長阪燒 (已結業)

Today, we went to Nagasakayaki for lunch. It is an izakaya style restaurant in Mong Kok.The restaurant is beautifully furnished in a traditional Japanese style. We were seated in a comfortable booth with curtains, which provided a sense of privacy.We ordered the salad, which was a refreshing and healthy start to our meal, accompanied by marinated scallop trimmings which were flavourful. Next up were the clam and miso soup; they were quite generous with the amount of clams which were delicious an

無意中見到呢間日式餐廳做梗指定餐牌半價優惠，餐牌選擇唔少，加上餐廳有唔少好評，令我萌生起對壽司既興趣。LUNCH 時間人流唔多，估計唔BOOK枱都有位，不過唔知有無半價優惠。由於半價餐牌已經夠多選擇，所以我同友人都無柯打主餐牌，兩人點左兩個烏冬、十件壽司、6件卷物、南瓜天婦羅小食，份量岩岩好，唔怕浪費食物。牛肉烏冬 $33烏冬份量大概係半個麵餅，質地係稻庭/讚岐果類，牛肉唔會肥到無肉食，呢個價錢過得去。炸蝦天婦羅烏冬 $33其實本身應該得一隻蝦，但職員送錯野，結果益左我😆全部都係新鮮炸出，不過略油。炸蝦對得起呢個價錢，雖然唔大隻，不過有蝦味；南瓜天婦羅 $18呢個完全唔推介，因為佢唔係用日本南瓜，估計係用中國南瓜，因為好水☹️，一D都唔棉唔粉，唔好味。三文魚壽司 $13兩件、甜蝦壽司 $16兩件、日本帶子壽司 $22兩件、吞拿魚茸軍艦 $18兩件、三文魚牛油果卷 $28三件刺身無話特別鮮甜，整體壽司味道正常；醋飯比連鎖店既細舊，黃黃啡啡既顏色，睇得出餐廳對醋飯有要求。吉列廣島蠔壽司 $18兩件炸蠔類似放題食果D，體積比較瘦，亦唔夠Juicy，比我再揀既話，佢唔會出現。吉列炸蝦卷 $28三

今日來到旺角逛一逛，需要買一件新的大褸，亦順便吃午餐。今次是在香港很流行的盧端燒餐廳，是源自日本鄉間的冬季美味！餐廳專門選用新鮮海鮮，以足夠炭火在食客面前現烤。不過受疫情影響，取消了晚市，現在就沒有這種「表演式」食法了。幸好最近餐廳正做疫情優惠，所有壽司都有半價優惠！位置：在朗豪坊的街道，一直往前走，看到一個小門口是乘搭電梯就正確,很容易到達，四處是熱熱鬧鬧的逛街好地方。環境：很舒服，在門口擺有一面的日式燈籠，一個方櫃的自家製梅酒，佈局呈T字形橫向，一邊是靠邊窗和有布簾，相對有私人空間，另一邊是在中央的盧端燒，有一行的吧台，但前方的海鮮區是沒有任何海鮮了。盧端燒的佈置很華麗，使人眼前一亮，亦很適合打卡拍照。服務：上菜速度很快。午市：蒲燒原條鰻魚定食 $138 (已包麵鼓湯、和風沙律和是日小食)原條鰻魚放在木板上，視覺上已感到震撼，因為平常日式鰻魚飯是已切好一塊塊，鰻魚肉質鮮嫩可口， 厚塗蒲燒汁在鰻魚肉，魚皮亦煎得脆口，蒲燒汁滲入日本珍珠米，內有一隻溫泉蛋，將所有東西拌勻一起，味道一流。由於壽司有特價，也叫了五款(兩件)：黑松露油甘魚$24、京蔥三文魚$13、醬燒熟蝦$22、吞拿魚蓉軍艦

即興的反而約到住近左都約唔到，反而住遠返先而約偷偷買蛋糕俾寶媽為了見寶寶和寶媽，再攰都要見見面幫唔到你咩，只能聽你說❤️不過呢到真係好岩傾計，環境舒服而且裝修幾好，價錢唔貴鹿兒島黑豚溫泉蛋丼 $88👍👍👍勁推介呢個，超級好食，佢個黑豚半肥瘦，放落口唔會似食緊肥肉，而且好多汁天婦羅稻庭烏冬🍤 $98烏冬份量唔野少，天婦羅係茄子同埋蝦，都係我天婦羅嘅最愛，仲有一個我唔食嘅秋葵🤣天婦羅好食嘅，唔會好油同埋食得出係即叫即炸，唔係返炸，呢樣真係好重要由於我太愛食壽司，都係多手要叫壽司先係我風格，我太為食，而且壽司一啲都唔貴🤣

相約同事食晏，其中一位激讚這裡半價超抵食，即使未能同桌都照去！燒花魚一夜干配御飯，花魚經燒烤後鮮味濃縮了令味道更突出，肉質更有口感。風乾後魚脂變得更甘美。魚皮酥香帶脆，魚肉微鹹鮮甜送飯一流，沾少許檸檬汁更開胃。最重要是連加一服務費都不用一百就吃到，午餐一大享受。义燒拉麵湯底很正，加入白芝麻磨碎的高湯入口更香。吃得津津有味，連湯都喝光。义燒肥瘦適中，拉麵軟硬度平均，配料亦很豐富。 牛肉烏冬湯底鮮甜，烏冬亦很爽，肥牛薄肉味濃。蜆肉麵豉湯份量很多，一碗湯裡面有很多蜆，而每隻蜆都很大隻。蜆肉亦沒有沙很乾淨。麵豉湯濃度合適，沒有搶走蜆肉的鮮味。壽司選擇很多，最後精挑細選了火灸芝士熟蝦，赤蝦黑松露，油甘魚柚子。壽司飯加入赤醋，提升鮮味。油甘魚加入柚子醬很清新，加上油甘魚很新鮮。至於加入黑松露醬的赤蝦不但沒有蓋過赤蝦的鮮甜更提升了味道。至於火灸芝士熟蝦則有點像吃焗芝士龍蝦的口感。魷魚海鹽就像剛從海上捉到的做刺身般爽口彈牙。餐廳有吧枱亦有廂房選擇，即使限聚令下分開坐都很有氣氛。

朋友帶我黎呢間號稱旺角最好食既日本菜，而且性價比極高，試完覺得不論環境 服務 以及最重要既食物，都好高質素。叉燒拉麵 ＄33既呢個價錢可以食到呢個咁好味既拉麵真係超班，湯底用左大量芝麻蓉去煮，仲有少少薑，所以好味得黎會有少少暖胃。牛肉烏冬 ＄33湯底用左有d似壽喜燒既湯，烏冬好彈牙，而且牛肉好厚。加＄22 升級個湯做三文魚頭湯，大大碗，好入味，仲有2大舊三文魚頭。讚！燒花魚一夜干配御飯 ＄78超值，大大條黃花魚一夜干，好新鮮。當中既壽司全部都好抵食，超級新鮮，三文魚入口即浴，就連我平時唔食既魷魚壽司都覺得好好味，因為新鮮所以一食就食得出。

係朗豪坊附近搵咗一間日式樓上餐廳，主要係因為見到佢有定食同半價嘅壽司🍣，幾抵食咁，所以就揀咗佢！我哋就叫咗個定食同散叫壽司。餐廳係2樓，一入去就覺得好有日本feel, 有唔少日式燈籠🏮同清酒擺設。燒花魚一夜干配御飯 (定食) ($78)定食另配有麵豉湯、是日小食同沙律🥗。麵豉湯有好多豆腐粒粒；是日小食係帶子裙邊，辣辣哋，幾惹味；沙津係沙津菜加醋，好開胃。到主菜燒花魚一夜干🐟，花魚好大條，而且燒得好香。花魚嘅魚骨容易起到，咁就可以啖啖肉咁食。魚肉肉質爽滑，雖然本身經過醃製，但仍然帶有鮮味😋。藍鮨拖羅壽司 ($32/件)拖羅油脂分布靚，呈粉紅色💕，而且無筋位，唔錯。拖羅充滿油脂嘅甘香，亦有入口即溶嘅感覺，如果再厚身啲，一定超級正！藍鮨赤身壽司 ($24/件)赤身鮮紅，同拖羅一樣無筋位，口感軟嫰。日本芝士蟹柳壽司 ($18/2件)芝士蟹柳經過火炙，變得更香。蟹柳係真蟹柳，唔係麵粉嗰隻。壽司表面更加上了沙津醬，令成舊壽司味道更豐富，大人細路都一定啱👶🏻👧🏻。叉燒拉麵 ($33)淨係叫壽司怕唔夠飽，所以就另外嗌份拉麵🤓。拉麵份量大概係平時一碗嘅三分二，都幾多。另外，仲有兩件叉燒，豬骨麵豉麵湯底都

2點幾搞掂完朱豬🐷二人限聚可以同Martin二條友去食下嘢😁😁平時好多日本餐廳去到3點就有落場時間 搵到呢間長阪燒3點都有得食 個Bar枱超開揚 可以望盡師傅整壽司🍣入到嚟第一感覺就系樓底好高 好舒服😌好多自家釀梅酒 蟹籽沙律🥗系must 仲有叫到小小壽司Aburi Toro-鯛魚-油甘魚松露-柚子燒赤蝦 😋😋仲有特大天婦羅🍤蝦壽司🍣 鹿兒島黑豚溫泉蛋飯 好足料全部黑豚肉都燒到好香脆有焦脆油香😍😍Miso Soup/和風沙律🥗同前菜 每日都唔一樣咖 我地今次系帶子群邊又系嗰句食完就夠鐘返去湊囡🥲😄

旺角逛街行經砵蘭街189號見個宣傳板，壽司有半價優惠，覺得超抵。餐廳裝修仿似漁船，牆上掛有紅色船槳環境靚靚，擺有一櫃自家制梅酒十數瓶。 我們點左火炙三文魚醬油漬$16二件，油脂豐足，醬油漬過三文魚很夠味。日本醬燒蟹棒$18二件，很美味。立魚柚子$18二件，很鮮甜。油甘魚松露$24二件，肉質肥美。火炙平目魚背$28二件，香滑味甜。茶碗蒸 $18，有蝦仁🍤雞肉、冬菇粒，蛋味香又很滑。原條汁燒鰻魚丼$138，燒得頗香的鰻魚好肥好大條，厚肉油脂豐，滿口油香，飯面有隻半熟蛋，鰻魚伴滑蛋飯，美味極了。麵豉豆腐湯 ，不太鹹很不錯。小食是鰻魚玉子燒，日本蛋味香濃，正和風沙律🥗很新鮮又清新。地址：旺角砵蘭街189號2樓

疫情關係冇得去日本所以朋友介紹咗去長阪燒呢間餐廳話好多食物都係非常新鮮甘梗係要同老公去試吓啦！餐廳環境幾闊落有啲似去咗日本嗰啲居酒屋，餐廳Menu有非常多嘅選擇因為樣樣都想試吓所以我哋分別叫左牛肉烏冬，丼飯同埋另外散叫咗啲壽司。壽司吞拿魚茸軍艦，三文魚牛油果卷，鰻魚牛油果卷，火炙京蔥三文魚，柚子燒赤蝦，同埋藍鮨赤身壽司望落色澤非常均勻，食落入口溶化，味道非常鮮甜而且一啲拎無腥味嫁！連唔食魚嘅老公都連連稱讚可想而知壽司非常之新鮮！牛肉烏冬湯底非常濃郁，烏冬非常彈牙質感似稻庭烏冬，凍冰冰嘅天氣配上熱辣辣烏冬食到停唔到口！十勝豚丼飯面頭有成五片大大塊嘅豚肉，而且全部都燒過嚟非常之香，豚肉肉質食落肥瘦適中，配埋啲燒汁唔經唔覺食晒成碗飯啊。呢間餐廳真係非常值得推介而且地點喺旺角區非常方便，下次一定會帶埋屋企人一齊嚟食！

今天到訪位於旺角砵蘭街的「長板燒」。它是一間樓上日本餐廳，私隱度高，很適合三五知己晚上來吃飯喝酒。午餐時間來也有不少經濟實惠的套餐選擇，附近的打工一族來和同事吃飯也不錯。「長阪燒三重奏」食材豐富，有海膽、三文魚籽、刺身等等。師傅將傳統日式丼飯分成三細碗，賣相精緻，頗有創意。刺身柔軟嫩滑，入口即溶。海膽、三文魚籽、吞拿魚蓉份量十足，感覺奢華澎湃。其他小食如胡麻醬豆腐、沙律和味噌湯味道也不錯，配餐整體質素蠻高。

朋友帶我黎左依間日本餐廳, 係旺角搵食搵左咁耐都唔知原來有間咁好環境咁和風既餐廳, 門口位放左一埕埕自家釀製既梅酒, 一排大窗位感覺舒適, bar枱前有不少日本食材, 酒類等裝飾, 幾有feel呀!蟹子沙律青瓜絲爽脆, 沙律唔會水汪汪, 拌上脆口蟹籽, so fresh!黑松露赤蝦 立魚柚子 三文魚醬油漬 日本醬燒蟹棒赤蝦鮮甜, 立魚清爽, 另外兩者比較香口, 特別之處用上赤醋飯, 更加帶出刺身鮮味, 層次豐富。三文魚頭湯三文魚頭新鮮無腥味而且膠質豐富, 湯頭鮮甜, 最重要係熱辣辣。 原條汁燒鰻魚don原條肥美既鰻魚, 醬汁香甜惹味, 厚厚既鰻魚肉足以配哂成個飯有多, 係鰻魚既底下原來仲收埋左隻半熟蛋, 拌飯一流, 食得好滿足!

🍽 日本壽司 （價錢： $13起）半價餐牌面有多款壽司同熱食，入面既已經做左半價優惠。今次叫左三文魚、甜蝦、黑松露赤蝦、拖羅、芥辣八爪魚軍艦同其他特式壽司。特別係拖羅有驚喜，入口無筋好新鮮，值得再encore!——————————————————————————————🐷 整體食物： 4/5 (即使有半價，但壽司都好新鮮，值門票價）🐷 環境： 4/5 （地方十分寛敞坐得幾舒服，雖然位於砵蘭街，但裝修一D都唔馬虎，好有日本風🐷可達度： 5/5 （離地鐵站好近，食完仲可以去朗豪坊行街消化下添）🐷優惠： order指定餐牌有半價優惠，有各款壽司、熱食提供

我都幾鍾意食鰻魚，聽朋友講話呢一間有巨型鰻魚飯食，所以今日下晝就嚟試試餐廳嘅環境都幾好，有啲位置都幾適合打卡首先我叫咗幾款壽司，分別係赤蝦黑松露、立魚柚子、三文魚醬油漬同埋日本醬燒蟹棒壽司，10幾蚊就有兩件，都幾抵食，質素都幾高不過我最鍾意就係赤蝦黑松露，因為佢有龍龍嘅黑松露味再加上鮮甜嘅赤蝦頭盤有我鍾意嘅蟹籽沙律天氣凍飲碗熱辣辣既三文魚頭湯就暖哂，一d都唔腥，裡面仲有魚頭，仲有少少肉，都幾正最後就係主角原條汁燒鰻魚丼，用木板盛上，鰻魚好大條，燒得好香，超級滿足，鰻魚控要試下啦

今日約左個同事一齊食個late lunch，我地叫左好多野食。午市套餐配是日前菜（胡麻豆腐）、和風沙律、味噌湯。燒花魚一夜干定食配御飯，一夜干好大條而且多魚肉，鹹鹹地送飯一流。蟹籽沙律幾抵食。茶碗蒸熱辣辣，入口綿滑，有雞肉同菇係入面。蜆肉烏冬好彈牙，蜆肉有好多粒而且鮮甜。蔥粒吞拿魚蓉軍艦、立魚（柚子）壽司、油甘魚（松露）壽司、鰻魚牛油果卷全部都唔錯。除左新鮮肥美，連壽司飯都好有味道同軟熟。天婦羅蟹柳壽司係熟既壽司，一樣好味，一啲都唔油膩，反而好香脆。