影片
开饭介绍
餐厅由台湾人主理，招牌菜为红烧牛肉面，汤头带牛肉香味及少许药材味；其台式小食及珍珠奶茶亦有水准。
继续阅读
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
有关奖赏计划
影片
相片
铁牛手冲涮涮牛肉面(安格斯嫰牛肩肉)
+625
+72
相关文章
今日放工同女友去左启德零售馆打保龄球，然后去左附近铁牛食晚饭。上一次食铁牛已经系四年前，以前只卖牛肉面、原来依家铁牛连涮涮锅都有，仲有经典台式小食，应有尽有🤩装潢方面，启德分店几大间，灯光非常充足，粉红色主调令餐厅变得打卡able🥰- 铁牛手冲涮涮牛肉面牛肉级数明显高一个层次，油脂分布好靓，肉质非常稔身。汤头好重牛肉味，仲有一阵好香嘅药材味，面条烟烟韧韧，非常吸汤😋- 铁牛臭臭锅话就话一人火锅，食材非常丰富，包括安格斯牛肉、臭豆腐、鸭血、大肠、芋头贡丸、蜂巢豆腐、响铃、蔬菜等等。汤底好浓郁，渗透阵阵「臭味」，食材吸晒臭臭锅精华，微辣相当惹味。白饭上面舖满大量紫菜，非常满足🥰- 木鱼炸豆腐炸豆腐超级好食，豆腐外表炸得金黄香脆，入面仍然湿润，口感同臭豆腐差唔多，加埋木鱼同甜酸酱直头💯- 盐酥鸡拼夜市小香肠前者外脆内嫩，调味啱啱好。后者非常juicy，味道香甜，夹埋生蒜片仲有少少辛辣味。餐厅仲有提供台式饮品，选择颇多，我地叫鸭屎香狂打柠檬茶同珍珠奶茶，味道同比出面饮品店有过之而无不及👍🏻虽然铁牛以牛肉面出名，但以上其他菜式都好好味，证明铁牛已经从一间牛肉面专门店转型到全面台式餐厅👍🏻
继续阅读
今日的启德座拥三个大型商场，地铁出口那一个，还有地铁有一段距离的百货公司，以及体育园。朋友早阵子去过体育园睇show，早早探路知道附近的餐厅坐得比较舒服，还是宠物友善的商场。零售馆原来就是商场，我和朋友行左一圈决定食台湾菜。铁牛不是甚么新品牌，旺中那一家由读书食到疫情时，原来现已结业。同时，餐厅似乎想重整品牌，于新区域开分店，一改以往暗深色系变成文青风。以前最喜欢等下午茶餐，有迷你小食三选。而新餐牌就有小食拼盘，一次可以吃到花枝丸、梅子蕃薯、盐酥鸡。梅子粉给非常量的份量，即使点鸡点丸也适合。三样中炸蕃薯最贴近台湾味，蕃薯甜又软滑，加上酸酸咸咸梅子粉好醒神。我们点的面亦迅速预备好，排骨肉燥拌面$79大份又抵食，随餐送一份都几辣的泡菜。面是有咬口那种粗面，比汤面的面更有𡁻头。连同葱香肉燥很难不好吃吧。半筋半肉面是经典的口味，但朋友就另选红烧蕃茄口味，汤底比意料中更清新。牛肋肉都有三条，炆得很淋。香港好少能够吃到爱玉，所以毫不犹豫就要一杯柑桔爱玉，自助点餐时可以选择糖冰奶量。罐子的设计一眼就看到所有材料。爱玉本身就无味，配合酸梅的咸味整体不会甜，夏天饮应该几消暑。饮品不单只可以堂食，如果开show等入场记得要补充足够水份先入场啦。
继续阅读
尖沙咀分店LUNCH就食得多，估唔到连启德都开左分店。装潢完全唔似一般面店，系走一个时尚轻奢风路线，打卡感十足，用咗好多暖暖嘅木色，好有文青气息，感觉静静哋坐低就舒服晒。讲食物先，真系有惊喜！面条Q弹弹，汤底鲜甜，超级开胃！我点了总铺师私房牛肉面，味道层次分明，而且好多配料好丰富。尤其系细节位整得好贴心，例如牛肉份量十足又唔肥腻，牛筋软软淋淋刚好。另外，老公就点了麻辣担担私房牛肉面拌面，同样好食。至于小食，最令我地惊喜就系唔好睇个豆腐普普通通，完全系外脆内软，呢个木鱼炸豆腐必食推介！逢甲盐酥鸡热辣辣又脆口，肉质又唔会干柴，加埋佢个酱汁，真系Level UP!!整体嚟讲，启德铁牛台湾面唔止系食好嘢，更系一个 chill 唞气、打卡靓位嘅好选择。食饱后拍几张相！推荐啲揾新嘢试嘅朋友快啲去朝圣啦。
继续阅读
餐厅环境几文青，粉红色调宽敞舒服，坐低感觉几relax 🏠。我哋叫咗柚子蜜香鸡排干面、香辣夜市小香肠、麻辣鸭血豆腐粉丝火锅种、柚子蜜香鸡排便当加卤肉饭，同埋两杯饮品（小朋友香浓巧克力饮同冰镇草莓牛奶爆珠饮），总共$356，份量够两个人share 💸。食物方面，柚子蜜香鸡排干面系亮点 🐔，鸡肉嫩滑带点脆皮，配芝麻酱同生菜食落好juicy，正！香辣夜市小香肠都ok，切片配蒜片咬落有烟韧感，但味道偏甜，唔系特别突出 😐。麻辣鸭血豆腐粉丝火锅汤底浓郁，牛肉片软腍，入面有豆腐同菜，但整体冇惊喜，感觉中规中矩 🥘。柚子蜜香鸡排便当加卤肉饭嘅鸡排同卤肉饭配搭唔错，但饭有啲油腻。最失望系饮品，全都有好重化学味！冰镇小童香浓巧克力饮听落新奇，但饮落人工香精味劲，珍珠都唔够弹牙；冰镇草莓牛奶爆珠饮甜得过火，完全冇天然feel 😖。如果唔饮野，可能体验好啲。总括嚟讲，铁牛适合演唱会后食宵夜，因为开得夜同位置方便，但食物除咗鸡排，其他都唔系话特别好食，下次可能试吓佢哋招牌牛肉面或者臭臭锅，希望有改善啦 👍。人均$180左右，性价比一般，饮品skip咗算数！
继续阅读
启德零售馆2铁牛装修靓，浅色木系够光猛又坐得舒服，lunch set有便当、面食同火锅，仲有100%鲜果茶铁锅丰盛牛肉便当（餐） $88 有金钱腱、牛肋条同牛筋，用铁锅装住一直热住保暖，全部都煮到好腍，牛骨汤浓郁香甜好送饭，连啲萝卜都好清甜！加$8转埋海苔芝麻饭更容易清碗！套餐可以优惠价加配小食，$28 逢甲盐酥鸡圆轱辘爆满多汁；另外都单点咗椒麻牛肚丝，牛肚爽口得来软腍，麻香味辣做前菜一流虽然套餐抵食啲，但冇得拣主餐牌嘅铁牛手冲涮涮牛肉面都单点咗 $88，使用安格斯嫩牛肩肉，个汤用茶壶装住又系一直加热，确保可以渌熟牛肉，牛肩肉有软筋非常嫩滑！台南刀削面 +$3 粗身弹牙劲好食！饮品方面，叫咗南投县百香果QQ同大甲椰椰芋香，前者有椰果同珍珠，所以用新鲜百香果好香甜，最惊喜嘅系隔咗核唔会咬到黐晒牙🤣🙏🏻 大甲𠮶杯系招牌饮品，椰子同芋泥都有淡淡香甜味好夹
继续阅读