鐵牛台灣牛肉麵 (旺角中心第一座) (已結業)

突然很想吃台灣菜，從旺角地鐵站走出來，對面馬路已經有一間台灣料理，想都沒想就進去了，剛好都不用等位置時間尚早。店員安排好位置給我們，有餐牌跟點菜單，先選好食物然後要到櫃面付款才出食物。（$72）主廚私房牛肉麵，有大塊的金錢𦟌、秘製牛腩、香滑牛筋。湯底很香濃，充滿牛肉味，麵質有口感煮得剛剛好，牛肉煮得很稔，肥瘦適中，咬上去會融化，不怕很難咀嚼，牛筋很煙韌，配在一起很美好。（$56）滷肉香酥排骨便當，除了滷肉飯和排骨外還有3份小菜。有菜、滷蛋、粟米⋯ 滷肉飯用了肥豬肉所以吃上去非常香口，有滷肉汁伴飯一流。排骨就反而一般，因為肉很少份量很乾，而外皮很分離，不過炸得很脆咬上去都還可以。（$32）酥炸花枝丸，只有4粒，佢配了些辣椒粉可以沾上花枝丸吃，不過炸過的花枝丸很乾不太沾得上，而花枝丸不太彈牙。（$18）熱焦糖珍珠奶茶、（$18）熱香芋珍珠奶茶。香芋味很香很好喝而焦糖味很凸出都很相配，珍珠很有嚼勁和大細剛好，兩杯飲品都不錯。

早幾個星期同男朋友經過呢度, 發現晚上呢間位於地牢既餐廳依然係咁多人今日黎開尖沙咀, 男朋友叫我諗食咩, 二話不說話要黎呢間試下落到地牢先知原來係一家台式餐廳職員安排左入座後就會比野食紙大家點菜, tick完食咩就要自己出返去門口既收銀比錢~~~~~~之後就會有野食. 星期六既14:00 下午時間, 呢度都係咁多人, 成日覺得係尖東應該會比較少人, 但竟然呢度都會滿座! 真誇張不過唔知係咪因為假期關係, 沒有套餐只有單點2個人叫左1個食, 1個麵, 2杯飲品 + 一份小食, 價錢都比較高珍珠胚芽奶茶(熱) 自己另外加糖, 味道都ok~ 珍珠唔算好有咬口但都唔會過林, 整體都唔錯麻辣肥腸 $42以呢個價錢而言只有幾片肥腸, 價錢算係幾貴味道帶有些少微辣, 肥腸食落有點爽口而且有醃過關係所以有點香, 幾好食! 不過份量真係有點少, 有點唔夠喉~招牌紅燒牛肉麵 $60男朋友點既紅燒牛肉麵, 賣相都唔錯~ 湯頭都幾濃郁細膩, 麵底屬中規中舉唔算做得好出色, 唯一不足既係呢度既牛肉麵係配上幼麵個人比較中意食上粗身麵條, 口感會更加好滷肉香酥排骨便當 $56熱氣野一定係我點嫁喇!!! 長長長又長既

呢間由台灣人打理的台灣食品專門店，位於旺角中心，環境寬闊舒服，最岩約一班閨蜜傾計.食台灣菜，當然要點滷肉飯拉😌鹽酥雞冇話想像中既鹹，而係炸得乾乾地,食洛脆卜卜 一d都唔油膩, 好好食~ 滷肉方面 滷肉飯既醬汁幾香，滷肉都夠淋，略嫌份量就有d小拉😅整體黎講: 點便當好似划算d，有埋配菜送👏🏻小編幾欣賞佢滷蛋，夠入味！.珍珠口感唔錯，好QQ👍奶茶都同台灣當地甘正宗，甜甜地（茶既比例多過奶）飲到奶茶既茶香味～餐廳係用自助點餐，大家記得寫好自己❤️既野食後到收銀位俾錢拉☺️

呢晚行到8點幾9點, 係旺角都唔知食乜野好就係去到惠豐中心樓下, 舉頭望明月既時候咦~望到個招牌, 有D生口面既名出現BOR於是同我家老闆會一會佢啦雖然時間已經唔早, 但竟然仲要等位不過好彩佢個鋪都幾大, 等5分鐘就有位喇呢度比較特別, 要自己係單剔完再出去俾錢既(我同老公諗左好耐點解落單會知我坐邊架呢原來一入去既時候, 落單紙上面已經寫左坐邊 = =)我就叫左一個紅燒牛肉麵WOW~牛肉麵都係我其中一個飛佛最重要係夠入味, 夠濃味, D肉夠稔呢度既牛肉麵呢... 味我就覺得爭D喇比起同類型既連鎖台灣食店飲杯茶食碌木就失色左少少個味唔夠人地咁濃但個肉呢, 就抵讚喇, 夠哂稔!!我老闆嗌好肚餓, 佢食左一個便當係炸排骨便當:個排骨異常地好食! 一來夠味二來香口之餘, 個排骨唔會肥淋淋加上佢都偏簿身，食落去味道同口感都岩岩好VERY NICE~~LAST一個係鹽酥雞拼腸:雞同排骨一樣, 夠入味不過比起雞, 我覺得排骨再略勝一籌至於個腸就.................我只可以話, 唔岩我口味我唔係幾鍾意呢種好似臘腸既腸仔....OVERALL係唔錯既D野食, 價錢都合理, 值得一試! 

因為我太耐冇去過台灣了，所以都好掛住台灣既牛肉麵。我睇雜誌有講間鐵牛既牛肉麵來香港開分店所以來試下，一去到店內請左d台灣女生當侍應生和派飛，營造強烈的台灣風，這點算是成功的。去到店舖點了【招牌紅燒牛肉麵】，原來坐低之後唔係就咁叫，要剔紙仔再出去比錢先，之後就有人送過來，令我覺得似快餐店的格局。之後食物很快就到，牛肉麵都算大碗，份量都算大。牛肉是牛腩部分，有少許根同肉，但都算忟得好軟冧入味。是不錯的一碗牛肉麵，但個人較喜歡荃灣「台灣麵」紅油更多更濃味的紅燒牛肉麵湯底更似台灣。

之前無意中去左尖沙咀分店食晚餐 發現這間台灣店野食挺好味 今次就同朋友仔去左旺角分店 味道一樣好味 今次叫左小魯肉飯 肉燥茄子 豬軟骨新竹米粉 同 台灣腸拼鹽酥雞 全部都好味 再叫左熱既杯芽奶茶發芋香奶茶 都好好飲

旺角行街街,行到咁上下又唔係好肚餓不過姑終都要食野架人就真係好多,旺角通街都係人,所以下午茶時間咁上下要快手搵野食如果唔係就會好多人,又要等位又等野食個人最憎就係等好喇,朋友提議不如試下間鐵牛台灣牛肉麵仲有午餐套餐,黎到鐵牛台灣牛肉麵就梗係要食紅燒牛肉麵啦,講到明牛肉做招牌都唔試下你個牛肉又點對得住個招牌呢紅燒牛肉麵--牛肉都淋同有牛肉味個湯算幾濃味都算幾好味就湯麵湯麵就梗係熱辣辣入口先好食佢都算幾熱辣辣因為湯麵唔熱不如食冷麵

店內請了些台灣女生當侍應生和派飛，以營造強烈的台灣風，這點是成功的。但台灣服務生有點那種過份的卑微和矮化自己，例如幫客人收盤子好像很抱歉，面無表情的左一句對不起右一句不好意思，在國外當過侍應的我，個人不覺得這就是好服務，反而覺得有點過份矯情。招牌牛肉麵$58，珍珠奶茶$28。快餐店的格局，自己畫紙出收銀處點餐，再回座等送餐。食物很快就到，牛肉麵好大碗，份量很大。牛肉是牛展部分，有根有肉，很軟冧入味。是不錯的一碗牛肉麵，但個人較喜歡元朗「士林牛肉麵」紅油更多更濃味的紅燒牛肉麵。

又 Encore鐵牛Well 無他ga度度食餐晚飯都要百幾蚊Le度一個主食+野飲+share 果小食都係一百蚊今次試新嘢奮起湖燒雞腿排肉燥麵一嚟就有驚喜雞扒比我想像中多雞扒煎完過後淋上秘製醬汁麵道適中湯底淡淡但係撈埋肉燥就味道豐富好多

之前冇意之中經過旺角中心旁邊，發現有條樓梯，下面原來有幾間食肆，其中一間就係「鐵牛」。 「鐵牛」係一間由台灣人主理嘅台灣食品專門店。行樓梯落去地庫，就會見到有幾間食肆，或者可以喺旺角中心，坐扶手電梯落去。外賣餐牌係一本黑色嘅書仔，連咁普通嘅外賣餐牌都做到咁靚，可見餐廳係幾咁用心，有誠意。「鐵牛」招牌菜係主廚私房牛肉麵，咁就當然要試下。主廚私房牛肉麵 $70外賣湯底係分開上，唔怕拎到返去啲麵會變淋。湯底係牛肉麵嘅精華，當然要細心品嚐。深啡色嘅湯底，滲出濃厚嘅藥材香氣，味道濃郁，好夠味。未開始食麵，已經忍唔住飲咗4、5啖。再試試個麵，麵嘅份量頗多，麵質煙靭，有口感。金錢展大大件，一半筋一半肉，易咬開，好好味。秘製牛腩果然秘製，唔錯。肉質好腍而且入味，唔會煮得太乾，有肉汁。牛筋我最愛，有嚼勁，爽口彈牙，感覺充滿骨膠原。巧遇鐵牛，牛肉麵做得好出色，誠意之作，必定會再 encore。亦推薦俾愛吃牛嘅朋友仔~

佢哋D牛肉麵又好味又抵食個茶木，good! 首先叫了一個伴麵，味道好特別，仲有碗湯，清清哋、幾好飲。麵條像日本拉麵，汁好像日式冷麵。真好吃。===============湯麵===============OK,湯味濃，不像味精，但是就無乜特別，可能是常常吃吧！===============飲品===============叫了一杯台灣紅茶和綠茶(走甜)，他的台灣紅茶真是比普通紅茶農，綠茶就一般。評分:90/100

話說同事lunch食完話好好食，咁食貨既我當然要去試下啦，一到下午4點就去食lu~鐵牛係尖沙咀有一間，而旺角尼間係岩岩開左半年到，店員主要都係台灣人，不過都有請香港人做店員（我見店員姐姐好好傾，先多嘴問問)下午茶時間，未見有好多人，都有幾多位，不過唔係自已搵位架，要店員安排位置既。咁坐底，店員姐姐就比點餐紙我地，同提醒我地係點完餐👉先比錢👉再慢慢坐底等野食送到。下午茶係👉A1款主食，B3款小食 + C1杯野飲。我點左A👉小碗家鄉滷肉飯（飯粗大飽滿，咬落有口感，而滷肉咸度好岩香港人食，唔會太重口咪，而且滷肉食人口既溶）B👉逢甲鹽酥雞（新鮮炸起，外脆內軟，啖啖都有肉汁，同事話比起係出面買既炸雞粒好食好多，唔會乾真真），甘梅脆薯（面頭有啲酸酸地既粉，加上炸既甜薯，好正，炸得脆而裏面唔會乾），木魚炸豆腐（尼個出奇地好食，豆腐係炸過，而豆腐本身好滑身，肥妹仔我覺得比出而食既滑好多，而且啲汁酸酸甜甜，好開胃）C👉熱檸檬紅茶(3款之1熱飲不用加錢)同事點左A👉小碗麻醬乾面(面較為粗身，而且軟硬岩岩好，加上麻醬，比出面同類較有口感)B👉逢甲鹽酥雞(同事話必食)，椒麻牛肚絲(味道較淡，但勝左爽口彈牙)

好想去台灣但冇假甘唯有食住台灣野望梅止渴先喇地道台野連待應都係講普通話嫁兩人行由於佢果招牌牛肉麵太吸引所以兩個都叫左相同，另加一個小食拼盤牛肉麵湯底濃郁而非味精牛肉入味拼盤地瓜條加上梅子粉，搭配一流btw限時60分鐘

已經係尖東店的常客, 見最近旺角開左分店, 即刻黎試下~平日晚上七點, 已經開始full full地…不過二人枱唔洗等位~~座位較尖東狹窄, 環境都幾嘈吵…雖然坐sofa位, 但同格離枱其實係緊貼住~唔方便傾計~食物方面, 水準同尖東分店無異~都係好好食,我地叫左兩份定食, 一份台式豬軟骨, 一份係黃瓜蕃薯素菜定食,仲有3小碟前菜, 味道都OK。台式豬軟骨口感適中, 不太油膩, 但個汁好稀, 不夠香濃;黃瓜蕃薯好足料, 整體幾健康清淡, 適合素食者飲品order 左朱古力珍珠同埋薄荷朱古力, 明明要少冰點知都係冇少到><食完後, 店外已經好多人等位~~值得推薦!

開左好耐都冇食過，朋友話食呢間就過左去試下，入到去要寫左自己想食咩先，之後埋單！就會有野送黎食！我叫左招牌紅燒牛肉麵原來湯底係甜的，有點失望因為我連蕃茄湯都不喜歡飲，所以除左湯之外其他都好有水準！牛肉都好好味。朋友點嘅呢碗非常吸引，個湯底已經吸引我了試過真的很不錯！肉都好味！滷肉飯，正勁似係台灣食甘，肉都好味，不過個三碟細細個啲就一般，失望！但整體佢嘅野食都好有台灣水準，價錢又扺食所以一定會再去食！