鐵牛台灣牛肉麵 (旺角中心第一座) (已結業)

之前吃個這家尖沙咀店的牛肉麵覺得很好吃，這天剛好來旺角看到有分店就來吃午飯啦！1）招牌紅燒牛肉麵 $58牛肉夠入味，份量夠，湯底清甜，好味！但是感覺麵跟之前尖沙咀店吃時不同，有點梘水味？扣分！2）鹽酥小拼盤 $45分別有鹽酥雞五件、炸蕃薯三件、炸花枝丸兩件，味道不錯，抵食！3）洛神花茶 （加配）$124）芋香珍珠奶茶 （加配）$16這裡是入座後自己填選食物，然後去柜臺付款；上菜速度很快、食品選擇也多，所以經常有客人等位，還好我們是週六下午一點多來剛好有位不用等😋有機會會再來的！

想食鐵牛好耐，琴日終於食左！之前聽同事講過話唔錯，朋友前幾日又食左見到賣相都幾吸引，約朋友食飯咁啱唔知食咩就話不如試下鐵牛囉！雖然朋友有睇過食評話湯麵冇咁好食，但既然食台灣野，就一定要試下紅燒牛肉麵啦！等左唔係好耐，啲野食就送到。一眼望落都有幾多牛，同埋啲牛都幾大塊同厚。試左個麵先，都幾好食，冇想像中咁軟，仲有少少彈。然後牛肉係好食既，唔韌，有少少連筋，大部份都係瘦既，啱曬我哩啲唔食肥膏既港女總體黎講，都算唔錯，美中不足既係越食越咸。朋友就order左奮起湖燒雞腿排乾拌麵（$64) 我試左個乾拌麵，果然比湯麵更彈牙。雖然乾拌麵入面有蔥、芽菜、青瓜絲，但朋友話越食越濟。一眼望落個雞腿排都好大塊，肉好厚。外皮好脆，但係炸得有啲過火，燶左啲。雖然中間啲肉冇咩味，但係個汁甜甜地，都幾好食。哩個餐正常女仔食應該會覺得好漏，朋友食唔曬，我幫佢食左三塊細既雞腿排朋友仲叫左杯焦糖珍珠奶茶（跟餐＋＄16)  我唔中意飲太甜既野，就冇試到。不過朋友有講話珍珠唔彈牙，叫左少甜都仲係好甜。整體上食物質素我係滿意既，但未至於會好驚艷。如果有機會，我想試下紅燒牛腩配黃金地瓜飯、洛神甜醋雞肉便當同埋黃金梅子脆薯

今晚舅父舅母話好耐無同我們一齊食晚飯，而咁啱又喺旺角附近，所以我們就同咗他們去我們之前食過無論堂食或外賣自取都係咁好食喺旺角中心嘅「鐵牛台灣牛肉麵」食晚飯！我們叫咗招牌紅燒牛肉麵嘅湯底味道依然都係咁鮮味濃郁，肉質超鬆軟嫩滑，肉味相當濃郁，麵質好煙韌彈牙！鮮茄牛筋腩麵嘅湯底係用新鮮蕃茄餚製而成，味道非常鮮甜清新，可以食到有新鮮蕃茄粒，而且濃稠度亦調教得恰到好處，牛筋嘅質感相當煙韌軟滑！豬肉紙乾拌麵嘅豬肉紙係捲成一圈，質感相當脆卜卜，由於無放喺湯度浸著，所以乾拌麵嘅麵質更加煙韌彈牙！紅燒牛腩地瓜飯嘅牛腩係用一個小煲仔盛載著，牛腩嘅份量相當多，底層仲有啲清甜嘅蘿蔔，地瓜飯好足料大碗，一嚿一嚿嘅地瓜撈埋入啲飯一齊食，令到口感更加豐富，食落味道感覺好清香，如果覺得比較清淡嘅話，再加埋啲香濃嘅牛腩汁一齊食，感覺會比較惹味！肉燥小茄子嘅茄子好軟滑入味，吸收晒香濃嘅醬汁味，而且有爽滑嘅肉燥同香蔥粒舖面，令到味道更加惹味芳香！梅子脆薯炸得外層好金黃香脆，入面係香甜嘅蕃薯，而且喺表面再灑上啲梅子粉，酸酸地，感覺好開胃！

一行四人晚上來了旺中這家人山人海的餐廳，等了半小時便有位置了。安排了卡位，讓我們有一個更舒適傾談的地方。點了三個麵和一個小食，麵的份量很多，鹽酥雞也很香口蕃茄湯豬軟骨麵蕃茄湯濃郁，友人說豬軟骨很林，麵質不太林，有咬口，好味很有台灣味道的牛肉麵，吃著吃著，想念台灣了鹽酥雞炸得香脆，配上特別醬汁，配搭很好，忍不住吃了很多件。最後，也點了一個酥炸排骨肉燥乾拌麵，雖然是乾拌麵，但拌了醬汁一點也不乾，我最喜歡這款了點菜的都是台灣人，說著不純正的廣東話，感覺很地道

好耐無出街試新野老豆之前成日話呢間台灣野好食咁今次出去旺角就試試佢可能時間唔早，成8點半一去到就有位門口姐姐仲係講台語坐底要再出去買單我就叫左個牛腩地瓜便當上次去台灣都無食過今次食落又幾得意幾樣野味道幾好唔會太咸，種類豐富係個飯唔夠熱咁另外叫左杯簿何朱古力味道幾好，唔甜又重簿何味，仲幾大杯不過要加成16蚊，好似可以平d總括都可以返食既

今日晚餐食台灣菜朋友拉我黎到呢間位於鬧市嘅鐵牛Order左幾款菜式，覺得呢間餐廳都幾用心準備喎！豬爽耳既麻辣又帶點芝麻嘅香氣，仲配埋酸菜食飯或者食麵都好惹味！呢個排骨便當好抵！ 有滷肉飯，又有菜同鹵蛋食滷肉飯d肉一定要夠肥！雖然好邪惡，但係佢嘅醋油香配埋白飯果種化學作用 你未食過真係唔會明！ 醬汁味道調得唔錯！蛋亦好入味排骨略嫌有d乾，但大大塊好抵食！服務態度唔錯！ 環境都坐得舒服，最緊要係抵食呀嘛！！下次再幫襯

最近都會在媒體廣告中睇到鐵牛的宣傳，因為媒欣賞老闆的熱情，決定到這裡來一碗熱騰騰的牛肉麵。我和朋友各自叫了一款食物。我選了紅燒牛肉麵，份量不細女生的話絕對夠飽了。牛肉的份量都吾少，肉質軟冧但牛肉味不足，湯底未算非常香濃但不算馬虎。香港最近愈來愈多台式的牛肉麵，但比較起來鐵牛屬於不過不失，沒有太多的驚喜。而朋友叫了一份炸豬排肉燥飯，擺盤很漂亮而豬排也很大，外層QQ肉質有點乾。整體而言環境尚算舒服乾淨，擺盤漂亮有特色，要是想要在旺角找到地方隨便吃吃，鐵牛也是不錯的選擇。

某個星期六晚上，窩夫與蝦子餅在旺角找地方吃晚飯，窩夫想起了看過不少好評的鐵牛台灣牛肉麵，幸好不用等位等太久，人齊的話很快便可以入座。入座後先填點餐紙，填好後到收銀處付款，食物和飲品很快便會送過來。窩夫點了主廚私房牛肉麵($70)，一次試勻大塊金錢(月展)、秘製牛腩和香滑牛筋，三款都很有水準。湯底和麵條都做得很出色，窩夫與蝦子餅都非常滿意，一定會再來。蝦子餅點了鮮番茄燒雞腿麵($68)，番茄湯有驚喜，酸味適中，是真材實料煮出來的味道。燒雞腿很厚肉，肉汁豐富。鹽酥小拼盤($45)有逢甲鹽酥雞、黃金梅子脆薯和酥炸花枝丸，比較油膩。蔥油淋青菜($26)的味道不錯。飲品方面，窩夫選了荔枝Q果梳打(惠顧麵類，特飲加$16)，蝦子餅則選了蘋果西打(惠顧麵類，凍飲加$12)。

晚飯時間黎到通常都要排隊，8點半黎到就唔洗等位。但入到去見到個場都full左8成，之後keep住有食客入，可見呢間野有一定既捧場客😂🍴蔥燒肉燥豬軟骨乾拌麵 $60肉燥半肥瘦，撈埋d蔥同麵，又香又唔會乾巴巴！麵質彈牙，d麵勁長同會癡埋一齊，撈得有d吃力，但係好好味！豬軟骨就唔推薦，好硬同好乾，食左一件就放棄左💁🏻😂 鮮蕃茄鹽酥雞麵 $60蕃茄湯底唔太酸，唔係全用蕃茄煲出既感覺，又未算假既但唔會想再食。鹽酥雞好正，十分推薦！炸粉薄，肉質夠滑，調味唔會死咸❤️😍🍴 麵同乾拌麵一樣，都係好滑好彈牙👏🏻👏🏻👏🏻 朱古力珍珠 (加$16)好濃厚既朱古力，唔係hea沖，朱古力迷必點！珍珠彈牙唔會好似膠甘😂😂🙈🙈杞桂圓紅棗茶 (加$10)唔算太甜，料落得唔算足，下次會試黑糖薑茶😂

今天晚上忽然間好想食台灣牛肉麵，於是就在Openrice找到這間店。看到rating都唔錯，就約朋友一齊試試。星期一大概7點鐘到，已經有八成坐滿。好彩一到等咗幾分鍾就有位。兩個人每人一碗招牌台灣牛肉麵、一個鹽酥三拼盤、肉碎矮瓜、再加一人一杯凍飲。加$16杯嘢飲就可以跟餐，唔錯。真心覺得這間店唔錯。喜歡食台灣嘢嘅朋友可以試試。兩個人叫咗兩碗麵、兩個小食、兩杯嘢飲都喺每人$100多D。我下次一定會來試試飯類食物。

今日出咗去好晏先返到去旺角食午飯，話說今日好想食台灣野，之後openrice就發現原來係旺角中心下有間叫鐵牛既台灣餐廳，於是就走去試吓啦！原來旺角中心底層有好多餐廳，鐵牛餐廳已半自助形式運作，首先於收銀台購買食物，之後食物就會送過去你張枱叫左個小食芝士鹽酥雞，但係我個人覺得芝士同鹽酥雞唔太夾，覺得平時專賣的台灣炸雞店的鹽酥雞比較好食！除左小食鹽酥雞外，仲叫左個菜！好推介大家叫肉燥拌青菜，雖然可能有人覺得肉燥多肥肉比較油，但係依個肉燥拌青菜比我係台灣食既更好食食台灣野一定要叫牛肉麵，唔食過根本就確認唔到間餐廳係唔係正唔正宗台灣餐廳！我就叫左一個麻辣牛筋腩試一試，嘩～真係好香好入味！如果有粗幼麵選擇會更好兩個人叫左咁多嘢食都係二百幾蚊，抵呀！

麵食一流，好似係台灣食既一樣，而且賣相有心思。飯食反而一般。飲品都好似台灣飲的，不會太甜。員工主動，服務好。坐位舒適，唔似其他餐廳每張枱好近好迫，可以傾到計。掛住台灣嘢食既朋友，可以黎呢度。

去過兩次，第一次因唔肚餓但陪老公食，所以無甚感覺。到第二次真係一心去食飯，又有另一番評價。👆呢個紅燒牛腩定食，個份量大，一個女人仔係食唔晒，仲要連一大碗番薯飯，抵食得嚟味道唔錯，啲腩炆得夠入味，不過就少少“un”👆呢個排骨麻辣麵面真係唔錯，值得推介。個麻辣唔太嗆，可以嚐到本身湯同麵嘅味道，唔會食到完全麻痹食乜都唔知~。個排骨炸到香脆帶鬆化，因肉唔太厚所以能保持少少肉汁兼唔“鞋”。鹽騷雞定食，配肉燥飯，啲雞堅有台灣街頭小食feel同味道，好想飛轉台灣添蕃茄湯牛肉麵，亞女話個湯嘅蕃茄味好新鮮，啲牛肉又焾，碗麵又大碗，食極都食唔完。飯品我哋叫咗凍朱古力，同唔記得柚子定蜂蜜嗰類凍飲，總之就唔錯啦～總括嚟講，價錢合理，味道唔錯，雖然晚飯時段要等下位，但以現今香港飲食文化嚟講，唔洗排隊你仲驚~😂😂😂😂

之前食個鐵牛，係尖沙咀嗰間，上次食已經覺得餐牌食物好多種類，價錢又好抵食，好好味，非常值得推介嘅餐廳！！ 估唔到佢咁快喺旺角開分店，方便我嘅地區，所以即刻去食。同上次一樣望住個餐牌真係好多野想食，仲要價錢係非常之扺，可惜一個人個胃嘅份量有限，變咗樣樣想食得來又食唔到咁多，但係今次我哋都叫咗好多嘢食。都幾多人排隊，要等位，全場滿，座啲嘢食都上得好快～首先叫咗啲小食：1）滷水大腸，好入味，好味。2）花枝丸 & 小香腸好香口。3）黃金梅子脆薯，配埋啲梅子粉真係好好味，必食！！主菜叫咗：1) 牛肉麵，大大碗，秘製牛腩好味好香，超大碗面好滑～ 必食！！2）鹽酥雞飯，$好味～ 又再encore左個鹽酥雞＄32～總括：價錢抵，質素高，份量多，全部都好好味，食唔停口，值得推介！！

旺角其實一直都有數家食台灣野既舖頭但一路都覺得好似比較一般，無想再食第二次既感覺。今次黎到地理位置好方便嘅旺中，落一層去到地庫就會見到嘅鐵牛台灣牛肉麵。夜晚七點半，鋪頭裏面尚有幾個空位，唔洗等首先有menu 然後出去counter比錢叫左野食先。模式就似程班長咁之後乖乖返埋位等野食黎就得啦先黎個排骨滷肉便當擺設令人覺得有溫馨嘅感覺，飯嘅份量呢就唔係好夠我男朋友食啦。而佢話啲排骨真係有一陣酥炸嘅味道，唔錯紅燒牛筋腩麵話明牛筋腩，但就多左其她內臟，例如牛肚。同埋麵條係幼身既，食落都有彈性，唔會話太淋。珍珠奶茶來講呢，我就認為出面嘅手搖飲品店會比呢一杯珍珠奶茶好飲。而隔離果杯荔枝紅茶呢就相反，頗有驚喜喎 荔枝味夠出，唔會一味死甜。鹽酥雞拼香腸本身以為香腸會係台灣夜市食到嗰隻腸仔，點知黎到先發現比預期中嘅淋，唔夠香口 而鹽酥雞係好食嘅，可惜只有幾粒唔夠喉買單平均每人$90下次會再係旺角試下其她臺灣野食！😋