長洲張記

营业中

休息中

之前睇過食評，見大家都對張記嘅評價都不是太好，但係見老爸之前睇電視話想試下，所以難得來到長洲都去試下啦！我地試左魚片頭河，魚蛋河，雲吞河同炸魚皮~魚片頭河：魚片頭偏咸，不太夠彈牙，河粉唔夠滑魚蛋河：魚蛋不夠彈牙雲吞河：一般，無特別炸魚皮：唔太脆，偏硬總括來說，招牌食物也不是我柸茶，唯一可讚的是湯底夠鮮味~希望店家可以改良一下食物質素，再佩合現有湯底去將小店發揚光大~

呢日係男友生日, 原本一早plan左要同佢入長洲漫步. 但前一日先知道佢果日黃昏有野做, 所以只係有半日玩.當日十二點先出門, 去到都成差不多兩點. 我地應該只有時間坐低食餐飯. 結果就照原定計劃, 黎到張記食飯.人唔多, 好彩可以坐到二人位. 我地就即刻叫野食.我地都係叫左呢個牛筋魚旦河. 牛筋係招牌貨, 真係好味道, 筋位煮得淋甜入味, 而且又足料. 出奇既係原來手打魚旦都係好讚既! 大大粒好彈牙, 而且撲鼻而來有魚香! 呢碗河粉仲有成4粒, 非常抵食!但係我地一路食, d人一路湧入...見有咁多人等位, 我地都唔敢久留, 兩個人一食完就埋單走人...好味既野都唔係咁易食既. 香港人, 預備好連食飯都要快啦!

10月1日國慶節, 當然一班朋友出外玩, 去了長洲, 一落船搵食, 轉右直行見到張記,好細間,但超多人排隊食, 好舊式,食魚蛋粉,於是一試!!一行7人坐一張4-5人圓枱超迫!!20幾蚊有碗粉,算平!!有大細豆漿,於是揀大,點知同平時差唔多, 有D不值 !魚蛋拼雲吞河,無特別, 辣椒油仲要唔香......湯底淡口..碗粉太細碗了 唔夠飽魚蛋河出名,但唔彈牙,又細粒,無咩特別, 個炸物, 我不知是什麼,朋友話普通啦!!牛肚墨魚河, 不是我食, 唔知咩味道,但老公話普通!!仲要太細碗!!我地7個人叫了炸魚皮及油菜, 炸魚皮都好脆口!!!不過要20幾蚊,份量少,幾貴..原來這間店比較貴, 粉面價錢平但細碗, 即是貴了而且太細間, 好舊式, 坐得好迫, 無咩特別!!

第二日既長洲行程, Lunch 就食呢間張記!之前之前幫襯過一次,今次再食..呢間係好多人幫襯同排隊!今次我好彩一入去就有位,我住低叫完野食冇幾耐就好多人等位lu!我叫左牛腩米,而男友就叫左墨丸,我覺得d牛腩好入味, 墨丸都唔錯。不過碗麵細碗左d,男仔應該唔夠飽架!同埋試左佢個辣椒油,夠辣幾好味!好似可以買返屋企呢

香港就係咁.. 原本好好咁贏盡口碑, 但就越做越吋, 態度差劣, 食物質素又越來越麻麻... 一個生意循環...長州張記, 好多人都食過了... 我都差不多每次去長州都食番碗魚蛋粉或者墨丸麵, 見好多人同我一樣都扮遊客影下碗麵, 不過就個日, 聽到好多人口氣都幾一致..."麻麻地..." 我個日食個碗墨丸麵, 講真, 墨丸好細粒但味道仍然ok好味, 反而係個麵質咬感麻麻, 個湯底做得好差, 淡到... 所以食麵時完全唔覺得碗麵係叫好食... 唉..... 不如淨賣魚蛋或者仲有口碑...

已經好多年冇入過長洲，一落船我們就來到依 間亞佬話好出名既張記。在門外望見都差不多 全滿，來遲一步還需要等位。我們點了魚蛋河、雙丸麵和剩雲吞。魚蛋有點 腥，河粉好滑口，湯底有點清淡。雙丸分別係 墨魚丸同豬肉丸，雖然丸類的粉狀不會多過 肉，但又不知道和平時在出面粥粉麵舖食到的 有什麼分別。雲吞皮還挺薄，蝦肉都頗為大 件。但論味道和各方面的質素又唔係覺得好突出 喎。除了是老字號外，還未找到這店獨特之 處。

見好多人幫襯同排哂隊，以為有好嘢，結果係好失望。 食物方面，得個咸字，魚蛋、魚片頭都係。衛生程度，都係好麻麻。幾十年老字號，開在人流旺地，多人支持，但卻不思進取，難向街坊遊客交代。只會破壞香港美食天堂之美譽。

每次到長洲都會到張記食魚旦粉,今次真係total loss.上環$10一碗的也好味得多。(真是物非所值)價錢加價不少每碗單拼$21,拼$25,要了碗拼魚旦+雲吞粉,魚旦3粒+雲吞3粒,size 1元也大比它大,味道淡而無味,我是不是要去消費者委員會取回$25呢！:huffy

差不多每次來長洲也會到張記吃一碗河粉，這次也不例外。先來的炸魚皮，略為偏硬，還是乖乖的先放在湯頭稍稍浸軟才吃為妙。另外也點了魚蛋墨丸河，先舀一口湯，表面有少許魚皮碎屑浮着，味道鮮甜卻不帶腥味，較坊間一般粉麵鋪那種淡而無味的湯頭做得好。魚蛋雖然腍身，欠缺彈牙口感，但魚味卻十分濃郁。墨魚丸在細嚼下吃到一股芹菜的清香，原來裡頭混有細碎的芹菜粒，墨魚跟芹菜的配搭倒是第一次嚐到，令我有點驚喜。

見行左幾轉呢間入面都KEEP住有幾多人...所以就入去試下...可以因為係平日所以唔洗點排隊直接入去就OK見佢話魚蛋同墨丸都係招牌..咁就叫左碗墨丸魚蛋麵..嚟到一第時間飲下個湯先啦..完全係味精湯!好難飲!之後食粒丸啦..因為佢GE魚蛋同墨丸睇唔到邊樣打邊樣.一食....好勁胡椒味...係完全食唔出佢係咩丸之後再食第2粒...又係完全食唔到係咩丸嚟,,,只係食得出粒丸入面有D類似馬碲GE野係入面,,,我用佢地GE質地嚟比較,,應該第一2粒係魚蛋...第2粒係墨丸D麵幾爽口..但份量好少,,,,當一個LUNCH就一定唔夠!25蚊唔多抵食....真係應該冇下次

聽說係老字號,入到黎就試下.見佢貼左2004年雜誌的介紹,就同朋友叫一個魚蛋米,一個墨丸河加個炸魚皮,一共$60幾,貴左D魚蛋同墨丸都好細粒,個湯好清無味道,見佢辣椒油都出名試下,落小小己經夠辣,比起出面香個炸魚皮就,比較油膩,好厚身好硬,重食到嘴裏面受傷添總結:如喜歡辣椒油可一試,但如果講魚蛋,墨丸就失望

對長洲算情有獨終，兒時每年必到2-3次，有親戚住係處。剛踏足社會，和幾個朋友租咗一單位，放假就一齊入去玩。所以對長州也有一定認識，由其食市變更張記絕對是老字號，能捱到今天，地利是主要原因。魚蛋墨丸是這店出位之作，過比起2、30年前味道，真的差了很多。過去的魚蛋墨丸也差多大細，以前的彈牙，現在的是太淋，今天的魚蛋有少少腥，墨丸則中規中矩。河粉、雲吞、魚片頭 - 哩幾樣都出名，過賣晒當我重係細路仔時，嚟張記吾食魚旦牛丸墨丸，而係牛腩牛筋河，2、30年前，出名魚蛋河有好多店，但那些店沒名稱，地点也較隱蔽(近舊街市..到我出嚟工作時，舊街市已完全消失)，如果吾係經常去長洲，也知那些地痞店的魚旦河超級出色張記牛腩牛筋有咩特別，坑腩上等牛筋，用五香汁煮...一般也用五香粉而改柱侯汁，吾明點解，過已好難吃到五香牛腩炸魚皮也是這店招牌，過也是很久很久以前嘅事....下次試後再分享60元

這日天晴，到了很久沒去過的長洲走走。離碼頭不遠發現這家50多年歷史的魚丸老店，心想一場來到長洲，要試返碗才離開。我們共要了2碗魚旦河和2碗墨魚丸河。兩種丸的都沒甚麼魚味和墨魚味，而且質感偏淋偏粉。河粉一般，都算滑。坦白說，我們是有點失望的。難道這是長洲風味的魚旦墨魚丸？我們還是較喜歡它彈牙一點，帶甜香多一點。這個老風味... 不是我們的那杯茶

輕輕鬆鬆長洲遊。友人生日，她說未曾到訪長洲所以慶生的其中一個環節就是到長洲逛逛。大概是因為適逢太平清醮前夕，再加上下雨的緣故，碼頭一帶擠滿了遊客和搭建包山的工人。朋友聽說這家的魚蛋粉不錯，反正大家剛下船呆呆的沒什麼意見，就決定到這家店子歇歇。店子面積小的可憐，裡面坐著的人多得驚人！大家都有共識要花時間等座位，所以都沒有什麼不滿的。除了店員的態度。我們一行５人，後面的食客也是，等了５分鐘，有人離開，心想該到我們了吧，可是怎會想到後面的人因為門口太窄站不了走到我們前面，店員也順理成章地把位讓給了他們！！僅管我們即時向店員反映，她看了看我們卻裝作沒聽見！終於等到位置了。我點了牛丸墨丸米線。上菜的時間也有夠慢的。等食物到齊可以起筷。一放進口裡‥‥淡而無味‥‥‥簡直吃不下，只好多加點兒辣油調味調味。這樣的店，光顧一次就夠。

星期日與朋友到長洲一天遊，到達後便到張記進食午餐。隨即遊覽幾個景點及參觀一場龍舟比賽食甜品下午茶。我們點選了魚蛋河、墨丸河及淨雲吞。三款都是店主推介之美食!魚蛋河--好少河粉，魚蛋好細粒，沒有彈牙爽口感覺，失望。墨丸河--觀感上同魚蛋粉沒分別，口感上只比魚蛋爽口，有點墨魚味。淨雲吞--算是最好一樣，店員推介是手切豬肉，不是用機器攪碎豬肉，雲吞一口一粒，蝦肉加上手切豬肉好爽口又有鮮蝦味，值得推介。