長阪燒 (已結業)

野食還好。服務態度極差，野未食曬就收走碟野。入坐到食野一粒鐘唔夠，收曬啲碟，催人埋單。第一次食野食到覺得唔俾評價真係過唔到自己果關。第一次嘅評價送俾你哋！不會再嚟。

晚市禁堂食，各食肆都盡力係6點前吸客～ 尤其係旺區，一定要出奇制勝～今日同朋友嚟旺角呢間👉🏻長阪燒～ 主打鐵板燒，走中高檔路線，裝修佈置同日本居酒屋無異～ 最正係佢依家中午12點至下午六點都有半價優惠呀～ 而且食品種類亦非常多，包括壽司、丼飯、烏冬等等～壽司飯已經特別調味過～我個人比較鍾意劍魚腩同火炙平目魚背的脂香🤗 而呢度既藍鮨(中)拖羅肉魚味濃郁，🙂油分適中而無筋~ Nice~汁燒帆立貝溫泉蛋丼 （定食）附麵豉湯、是日小食、和風沙律一d都唔吝嗇，丼內有5大粒帆立貝～ 經汁燒後香氣撲鼻～ 加埋溫泉蛋撈飯非常夾！店內近窗位置都好特別，朋友都話希望下次能安排坐果邊呢！

呢間居酒屋嘅裝潢佈置都充滿日式風情🏮仿如置身日本，相當有氣氛！🇯🇵 環境寬敞而且具空間感，帶比客人好舒服嘅感覺😌壽司（$16-18/2件）午市壽司半價🍣‼️真係好抵食🤤 小編試左火炙京蔥三文魚、赤蝦、日本芝士蟹棒、赤貝同埋帆立貝，整體質素都唔錯😋壽司飯加入左赤醋，味道大大提升 👍 三文魚食落充滿油香🥰蟹棒表面嘅芝士勁邪惡😈 赤蝦肉質彈牙，帆立貝都幾鮮甜！鹿兒島黑豚溫泉蛋丼（$88）黑豚肉份量好多😍 豚肉表面燒至焦香，肉質半肥瘦，食落油脂味豐富🤤撈埋溫泉蛋同埋甜甜地嘅醬汁真係加曬分🤤 呢個set仲包左麵豉湯、小食同和風沙律🥗唔怕唔飽！南瓜天婦羅（半價$18）天婦羅炸得好香脆，南瓜幾清甜，食落一啲都唔覺油膩！茶碗蒸隻碗好靚😆蛋味香濃仲好滑身！入面仲有香菇、雞肉等配料，唔錯唔錯～

坐落在朗豪坊附近的日本餐廳，價錢親民，本來也沒什麼期望，只想填肚，食完發現熟食和炸物也不錯。❶炸蝦天婦羅烏冬 ｜ $33咋😂 我自己都應該食到兩個，炸物好香脆熱辣辣❷鹿兒島黑豚溫泉蛋丼飯 ｜ 呢個勁好食，黑豚肥美，油脂夠又做到入口即溶❸拖羅蓉壽司 | 這個真係性價比好高，$18兩件，多食幾件都唔肉痛另外燒芝麻雞翼、小食、茶碗蒸都係中上，價錢卻是平民價，好適合糧尾都想食下日本野既時候！—————————————————長阪燒 (旺角)旺角砵蘭街189號2樓—————————————————

如果你都鍾意食日本野，咁呢間一定啱晒你！最近師奶同同事們都好鍾意嚟呢到食Lunch，除咗嘢食出色之外，環境都好好！又多影相位，坐得夠舒服！我最鍾意就係食佢嘅溫泉蛋丼飯，有好多款選擇！而我今次就揀咗「鹿兒島黑豚溫泉蛋丼」！淨係賣相已經引死人，面頭鋪滿晒黑豚肉，份量十足！肥瘦適中，食落仲帶有好香嘅油脂味道！醬汁帶點甜味，再加埋隻溫泉蛋，餸飯真係一流！而我同事就叫咗炸蝦天婦羅烏冬，天婦羅一啲都唔油膩，炸得啱啱好，外脆內軟！烏冬都好食，又滑溜又彈牙！食日本嘢，無理由唔食壽司㗎！呢到啲壽司款式都算多選擇，價錢就同平時出面差不多，不過勝在夠新鮮，都唔差！另外我仲叫咗茶碗蒸！入口滑溜，唔好睇佢細細碗咁，其實入面好多料！有冬菇，有雞又有蝦！總括嚟講，呢間餐廳環境舒適，食物質素都高！值得大家一試！

今次我係lunch time去食，有啲小食有半價，好抵食兩個人點左好多野食，好豐富，而且環境和座位舒服，可以安安靜靜地享受一個下午🔸鹿兒島黑豚溫泉蛋丼 $88$88呢餐是重點，因為味道好好，而且又非常足料，有勁多豚肉係碗飯，鋪滿係飯上面果然係日本，肥瘦適中，厚度好似叉燒咁厚！中間仲有個溫泉蛋，好流心🔸壽司 10件，價錢唔算貴，十幾廿蚊就有兩件我點咗炙燒蟹柳，飛魚子軍艦，醬燒熟蝦，吞拿魚茸軍艦，火炙三文魚。全部都好好味，好新鮮！🔸炸蝦天婦羅烏冬 $33天婦羅外皮夠薄，唔會有好多粉👍🏻仲有3件，炸蝦、茄子、南瓜，配堆烏冬抵食又夠飽🔸炸雞軟骨 $22 呢間炸物果然唔錯，都係外皮唔厚，唔會太多粉👍🏻加左少少調味料令小食更惹味🔸蟹子沙律 $28我覺得蟹子嘅份量少咗啲，但中間都有蟹柳絲，而且沙律醬都充足，比想像中好食🔸茶碗蒸 $18中間有冬菇碎，令蒸蛋唔會單調，個蛋都算滑，無氣泡，係有少少咸Lunch set都有跟麵豉湯、沙律、是日小食，食到好飽

前幾日揀咗好耐食咩日本餐廳，因為來來去去都係食嗰幾間，但係喺網上見到呢一間都幾吸引，性價比都幾高，所以就嚟咗呢度試吓啦！旺角呢一間抵食嘅餐廳，仲有得食下午茶！雞扒烏冬份量好多，烏冬好彈牙，雞扒好大塊，亦都唔會好鹹。壽司我就嗌左幾款，刺身都幾新鮮，而且啲飯粒軟硬適中，飯粒亦都攞咗有色嘅調味料，食落去唔係剩係得醋味咁簡單！環境同埋服務都幾好，啲侍應都幾有禮貌，環境都乾淨。👍🏻👍🏻下次都會再黎！

餐廳環境有日本感覺 🥰🥰以日式爐端燒餐廳裝修 幾舒適 ☺️沙律, 茶碗蒸, 壽司、卷物、🥳應有盡有天婦羅拼盤 炸蝦外表有點厚 不過好脆 火炙三文魚 $16火炙把三文魚的油脂釋放出來 好香口蔥粒吞拿魚茸軍艦 - $18 軟綿綿碎吞拿魚茸質地細滑 飛魚子軍艦 火炙芝士蟹棒 略微帶焦香的芝士蟹棒 壽司飯落左赤醋 味道更有層次 定食仲有沙律同埋麵豉湯 原條蒲燒鰻魚飯 鋪兩隻手掌長的原條蒲燒鰻魚 🥰🥰🥰肉質滑嫩 配上流心蛋 拌蛋漿食口感滑溜 😋燒汁鹹甜好下飯 茶碗蒸好滑 😱用料豐富有鷄肉同海鮮✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：3.5/𝟻𝚁𝚎𝚟𝚒𝚜𝚒𝚝﹕3/𝟻𝙿𝚛𝚒𝚌𝚎﹕ $200/𝙝𝙚𝙖𝙙˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞

兩個人，想食日本嘢，想拍下拖，想傾下密計，當然選擇環境裝橫比較有氣氛，空間比較寬敞(因為要談情😂唔想同隔離枱咁近)，想食物比較精緻，有質素嘅餐廳，上網揾到依間，感覺唔錯，於是去試試，服務員有笑容，講嘢有溫度，佢(我估係經理)除咗同我哋介紹有乜好食，問下我哋鐘意食乜，亦有傾下閒計，令我哋好快融入並感到好relax，無幾耐食物就到，賣相好，味道好，掛住食，有啲都唔記得影😂

之前朋友已經帶我來吃過一次，特別時段部分壽司、刺身、拉麵等享半價，質素絕不差，的確幾滿意，所以適逢我部門的同事生日，於是我帶了佢來吃，順道慶祝生日🎂。點了幾款壽司🍣，包括油甘魚、吞拿魚、火炙帶子、魷魚、蟹棒壽司，油甘魚脂肪分布平均，吞拿魚配上黑松露醬，多添松露的郁香，經火炙的帶子帶點燻香，鮮甜軟滑。叉燒拉麵🍜，據說湯底使用了10多款食材烹調，香滑濃郁，很順口，而拉麵亦是用了日本拉麵，口感較為煙韌有嚼口。炸蝦天婦羅🍤拼盤，色澤炸得通透，炸蝦有手板那麼長，粉漿不會太厚，甘香鬆化彈牙。燒三文魚定食，配有麵豉湯、沙律和白飯，三文魚皮燒得金黃香脆，唧少少檸檬汁🍋，更提升三文魚肉的鮮味。第二次來吃長阪燒，依然很滿意佢嘅水準，連同事都好滿意，話我帶佢黎吃好嘢，我覺得最重要大家開心，Happy Birthday❤️

餐廳裝修華麗，以木係傢俬為主調，洋溢東瀛風格，食材用料新鮮，價錢親民，享受高質丼飯、刺身及壽司，讓人樂在其中。麵豉湯、和風沙律(套餐)及蟹子沙律(半價)$28麵豉湯，配上爽脆的和風沙律菜，口感清新。蟹子沙律，加上脆卜卜的蟹子，增添口感，滋味開端。茶碗蒸$36震騰騰的茶碗蒸，賣相吸引，入口滿滿誘人蛋香，十分香滑。叉燒拉麵(半價)$33奶白色湯底，散發陣陣香氣，先呷一口湯，湯底醇厚、濃郁，叉燒大片，肥瘦分明，滿口油香。拉麵粗身充滿彈性，每條麵掛上香濃湯底，風味迷人。鹿兒島黑豚溫泉蛋丼$88黑豚肉連同溫泉蛋放滿飯面，令人垂涎。厚切的黑豚肉，表面燒到微微焦香。大口咬下去，香甜嫩滑，配上流心蛋，輕輕叉開，金黃色的蛋黃流下，每口飯沾上蛋汁，口感濕潤，與肥美黑豚肉一齊吃，幸福滋味。吞拿魚蓉軍艦$18 脆身的紫菜，包裹著新鮮吞拿魚蓉，軟嫩鮮甜，魚脂豐沛，滋味誘人。醬燒帶子兩件$24 帶子厚肉飽滿，油光亮麗， 嫩滑口感一流。三文魚醬油漬兩件$16肥美厚切的三文魚，鮮味綿化，充滿油香，醬油漬令味道更精彩。日本芝士蟹棒兩件$18鮮甜的蟹棒有一絲絲的質感，加上香濃芝士，更美味邪惡。 火炙京蔥三文魚兩件$16

呢間日本餐廳🇯🇵主打日式套餐，有各式各樣嘅壽司、烏冬同丼飯🤣，環境典雅舒適：-1️⃣「天婦羅稻庭烏冬🍤($98)」-超豐盛！稻庭烏冬彈牙滑lulu🍜，天婦羅有6大件，炸蝦好食🍤，可惜茄子較滑膩🍆，btw跟餐有茶碗蒸、沙律🥗同沙律~Prawn tempera with inaniwa udon-3️⃣「火炙三文魚壽司2件🍣($16)」-食落幾肥美但魚肉可再厚身d，飯溫度少偏凍但飯粒分明~Seared fatty salmon👍🏻 -4️⃣「劍魚腩壽司2件🐟($18)」-比較清淡嘅魚類，偏爽口，fair xd～Fatty sword salmon -5️⃣「日本芝士蟹棒壽司2件🦀($18)」-呢款都正正常常，火炙芝士燒得幾靚~Crab stick sushi with cheese🧀

呢間係旺角鬧市入邊嘅居酒屋，下晝嚟食有成個半價餐牌俾你任揀😺壽司有好多款，推介充滿油香嘅火炙藍鮨拖羅壽司，另外立魚柚子都好清新。最鍾意佢嘅壽司係用赤醋飯整。主食燒雞扒溫泉蛋丼，雞皮又脆又有炭香。雞嘅份量又多，燒汁不會太鹹。牛肉烏冬定食仲大大碗添😛牛肉上枱嘅時候係半生，熱辣辣嘅湯就慢慢將佢煮熟～定食仲有沙律同埋麵豉湯，十分抵食。餐廳環境寬敞舒適，十分有日本風情。很喜歡裏面的裝飾，有置身喺日本嘅感覺～

本身被安排就坐走廊位置，然後眼見有2張卡位空左， 稍後要求調過去， 但細聲回應卡位低銷$800架wo, 令人感覺食唔起？即時離開餐廳 嬲到啊。如果只話卡位係4人座位， 聽落去都會舒服d

感覺平時食開嘅日本餐廳來來去去都係嗰幾間，好似冇咩新意咁樣，所以今次專登想試一間以前從來都冇食過嘅日本餐廳，然後喺OpenRice見到呢一間咁多好評嘅餐廳，特別係好似而家有唔少嘅優惠，所以最後就過咗嚟食。覺得呢度嘅裝修都幾靚，幾日風，而且有唔少比較精緻嘅裝飾品，幾有feel。叫咗啲壽司一啲主食同埋配菜，簡單來講就係咩都試左啲，特別要推薦嘅係安格斯牛扒溫泉蛋定食，牛扒非常好食，非常軟屬嫩滑，啲壽司都非常新鮮