長洲冰室

营业中

休息中

去過咁多次長洲 個日先第一次去長洲冰室先知原來有間咁別致別甜品店入面裝修優雅冇乜過份誇張嘅裝飾但感覺比人好日式好幽靜仲以為入面會賣啲比較日式嘅甜品反而又冇 仲竟然有芒果糯米飯然後就點左一份嚟試試 同嗌一份紅豆宇冶金時冰兩份都好好食 唔知行得耐左食咩都會好食啲?但係嚟呢間之前已經食左唔少野所以應該真係做得幾好因為兩份甜品都唔會太死甜當時3 4月 芒果亦唔酸 個抹茶冰又唔會淨係得水 成個冰都好有抹茶味上面啲料又好足 芋圓同紅豆雖然冇大驚喜但配合埋一齊已經好足 食落好滿足感覺鋪頭有用心做❤

新年期間，有位男員工（定係老闆？）不是很有禮貌，朋友叫了$30桂花三色酒釀丸子，本來應該有芋丸，送來的時候沒有，問清楚，他向收錢嘅員工叫了一下：「佢話唔啱喎」之後便離去了，沒有再跟進。朋友check 單發現落錯了，但由於價錢是$28酒釀丸子，諗住算啦，可能收銀聽漏，為了免麻煩照食。之後隔離枱有食客，把匙羹放在menu 上，男員工直斥其客人：「你咁樣會整污糟menu..亅可能嗰位客人都有少少唔啱，但覺得都唔使咁樣，可以有技巧一點。話說回來，食品真的非常一般，酒釀丸子沒有酒釀味道，$50的椰皇芋泥三色丸燉奶，燉奶很少，成碗野椰水沾了3/4，很稀，這樣的貨色貴了一點，下次應該不會再幫襯了。

長洲近年開左好多間文青cafe小店，長洲冰室就係其中一間。一開頭都係俾佢個裝修吸引左，白色既牆身加埋雲石枱真係幾靚，岩哂打卡！佢個地點都好方便，係碼頭行過去都係十分鐘內，食完仲可以沿住條路行去沙灘散下步。上次試左個泰式奶茶三色圓剉冰，今次就見天氣凍凍地，叫左個熱既椰皇湯圓三色圓燉奶，奶味好濃，湯圓同芋圓都好q，有咬口，不過整體黎講我就覺得甜左小小啦！奶味太出，有少少搶左其他野既味。不過冰室有最低消費，每個人要點一個甜品或一杯飲品。雖然甜品款式好多，但對於係長洲不斷食既我，真係好難食得囇成個燉奶，食完真係好飽。由於價錢都唔算好平，如果兩個人黎，又靜係想淺嚐既，可以叫一個甜品加杯野飲，食完都可以繼續食其他野。

椰香芋泥三色圓黑白配🥰我嗌左熱食🥰🥰🥰好鍾意芋泥啊，香甜嘅芋頭係個嘴入面溶化，好幸福❤️❤️❤️涼粉同豆腐花，我覺得豆腐花更加出色，同啲煙韌嘅芋圓味道好夾😋😋最唔滿意就係個份量，應該要用大大大碗裝先啱🤪

無泥一排長洲，估唔到新開左好多文青小店，有咖啡，有cafe，有crepes.....仲有哩間好多人打卡既甜品鋪【長洲冰室】。哩到環境裝修都好靚😍， 門同窗框都用海水藍色，配以白色牆身的設計，感覺好似去左第二度旅行咁，店內仲播著好relax既歌，空間感好大，係香港真係好難搵到咁寬落既甜品鋪，同朋友都girl talks左兩個幾鐘先走。小店有最低消費必須每人叫1碗，而且甜品款式都好多選擇，最後我地叫左唔同款式試。老闆介紹我地食哩到人氣既「芒果糯米飯」，仲要講 “唔好食，唔收錢” 😆😆芒果糯米飯 $38我地本身都好鐘意去泰國，每次都必食芒果糯米飯！但估唔到香港甜品鋪會有，個味道仲好有驚喜！😍 首先飯既份量以甜品泥講算OK，有椰汁及班蘭兩味糯米飯，口感岩岩好唔會淋又煙UN，芒果又大又甜，要一讚既係糯米飯上加左脆脆，真心加分位😍😍😍😍 識食一定落脆脆，去唔到泰國又想止下口癮就黎呢到啦！***不過留意，哩到個飯係每日限量供應，我地傍晚回頭想買外賣走，點知售罄Lu 😭😭😭***抺茶蕨餅 $30哩個價錢份量算係咁，有大6件，口感食落又滑又煙靭，最吸引係個抺茶粉，又香又濃，點埋黑糖食真係好正，compa

好多年無入過長洲，一念起長洲都係「大魚蛋，芒果糯米糍 」，講真食到有D悶。前排一直見到好多人介紹長洲開了好多新店，我地專登避開聖誕假期遊長洲。結果，小島都係人流處處。今次，決定同朋友們一試bookmark左好耐既文青小店【長洲冰室】。估唔到，平日27號入去竟然都係爆滿😱！店員一見到我地一大班人，好快手幫我地係店入面搬位比我地坐。 店內設有最低消費，我地決定點唔同既甜品試。① 芒果糯米飯必食：✭✭✭✭✭味道有泰國既level，芒果份量多，係一整個芒果開兩邊切好，又夠新鮮好甜！飯分為原味和綠色班蘭味，糯米飯好煙un，重點係佢地係飯上加脆脆！！！！配埋個椰汁，芒果同飯更加香甜，帶出唔同層次的甜，食落更有不同的口感。店員仲提醒如果食到尾時覺得唔夠椰汁，可以再加添！暫時係香港泥講，我覺得好有水準既【芒果糯米飯】！！朋友食完仲外賣兩盒帶返香港比屋企人分享。② 招牌綜合三色圓必食：✭✭✭✭呢度既招牌係芋圓，梗係要叫返碗！起初睇個甜品比我想像中有d細碗，但料係好足嘅！有仙草、蜜紅豆、薏米、西米、三色圓、黑糖水底。我覺得做得幾出色，三色圓軟硬適中，而且食落去會分得出三隻味😆唔會覺得咬緊無味粉團，仙草好嫩

今日去左食，服務一般，而且我個椰汁紫米露，等左好耐，同埋催左幾次先有。一黎到，碗野留左冇加芋圓，同埋叫左係熱既，黎到是暖少少，我媽個碗招牌芋圓一樣，唔多熱。試過就算！

每次入黎長洲，都會排隊食魚蛋、蝦丸、墨魚丸同豬肉丸，之前必食的還有特厚多士，但自從長洲冰室開業之後，就變成了必食之選！上次入黎係食熱中式糖水加芋圓，今次見有芋泥又有熱可選，就要碗特別點的。這裡是要出去排隊點餐及付款的，點餐時被告知，因有仙草所以唔會好熱，本身以為會係暖，所以無所謂啦，但上枱後，發現連暖到談不上，只是不凍而以，不明白為何不將「熱」改為「溫」🤨？！味道方面，糖水底偏甜，芋圓味道唔好諗會食到，芋泥甜度可以再淡少少；口感方面，芋圓比上次硬，薏米亦偏爽硬；份量方面，全部都算足的。整體來說，希望芋圓口感可改善，亦希望可以食到暖而不是不凍的甜品，特別是在天氣不熱的日子喔⋯⋯

呢期興食芋圓同黑糖珍珠，入到長洲發現開左間食芋圓嘅甜品店，行到身水身汗入去抖抖都好。店內有懐舊風，亦有歐陸風，都幾特別。叫左芋香椰汁三色圓和招牌綜合三色圓，話明糖水，點解一D都唔甜，好似清水咁，D三色圓又靭，好似熟唔透咁，勁難食豆腐花還可以，因為自己加黃糖😂

今日難得黎到長洲，除左大大粒魚蛋同芒果糯米糍必食外，亦有一間糖水店被網民推介，呢間就係「長洲冰室」。糖水店既裝修不算特別，但座位寬敞，坐得舒服。今次就叫左芒果糯米飯($38)同抹茶紅豆三色圓剉冰($45)。首先黎到的芒果糯米飯，份量唔算多，特別在有斑斕味同原味兩種糯米飯，但食落去感覺過於甜，由於飯底有椰奶，加上糯米飯本身既甜味，令我感覺似食緊一粒粒既砂糖，食多幾啖更覺得有點膩！食完糯米飯再食旁邊既芒果，突然食不出芒果既香甜，感覺令人失望！之後既抹茶紅豆三色圓剉冰顏色鮮豔，賣相非常吸引，十分適合影相打卡呃like！首先試試甜品上既抹茶雪糕，抹茶味不算濃郁，只有淡淡既抹茶味！至於中間既三色圓，分別有芋圓，地瓜圓同紫薯圓，可惜的是三款圓完全食唔出有味，亦沒有彈牙既感覺！而由於甜品內有剉冰，所以溶掉左既冰更加沖淡了甜品既味，整個甜品有待改善！總括來說，甜品既賣相不錯，但味道實在令人失望，下次不會再來了

勁唔抵食，無下次，俾四十幾蚊食冰。成碗野勁多冰，勁少芋圓。個冰底仲要無味既。係無味既！！！四十幾蚊唔知食出啲乜。得個樣。勁伏伏伏伏伏伏伏伏伏伏一定唔會再食。。。

【長洲食乜好3️⃣】淨係食個糯米糍 邊度會滿足到#🍋👧🏻正所謂女仔有兩個胃 一個係食正餐 一個係食甜品🍮 係糯米糍嘅隔離行多兩步 就有間好吸引嘅冰室💕-🔻泰式奶茶三色圓剉冰（$45）超讚的泰式奶茶冰🍂 唔似其他甜品店就咁淋啲煉奶上去就算 而係用奶茶製成的碎冰 ❄️甜度剛好☄️可惜三色圓就較遜色 有咬口 但係冇咩味 😔不過加咗球雲呢拿雪糕系面🍦配上奶茶醬汁 賣相簡直無得頂💯⚠️重口味嘅朋友可以要求加醬👍🏻⭐️評分：8/10-🔻芒果糯米飯（$38）一隻係斑蘭糯米飯🍵另一隻係普通糯米飯🍚無咩斑蘭味 勝在糯米飯微暖 🍋芒果夠甜 不過份量偏細 賣相普通⭐️評分：6.5/10－－－－－－－－－🏝環境：7/10🛋服務：8/10💲價錢：7/10💥翻兜指數：8.5/10

今日帶日本朋友去咗長洲玩(●´ω｀●)去完平記買糯米糍，就見到長洲冰室啦！！！本身睇好多posts 都大推呢間嘅剉冰，即刻半推半哄推日本妹妹入去食💕🥳（呢啲都係冰室推薦嘅甜品）咁我同日本妹妹一人點咗一份冰，我點嘅係仙草黑糖三色圓剉冰🍧上面有芋蓉、西米、仙草、紅豆、黑糖剉冰，仲有三色圓。大雜燴咁有好多料💕好開心黑糖本身幾甜，撈埋其他料係提升口感，個人覺得整體少啲黑糖會更好，因為有少少搶晒啲味🤔芋圓好煙韌，係啲味道唔夠濃，食唔出三色圓嘅分別芋蓉唔算甜，黏黏地好滑🤘都有少少唔夠味啦不過整體嚟講都合格嘅🌸💖日本妹妹就點咗抹茶紅豆三色圓剉冰抹茶剉冰好夠味✨好夠甜抹茶紅豆加煉乳係皇道！！✅加埋抹茶有少少澀味，唔會死甜，唔似係一般hea 綠茶，大讚✨環境舒適光猛乾淨🥳有洗手間🚻好欣賞呢到咁清新簡潔👍入咗嚟都覺得自己係文青☺️

入長洲 當然去食美食入左開飯搵到間長洲冰室最多好評發現係食糖水既，仲有我最愛芋圓食。一入去文青風格 呃like相地方點左招牌綜合三色冰 ，凍 。非常透心涼，有紫，黃，白芋圓，黃色最好食又q彈。仲有個抹茶蕨餅 非常好味

周日最佳活動之一不過於去長洲一日遊，就了很久想斯試的長洲冰室，終於有機會一試。冰室環境舒適，加上天氣漸涼、坐在近門口的吧枱位置非常舒服，老闆娘也很有禮。跟另一半選了兩款甜點，我選的是泰式奶茶三色圓剉冰，而另一半選的是芒果糯米飯。泰式奶茶三色圓剉冰剉冰是滿滿的泰式奶茶味道，不會太淡 配上雲呢拿雪糕，出色，雖然手工三色圓煙韌，但略嫌味道不太出。再來就是極力推介芒果糯米飯，糯米飯有椰汁味和斑蘭味，非常出色的椰汁味配對另一種很濃郁的斑蘭味，正 但本人比較喜歡斑蘭味 對綠色情有獨鍾。再配上甜味很足的芒果，很感動。誠意推介，芒果糯米飯。