長阪燒 (已結業)

長阪燒 (旺角)沖繩海葡萄番茄沙律 $68有海葡萄、番茄、同沙律菜，用咗沙律醋調味，凍凍地酸酸地好開胃，蕃茄切薄片圍成花咁都幾靚。松葉蟹膏多士 $118有６件焗到脆卜卜既多士塊，可以將撈好咗既蟹膏放上去一齊食，蟹膏少少咸帶啲鮮味。。馬友自家製一夜干 $238外皮燒到好香脆，薄到好似薯片咁。佢有配醬油，但本身海水味幾重，唔洗再點其他野都夠味，同冇魚腥味。魚肉燒完都仲好滑。。雜錦天婦羅 $128有３件海老、茄子、秋葵、番薯、冬菇同南瓜。一定要熱食，啱炸出黎外皮好脆，咁整蔬菜都好食。。鮑魚茶碗蒸 $68茶碗蒸入面有鮑魚、雞肉同蝦，好多料蒸完仲有鮮味，同好滑。。燒三文魚飯糰 $28燒明太子飯團 $28叫咗兩款燒飯團，飯調咗味，外面燒到好脆，有啲似飯焦咁，熱食都個口感都幾特別。。📍長阪燒 (旺角)旺角砵蘭街189號2樓#長阪燒 #旺角 #旺角美食 #日本美食 #日本菜 #foodiehk #hkfoodie #hkfood #foodhk #food #foodie #blogger #hkblogger #香港美食 #美食 #食 #食好西 #hkfood #hkeat #打卡 #topci

難得平日放假，先生book到呢間想食好耐嘅日本菜，以居酒屋形式經營，最出名係新鮮魚生同即製串燒。一入門口就見到兩大盤生蠔用冰鎮住，非常吸引。侍應安排我哋坐喺吧枱，對住一大堆新鮮食材，好有日本風味，店員仲好有心機介紹時令食材。Oyster set有四、八同十二隻可以揀，我哋人少少揀咗四隻，仲包一杯蘋果汁，價錢合理。Korean Gold尺寸適中，口感清爽，有淡淡嘅海水味，啱哂唔鍾意creamy同大蠔嘅我。先生揀咗幾款店員推介嘅壽司，不得不讚餐廳嘅食材非常新鮮，連平時好少主動order白魚嘅我都覺得唔錯。穴子配上醬汁，入口鹹甜交錯，口感細緻嫩滑，炙燒過令香味層次更豐富。真鯛非常新鮮，味道清甜，加入柚子令甜味更突出。今晚嘅另一個主角當然係串燒，估唔到上菜速度都算幾快，仲有生蛋醬油，錦上添花。活海鰻大大件，而且非常厚身，外皮燒得好香脆，非常香口，一食落去就知道新鮮程度毋庸置疑，係今晚印象最深刻嘅一道，非常推薦！豬五花亦相當有驚喜，燒得好香脆，完全唔會有油膩感。牛舌燒得恰到好處，口感爽得嚟表面有少少微脆，落少少鹽去調味已經好香口。年糕加上海苔同掃上醬汁去燒，非常惹味，入口口感軟糯，年糕控絕對唔能

今日lunch約朋友食飯, 佢帶左我黎呢間日本餐廳唔係佢帶我黎, 我都唔知呢度有間裝修得咁靚既餐廳 餐廳係2樓,搭電梯一開門就見到充滿日式佈置既裝修我同朋友好好彩可以坐到吧枱, 睇住師傅製作食物午市有好多款定食可以揀 有拉麵, 烏冬, 丼飯, 日式定食, 仲要價錢都唔貴, 每個餐都仲有和風沙律同麵豉湯我同朋友各自叫左個丼飯三色魚生丼: 有三文魚, 赤身, 立魚, 佢既海鮮夠晒新鮮同肥美, 最鍾意佢厚切既口感長阪燒丼三重奏: 呢個係我點既, 一個餐可以食到三個丼飯既感覺! 真係好豐富! 除左三魚生外, 仲有香蔥吞拿魚蓉, 因為今日冇海膽就用左蟹肉, 個蟹肉同樣鮮味, 加上佢個丼飯有用醋去調味, 醋既酸度岩岩好! 食完呢個三重奏, 真係大滿足!真係估唔到旺角都有間咁高質素既日本餐廳, 仲要咁抵食!

前排朋友仔話好想食居酒屋 仲推介左去食呢間餐廳 估唔到試新野有驚喜 係朗豪坊附近非常方便 一坐底服務員已經會主動推介當造的食物同新推出的款式 仲會主動邀請客人望下👀D刺身再作選擇 呢個服務值得加分❤️oyster set🦪 (4隻)+萍果汁🍹 ($118)店員極力推介試佢地新鮮日本送到的蠔套餐 套餐有四隻蠔加一杯飲品 見咁有誠意 就俾個機會佢啦 送到上枱會有個牌仔話你知係黎自日本邊度 今次係福崗的蠔 食落完全無失望 好有鮮味 一啲都唔腥 值得一試👍🏻壽司🍣壽司方面 幾款魚刺身都新鮮 望住師傅切出黎 本身小編對魚壽司唔係太大興趣 但店員推介未試過要試下 講到咁就試下啦 特別想講胺康魚肝壽司係估唔到咁有驚喜🤩 口感上面好似食緊鵝肝咁 好creamy 完全無腥味 顛覆左我原本已有的思想😱胺康魚肝壽司 ($24/件)穴子壽司 ($39/件)伊佐目壽司 ($24/件)柚子真鯛 ($38/2件) 燒物🍢味道燒到剛剛好 豚拖羅半肥瘦 有種入口即融的感覺 牛舌外面燒到有少少焦香 而且唔靭 不錯 牛舌 ($38)牛肋肉 ($38)免治雞肉棒 ($38)醬燒海苔年糕 ($28)醬燒豚拖羅 ($28)活海鰻

鍾意食日本菜既我，深怕就黎會無得堂食，於是帶左屋企人黎食呢間長板燒，離朗豪坊只係一個街既距離。估唔到咁早黎食都已坐滿食客，今次坐左係吧枱，佢既吧枱位置非常大，下面仲有好多位置比你放手袋，而且坐位係仲有箍臣坐墊，坐得非常舒服。服務員推介左金絲調，新鮮切既刺身，估唔到賣相非常之靚，連埋魚皮金光閃閃，連唔多食魚生嘅屋企人都食咗好多片。另外佢個牛肉麵，啲麵份量正常，但牛肉就好多塊，好抵食。而個蟹蓋多士一定要趁熱食，啲蟹膏非常鮮甜。

餐廳佈置華麗，充滿東瀛色彩， 卡位懸掛上米色的布簾 ， 既美觀又私隱度十足， 今日安排坐上吧檯， 可以近距離欣賞到師傅精湛手藝製作食材，賞心樂事， 令人胃口大開 。松葉蟹膏多士$118 令人垂涎的松葉蟹膏， 火候控制剛好， 將香噴噴的蟹膏塗在脆卜卜多士上， 輕輕咬下去， 蟹膏質感嫩滑細緻， 鮮味十足 ， 令人齒頰留香， 絕對是最佳組合。全鴨肉酒煮$88薄切帶粉紅色的鴨肉， 入口 軟嫩，肉味香濃， 還帶淡淡酒香， 別有一番風味。牛肉拉麵$88奶白色的湯底，味道濃郁，香而不膩， 薄切的牛肉，輕輕已經好容易咬開， 口感軟嫩， 跟配的拉麵條， 煙煙靭靭，掛上肉湯精華， 十分滋味。天鯛刺身 $380薄切粉嫩的天鯛魚刺身， 柔潤及魚油豐盛，先沾酸醋醬汁， 放入口中， 咀嚼時鮮味中慢慢沁出魚油甘香， 魚肉滑溜，清甜的魚味，充滿瀛風滋味。

長板燒真係真心推薦！🎄聖誕節🎄嚟喇~呢排想食日本嘢，朋友就帶我去長板燒，係旺角砵蘭街，本來都冇乜期望ga la，但係竟然有大驚喜！‼️超級大推薦！！！🐟馬友自家製一夜干 $238上枱既時候啱啱燒好，用筷子一篤「咯嗞---」真係音色清脆如美妙樂曲，金箔似的魚皮破了，點可以燒得咁卜卜脆架？！外脆而內又軟糍糍熱呼呼大大啖既魚肉，我同朋友都好驚喜！佢即刻夾左一大塊食，嘩，d魚肉又滑又嫩又軟，因為調味料唔算多，魚既鹹香好出，再加上一層薄薄脆魚皮，正呀！好似薯片咁脆但又薄過薯片，熱得嚟帶住魚油甘香，好回味呀🤩🥳燒物~🐄牛舌 $38 🐖日本黑豚 $38黑豚肉一入口即溶，洋溢出幸福滿滿既脂肪油香，真係咬咗好耐都唔捨得吞。至於牛舌，有d抗拒，但朋友話好食，我就試咗一嚿啦～唔~原來牛舌同牛肉冇乜分別好Juice，牛味足，邊邊既焦焦位夠惹味，包住芝麻葉🌿食仲正。總括嚟講我覺得廚師犀利在燒得有技巧、有火候、有心思，即使調味只係鹽，（我鐘意食少調味食物，咁先可以突出食物原味ga maa😍😍💕💕) 但係燒得啱啱好，啱啱好出到油香、焦香同鹹香。真係啱啱好就係最好🥰🦀🧇松葉蟹膏多士 $118見好

旺角長阪燒 · 高質抵食👍🏻下晝點咗一份 午市定食燒花魚一夜干配御飯定食 $78魚身大大條～魚肉結實得黎又好滑，唔算多細骨，有魚油👍🏻調味都唔錯，唯一魚尾部份比較鹹，配酸汁好味😋😋飯係珍珠米，好煙韌天婦羅蝦拼盤 $33兩隻炸蝦、一件茄子、一件秋葵、一件青辣椒整體炸得都好香脆👍🏻蔬菜又唔會乾晒，茄子偏油，炸蝦最好味😋$33 都抵食嘅～鰻魚牛油果卷 $28 兩件火灸蒲燒鰻魚喺面，好香呀夾埋牛油果卷，超好嘅配搭定食跟咗麵豉湯、是日小食（中華沙律）同沙律🥗環境好靚，好有日本feel見到身邊嘅人食刺身壽司睇落都好唔錯～下次可以嚟再試先

看到openrice有好多好評，這次來到卻感到十分失望，價錢貴，質素又不太好。主打各種日式食物，有小食、日式串燒、刺身、壽司、熟食，但食物真的麻麻地。壽司刺身串燒質素低下，比放題還要差。而且食物價錢昂貴，沒有吃太多食物但已經要差不多要$800。餐廳的壽司種類跟連鎖店比比較少，以為會比連鎖高質？卻不一定。壽司刺身似跟食自助餐連鎖般沒分別，什至還要差，米飯不結實，魚類不是特別新鮮，但是特別貴。 店員推介和牛陶阪燒，說是用上了宫崎和牛，又是那種圖片看似好味但實際圖片不副那種，勁細塊簿切，數量少但盛惠$300。由於太簿切，也吃不出什麼味來。

#大食小公主旺角區出動👸🤪 冇錯又係旺角食午餐☺️☺️日本野係我同朋友都無法抗拒嘅見到上網話半價即刻打電話去book枱試一試咩料啊🤟🏻🤟🏻🚩火炙三文魚 三文魚醬油漬 魷魚兩件 （全部都係$16）個人來講幾鍾意食個火灸三文魚嘅呢個價錢來講就冇乜嘢好挑剔☺️不過魷魚就普通咗啲可以唔使叫🚩茶碗蒸$18可以一試‼️基本上食壽司舖都必要㗎啦茶碗蒸嘅蛋非常滑👍👍🚩田樂燒三文魚 兩件 $20其實我哋唔知咩叫田樂燒但係都叫咗原來係好似鹹蛋黃第一次食覺得幾新奇‼️未試過嘅朋友可以一試😊😊🚩劍魚腩 兩件 $20呢個真係普通可冇得再普通大家可以唔使嗌😂😂😂😂🚩赤蝦黑松露兩件 $22$22兩件真係好抵食黑松露非常之香蝦都幾新鮮🚩炸雞軟骨 $22上面有七味粉好惹味熱辣辣脆卜卜$22幾抵食😍👍👍🚩油甘魚 兩件 $24呢個必叫🥰🥰🥰油脂感100分👍👍👍好新鮮❤️❤️❤️🚩蒜味帶子兩件 $25鮮甜嘅😆帶子size都OK‼️👍🚩油甘魚松露兩件 $26食咗普通嘅油甘魚覺得好新鮮所以再嗌多咗個松露版我自己就鍾意食冇松露嘅油甘魚因為松露有少少搶咗油甘魚嘅味道🚩火炙平目魚背 兩件 $28火炙完之後非常之有魚香☺️會有一種食完再想食嘅感覺🚩炸雞塊

今日黎到位於旺角既日式居酒屋，裝修方面充滿日本風情☺️有開放式吧檯亦有落布簾嘅卡位，真係非常熟悉有feel！菜式方面好多種類：刺身、壽司、串燒⋯選擇困難症嘅人應該有排揀🙊崎楚蟹肉水菜沙律💰58用上柚子醋同埋少少豉油，再配上肉質鮮甜嘅崎楚蟹肉用黎做沙律，呢個前菜非常清新。松葉蟹膏多士蟹💰118多士烘得非常香脆。蟹膏方面係乾身類型，食落有濃郁蟹膏味。放喺香脆嘅多士上面食真係一試難忘！楚蟹肉/油甘魚腩/壽司北寄貝壽司💰48/2P三款壽司都非常新鮮！個人最愛油甘魚腩，入口即溶同埋魚油香味夠重。蟹肉亦非常鮮甜，北寄貝甘甜爽滑，好好食～馬友自家製一夜干 💰238 一開始完全唔知係咩黎，原來係將清理好嘅魚放入去鹽水中，然後只有經過一夜風乾，便完成的魚乾🐟。最驚喜部份係肉質非常軟滑同埋外皮非常脆皮～ 呢道料理最適合配番杯生啤當下酒菜食～牛舌/日本黑豚 💰38/P超爆愛牛舌嘅我非常滿意佢地嘅牛舌串燒！肉質鮮軟同埋厚度足夠～ 日本黑豚肉有濃郁嘅豬味，食落一點都唔油膩～燒三文魚飯團，燒明太子飯團 💰28/P微辣嘅明太子同埋用豉油調味嘅三文魚燒飯團好適合當一餐嘅收尾，食完真係飽飽好滿足！

是日放假一天，係考試前，係旺角食番個豐富既午餐，先去應試。餐廳係2樓，里面裝橫令人真係有置身於日本的感覺，而且環境舒服、寧靜不喧囂。主食:燒花魚一夜干配御飯 HK$78(配麵豉湯、中華沙律和和風沙律)一般麵豉湯的味道都係偏咸及濃味，但呢間的麵豉湯較溫和，味道不會死咸，幾意想不到。和風沙律配上黑醋汁酸酸甜甜，相當開胃。為左好似番鄉下咁，特登簡左一向係香港比較少食到既菜式 “燒花魚一夜干” ，話明係一夜干就係花魚經過隔夜陰乾，去除左多餘既水份，然後再攞去燒。難怪一上菜既時候就散發濃郁的香氣。而魚的底部煎得焦香，面亦煎得金黃乾身，雖然花魚經過醃漬風乾既過程，但不會過鹹，依然保持鮮味，魚肉食落嫩滑。鹿兒島黑豚溫泉蛋丼  HK$88 (配麵豉湯、中華沙律和和風沙律)黑豚肉肥瘦相間，肉燒到脆邊，食落不油膩，完全無罪惡感。而且汁醬多，偏甜，用黎送飯一流另外，再額外點了些小食:花之卷  HK$18 茶碗蒸  HK$18  蟹子沙律 HK$28

是日放假一天，係考試前，係旺角食番個豐富既午餐，先去應試。餐廳係2樓，里面裝橫令人真係有置身於日本的感覺，而且環境舒服、寧靜不喧囂。主食:燒花魚一夜干配御飯 HK$78(配麵豉湯、中華沙律和和風沙律)一般麵豉湯的味道都係偏咸及濃味，但呢間的麵豉湯較溫和，味道不會死咸，幾意想不到。和風沙律配上黑醋汁酸酸甜甜，相當開胃。為左好似番鄉下咁，特登簡左一向係香港比較少食到既菜式 “燒花魚一夜干” ，話明係一夜干就係花魚經過隔夜陰乾，去除左多餘既水份，然後再攞去燒。難怪一上菜既時候就散發濃郁的香氣。而魚的底部煎得焦香，面亦煎得金黃乾身，雖然花魚經過醃漬風乾既過程，但不會過鹹，依然保持鮮味，魚肉食落嫩滑。鹿兒島黑豚溫泉蛋丼  HK$88(配麵豉湯、中華沙律和和風沙律)黑豚肉肥瘦相間，肉燒到脆邊，食落不油膩，完全無罪惡感。而且汁醬多，偏甜，用黎送飯一流另外，再額外點了些小食:花之卷  HK$18茶碗蒸  HK$18 蟹子沙律 HK$28

相隔一年返嚟食都仍然保持到水準實在難得！千幾蚊食齊晒刺身，生蠔，海膽，飛乀驒牛都唔算太貴，不過佢有啲係即日貨果d就有小小偏貴，初頭聽完個服務員推介後都諗住試下，然後知道價錢後就有啲偏貴，我哋見佢last oder都未有人食咗佢，心諗如果佢價稍為微調一下，我哋已經落咗肚了🤣🤣🤣，Anyway全部野都好新鮮，比起好多係中環尖沙咀銅鑼灣既高級餐廳黎講，佢性價比高好多了😆😆😆真心值得推介👍🏾

還是大愛💞見佢出左幾樣A5和牛，和牛陶板燒，和牛壽司3點同和牛炒飯，諗都唔諗就話叫呢幾樣，但好可惜當日無和牛壽司。和牛陶板燒 $268店員會幫我地用肉既油脂燒熱鍋，三番四次提醒我地會熱要小心，再幫我哋先燒蔬菜，再同我哋講啲肉因自己想食熟嘅程度放中間燒就可以。睇賣相真係唔似好靚咁，因為我唔中意太熟既牛，同埋覺得會嘥咗靚牛，兩邊一變色就食，事實證明比起燒多幾秒既，一變色就食好出色，有溶嘅感覺，所以真係唔好燒咁耐，好食都會變唔好食。和牛炒飯 $98呢個都抵食，好多和牛粒，飯唔好油，又好香。清酒煮蜆 $78我真係好中意食蜆，呢個蜆都好出色，我連啲清酒都飲，好甜好鮮既味道。大根鵝肝治部煮 $138大根其實係蘿蔔，佢嘅蘿蔔好林好入味，仲要有兩件鵝肝，好正呀啲鵝肝真係，又係戀愛感覺。菠蘿雪芭 $68雪芭真係無得輸，好中意食，有無人都好中意食？