長阪燒 (已結業)

由於香港疫情嚴峻，已經有大概兩個月的時間沒有吃日本菜，在香港這個美食天堂，可以品嚐到不同地方的美食是一件10分享受的事情。可是如何可以迎合香港本地人的口味之餘又保留食物本身嘅風味。今日嚟到呢間亦都係喺旺角嘅長阪燒，我哋前後同三個朋友分別叫咗12個包括刺身嘅菜式。其中一個鯛魚刺身，肉質10分鮮甜可口。我自己來講比較喜歡原汁原味。特別值得推薦，另外梗係唔少得燒北海道嘅飯立貝。賣相已經10分吸引。雖然味道唔夠鮮甜。但係佢嘅醬汁會有特別嘅風味。至於南非鮑魚。就係我朋友叫哈哈。但係可以話比大家知性價比十分之高。至於其他就交俾大家慢慢品嚐。係一次唔錯嘅體驗可以比70分

鹿兒島黑豚溫泉蛋丼 $88白飯鋪滿五花肉，外層燒得香口，鮮甜多汁，肉質唔會柴硬，肉汁豐富，流心蛋味香濃，拌蛋漿食就更加滑溜，燒汁幾鹹甜好味。燒雞扒鳥冬 $76雞肉嫩滑，醃得入味，煎得外皮香脆，好惹味，食落唔會覺得油惹，扁身烏冬煙韌又滑，吸滿昆布湯汁。主食配有前菜中華沙律、蕃茄栗米沙律、味噌湯。壽司拼盤 叫左帆立貝、赤貝、吞拿魚蓉軍艦 、立魚黑松露、飛魚子軍艦，食得出用料好新鮮，而且價錢算平，每款$18有兩件，性價比高。茶碗蒸 $18蒸好熱辣辣，蛋表面嫩滑，材料多包括蝦、冬菇、雞肉。

今日黎到位於旺角既日式居酒屋食日本菜🏮 長阪燒無論係壽司，串燒，爐端燒，炸物🍤都一應俱全😋 啱曬鐘意食日本菜既朋友仔啦😍 餐廳裝修滿滿日本風情🇯🇵 不但有開放式吧檯 仲有卡位包廂可以落布簾 都坐得非常舒服架～首先係松葉蟹膏多士🦀️ 佢賣相好靚仔😍 蟹蓋入面好多蟹膏 蟹膏味道算濃郁👍🏽 鋪滿去隔離既烤多士一齊擺入口真係好滿足🥰 廣島蠔天婦羅一上到黎真係嚇親🙀 因為佢炸完之後隻蠔都仲係好大隻🦪‼️ 差唔多有個茶杯咁大 入口食得出佢食材新鮮 非常推薦😋南爵薯餅炸得非常香口🥔 外面夠乾身 做到外脆內軟口感‼️完全唔會覺得油膩🥰 冷稻庭烏冬同壽司都發揮正常～ 🍣壽司食材新鮮 所以口感味道都值得一讚😍另外，長板燒店員都好nice好有禮貌👍🏽 平日午市仲好似有半價壽司優惠添，但小編當日係新年假期去所以就無啦～ 各位朋友仔可以留意下😉 🌟 松葉蟹膏多士 ($118)🌟 廣島蠔天婦羅 ($88)🌟 北海道南爵薯餅 ($38)🌟 冷稻庭烏冬🌟 三文魚/油甘魚壽司 ($28/$42)另收加一服務費味道：🌕🌕🌕🌕🌑環境：🌕🌕🌕🌗🌑價錢：🌕🌕🌕🌗🌑

朋友推介此餐廳因為高質加性價比高！我地柯打咗一份午餐再散叫壽司及小食。午餐：蒲燒原條鰻魚定食，包前菜，沙律同麵豉湯！相信冇人估到原條鰻魚足足有成個壽司碟咁長，好誇張鰻魚肉厚又味美，最驚喜係鰻魚底下有流心蛋，蛋汁加甜甜鰻魚汁飯，好味到好感動！壽司：散叫左3款 松露油甘魚，蔥粒吞拿魚蓉，鰻魚壽司全部壽司魚生好新鮮，仲有半價優惠，絕對物超所值！茶碗蒸：蒸得好滑，用料很豐富，有蝦，雞同冬菇蜆肉烏冬：個湯底係好濃鰹魚湯，烏冬超滑身，有好多脹卜卜嘅蜆！

喺旺角行行下街肚餓，咁啱見到個易拉架，好似係寫長阪燒午市啲壽司半價咁，大部分壽司都係十幾蚊有兩件，好似好抵食。咁於是又走左去食啦。去到之後見到啲定食都好抵，於是揀左兩個定食先。每份定食都包一個飯、一份沙律、小食同埋麵豉湯。沙律酸酸地幾開胃，今日嘅小食就係中華沙律。另外再叫多個茶碗蒸同埋幾款壽司。🐣燒雞扒溫泉蛋丼 $68雞扒有好多件，大約8-9件。表皮燒得好香脆，配埋個汁好好食。飯入面有少少菜同溫泉蛋，將溫泉蛋篤穿之後，蛋汁、菜、燒雞扒啲汁同埋飯撈埋一齊食好好食。🐷鹿兒島黑豚溫泉蛋丼 $88黑豚肉有八大塊，有幾塊係肥瘦相間，豚肉表面都係燒香左嘅。同上面個飯一樣，都係有溫泉蛋同埋菜，撈埋飯一齊食幾好食。不過我覺得雞扒啲肉滑啲，所以我鍾意雞扒飯多少少。🥚茶碗蒸 $18蛋味香濃，啲蛋好滑，仲有少少微微嘅甜味。入面仲有少少蝦同埋肉，幾好食。🍣京蔥三文魚（兩件）$13$13有兩件超抵食！仲要每件上面嘅三文魚都好大塊，三文魚味濃，配埋京蔥好香。🐚赤貝（兩件）$18赤貝味道好出，好鮮。除開$9一件，抵食。🎣劍魚腩（兩件）$18劍魚腩好厚好鮮，食完之後啲鮮味仲會喺口入面停留好耐。🦐甜蝦（兩件）$16口感

🇯🇵鹿兒島黑豚溫泉蛋飯 午餐包晒味增湯、沙律同小食😋一上枱已經聞到勁大陣好香嘅燒肉味🤤米飯爽身粒粒分明好食，加上配埋溫泉蛋同埋豚肉醬汁💦撈飯簡直一流🥰肉嘅大細剛剛好可以一啖一塊😆每塊都食到微微嘅脂肪同嫩肉👅脂肪嘅位置一咬仲充滿油香， 好正❗️另外而家午市壽司仲做緊半價添😆所以我好唔執輸咁叫咗幾款食🤪1️⃣火炙京蔥三文魚2️⃣香蔥吞拿魚茸軍艦3️⃣日本醬燒蟹棒4️⃣柚子燒赤蝦款款都好新鮮，午餐真係好抵食😆

位於旺角的高質素精緻日式居酒屋面積大約2千平方尺，裝潢充滿優雅日式風格開放式廚房可觀看師傳製作餐牌選擇很多，未能盡錄但有些價錢已半價的壽司非常划算蔥粒吞拿魚茸軍艦(2件) - $18碎吞拿魚幼細香滑，口感軟綿綿的，脂香味重火炙京蔥三文魚(2件) - $16火炙讓三文魚的香氣釋放出來，略微帶焦香頂部的美乃滋和京蔥配合得很清新日本醬燒蟹捧(2件) - $18咸中略帶點鮮甜，烤得有點焦香，充滿鮮甜水份醬燒熟蝦(2件) - $22彈牙蝦肉鮮味十足，搭配濃郁香嫩芝士，味道層次豐富赤貝(2件) - $18味道鮮美，肉質爽脆燒雞扒溫泉蛋丼 - $68雞扒燒得酥脆，裡面嫩滑又帶點炭烤香氣和微量甜度溫泉蛋非常鲜甜，口感嫩滑，充滿濃郁的蛋香配些椰菜絲增加爽口感燒花魚一夜干配御飯 - $78日本人入冬最愛吃烤得熱燙的魚鮮北海道地道的做法將花魚醃製成一夜乾海水鹹味就自然滲進縷縷魚肉之中燒得焦香的花魚，魚肉絲絲分明，鹹香焦脆和風沙律+麵豉湯+是日小食

之前上網見到有人推薦呢閒餐廳，但係因爲夜晚禁堂食一直都未有機會去試。上星期六剛好撞正得閑就決定去試下，點知真係出乎意料地好味。呢閒日本菜主打壽司，我就同朋友仔每款點左幾樣，同埋一個長阪燒三重奏既丼飯。先來講下壽司，我地叫左吞拿魚，帶子同甜蝦壽司。吞拿魚好肥美，帶子同甜蝦好鮮甜，每一樣食材都好新鮮。牛油果鰻魚卷都不錯。三重奏就係三個迷你版丼飯，個人覺得海膽太鹹，其他刺身都好新鮮。呢閒餐廳最值得稱贊就係d飯，係正中用醋料理既飯，所以每一粒米都係啡色既，食落去有一陣酸酸地既味道，可以見到落足功夫。最驚喜係價錢十分合理，2個人食到飽都係300幾。而且聼人講佢其他食物都係大分夾抵食。一定會繼續幫襯！

與朋友去咗一間位於旺角嘅日本餐廳食lunch，餐廳環境充滿日本風情🤩而且都幾舒適👍🏻🍛汁燒霜降和牛溫泉蛋丼（$168）和牛粒份量多到完全見唔到白飯🤩要另外用碟盛起先食到啲飯😆和牛入口唔韌仲好軟腍，而且裹滿甜甜地嘅醬汁，食落真係好juicy😋溫泉蛋𠺘吓𠺘吓，篤開後蛋黃傾瀉而出好吸引🤤蛋汁及牛肉醬汁混合珍珠米真係食唔停口😋定食配有麵豉湯、是日小食及和風沙律，麵豉湯味道ok但唔夠熱；是日小食係帶子裙邊，作為開胃小食確係不錯；另和風沙律幾新鮮，與酸酸地嘅沙律汁一齊食幾開胃！🍜蜆肉烏冬（$36）蜆肉份量唔少，烏冬煙韌彈牙，日式湯底清清地又有蜆肉嘅鮮味，再配埋腐皮絲及粟米粒等，簡簡單單，味道唔錯😋🍣壽司：藍鮨赤身 ($24)、火炙平目魚背 ($28/ 2件)、油甘魚松露 ($24/ 2件)及三文魚（$13/ 2件）油甘魚松露有好香松露味，呢個配搭幾特別😆火炙平目魚背燒過後更鮮香甘甜，配蔥及芝麻一齊食都幾夾😋而藍鮨赤身及三文魚就比較一般，無乜特別🙂食物整體ok，服務唔錯，壽司又有半價優惠，可再encore👍🏻

晚市禁堂食，各食肆都盡力係6點前吸客～ 尤其係旺區，一定要出奇制勝～今日同朋友嚟旺角呢間👉🏻長阪燒～ 主打鐵板燒，走中高檔路線，裝修佈置同日本居酒屋無異～ 最正係佢依家中午12點至下午六點都有半價優惠呀～ 而且食品種類亦非常多，包括壽司、丼飯、烏冬等等～介紹下我地食咗咩先～壽司🍣劍魚腩日本帶子藍鮨(中)拖羅火炙平目魚背三文魚醬油漬壽司飯已經特別調味過～我個人比較鍾意劍魚腩同火炙平目魚背的脂香🤗 而呢度既藍鮨(中)拖羅肉魚味濃郁，🙂油分適中而無筋~ Nice~汁燒帆立貝溫泉蛋丼 （定食）附麵豉湯、是日小食、和風沙律一d都唔吝嗇，丼內有5大粒帆立貝～ 經汁燒後香氣撲鼻～ 加埋溫泉蛋撈飯非常夾！店內近窗位置都好特別，朋友都話希望下次能安排坐果邊呢！

今日下午放半日假，決定黎個小小既美食之旅，今次地點係旺角。首先食個日式lunch先。之前黎過呢間長阪燒一次，呢度裝修非常日式，都幾有特色，係位於旺角既一家樓上餐館。呢度都有d高私隱度既卡位，可惜今日人多，無緣一試。我地又係坐係壽司吧，可以望住好多靚靚日式餐具進餐。座位係木椅但係有個超舒服既cushion靠背。今次叫左個丼飯，另外叫左d特價壽司同食品share。佢地好多壽司同麵食小食午市時段都做緊特價。火炙三文魚温泉蛋鰻魚丼 $108+10%超豐富既一個丼飯，擺盤又超靚！面頭有一大塊浦燒鰻魚，好香好肥美，正！另外有四塊火炙三文魚，燒得半生熟，餸飯一流。壽司飯原來係加左豉油，但係一d都唔咸。配料超多，有粒粒甜玉子，爽脆青瓜絲，白芝麻粒同三文魚籽，加埋隻溫泉蛋撈埋一齊食，非常濕潤，仲有多重口感同味道，好正！完全唔洗自己再加豉油同wasabi。只賣$108好抵！和風沙律,麵豉湯,是日小食（跟餐）和風沙律的的骰骰，沙律菜同車厘茄新鮮，柚子醋醒胃。是日小食係味付螺裙邊，味道正常。麵豉湯味濃，有豆腐粒，昆布同玉米粒。浦燒鳗魚, 柚子燒赤蝦, 芥辣八爪魚軍艦, 明太子沙律軍艦, 蔥粒吞拿魚茸軍艦壽司放

💕日式平民高質居酒屋🍣系列—▫️餐廳：長阪燒▫️地點：全香港只有1️⃣間分店📍旺角砵蘭街189號2樓港鐵旺角站 C3 出口, 港鐵旺角站 E1 出口, 港鐵旺角東站 B 出口▫️營業時間⏰：星期一至日 12:00 - 23:00▫️價錢：～$70+—美味：🍣🍣🍣🍣環境：🇯🇵🇯🇵🇯🇵🇯🇵價錢：💰💰💰+0.5💰—👧🏻去咗平民高質同性價比高既日式居酒屋，環境好靚💞好大，仲要唔係太多人😌都係樓上鋪好，叫咗超級多野食先每人$1xx～📍鹿兒島豚肉溫泉蛋丼（$88）分數：🥩🥩🥩🥩好大碗😍真係重量級既丼，好足料之餘，啲豚肉燒得好香🥰鐘意肥肉既你可以一試—📍茶碗蒸（$18@）分數：🥚🥚🥚🥚熱辣辣超級超級啱冬天食❄️❄️入面好多料，有肉有菇🥰仲好滑—📍🍣立魚黑松露壽司（$9@）分數：🍣🍣🍣🍣印象最深刻，啲黑松露好香，啲魚冇腥味，冇諗過兩樣野咁夾😌😌-📍蜆肉烏冬（$38）好抵食💞啲蜆有7-8隻🤣好肥美同甜🤣加埋烏冬好夾但唔會膩—

1. 蒲燒原條鰻魚定食套餐（超驚喜）必食推介！🤩女朋友好鍾意食鰻魚，lunch set百幾蚊諗住試吓，🥰一拎上枱就嚇親左，因為同隻筷子差唔多長度。質素方面，本來都冇咩咁高嘅期望，點知食落去好高質，鰻魚肥美唔多骨，魚皮烤到好脆🤪🤪重點係，平時食鰻魚飯食完有汁飯就乾爭爭，但呢間竟然放左隻蛋係飯入面😍😍😍即時將個飯升level😋😋一定要試！！2.博多叉燒拉麵$55仲以為係普通港版日式拉麵（你懂的），點知又係令我跌眼鏡，😳拉麵彈牙冇鹼水味，兩塊叉燒仲要係燒過嘅半肥瘦豬肉，有誠意🤗3. 午市半價壽司-🤗比壽司郎出色，飯團落左赤醋，即時好似食返日本本地壽司咁-蔥粒吞拿魚茸軍艦：吞拿魚唔腥，都okay-三文魚醬油漬壽司🍣：同平時三文魚有小小唔同，似火炙咁🤪🤪，但又冇咁漏，必試-八爪魚(咖喱)壽司🍣: 個樣比起其他壽司比較普通，不過八爪魚彈牙，鍾意八爪魚都可以一試-立魚柚子壽司🍣本身立月腥味好重，所以餐廳放咗好多柚子調味！好特別！😛😛都係必試🥰-火炙芝士熟蝦壽司🍣🤪都係正常嘅味道，冇咩驚喜-日本醬油蟹棒壽司🍣蟹棒好新鮮，味道唔假😍😍必試

3年前同一日黎過食飯,KEEP得好新淨,環境同樣舒適,服務好而家無晚市,出到黎食午餐,兩個人就叫左SET壽司同一SET定食SHARE食!燒雞扒溫泉蛋飯,包湯,沙律,小吃,麵豉湯夠暖身,味亦夠濃,再食埋沙律夠清爽燒雞扒啖啖肉,加埋特製既醬汁,最搶眼既係呈流心液態既蛋黃,將之拌勻米飯一起吃味道特別甘香濃郁,飯粒爽身粒粒分明好吃另外壽司款式十分之多包括藍鮨拖羅一件,火炙平目魚背,藍鮨赤身,醬燒帶子,三文魚醬油漬,京蔥三文魚,甜蝦壽司鮮度十足,厚薄合適,唔一定要厚切先好食既,另一值得一提佢飯係做得好好,唔會好大件飯變左食幾件就好快飽,炙燒過既食起黎更加鮮香甘美,價錢十分之抵食埋單都係$300左右

某日機緣巧合下，喺OpenRice睇到介紹，長阪燒有半價壽司優惠。於是就同男友約好時間，過嚟品嚐美味嘅壽司喇！今次係我第二次幫襯長阪燒，佢嘅位置都幾方便，就係朗豪坊正門口向右手邊方向直行兩分鐘左右，砵蘭街189號2樓。由於現時仍然維持晚市禁堂食的關係，故此下午茶時段仍然非常旺場。講返食物質素，我地點咗兩碗拉麵套餐，包咗前菜小食、沙律菜同埋麵豉湯嘅。當兩碗熱辣辣嘅拉麵端上嚟嘅時候，簡直令人眼前一亮！因為索價$78一碗拉麵竟然有溫泉蛋一隻喺裡面啊！我點咗叉燒拉麵，一共有四片，肉質軟腍香口，冇多餘肥膏！男友就點咗豬軟骨，裡面嘅豬軟骨份量都頗多，而且都炆得好腍，入口即溶。另外我地再點咗七種類壽司，分別係吞拿魚蓉軍艦、甜蝦、赤蝦、油甘魚、平目魚、八爪魚及鰻魚牛油果卷。店家用上赤醋米飯，配上新鮮魚肉刺身，真係份量十足架！之後我地仲點咗兩個即叫即蒸嘅茶碗蒸蛋同埋蜆肉麵豉湯！蒸蛋十分滑溜而且蛋味濃，裡面仲有一舊雞肉同一隻蝦。蜆肉共有八隻，每隻都好厚肉，食完口腔裡都洋溢住海鮮嘅味道呢！店家的服務亦十分殷勤，讓食客有賓至如歸的感覺！實在很讚！有機會再來幫襯的！