長阪燒 (已結業)

食物80分，環境大，都幾抵食。.🔸蟹子沙律($28)不過不失，不過覺得太多醬。.🔸三文魚頭湯($22)湯底係麵豉湯，好足料，好大既三文魚頭，一啲都唔腥。.🔸原條汁燒鰻魚丼($138)鰻魚好大條，肉好肥美，冇骨，燒得好香，底下仲有隻蛋，撈埋飯同鰻魚一齊食，更加滑。.🔷壽司🔸三文魚醬油漬($16/2pcs)🔸醬燒帶子($24/2pcs)🔸日本芝士蟹棒($18/2pcs)🔸柚子燒赤蝦($22/2pcs)🔸立魚柚子($18/2pcs)用料好新鮮，刺身都鮮甜，立魚仲係日本直送，特別想講三文魚醬油漬，肉質肥美，本身比醬油醃過，好夠味，咬落有啲油脂滲出嚟。

長阪燒係一間日式爐端燒餐廳，牆上掛上紅色木槳，廚師係燒烤爐前烤煮，之後用上長長的木槳向客人傳遞食物，這是傳統爐端燒文化，用親民的價錢呈獻地道風味😊除左吧檯之外，仲有卡位，加設了布幕，私隱度極高，同時亦可俯瞰旺角街景餐廳做緊所有壽司都有半價優惠！三文魚$13兩件、油甘魚$22兩件，真係好抵食，質素不比成日大排長龍既壽司店差，款式亦相當多－－－－－－1. 蜆肉麵豉湯 $22非常足料既湯，蜆應該有數十隻，每隻都肥美脹卜卜，冇沙冇碎殼，湯底唔會好咸，抵試2. 蟹籽沙律 $22沙律有青瓜絲、蟹柳同蟹籽，青瓜絲相對較多，口感清爽，味道正常3. 蒲燒原條鰻魚定食 $138原條鰻魚用左木板去盛裝😍非常吸睛，濃濃香味撲鼻而來，鰻魚極厚身，肉質鮮嫩可口，甜味適中，蒲燒汁滲入日本珍珠米，咸香四溢，仲有一隻溫泉蛋係底，飯加埋蛋汁同埋鰻魚汁一齊食真係好滋味4. 四款壽司黑松露立魚、三文魚醬油漬、柚子燒赤蝦、吞拿魚蓉軍艦吞拿魚幼細香滑，軟綿綿的口感，蔥碎更為吞拿魚提鮮，不過有點不足是紫菜唔脆三文魚用醬油漬加以醃制，鮮味更為突出，值得一試

位於旺角呢間長阪燒係朋友帶過我嚟，今日同老公放假嚟食午餐～食物依然保持水準，性價比高！汁燒霜降和牛溫泉蛋丼$168燒至半生熟的和牛油脂豐富入口香濃，加埋半熟蛋撈飯好滿足🤤質素幾好蜆肉麵豉湯蜆肉飽滿有彈性，冬天飲麵豉湯好正壽司total有6款14件，都只係百零蚊，但比起好多中價位的連鎖壽司店仲要好食！帶子來自日本，赤蝦加上柚子夠清香，劍魚腩軟腍柔和，食哂超級飽～沙律新鮮爽脆今日坐窗邊卡位，私隱度高而且舒適～

長阪燒好少會行砵蘭街, 但上網search過有一間看似不錯就日本菜,所以過黎試下.一入門口, 就見到一樽樽梅酒, 職員同我地講係佢地自家製既梅酒🍶🍶🍶另外餐廳既位置好闊落,有bar 枱或者可以選擇坐卡位, 我自己就比較喜歡坐bar枱,可以望住師傅做野感覺特別好食😋😋本身上黎係淨係諗住食刺生,壽司🍣🍙,餐廳有一個Oyster set(季節限定）$288,set入面包括左(生蠔12隻+指定白酒1支或無酒精飲品2杯)包一枝白酒真係好吸引,所以我地就叫左一個Oyster Set生蠔非常之新鮮,鹹鮮甜美壽司三文魚腩 $38三文魚好肥美,肉質柔軟赤身（藍鰭吞拿魚）x2 $70入口即溶,魚油味重雲丹（海膽）$98海膽一向都係我既最愛.不能抗拒,非常鮮甜三文魚籽 $58三文魚籽非常彈牙,鮮甜又不會太鹹岩鹽燒美國牛小排 $148師傅燒得岩岩好,牛肉熟度岩岩帶粉紅色,牛肉味重多汁,一d都唔會乾

今日為左farewell 同事，所以同事們就提議去位於旺角既一間日式居酒屋食lunch。今次係第一次幫襯，一入門口已經被鋪頭入面既日式佈置同擺設吸引左，成個環境都好寬敞舒服。我就試左燒雞扒稻庭烏冬，因為係lunch set 關係，跟餐係配埋和風沙律，前菜同麵豉湯。沙律新鮮，加咗醋酸酸地咁好開胃；麵豉湯唔會太鹹好啱我口味。燒雞扒好有驚喜，雞皮燒到脆脆地，雞扒肉好嫩滑，配埋蛋黃醬好好味，烏冬彈牙，成個餐我好快已經食哂，食我好滿足呢！估唔到係旺角搵到間高質日本餐廳，下次會再黎！

尋晚朋友話想食日本野，OpenRice search 到呢間長阪燒，我見到地址寫住砵蘭街，以為係啲比較地踎啲嘅野食。。。。，點知，原來係喺一棟幾新淨嘅商業大廈入面，而且店內裝修好有日本風，差啲以為自己去左日本呀裝修咁靚，價錢當然都有返咁上下啦，今日叫咗好少嘢食，包括有半打生蠔，三文魚壽司，平目魚壽司，赤蝦壽司，燒三文魚膠，燒雞翼，同埋燒牛舌生蠔🦪 $148 半打不過不失，生蠔算幾厚身，但冇乜海水味壽司🍣個飯唔係普通嘅飯，魚生新鮮，價錢唔算太貴，讚燒牛舌 $38 一串 叫咗兩串牛舌，total $76，肉質好好，淋得來有咬口，唯一係落鹽太多，有啲鹹，而且入口嘅時候感覺到有鹽粒喺面頭日本雞翼 1隻28蚊好一般，偏鹹，無乜肉汁，肉質偏實，28蚊一隻黎講真係好麻麻整體來講，壽司🍣幾好，但料理偏鹹，價位偏貴，但服務幾好，收碟收得好快，亦坐得舒服

明晚開始就要禁止六點後的堂食，今晚最後衝刺, 所以選了一間很多不錯的餐廳——長阪燒。我們要了一份劍魚腩刺身和藍鰭吞拿魚腩大拖羅、Oyster set、美國小牛排和叉燒拉麵，另外還要了一set glass wine 。首先來的是劍魚腩和藍鰭吞拿魚腩大拖羅刺身，相信大家光看相片已感受到刺身的新鮮美味，堅魚腩肉白略帶粉紅，肉質柔軟脂肪多，鮮甜而不油膩。大拖羅是刺身中的極品魚腩肥美，魚油比例極高，入口充滿魚油鮮香，極極好味。跟著上枱的就是生蠔，肥美雪白的宮城大島生蠔，充滿海水的鮮鹹味，入口爽滑肥味，鹹鮮充滿整個口腔，餘味悠長。美國小牛排，外層帶有蕉香，裏面鮮嫩多汁，看相都知道牛排入口鬆軟冇渣，牛肉味十足，好正👍🏻最後來了一碗日式叉燒湯麵，這一頓真的太滿足了，期望第四波疫情快點過去，盡快恢復正常生活，疫情遠離整個世界！

👧🏻😋👅🍽✨-✨長阪燒緊係主打燒物 🔥😋✨壽司半價 😍 可惜只限六點前，但我都忍唔住叫左我最愛既海膽膽拖羅，下次早啲黎食晒 😎✨裝修一流，有啲似係日本漁市場既setting，即叫即燒 🤤-🍣壽司🍣-雲單（海膽兩件) $98✨海膽份量多，好甘香，成舊壽司擺入口，但都feel到一塊塊海膽排住隊咁跣落我條👅度-火焰藍旗吞拿魚赤身 $38-火焰藍鯨吞拿魚中拖 $68✨特別講下中拖，脂肪比例高，成舊拖羅白裡透紅，仲要燒完油更香-🍢串燒🍢牛舌$38-活海鰻 $68✨真心活！魚皮同魚肉中間既膠質有滲出少少魚油，中間筋位食落爽口；魚皮仲脆卜卜-🔥端燒🔥 松葉蟹膏多士 $118✨個蟹蓋入面塞爆蟹膏，真係搽極多士都仲有✨仲有勁香濃，就咁食一小口都去到眼球爆裂既狀態 😳-岩鹽燒美國牛小排 $148-炸芝士年糕 $32✨放題食果啲同呢個真係冇得比！芝士軟滑，年糕皮又唔會太油；煙韌：炸皮脆年糕軟-🍙食事🍙燒三文魚飯團 $28✨焗完表面脆卜卜，面頭好多芝麻好香，三文魚碎遍佈成個飯團-加一服務費-

之前係ig見到哩個裝修已經好想去啦😆，勁靚🥰生蠔6隻配白酒 ($148)一碟有兩款生蠔🦪，一款日本一款韓國，每款有三隻，食落都唔錯🤩散叫壽司要留意壽司係無set叫既， 每款壽司都係散叫，所以晚市去食都唔平呢🤔，而家午市做緊壽司半價優惠抵食好多!😂Menu上壽司選擇都幾多，但壽司飯比較實🥺，魚生就未算好新鮮肥美，哩個價錢食有點失望呢🥺雞軟骨 ($22)見哩到主打燒物，就少少地叫左個雞軟骨試下，都係正正常常啦😂 傾住計食都幾開心呢赤貝刺身 $60一碟得兩片😂 唔夠食呀，赤貝色澤光滑鮮艷，好厚肉！整體黎講，哩到裝修好靚但食物質素就無比想像中好🥺 個高台真係好有日本feel呀，但坐位比較逼，大家最好都係記得訂左位先去啊 咁就可以坐耐少少啦😂🎈長阪燒 地點：旺角砵蘭街189號2樓

從來對砵蘭街食肆嘅印象都停留係地道嘅港式餐廳，原來呢度有棟大廈入面有間咁高質嘅居酒屋🏮「長阪燒」，裝修豪華座位又夠寬闊。吧枱對住嘅係一個魚市場，可以見到平時食開嘅刺身嘅原型。另一邊係有簾嘅卡位，夠曬私隱度。前菜：宮崎楚蟹肉水菜沙律（$58）水菜原來係幾爽脆嘅沙律菜🥗，又無咩草青味，拌沙律醋調味，面頭嘅蟹肉嘅份量都幾多😍！清酒煮蜆（$78）清酒🍶味未算突出，同時蜆肉都幾多沙😫。壽司：火炙三文魚腩壽司（$39）、北海道甜蝦壽司（$48）、劍魚腩壽司（$28）、蔥粒吞拿魚腩（$58）三文魚腩炙燒後魚油四溢，暖暖地入口真係一級棒🍣。甜蝦🦐鮮甜，劍魚腩、🐟吞拿魚腩都係魚味出眾嘅選擇。串燒：免汁雞肉棒（$38）、牛舌（$38）、日本雞肉大蔥串（$28）雞肉棒做到份量適中先配合到蛋漿。同雞肉大蔥串一樣🍢，都係用左鹹中帶甜嘅醬調味。牛舌則係鹹中帶酸嘅調味。總括黎講非常有驚喜嘅一餐，係我地係砵蘭街嘅一大發現！

長阪燒位於砵蘭街189號2樓，地鐵C出口一路向前行就到，好易搵到。我哋坐係吧枱，前面嘅裝飾好有特色，似一個日式嘅魚市場。佢張凳嘅設計都好有心思，凳下嘅位置可以俾你擺袋。壽司：佢呢度嘅壽司性價比極高，所以同友人叫左幾件試下。佢呢度嘅劍魚好有驚喜，平時都唔覺得佢好食，但係今次食完之後，直情想再叫多兩舊。至於其他嘅都好唔錯，下次可以淨係過來食壽司。汁燒箱降和牛定食：佢會跟一份小食同一份沙律，小食應該係雞腎或者鴨腎，好爽口。沙律佢係加醋而唔係加沙律醬，酸酸地幾開胃。個飯入面有一隻溫泉蛋，吉穿個蛋黃，撈埋啲飯一齊食好野味。佢d 和牛都煮得好軟，雖然唔係a4,a5個d 入口即溶既牛肉，但以呢個價錢來講，我自己覺得非常之值。環境都幾舒服 下次試埋其他定食先

旅行感覺系列😁😁人人都想去日本，但係人人今年都去唔到日本😣， 唯有選取日式料理店， 尋回喺日本嘅感覺😎之前已經喺唔同嘅媒體 ，知道呢間餐廳以長阪為主題，真的好特別。 地方非常闊落寬敞， 中心區非常搶眼奪目， 放了不少新鮮食材。 我們選擇了坐在吧檯位置， 可以 欣賞師傅製作壽司🍣🍢原條汁燒鰻魚丼(和風沙律🥗+日式餐前小食+日式麵豉湯+茶碗蒸🥚)鰻魚甘香可口, 肥美鬆化, 色澤均勻 賣相非常吸引😍😍。 以這個價錢的原條 鰻魚飯 ，鰻魚份量頗多 實在抵食。另外這裏的壽司， 現在六點前都有半價🤓， 好多款壽司都係十零二十蚊就有兩件。 基本上超級抵食的 ，但壽司飯再爽身少少就會更好。藍鮨拖羅油脂分佈均勻， 厚切質感覺夠滿足😍， 入口溶化沒有筋， 味道鮮甜無腥味， 質素不錯。立魚黑松露壽司立魚新鮮口感有嚼勁， 加埋黑松露又是另一個味道。蟹棒芝士火炙壽司蟹棒彈牙鮮味， 加上火炙後的半溶芝士， 女士同埋小朋友就最啱。三文魚牛油果卷三文魚鮮豔奪目， 中間係軟綿綿的牛油果， 再配上三文魚籽點綴。🍣

呢日同好耐冇見既朋友去食飯，我地都好鍾意食日本菜，所以就搵左一間喺旺角既日本餐廳食dinner。呢間餐廳既環境好好，樓底又高！打開餐牌，見到有好多選擇，望落幾正！我地點左汁燒霜降和牛溫泉蛋丼，切粒既和牛燒到好香，有香濃既牛味，肉質嫩滑又juicy，溫泉蛋撈飯食超好味！除左和牛丼之外，仲散叫左啲壽司，味道亦都唔錯，啲魚生都幾新鮮。另外，仲點左碗三文魚頭湯，冬天飲一碗熱既湯真係好正，勁暖身。麵豉湯同沙律菜都唔錯！

好掛住日本呢間餐廳好有日本🇯🇵既感覺近門口位置既清酒桶特色牆和風既壁畫成個用餐環境都好舒服呢仲有吧枱位置放滿新鮮食材感覺即用即煮 半價壽司🍣軍艦、手卷 有成超過80款可以揀只要捉緊12-6點呢個機會就得啦點可以唔叫壽司呀醋飯味道唔會太酸三文魚、立魚、火炙蟹柳、劍魚立魚口感偏爽口劍魚口感新鮮嫩滑，肥美原條汁燒鰻魚丼鰻魚非常吸睛 大大條鰻魚呈現係眼前微炭香鰻魚味，肉質軟綿係鰻魚下面仲有一隻半生熟蛋配珍珠米定食既餐前小食及沙律呢個蜆肉味噌湯係另外叫既勁多蜆肉 而且都算大隻岩哂我鐘意食蜆既人呀

估唔到旺角都有咁寛敞嘅餐廳🤣環境好舒服，揀左坐吧枱，可以望住壽司師傅整壽司😋.汁燒霜降和牛粒溫泉蛋丼 $168一向我都好驚一口和牛，因為多數好韌，但呢度竟然唔韌好軟腍！採用真日本和牛，見到啲雪花油脂，煎到未熟哂更顯鮮嫩，牛粒份量好多，夠送哂飯有餘，飯嘅汁同蛋汁都好好食🤤.日本芝士蟹棒2件 $18炙燒味好香，蟹棒好爽甜.藍脂拖羅 $32呢個價錢竟然食到拖羅😭😭😭感動，口中充滿油脂，係難以令人忘懷嘅味道呀！！.劍魚腩2件 $18.立魚2件 $16.兩款魚都好抵食.蟹籽沙律 $28.茶碗蒸 $18好嫩滑