長洲角酪

营业中

休息中

一間偽裝成長洲地鐵站的特飲小店，係一個相當有名既打卡熱點，今次來到長洲，點可能唔到此一遊。長洲角酪地理位置可謂得天獨厚，就近長洲碼頭，一落船行幾步就可以見到。到鋪頭一望人山人海，不愧為長洲人氣小店。店鋪裝修以藍色為主角，有一面牆模仿地鐵站的格仔磚牆，彷彿真有長洲呢個地鐵站。鋪頭仲有貓店長坐鎮，客人可以同佢互動之餘，又有唔同口味既乳酩同蛋糕可以品嘗，今日我簡單咁叫左杯經典角酪，乳酪味濃，飲得出好新鮮，仲加左紫糯米，真係特別！🐻

每次一提長洲都會諗起呢間手搖店，因為佢個打卡位好吸引，係「長洲站」呀，行到熱又可以買杯凍飲同打個卡先！今次叫咗個莓莓角酪，飲落口酸酸甜甜嘅味道，充滿着士多啤梨味！加埋咬落去仲有啲紫米，變咗一路飲嘅時候仲可以食紫米好有口感！而且杯裏面嘅士多啤梨係心形㗎，好靚又好飲！另外仲嗌咗杯西柚梳打，你飲落去西柚梳打裏面有好多西柚肉，不過味道就較清甜，但係如果你想食飽消濟吓，呢杯西柚梳打可以試試佢！

成個環境都係藍色💙比人一種好chill嘅感覺～牆上面嘅長洲車站好啱打卡😆坐喺度傾下計享受下個悠閒嘅下午真係超級寫意😚🍰大馬士革卷 $48蛋糕卷超級鬆軟🤩而且茶味香濃同芝士奶蓋好夾🤤係多層次嘅享受💖而且唔會太甜/太膩真係好驚豔配埋乳酪一齊食 簡直係perfect‼️🍓莓莓角酪酸酸甜甜咁滿滿士多啤梨味🥰（而且裡面嘅士多啤梨係心型架❤️）加埋紫米嘅口感昇華咗成杯嘢飲🫶🏻係非常輕盈嘅飲品之選！

成日都聽人講過呢間長州角酪發覺都幾多口味好多唔同嘅水果都有叫左最鍾意嘅芒果🥭同士多啤梨🍓賣相好吸引好啱打卡而且牆上面嘅階磚模仿地鐵站設計都幾有特色乳酪份量都幾多水果份量其實比較少不過夏天飲消暑都幾唔錯

講到長洲必去嘅其中一個Checkpoint，又點少得嚟到「長洲站」 — #長洲角酪 飲杯嘢、打個咭😎 加上行完山身水身汗想飲杯凍嘢降下溫，飲杯乳酪的確可以令人精神爽利😝 🥤我好鍾意飲呢度嘅 #經典角酪，入面係有煙韌口感嘅紫米🤭 好啱我呢啲唔係太好生果味嘢嘅人，如果你唔鍾意生果，呢款經典嘅紫米乳酪應該會啱你口味😉🫐🍑另外有多款水果味、其他限定嘅乳酪，仲有花茶同梳打可以選擇；朋友都叫咗桃味同藍莓味，而藍莓嘅天然紫色亦相當吸引🤩 雖然要返啲時間排隊，但我覺得嚟到長洲都值得嚟飲返杯嘅👍🏻

以往來長洲都見長洲角酪大排長龍，所以都無排隊食，但今日平安夜入長洲，竟然無人排隊，可能很多人都北上了消費。今次試飲芒芒角酪及西柚梳打。前者味道濃郁，有粒粒黑糯米好有𡁻口，芒果不酸，與乳酪撈埋很夾。至於西柚梳打，有很多西柚碎肉，味道較清啖，來到這裡還是應該食他們的招牌菜-乳酪！！

嚟到長洲必定會到呢間🍁長洲角酪🍁打下卡，其實我係第一次嚟😌，之前喺嘅時候，一係就冇時間，一係就食到飽一飽，今次終於騰空咗個肚試佢哋嘅港式自家製乳酪😍，其實呢間小店主要以手搖飲品為主，分咗幾類，🍁花果茶，🍁梳打仲有佢哋🍁自家製乳酪，其次有幾款🍁卷蛋，而價錢由$28至$48不等，呢度嘅裝修比較簡樸，但有一個好正嘅打卡位😎，就係以地鐵站牆身作背景，而中間印有長洲既字眼😍😍，嚟到個個都必定會喺呢度打卡(包括我)🙈🙈🍹甘露角酪 $48 :我就叫咗一杯嘢飲同一件cake作為我嘅下午茶🤫，甘露其實即係楊枝甘露，另外再配以自家製嘅乳酪，賣相精緻🤩，底層橙紅色，而杯身印製咗🍁秋葉圖案，因為嗰排係長洲嘅太平清醮，所以都會帶有平安標誌❤️，太有特色啦😍，味道方面，酸酸甜甜咁好開胃，飲落有柚子同芒果果肉，口感豐富，另外可以選擇甜度，乳酪方面唔會好結，比較稀身，易入口，酸酸甜甜咁，加埋楊枝甘露又幾夾喎😋，飲完呢杯乳酪係絕對有飽肚感😂😂🍰角酪卷 $42 :另外呢一份蛋卷都係必嗌甜品，賣相似日式嘅糕點，打卡一流，蛋糕嘅顏色似Tiffany Blue🩵，佢係以蝶豆花製成，食落軟棉棉🤤，味道甜而不膩👏🏻，再加上裏面嘅乳酪

這間乳酪店是長洲其中一家最熱門的打卡勝地, 主要是因為牆上寶藍色的紙皮磚, 配上地鐵站字體寫着”長洲”二字. 主打的是乳酪飲品, 自家製作比一般的來得更濃的質感, 有點似在飲奶昔. 本身不太酸, 配搭熱情果味道升級了, 兩者酸味的結合更突出, 不加糖的情況甜度自然, 喝起來沒有太多負擔, 而且腸道更為暢通. 小食選擇不多, 主要是蛋捲, 有蝶豆花和抹茶兩種口味, 前者的深藍色我覺得有點化學, 還是選擇後者好了, 味道一般, 蛋糕夠濕潤但忌廉可以再厚身一點. 一入去就有得吃喝, 不用白等的情況下心情更好, 吃得更滿足就是.

長洲角酪 地址: 長洲新興街78號地舖來到長洲點會唔飲人氣推介🤣？經典角酪🍹$32呢個角酪同平時飲啲乳酪都幾大分別🤪，乳酪偏稀身，所以飲落唔會話好膩😗，再配上檸檬果肉，酸酸甜甜的小清新，夏天飲啱晒，正☺️。大馬士革卷🍰$48卷蛋食落有少少綠茶味道，而且好鬆軟😗，加上面頭上啲奶蓋😜，但整體感覺甜甜地，正。#nicefoodie長洲—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef  #hk  #香港 #香港美食 #美食 #長洲美食 #打卡  #長洲 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #乳酪 #蛋捲

長洲必須黎嘅地方—角酪，真係好有創意😂長洲站，啲蛋糕仲要好少女心同精緻💕😂呢間專賣酸奶產品，我就是佢嘅紫米酸奶💜啲字咪幾好咬，好似食緊硬嘅飯粒，而酸奶應該唔會落好多糖，飲落係酸~唔會好似超市買嗰啲甜嘅酸奶😂

依間長洲角酪，每次我去中環街市都會經過見到，不過同事就話係長洲的總店比較好喝，所以每次想買嘅時候都忍住咗手，今次嚟到長洲梗係要試吓莓莓角酪 $42 推薦指數🗯️：🌟🌟🌟我這個評分思考咗一段時間，因為這個角酪跟平常的乳酪分別都幾大，表面的草莓酸酸甜甜，再配上自家製乳酪，其實飲落冇咁滯，但是裏面的紫米，食落煙煙韌韌得來又幾飽肚角酪卷 $42 推薦指數🗯️：🌟🌟🌟🌟卷蛋食落沒蝶豆花的味道，但食落好鬆軟，而中間的士多啤梨乳酪味道雖然偏甜，但整體感覺都是酸酸甜甜，所以食完唔會太滯以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

本身啱啱開個陣飲過一次，成杯野好足料，好濃，好好飲，一直都好想抽時間，搵日返去飲多次。點知佢依家做大左之後，成杯野搞唔掂，未飲過一杯稀到好似水咁嘅乳酪。咁我諗住可能只係咁啱個日失準啦，過左一排再返去試多次，都係咁稀。其實稀到算，仲要冇生果味。我叫個杯係士多啤梨，我淨係飲到乳酪溝水咁。講真，如果加價，但係keep得住以前個水準，我都會照買。但係依家價錢照舊，成杯野不知所謂，真係唔會再幫襯。結論係，呢間野唔使再試。

見到長洲地鐵站呢個背景，應該唔駛多講大家都知係邊間，假日店鋪永遠都人山人海，排隊買同埋等既人多的是🫠大概係長洲無咩飲品店，變相我基本上每次入黎都會飲佢，睇翻先發現原來咁耐以黎係完全無出過佢既文😅▪️ 百香果角酪💲38呢間乳酪會係偏稀身，所以飲落唔會話好飽膩嗰種，但感覺味道比起以前再淡左，底下就都係有比較酸既百香果籽😳除左百香果，我仲有飲過經典同埋莓莓角酪，唔知幾時會飲得曬全部款🤣🔎 整體評分（6.5/10）

夏天熱辣辣 見到呢間乳酪小店即刻衝過去試試🍦之前已經係中環街市見過 中午時段都幾多打工仔回過來幫襯😌👍🏻 今日終於飲到！我平日過來長洲 都幾舒服 小店客源都穩定 但係唔係逼到無位坐🤍小店主打乳酪飲品 用真材實料 飲手搖飲料都完全唔內疚✌🏻🥤藍莓角酪🫐（$42）乳酪偏稀 唔會太heavy👀 乳酪既酸酸甜甜味都出 配埋藍莓幾夾 同埋好消暑 幾fresh🧊但係藍莓味唔係幾重 唔係好似食藍莓乳酪杯個種！呢杯係配埋紫米💜 紫米同杯飲品幾夾 仲令到佢有少少咬口 增加飽腹感！可能都係紫米同埋乳酪原本隻味已經好出 所以會微微蓋過藍莓味～百香果角酪🤩（$38）乳酪底同上面個杯一樣 飲品裡面有粒粒百香果 真材實料💪🏼角酪卷🧁($42) 呢個蛋捲幾靚仔 仲要每日限量售賣🥹 雪紡蛋糕係蝶豆花味 中間有一層士多啤梨cream🍓最令我震驚既係白色個層cream竟然係yoghurt味 唔會食到好膩 幾特別🩷味道：🍨🍨🍨🍨/5📍 長洲角酪 (長洲)地址：長洲新興街78號地舖

呢間嘢飲都開咗好幾年，而家好似中環都有，佢係咪好多乳酪嘅飲品好特別，生果味道乳酪🧀️係好好味，而且都解渴，所以都好受歡迎，而且打卡一流，環境有次地鐵站好有趣😃