蛋啦，流出黎嘅蛋汁撈埋落飯度，簡單係一流😍😍豬扒又夠厚夠大塊，好juicy👍🏻👍🏻成個餐加埋包湯包嘢飲，都只係40幾，認真抵玩，黎到不容錯過😍😍

今晚屋企人出街，屋企冇飯食，放工後要自己一個人出街食，食完先返屋企又要上OpenRice搵嘢食，最後搵到一間小店叫「閨·家」，食評好似唔錯，最重要係一d都唔貴未夠7:00PM已經去到餐廳門口，已經有人排隊，我叫左「招牌豬扒系列 - 蓮藕餅豬扒飯 $48」，所有飯類贈送老火靚湯(小)整體來講，味道係唔錯，聽職員講，老火湯唔落味精；對於繁忙都市人嚟講，放工有一啖湯水飲，係一件唔錯的事價格💰：$48味道😋：OK

大約八點半到，唔使等位直接入座 。menu選擇唔算太多，都係a b c d e餐咁啦。不過 真係估佢唔到，三十幾蚊真係有花膠。滑捋捋，正!個湯頭都幾好咪。 加埋金華火腿碎個配搭都幾好 。多士就一般，食得出係一早烘好晒。加上本人早餐比較少食咁濃蒜味嘅嘢，所以覺得一般。蛋同咖啡都正常。 分量夠，好飽。愛人點左豬扒一丁餐。件豬扒好淋，好入味。 一丁口感啱啱好。 服務態度良好 。不過人手唔夠， 侍應哥哥做得好辛苦， 要跑嚟跑去。overall, 都推介嘅。

見到好多人推介當然要來試吓，見到雜誌訪問醃料係用新鮮梨汁加入豬扒醃製，令到豬扒會軟滑，所以當然係要叫個豬扒蓮藕餅飯，豬扒好味鬆軟，如果可以用厚身少少嘅豬扒😍😍應該會更加正。蓮藕餅好多蓮藕，平時蓮藕餅多數係切開粒粒，但係佢哋個蓮藕用絲，個人覺得蓮藕絲入口更加有咬感👍🏻👍🏻讚，因為例湯送完即止。去到已經無哂。叫了個咖喱雞，咖喱係馬來西亞嗰款好濃郁，因為朋友唔食辣所以冇叫辣，辣到都有得選擇好細心，估唔到雞係用雞件，平時多數都係用雞扒或者雞翼。用雞件有誠意👍🏻，另外想講吓杯凍檸茶，因為本身真係唔係好多茶餐廳嘅凍檸茶茶底係好飲，今日忽發奇想不如飲下，出奇地佢個凍檸茶茶底有茶味好飲，我相信好多鍾意飲凍檸茶嘅人應該都明白，個茶底其實好緊要而家有好多茶餐廳完全冇茶味🤦‍♀️。佢嘅味道同佢個名的確一樣令人好有返屋企嘅感覺，食唔到味精食物唔花巧，就好似返屋企媽咪煮飯你食嘅感覺👍🏻👍🏻👍🏻

公司要清annual leave, 今日放假， 周街行，去到大坑， 想食嗰d 都冇開， 有開嘅就排長龍。。。 行吓行吓行咗過天后， 結果嚟到呢間閨家。 之前睇片睇過佢介紹，話個湯好住家feel, 咁就要試吓。我叫咗蓮藕餅豬扒飯， 個fd叫咗個豬手甘荀面。 原來佢d面有3 款可以揀， 紫薯or甘荀or菠菜面， 都幾特別。 d嘢嚟到， 我偷食咗fd個豬手，一放落口， 嘩。。。 不得了， 淋到呢， 好正！！！我個藕餅同豬扒都好好味，真係堅好食！之後飲個湯， 真係好好飲， 好住家feel, 好甜好好味， 正！！！下次經過都會再食！