第一次幫襯，同樣喺附近開餐廳嘅朋友們就極力推薦蓮藕餅豬扒飯，蓮藕餅口感適中有咬口，唔會粉，味道亦恰到好處。豬扒好入味，非常適合下飯。
另外一次就試左慢煮豬軟骨同家傳炆豬手。呢兩樣食材要做的好食唔算好難，但係要整到好似佢地咁好食，就要花一定嘅功力同心機。豬軟骨煮到連軟骨嘅膠質都熬埋出黎，好過癮。炆豬手煮得非常之軟腍煙靭，即管大啖大啖咬，唔需要擔心豬皮會回彈，唔會啲汁彈到周圍都係。
另外，佢地嘅老火靚湯亦都非常值得一試！
總括而言，去閨家食飯，比起歸家食家常便飯有過之而無不及嘅窩心感。佢地最近仲喺深水埗開左分店，希望大家有機會都去試下佢地嘅手勢啦
