鐵板一 (裝修中)

喺銅鑼灣估唔到都有一間平民扒房，  超抵食！十二點至五點半都有得食lunch set，  有湯有包有飲品 👍🏻👍🏻👍🏻麵包鬆軟， 甜甜地， 配埋牛油，真係好食！蘑菇湯好香濃creamy! 😋鮮茄焗雞扒意粉$68 蕃茄意粉酸酸甜甜非常好食，  雞扒上面有好多芝士，有拉絲感！ 😊原切豬扒$68豬扒飯大塊而且好淋好juicy！食埋完就已經較飽！ 😍美國脆香雞扒$68雞扒好入味，啖啖肉， 外皮都幾香脆！🥰 可以配飯，意粉或薯菜汁可以揀黑椒，蒜蓉或燒汁 包咖啡或茶凍飲加三蚊

今日陪個朋友收樓，之後梗係要慶祝下啦！銅鑼灣本身我就唔太熟路，所以就緊係她話事啦，最後她帶左我食呢間！門口有餐牌，搓手液，感覺自己會好自覺地掃埋安心出行先進入餐廳。內裡燈光柔和，裝飾既植物比較多，好有大自然嘅感覺，非常舒適。黑松露薯條薯條長短粗幼適中，用一個白色小碗裝上，而黑松露醬就另上。有啲人鍾意薯條香脆啲，就寧願醬要分開上，感覺非常細心。另外叫左杯雜果賓治，味道唔會太甜，店員見我飲完就即刻問我會唔會太甜，如果真係太甜可以幫我加返多d果汁去溝淡d，真窩心。咸蛋卡邦尼意粉鹹蛋嘅卡邦尼意粉真係第一次食，汁帶少許淡黃色，creamy仲加少許咸蛋既香味，味道幾特別，一啲都唔會太鹹。澳洲牛柳用鐵板上既牛柳已經少之又少，估唔到銅鑼灣都仲可以食到哩隻懷舊鐵板。員工好有禮貌地同我地講，鐵板好熱幫我地放埋一邊，如果倒汁落去都唔會彈到自己，服務簡直一流。我真係好耐未試過去一間餐廳可以咁體貼，咁窩心。牛柳比較厚身，煎出嚟唔會太熟，好香牛肉味，還配少許薯菜感覺冇咁濟。餐牌比較簡單，款式唔算太多，出餐比較快，價錢合理，怪不得人山人海啦！

今日同朋友去銅鑼灣行街後大家都想鋸個靚扒～ 我哋就搵到位於登龍街永光中心20樓又扺又好食嘅港式鋸扒餐～🍽️🔪🍴餐廳內的裝修綠色大自然為主！ 燈光柔和及一邊播放流行音樂，比人一種很舒服的感覺！真的要好好享受這頓豐富晚餐先 餐廳的員工服務一流～態度友善！ 仲好有耐性介紹餐牌上的食物～讚呀晚餐都有多款選擇～包括湯及餐飲🐮 鐵板紐西蘭牛柳餐$148六成熟～剛剛好～肉質好厚好嫩滑～配上蒜蓉汁味道一流！ 鐵板上更有薯條及配菜！不想食得太飽就岩哂！🐮🐮 鐵板紐西蘭肉眼$128六成熟～又係岩岩好～ 好大塊嘅肉眼扒～肉質好"林"夠哂飽肚！🐮🐮🐮紅酒燴牛肋意粉$88紅酒汁及牛肋煮得好好味～～意粉煙靭度適中～～個汁好濃加埋配菜，好味道！🐮🐮🐮🐮 黑松露炸薯條$58薯條新鮮炸出嚟好香好脆口～配搭埋黑松露醬簡直完美呀～～餐廳午餐set仲抵～一定要上去睇！

又係去銅鑼灣出差， 繼續喺登龍街揾食， 永光中心全座都係食店， 希望有一日全部都食過哂, 今日先到20樓嘅 BG STEAK & PASTA。是日午餐簡簡單單2款set lunch肉眼 & 西冷Set lunch 配餐湯，面包同飲品。肉眼5成配意粉， 肉眼肉質嫩滑， 非常軟身， 軟軟綿綿， 啱哂d唔鍾意咬野嘅人。 意粉煮得乾身爽口， 合我口味， 配上黑椒汁， 醒神醒胃。西冷5成配薯菜， 西冷較肉眼有質感， 有咬口， 肉味較肉眼濃， 肉汁亦較多。2款牛扒各有特色， 價錢亦十分合理。

喺銅鑼灣區想食懷舊鐵板餐可以嚟呢間餐廳。除咗懷舊鐵板餐仲有意粉🍝、pizza🍕其他西餐扒類等。呢度嘅鐵板扒相對地比較經濟，所以我哋叫咗一份。另外就叫咗相對地貴啲嘅美國西冷，睇吓分別係點。▶️BG特色雜扒$168鐵板雜扒好有風味，而且相當豐富。入邊有豬扒、雞扒、牛扒，仲有青口、司華力腸、薯條🍟揀咗蒜蓉汁夠香，鐵板熱辣辣！呢個價錢，真係唔錯！雞扒幾滑，豬扒都幾好，牛扒味道都正常！▶️美國西冷牛扒$288西冷牛扒揀咗五成熟，呢塊扒肉質唔錯。一分錢一分貨，牛扒味都幾香。揀咗燒汁好夾！配菜有粟米🌽、豆角、薯條。薯條炸得香脆！覺得雜扒幾抵食，西冷牛扒肉質唔錯！唔同價位，各有各喜好～

呢間位於銅鑼灣永光中心20樓嘅樓上舖，其中一個優點就係環境幽靜舒適，地方企理食物質素又好，無論係想自己靜靜哋嘆個lunch或者同朋友聚會都好適合。Lunch set嘅價位都好親民，絕大部分$100有找。我就叫咗一個日式照燒鯖魚拼鑊仔牛扒餐配飯、飲熱咖啡。佢嘅份量都幾令人滿意，而且日式同西式混搭幾有創意，唔係度度有得食啲咁嘅嘢～日式照燒鯖魚拼鑊仔牛扒Teriyaki Mackerel with Pan Fried Steak牛扒嘅肉質地嫩滑，咬落口有嚼勁又多汁，夠曬鮮香惹味。照燒鯖魚出乎意料地幾大條，而且外皮咬落口脆脆哋，配埋濃郁香醇嘅照燒汁好適合撈飯！另外送餐湯、餐飲同餐飽。份量唔算特別大，但味道不俗，平平哋食西餐都食到一個完整嘅set，嗰種儀式感非常正～

🔺 BG STEAK & PASTA (銅鑼灣)如果唔係朋友介紹呢間個lunch 唔錯，真係唔會知有間幾好既餐廳，e+ lunch time 又可以多一個選擇啦😍😍🔻肉眼牛扒配薯菜（$70)上枱大大塊肉眼扒，仲要係鐵板上，平時食都起碼過百啦😱雖然肉味唔算好重，但肉質好淋，加埋黑椒汁好惹味，呢個價錢超抵食❗️薯條熱辣辣夠脆，唔錯～🔻原切豬扒配飯（$68)又係超大塊😱😱完全遮住個飯，男人都未必食得晒～而且煎得好靚，唔un 又juice,唔乾身👍🏻🔻餐包及餐湯跟set 既，餐包熱辣辣，甜甜地，加埋牛油好好味～餐湯係煙肉薯仔湯，湯夠creamy 好香好濃，一d 都唔馬虎。🔻熱柚子蜜及什果賓治飲品不過不失，正常口味～食物較出色。

即興約咗朋友喺銅鑼灣食飯，因為同朋友太耐冇見👩🏻‍🤝‍👩🏼，所以專登搵咗間上樓嘅西餐廳食🍽，上網見到呢度環境幾好，又冇限時限刻要交台，所以揀咗呢間食飯同🥂飲下酒慢慢傾計chill 一 chill😌上到嚟呢度氣氛浪漫，燈光偏昏暗，好多綠色植物☘️🌱嘅Decoration, 坐得好舒服好relax🫠呢度有啲dinner set 🍴好抵食，啲扒餐同意粉平均都只係百零蚊就有個main🥩🍝 送個是日餐湯🥣 跟餐+ $3 仲可以叫凍飲🥤不過因為大家都唔食牛扒，同埋我哋唔太肚餓，所以我哋都叫咗a la carte menu 嘅食物🤭🦆香煎法國鵝肝 $98呢個鵝肝煎得岩岩好，中間切開勁juicy,配埋佢嘅果醋汁🍎，酸酸甜甜中和左鵝肝嘅油膩👍🏻🍝龍蝦汁蜆肉意粉配三文魚子$138意粉有啲似天使麵比較幼，蜆肉係連殼上擺得好靚，上面頭仲有對三文魚子幾鮮味，仲有啲蘑菇配菜🍟小食拼盤 $128因為朋友飲酒🍸所以叫下啲佐酒小食🥳 小食拼盤有薯條🍟洋蔥🧅同埋四隻雞翼，份量啱晒兩個人食🍰Tiramisu $28一人份量好的骰，岩晒食到勁飽又想滿足吓甜品嘅胃🥂House wine $42☕️凍奶茶 $30

通常啲餐廳，食第一次好，第二次梗塞會有啲嘢不滿，但岀奇地，今次例外！疫情帶動下，全世界都開始通漲，物價越來越高，好彩俾我搵到呢度。七折優惠之下，叫咗個鵝肝，香濃味道兼口感一流，雖然知邪惡，但忍唔住一啖有一啖好彩有朋友分擔。另聽員工推介，黑松露芝士雜菌天使麵，嘩，一試難忘，朋友們都認同。Share 食關係，可試多幾款，紐西蘭羊扒五成熟剛剛好，就知道羊扒係貴嘢，份量比較少。唔緊要，再嚟澳洲超級牛柳，肉汁豐富，加上香香蒜蓉汁調味，奇就奇在，食咁濃味嘅嘢都唔需要狂飲水，埋單時問員工，原來佢呢度無落味精架，呢點我最欣賞！最後全單平咗221蚊，優酷！一人都係百零蚊，雖然環境唔係開揚，但勝在傾偈氣氛一流，我哋三個女人一個墟，暢所欲言，好一個開心嘅晚上！

服務態度非常友善 環境安靜 整潔食物全部都不錯👍🏿如果咁啱係銅鑼灣食嘢可以上嚟試吓🥰推介：龍蝦汁蜆肉三文魚籽意大利粉 黑松露薯條 西冷牛扒配薯菜 雜果賓治有機會都會再嘗試😌😋

上op見到佢個menu話午餐做到17:30，諗住早少少食個晚餐，再去睇戲，點知5點上到去坐底，話無午餐，咁諗住睇下個晚餐套餐menu，點知都係無，攞個另一個menu 黎完全唔同，又話依家無餐，所有野都要單點，如果你係睇到個套餐menu 而諗住食平野就要三思！講返d野食先，叫左一份牛柳（$229）同一份雜扒（$229），跟住問都無問過就放左兩個紅湯，再問佢先知原來有白湯揀，真係吹脹。個麵包就凍同硬，扒既質素就「可一不可再」，咁既價錢相信有其他更好既選擇！

去到登龍街唔知食乜好，誤打誤撞入左永光中心，又糊里糊塗入左呢間平價鐵板餐廳，點知……中伏了😤睇餐廳價錢好相宜，牛排餐有湯有包有餐茶都係$70加一，抵到爛，當然亦不能抱太大期望。首先黎左個唔知乜湯，一陣怪味，色水似磨菇湯但味道似西蘭花湯，飲左一半放棄左😂餐包反而唔錯，軟熟有黑糖味，似outbxxx嘅黑糖麥包主菜上枱！嘩好吸引呀，鐵板熱辣辣炸炸聲㗎，塊肉眼重鬼咁大塊，急不及待切舊黎試，咦好鬼難切斷，但明明好鬼冧喎，一食😩😩😩無味，無味到一個點，我以為自己食緊濕左嘅紙巾，又冧又咬唔斷又無味，救命，未食過咁難食嘅牛扒，花x餐廳好食過佢十倍，但點解咁多人幫襯😨😨唯一可取：薯菜好味

港式西餐，塊牛扒好大啱食肉獸。全熟都唔會咬唔開因為梳打粉味好勁，不過佢係半生熟咁上。薯菜都正正常常，冇咩淋到，仲有少少脆。食薯條叫人俾茄汁係俾獨立一包包嗰d, 呢樣野幾好，成日出行食薯條個樽都好鬼污租。我個餐我跟黑椒汁，冇咩黑椒味，甜甜地，如果咸d 會好味d 。想食肉呢度唔貴，不過一定唔係西餐廳咁好食，一分錢一分貨。不過我覺得椰林閣仲好食d 。仲想講今日雖然我放假姐，叫人寫餐飲叫咗兩次都話轉頭先，之後佢自己行埋嚟問我要咩。呢個過程我等咗三個字。不過咖啡幾好飲，應該係即磨咖啡。提提午餐有加一服務費。。。

銅鑼灣永光中心有好多餐廳可以尋下寶今日就撞左入去BG Steak&Pasta好親民嘅lunch set價錢 100蚊都唔洗 無諗過上枱會有塊鐵板架 好警喜 大大件5成熟肉眼配飯 一定夠飽🤣佢個餐湯同包都正 不過已經秒KO無影相除左鐵板 仲有好多焗飯焗意粉選擇 我就叫左焗芝士肉醬雞扒飯 永遠無法抗拒的焗芝士 嗱望落個碟唔深 不過真係好夠食 因為芝士雞扒份量量都足 仲要係炒飯底！順帶一提 佢大部份都係卡位 簡單食個lunch又可以舒服傾偈都唔錯！

今日同朋友一齊去食晚餐預先book咗枱 所以有買一送一優惠呢個優惠真係超抵鐵板餐除開人均大約$70-$80.之前都已經嚟過一次 上次就叫牛柳$148牛柳嘅份量比較少 上次食完都唔係好夠飽今次叫咗肉眼扒($128)七成熟份量多啲 食落去口感不錯唔會好韌👍🏻.不過今次嚟就淨係收現金 好彩有帶夠錢🤣之後都會再嚟食～同埋都會推薦比朋友！