鐵牛台灣牛肉麵 (旺角中心第一座) (已結業)

其實由佢得尖東一間果時已經好中意去食，大確半年前旺角都開埋，超開心以味道黎講兩分店都差唔多，但論服務態度，旺角分店係絕對比尖東優勝，而且落單姐姐好似係台妹黎，更有親切感！基本上每次黎都會必點呢樣！呢碗可以話我係香港暫時食過最好食嘅滷肉飯滷肉唔會太肥膩，啲汁亦都好正，撈埋啲飯真係超開胃。如果女仔唔太大食，可以單點呢個，已經好夠飽，又抵食！牛肉唔會話好韌，湯底好惹味，麵質又適中，再加埋啲酸菜，超正！！

我地點左個招牌紅燒牛肉麵，一個主廚私房牛肉麵，第一個麵好快來，侍應同我地講紅燒牛肉麵，我聽唔到，侍應再問多次，紅燒牛肉麵係邊位，我開始食，過左十分鐘，都仲未黎第二個麵，我地同侍應講還欠一個私房牛肉麵，然後另一個侍應拿左個紅燒牛肉麵出黎，我地話我地欠私房牛肉麵喎，侍應既回應係，你另一碗麵已有牛筋，牛腩，牛肉，我地同侍應講，但你同事頭先話呢個係紅燒牛肉麵喎，佢只係重覆，你個麵已經有......😒😒😒講到好似係我地錯咁，一句唔好意思都無！！！第一次食，實知你碗紅燒牛肉麵有咩料啦！！！！

又係食美食既時候，等等等，我終於都等到鐵牛分店開到去旺角，第一次食係尖沙咀食佢既牛肉麵，已經覺得好正，之後再食佢個紅燒牛肉既番薯飯佢有3小碟跟埋，價錢$6x唔包野飲唔算特別平，但我今日食吸引我既係佢地兩點半既下午茶，可以選主食一個，小食三個同一杯飲品，價錢都係$34，雖然係下午茶，但份量都唔少，同大家介紹下我的最愛先：主食（四款）：肉燥飯，麻辣乾麵肉燥飯油香十足，麻辣麵帶點肉碎，麻味剛好，係麵身略嫌太淋小食（十款）：小香腸，梅粉炸番薯，台式豆腐，鹽酥雞，麻辣牛肚小香腸皮脆帶甜，梅粉炸番薯係條狀皮脆內軟，梅粉小酸解膩，台式豆腐係軟身既炸豆腐，有類似蚵仔煎既醬汁上面再有青瓜絲，鹽酥雞有三粒同樣香脆，麻辣牛肚麻辣香味十足，切絲所以唔會變香口膠。鐘意食台灣野一定要試下。

當兩個失業人士開飯時，第一個考慮的因素一定係價錢😂再加上朋友想食牛肉麵，睇開飯評價不錯，故選擇在此開餐。幸好我們稍稍早抵達，平日晚市也坐無虛席朋友點了牛肉湯麵，而我則點了香酥排骨肉燥拌麵。由於我們想吃鹽酥雞，所以又點了一個小食三寶(兩粒墨魚丸、炸蕃薯條(?)三條及四粒鹽酥雞)，餐飲我選了桂圓紅棗茶。由於我不吃牛，故沒有嘗試牛肉麵，但賣相色水是合格的。而我的香酥排骨肉燥拌麵是排骨另上，已切成一條條方便食用。可是排骨太多肥膏，其中一小條全是肥膏，沒有肉的。其餘每塊排骨總有一個位置是肥膏，肥膏跟肉的比例大約是4:6，需要改善。至於小食不致難吃但頗普通，雖有擺盤但份量不大。而桂圓紅棗茶雖然很甜，但頗好喝，跟餐+$10。總括而言以價錢為主可以再嘗試下一次的。

可能要迎合台灣牛肉麵, 裏面嘅服務員大多數都係講國語，但唔好以為會好似台灣妹咁溫柔, 佢地只係一個普通講國語嘅waiter!我杯奶茶入面有條蟲，正常服務員會比較緊張, 但我叫咗兩次先有人肯同我換，仲一句唔好意思都冇，好似有蟲係好正常咁! 差唔多成＄70 一個lunch我expect會好少少囉！最離奇嘅係點解帶客人埋位之後, 要個客人自己點好菜再去返counter俾錢, 之後先再返埋位, 點解唔直接了當 Order俾錢後先帶位呢, 唔使要人走來走去！

上個月去左台灣3日2夜旅行，翻看台灣的照片令我突然好想食牛肉麵，搜尋之下，原來旺中有一間台灣牛肉麵，而且評價很高，所以就約我條佬lunch，順便行街街～環境寬闊，柔和燈光，餐廳名稱投射在牆壁，轉啊轉⋯⋯這裏是自助形式，坐低時會遞上order 紙，填寫後去收銀處付款。先來一碗招牌紅燒牛肉麵，第一動作一定係試下個湯底先⋯⋯湯底非常香濃，略帶藥材味，一點都不油膩！牛肉連帶筋部分，入口肉質軟腍，很入味；麵質不算軟身，很彈牙～最後我還把湯底喝到見底..haha2個人吃東西當然點另一種麵款，可以嘗試多一個口味，所以另外點了蔥燒豬軟骨肉燥麵，這個湯底較淡，清清地，我一向不是重口味的人，所以也蠻喜歡的！豬軟骨腍身，沒有因為腍身而散爛，而軟骨部分帶點嚼勁飲品方面～我條佬點了冬瓜茶，他說幾好飲不過我沒有喝當時台灣旅行臨走前在桃園機場一間餐廳吃東西，點了珍珠奶茶，誰知超級難喝，只有滿口糖水，甜到不得了，勉強地喝了一半自從這次經歷後，對珍珠奶茶充滿陰影，但看到這裡評價這樣高，用搏一搏的心態點了珍珠奶茶。果然沒有令我失望，完全是我熟悉的珍珠奶茶味道下一次一定會再黎

朋友叫了仲雞扒肉燥飯，小食不錯，但飯太少，整份量不飽我叫左碗麻辣牛肉麵，牛肉多，份量夠XD，麵條爽滑， 夠咬口，正，真的好食過「小黃」環境不算太寬鬆下次經過一定會再光顧， 希望往後能夠繼續保持質素

雖然去台灣只係一小時嘅機程，但作為香港窮窮嘅後生女，都係留係香港食算！呢日又好掛住台灣嘅乾拌麵同埋珍珠奶茶，係旺角行完街，喜見旺大樓下有間新開嘅台灣野，即刻同友人去抖抖同慰籍下個胃！紅燒牛筋腩乾拌麵本身以為乾拌麵係無湯嘅，又或者已經將湯汁同麵攪均左，點知湯係另上，感覺都幾貼心，可以按自己嘅需要黎倒。D麵幾彈牙，而且掛湯能力唔錯，一食已食到好濃郁嘅味道。牛筋好軟腍香滑，反而牛腩質感比較'鞋'身，要咀嚼好耐先吞得！建議唔好叫牛腩。魚酥皮蛋豆腐每次食台灣野都會叫皮蛋豆腐，皮蛋豆腐已被小妹列入必食之列呢個皮蛋豆腐嘅皮蛋好大塊，而且食落好香，質素唔錯！不過我覺得豆腐略嫌硬左少少，如果係山水豆腐會更嫩滑，同皮蛋更相配！奮起湖燒雞腿扒肉燥麵雞扒份量好多，友人話幾好食，唔會柴口。不過碗肉燥麵淡而無味，佢話早知就㨂酸辣。

今日出左旺角做野，中午旺角人又多，都冇乜概念食乜好，諗住周圍行下見乜食乜，行到旺中附近見到落地下有間食台灣牛肉麵，我都幾鐘意食台灣牛肉麵嘅，又見唔洗等位，就忍唔住行左入去。簡簡單單就試下最地道嘅台灣食品紅燒牛肉麵同珍珠奶茶先，午飯時間上菜都幾快喎。紅燒牛肉幾淋身好入味，湯底味道都算濃，麵質有咬口，牛肉份量都多。係台灣食台灣牛肉麵每一間都唔同風味，呢間都算幾好食架喇。加$8珍珠奶茶，味道不會太甜，都ok嘅。埋單$66都係合理嘅價錢，可以一試。

個招牌紅燒牛肉麵，牛肉非常腍，湯底都唔錯。雞腿排肉躁面，雞皮脆卜卜，肉質還保持到鮮嫩，不過我本人鍾意牛肉麵比較多。至於小食鹵大腸豬耳，豬耳處理不太乾淨，豬毛還在。大腸麻麻，整碟小食只有酸菜比較好食，不太咸，下次不會再食這小食。

招牌牛肉麵，好正，牛肉好軟，連肋都炆到淋晒，可惜冇前菜鹽酥雞肉燥便當，肉燥始終冇台灣咁好食，但都算唔錯，鹽酥雞炸得幾好，唔乾，附上的3個小菜味道不錯幾十蚊有這個質素唔錯唔錯！

It was time for dinner so I suggested to eat at this Taiwanese restaurant because I tried the one in TST before and the food was quite good. I got the fried chicken with traditional minced pork rice. The chicken were crispy and seasoned nicely. They were tender and juicy. The minced pork rice was very oily but the flavour was very yummy. My friend got the Taiwanese sausages with traditional minced pork rice. The sausages were sweet and crunchy. They were very different from the Hong Kong sausage

下午茶嘅份量剛剛好😌😌～或不比台灣本土的好，但絕對比很多香港所謂台灣鋪好😩😩⋯滷肉飯肥瘦拿揑得剛剛好，飯很有油份很潤澤👍🏻麻醬麵超級多麻醬（好像有點多得滯😅😅）台灣香腸煎得好香脆～有點想念台灣啦！好味指數😋：7.5/10翻啅指數🙆🏻：7/10人均消費💰：10-99服務態度👨🏼‍🍳：7/10乾淨指數🌝：7/10------------------------------

這次我們來到鐵牛台灣牛肉麵，這裡採用自助形式，先到收銀處付款再坐下等待。1. 台灣牛肉麵麵條有彈性，湯底味道濃郁，牛肉也入味，唯略嫌有點油膩2. 梅子粉炸蕃薯條強烈推介，酸甜的梅子粉配上剛炸好的蕃薯條，意想不到的配搭卻很有驚喜3. 炸雞表面夠脆，可惜略嫌不夠調味4. 珍珠奶茶大大杯夠抵飲，味道不錯總括而言，此店價錢實惠，食物質素不錯。員工服務態度也很好，環境也舒適。位置就在旺角市中心，非常方便。有機會會再來的。

其實朋友介紹過呢間鐵牛好多次，自己行過都見到幾次，只不過次次都見到有好多人排隊，又唔知要等幾耐先有得入座，所以就一路拖到依家先去食。間鋪比想像中大，環境乾淨企理，有少少似簡約工業風，座位都幾多下，不過檯同檯之間都好近，其實會有少少壓迫，但鬧市餐廳好多都係咁，無辦法。今次我食左個牛腩牛肉麵，牛肉煮得非常入味，但又唔係死鹹個種鹵水汁，同係台灣食的味道都相似，入口唔會太難口，但有保持到牛肉本身的口感同嚼勁，至於牛筋就更好味，鹵到軟綿綿，一咬即斷，比較少食到呢種軟硬適中的口感。個麵都唔錯，唔會煮到過火，入口彈牙，加埋個濃郁湯底，好味道！