鐵板一 (裝修中)

通常啲餐廳，食第一次好，第二次梗塞會有啲嘢不滿，但岀奇地，今次例外！疫情帶動下，全世界都開始通漲，物價越來越高，好彩俾我搵到呢度。七折優惠之下，叫咗個鵝肝，香濃味道兼口感一流，雖然知邪惡，但忍唔住一啖有一啖好彩有朋友分擔。另聽員工推介，黑松露芝士雜菌天使麵，嘩，一試難忘，朋友們都認同。Share 食關係，可試多幾款，紐西蘭羊扒五成熟剛剛好，就知道羊扒係貴嘢，份量比較少。唔緊要，再嚟澳洲超級牛柳，肉汁豐富，加上香香蒜蓉汁調味，奇就奇在，食咁濃味嘅嘢都唔需要狂飲水，埋單時問員工，原來佢呢度無落味精架，呢點我最欣賞！最後全單平咗221蚊，優酷！一人都係百零蚊，雖然環境唔係開揚，但勝在傾偈氣氛一流，我哋三個女人一個墟，暢所欲言，好一個開心嘅晚上！