長洲冰室

营业中

休息中

最近長洲開咗一間新嘅冰室，係真係食「冰」嘅甜品屋。 星期六中午黎到人流唔算 full house。餐牌選擇都非常多，有刨冰，奶凍，芋圓，仙草凍，日式蕨餅，仲有中式糖水等等，全部都係自家製。試咗個人氣嘅「泰式奶茶三式圓剉冰 」，有三種顏色口味嘅芋圓、大量紅豆蓉、一球雲尼拿雪糕，同奶茶糖醬。 雖然冰磨得唔算細滑，但三色圓分別都味道突出，奶茶醬亦不失奶茶香。我最回味係「黑糖奶凍」！ 第一啖好似食緊日本個隻焦糖布丁咁， 超級 creamy 超級滑， 而且奶味完全唔係出面街平時個種奶”蘇”味～自家製嘅黑糖醬亦甜度適中， 真係一百分！差啲想離開長洲之前外賣多個返香港，所以我一定會再黎架！