長洲冰室

营业中

休息中

之前同朋友一齊入左長洲狂歡點都要去一去呢間甜品店打下卡好耐之前係ig見過人介紹一早已bookmark要去試甜品店好文青feel🤤食物質素都好唔錯😍性價比甚高🤤抹茶蕨餅夠哂煙韌蘸黃豆粉同黑糖食加添甜味又不失抹茶味冰冰涼涼好解渴🤤芋圓版糖不甩🤣老實講三色圓食唔出味道上有咩分別🙈😂但勝左夠煙韌芝麻花生唔會太甜每粒芋圓都沾滿芝麻花生既香氣🤤食落感覺比一般糖不甩健康因為唔會過甜😍.呢度坐得舒服又有得影下相店員仲好好幫我同朋友瘋狂拍照🤣真係好高質😍

幾日天氣陰暗，今日終於放晴，所以決定入長洲食下野行下 ，長洲冰室係其中一間好想試既糖水店，聽朋友講主打台式糖水 ，首打綜合三式芋圓，芋圓既口感非常好，我去台灣多次都不及呢度自製既芋圓口感，另外芒果糯米飯 芒果非常新鮮，我係出面都買唔到咁甜既芒果😢糯米弈很煙軔，加上煉奶味道很好再講店面既格局，行文青路線 ，坐位闊落舒適，店舖擺設很古早味，行到累 坐底休息食碗糖水真係一流 。

係長洲閒hea下，咁耐冇黎，發現多左好多新嘅特色小店，與時並進。剛巧路經呢間冰室，空間感不錯，有我鐘意食的芋圓，又有友人喜歡的抹茶。窗外景色怡人，識坐緊係坐bar枱。抹茶厥餅$28用小托盤盛載，黑糖和厥餅用小碟分開上，很可愛。厥餅的抹茶味道濃郁，有嚼勁，加少許黑糖食已經好味到翻天。桂花糖三色圓$18三色圓有紫薯、芋頭和地瓜，手工做的芋圓特別有咬口，配清香的桂花糖食另有一番風味，真係食多幾碟都可以。

最近長洲開咗一間新嘅冰室，係真係食「冰」嘅甜品屋。 星期六中午黎到人流唔算 full house。餐牌選擇都非常多，有刨冰，奶凍，芋圓，仙草凍，日式蕨餅，仲有中式糖水等等，全部都係自家製。試咗個人氣嘅「泰式奶茶三式圓剉冰 」，有三種顏色口味嘅芋圓、大量紅豆蓉、一球雲尼拿雪糕，同奶茶糖醬。 雖然冰磨得唔算細滑，但三色圓分別都味道突出，奶茶醬亦不失奶茶香。我最回味係「黑糖奶凍」！ 第一啖好似食緊日本個隻焦糖布丁咁， 超級 creamy 超級滑， 而且奶味完全唔係出面街平時個種奶”蘇”味～自家製嘅黑糖醬亦甜度適中， 真係一百分！差啲想離開長洲之前外賣多個返香港，所以我一定會再黎架！

路過呢間糖水舖，男朋友話想買返碗外賣，我望住個餐牌超過5分鐘都唔知食咩好，咁就order左碗桂花酒釀湯圓。好失望得個4粒 🙄 湯丸皮好厚好韌，芝麻餡得好少，就好似食緊係超市買既湯丸一樣。😕 桂花湯都係偏甜，本來諗住呢款糖水最穩陣，點知都係中伏😔 另外男朋友order左一份黑糖蕨餅，味道淡淡地，煙煙靭韌，再加埋黑糖醬一齊食，一向挑剔既佢竟然會話有清新口味😳到我想影相既時候已經得返一件😅 （1份總共有4件）

門面係好文青，如果專係去for打卡既，係可以去下既～不過對D甜品就唔好有任何既expectation 甜品鋪係一個人都無，都心大心細好無坐低食，怕中伏兩人同行，店鋪要求一人都要點一份甜品，明白既呢點首先我叫左桂花酒釀冰火湯圓 $48，之後叫左個thai milk tea 奶凍落完單兩分鐘，個奶凍就到左，$28正常價一試，只係覺得面頭有層甜品，完全無thai milk tea 既味道，奶凍就正常，自己係屋企D.I.Y個種feel，好mea之後大概十分鐘到，個湯圓終於到，仲有杯小茶，賣相幾得意嫁！第一淡試試D冰，桂花甜味，死甜個種，又完全無酒味已經心灰左一半再試埋D湯圓，唔係熱既，多少少暖，無其他blogger講既冰火效果食左幾啖已經唔想再食價錢$48本身覺得係唔貴，正常，但同食物質素不附正比 總結：呃like影相可以黎，為左食甜品既話就算啦

👫長洲賓客人數多，嚟到長洲，食左大魚蛋掃完街🍡🍢，見到呢間冰室啱啱開門，入面嘅裝修勁靚，檯檯櫈櫈都係白色雲石嘅設計，啱曬打卡呃like💁🏻‍♀️ 環境好舒適，同朋友係到吹下水都幾正㗎🤩#泰式奶茶三色圓 <$43>▫️芋圓、地瓜圓、紫薯圓、蜜紅豆、泰式奶茶、雲呢拿雪糕賣相好精緻，三種顏色嘅圓加一球雪糕好吸引，左邊仲有杯熱茶，係用嚟中和返冰嘅凍，食完凍嘢再飲返杯茶，即刻暖返曬☕️ 食第一啖，覺得三色圓有嚼勁但比較淡味，之後撈埋一齊食就夠曬味！泰式奶茶嘅奶香味好重好香濃，唔會死甜，加埋紅豆好有滿足感，係必食推介🙆🏻‍♀️#抹茶紅豆三色圓 <$43>▫️芋圓、抹茶圓、蜜紅豆、抹茶、抹茶雪糕同樣有杯熱茶用嚟暖返個胃～抹茶味食落一般般，無咩特別，無乜抹茶香🤦🏻‍♀️ 比起奶茶☕️三色圓，味道就有啲淡，而芋圓同抹茶圓好有咬口，一樣無咩味，不過紅豆睇得出係煲左好耐，食落好淋同埋起曬沙，挽回返少少分數🤷🏻‍♀️#原味豆花 <$20>食落同平時嘅豆腐花無咩分別，普普通通咁，但可以自己落黃糖，但$20一碗真係有啲唔抵🤨🗣：想吹下風食下甜品，仲可以坐室外座位喔❤️

星期日去到長洲天氣都幾熱 🌞見到門口個menu有芋圓就勁開心話要試😂因為兩個都好中意食芋圓😜所以行多左個圈就入去試試😚-泰式奶茶三色芋圓冰 $43👅：❤(滿分為5個❤)上到枱外觀不差食落地瓜圓，芋圓同紫薯圓都冇味😫只有咬口👄成個冰完全食唔到奶茶味上面嘅雪糕都冇乜味唯一嘅優點只有紅豆多當食紅豆+冰👧🏻最欣賞只有旁邊的茶-整體評價：1.5/5環境不錯，但嘢食真係差左d💁🏻對我哋黎講試過就可以了😎