鐵板一 (裝修中)

又係去銅鑼灣出差， 繼續喺登龍街揾食， 永光中心全座都係食店， 希望有一日全部都食過哂, 今日先到20樓嘅 BG STEAK & PASTA。是日午餐簡簡單單2款set lunch肉眼 & 西冷Set lunch 配餐湯，面包同飲品。肉眼5成配意粉， 肉眼肉質嫩滑， 非常軟身， 軟軟綿綿， 啱哂d唔鍾意咬野嘅人。 意粉煮得乾身爽口， 合我口味， 配上黑椒汁， 醒神醒胃。西冷5成配薯菜， 西冷較肉眼有質感， 有咬口， 肉味較肉眼濃， 肉汁亦較多。2款牛扒各有特色， 價錢亦十分合理。