鍋呵呵 (已結業)

又是打邊爐的季節，夏天還是冬天，都會有不同的方法來令人想起火鍋。這間位於深水埗的火鍋店位置幾方便，附近都有好多文具店和不同的食店，如果恰巧在這裏有事扮就方便來這裏食晚餐椰汁芋頭雞煲裏面用了椰汁湯底！而且有一條條的芋頭，那些雞都有了椰汁味，變得特別香。雖然那些雞不是很滑，但有好重的雞肉香味．美國安格斯肥牛有很多片，價錢比較高因為每一間店舖都是差不多價錢。雪花分布非常均勻，很快便會叔臭，口感近乎入口即溶，吃的就是口感。羊肉片的紋理不錯，看得出每一片的大小都差不多，而且顏色也好新鮮．吃起來有很重的羊香味！芝心丸來說，裡面的cheese味道特別，太熱的時候就不太好了．等一會兒才可吃！豬潤可以看到每一片都是新鮮的，顏色鮮艷．不用放太久就拿出來，味道很不錯呢，爽口之餘又有香味．椰子水本來以為是一支支的，但原來是一杯杯的．都沒有所謂啦，就是小小甜味，味道可以說是比較清新一點．出前一丁麵價格就不太低了，不過火鍋如果沒有粉面是一定不夠飽的～

今晚Happy Friday星期五，Step可以早回家和娘子吃食，本來Step想在屋企附近吃車仔麵或米線簡簡單單當一餐就算了，但去到每一間店舖門口，娘子都搖頭… 娘子說：『每次落街食飯不是大家樂、大快活，就是車仔麵或米線，可否有一點新意啊?』 結果Step和娘子在褔榮街行了一個圈，在每一間食店的門口娘子總是搖頭，令Step感到一面無奈；在Step還是迷惘的時候，娘子突然在元洲街北河街十字路口，看到一間樓上舖的火鍋店，於是便拖了Step去到問口看看餐牌，便問：『今晚不如食豪一點，食火鍋吖。』 這一間火鍋名叫鍋呵呵。 ------------------------------ 這一家火鍋位於深水埗北河街183號富匯居1樓，由深水埗地鐵站B2出口，大約行3分鐘即可到達；不過Step和娘子看完menu後都認為鍋呵呵主要做本區顧客生意，特別現在主打的原味椰子雞和麻辣雞煲火鍋套餐，用料實在令Step無法抗拒，也是令Step跟著娘子上樓的主要原因。 ~裝潢擺設~ 到了一樓鍋呵呵門口，大大個字寫著『茶芥醬油全免，另收加一服務費』，還有一點非常重要… 『只收現金』 記得來食之前要帶定足夠現金，不

今日因工事要黎到我都不太熟悉的深水埗做野，因見客都見到差不多晚飯時間，所以就同同事一齊食埋飯先走，行下行下見到哩間鍋呵呵火鍋店，我同同事都係愛打邊爐之人所以就決定食哩間！就係哩間啦！仲有限時優惠丫有六款調味料可自由配搭！魚皮鮫都好新鮮，肉質爽口，我的最愛！仲有我同事最愛的脆皮腸仔，口質真係一流，真係好香脆！一個鍾意食清湯一個鍾意食惹味鍋，緊係要點有兩種味。湯底都好味唔多味精。因為食完都唔覺得口乾！豆卜都好多份量！仲好細心剪開一半，好爽口！點左豬肉，好新鮮，肉質都好爽口鮮甜！好高質素的豬肉片，夠大塊！推介牛肉，一睇就知夠哂紅夠哂新鮮，果然係超級好味，好嫩口喔！紋路都好靚！仲有我地最愛的響聆。好脆！正

同男友黎開深水埗買電腦野，因為都有好多朋友講過話深水埗一向好多好野食，所以買完野就順便食埋飯先走，行下行下見到有間打邊爐既餐廳，而咁岩我地又想打邊爐所以就決定食哩間！上到去仲撞到同事Tim丫。。個名都好特別！哈哈！店內環境都好舒服又舒適10蚊3枝藍妹😨係10蚊3枝丫！愛酒的男友即點！叫左個有兩隻味既鍋！我最愛既調味架丫！可以自由調配自己鍾意食既醬料點左我地最愛既肥牛，睇佢外表d紋理都知道好新鮮，果然真係好正，好爽口嫩肉的肥牛！生菜都洗得好乾淨，又好靚d菜，都完全無爛，仲好甜丫d菜！我男友最愛吃的脆肉鯇！真係好新鮮同鮮甜既魚味！魚質夠哂上盛我最愛既豆卜好多份量丫👍🏻👍🏻👍🏻👍🏻唔會太油！正哩個一定要推介，真係超彈口爽口！墨魚丸膏。想食幾大粒就整幾大粒！個口感真係正到唔識形容！我一個人都食左一大半丫豚肉又係勁新鮮，仲好大塊！口感爽甜好有豬肉味，又唔會太多肥肉！剛剛好！而且店員服務真係好好，估唔到係深水埗會有餐廳有咁好既服務態度真係一定要讚一讚！我下次再同朋友去食先

與朋友小聚，朋友話屋企附近有間食雞煲唔錯，便相約來到鍋呵呵。聽到個名好得意，食嘢都有好心情。由於係樓上鋪，menu已放在門口，很貼心。上到來餐廳，有2人檯亦有多人檯，考慮周到。裝修雖算不上富麗堂皇，但清爽乾淨，印象很好。睇睇餐牌，叫得鍋呵呵，一定主打火鍋/湯鍋。果不其然，一張「$398二人餐」吸引了我們注意。配料好豐富，安格斯肥牛、日本黑豚肉、蠔，仲有帶子、海蝦、花膠，有埋時蔬、淮山，配搭合理唔洗煩，仲要$398食咁多海鮮，應該係超值！我地今次揀左椰子雞，夏天唔想食辣雞煲咁熱氣。落左單冇幾耐就上菜。見到呢碟好滿足！樣樣都大大件，擺盤都好靚，嘢食很新鮮，帶子睇落晶瑩剔透，生蠔好肥，質素咁高真係好開心！冇幾耐就飲得湯。新鮮椰汁煲湯，又鮮又甜又香，侍應介紹擠小小青檸汁落湯度，小小酸味更帶出椰湯的鮮甜，飲完又唔會口乾，超推介！飲完湯有得食雞。掂一掂各種調味料，正！調味料推介酸辣醬同沙嗲醬。酸辣醬好似食緊泰式粉麵咁，其他餐廳未見過。打邊爐有得食花膠好開心，糯糯的，加上雞湯的鮮美，好幸福打邊爐怎能不叫嘢飲。今個月有飲品半價優惠，好抵！叫左杯凍青檸荔枝蜜，酸酸甜甜又有荔枝味，啱晒！兩個人計加一$45

今日又去深水埗搵食! 成日經過見到有間叫做鍋呵呵既個名好得意! 終於忍唔住同朋友講入到去地方不算太大, 7點幾去到都幾多人喇!之後睇MENU...都有好多野食...有雞煲, 打邊爐同埋蒸氣鍋...我地2個人就食雞煲微辣！超勁惹味呀！又入味喎！2個人order半隻雞啱啱好！然後可以加湯打邊爐..正呀！ 食完雞煲再打邊邊我就叫左肥牛, 脆肉鯇, 墨魚滑, 炸支竹同埋生菜...配料全部新鮮~牛肉好鮮味! 而墨魚滑又彈牙...脆肉鯇超脆呀! 好味!最令我驚訝的是啤酒10蚊3支...係邊度搵?食雞煲飲啤酒是絕配, 仲要10蚊3支~超抵呀!見到隔離枱食蒸氣鍋又好似好好味!下次試下先!

最近每晚回家走過必經之路時, 等車過馬路都會見到這間鍋呵呵, 相公就說不如去試下 (因為我們反而好少在家附近食吃, 每次都係放工食完飯才回家的說~) 好, 今晚就試下先, 來到店舗, 雖然已經差不多十點, 但依然頗多人的呢~好抵喎~ 藍妹十蚊3 支, 竹蔗茅根及酸梅湯是任飲~就試下這個套餐先當然先來個竹蔗茅根飲下先先上個火鍋料, 都好新鮮WOR¬, 不過店員說今日的鮑片唔靚所以就改為貴妃蚌我們就叫個椰子雞 (都有半隻雞的份量, 真係幾多下) , 店員就說整個湯都是椰子水, 沒有加水, 是原汁原味的呢~等佢煲下先~飲啖椰子雞湯, 清甜之餘, 有淡淡椰子的味道 (不過煲耐d 就更入味) 而雞都非常嫩滑沒有雪藏的味道, 新鮮雞~食完雞就加火鍋料來大邊邊, 墨魚丸非常彈牙之餘都吃到粒粒墨魚, 問店員原來他們的丸是從汕頭潮州那邊運回來, 是手打的啊~ 怪不得口感味道十足豬肉丸都非常有彈牙味濃蝦都幾大隻之餘都好鮮味.花膠大件都好骨膠原象拔蚌及貴妃蚌都非常清甜爽口, 沒有沙石, 正~當然都要食下D 蔬菜菇及豆腐啦~最後相公覺得墨魚丸太好吃仲要叫多碟 (HKD48)~有多間無飯家庭飯堂的選擇啦~

今日要去深水埗嗰邊交一啲文件俾政府 所以平時唔去深水埗嘅我都要去一趟 交完文件就同男朋友睇下有啲咩正野食拉 跟住見到你一家野見到佢門口出邊寫話＄10@3支啤酒好吸引 因為夏日炎炎飲返支冰凍啤酒 簡直係消暑嘅良品 所以就上左去食！酸梅湯堂竹蔗茅根都係任飲 而男朋友堅持叫3支 出面一支＄10都買吾到呀 我哋叫咗半隻秘製雞煲 老闆見到我哋仲點緊其他啊材料嘅時候 已經幫我地落左單 希望我哋可以盡快食到 又唔需要等好耐 好細心呀👏👍 雞煲嚟到嘅時候香噴噴而且上面仲有好多配料 自製嘅份量都好足料 我同男朋友都覺得唔只半隻雞咁少之後隻雞 好惹味 肉質又夠滑 就連平時一向吾食雞胸既我都有食 完全冇諗過一間係深水埗嘅小食店可以食到呢個嘅水準 真係出乎意料之外！食完個雞煲就會加湯打邊爐 個到有個調料吧 就好似打邊爐咁 如果覺得又唔夠味既可以自己加味 例如可以加酸辣、麻辣等等 啱晒係唔同口味嘅你哋拉😁之後我哋叫左少少配料 包括有粟米、生菜、腸仔、豆腐、炸響鈴、芝心丸其中最特別嘅係炸響鈴 炸響鈴好脆 而且份量夠多 食法:我會將響鈴只係放係鍋上面 大概五至八秒左右就拎返出黎拉 因為放得太耐就會唔脆 而且會好似山

夏天最開心就是開住冷氣打邊爐。食店的裝橫很樸實，估計是家庭式經營，因為聽見鄰桌的食客問一個約16-18歲的侍應，為何這麼後生就出來打工，他透露是假日出來幫爸爸手。大約6時入席，可能太早，所以只有我們這一枱。由於不想煩惱吃什麼，所以就點套餐，包括原味椰子雞半隻配一系列肉、海鮮及蔬菜。推廣期間，更送半打海生蝦，很抵食！湯底強調無味精、無加雞粉及糖，只是由一椰子加一椰青水混合而成，所以帶陣陣椰香味道。待湯滾後，即可倒入雞肉。店內採用的是湛江走地雞，雞肉較爽彈，而脂肪不算多，面上只浮起少少黃油。建議可先喝半碗湯，品嚐一下椰子雞湯的鮮甜。另外，老闆亦建議喝湯之前，滴幾滴青檸汁。果然，加了青檸汁後，更能帶出椰子雞湯的鮮味。未正式打邊爐前，我倆已各自喝了兩碗湯。肉類有日本黑豚肉及安格斯肥牛，兩者肉味濃，而且脂肪較少，所以吃多幾塊都不覺飽滯。而四寶丸很彈牙！海鮮海生蝦及大蜆很新鮮，很甜口，帶子稍為焯一焯就熟，肉質軟腍。而象拔蚌仔可能焯得有點耐，所以很硬實。而花膠質感未算很黏，質素一般。蔬菜算多元化的雜菜質素都不錯。用乾淮山煲湯就吃得多，但第一次吃鮮淮山，質感比乾淮山更粉。大約7時左右，幾乎全場滿座，大

今次專為了椰子雞煲來的............香港人嘛，大熱天時當然又會去打邊邊啦，香港特色來的！第一次來，所以只叫了個套餐，初初以為唔夠食，點知其實都幾飽的！可惜9點後只有單點才有九折！我們的套餐是沒折又要加一的！椰子湯水滾後，店員即來幫忙把半隻雞倒進湯內，他說滾後六分鐘就可以，最後四分半就同我們說食得🤔安全計.....當然飲湯先啦，湯幾清但亦有椰子雞的味道，不要期望像煲湯般咁濃，亦試了加點青檸汁，原來真的超正！雞還可以，可能滾得太勁，雞胸已有點鞋，因為之前食過某食店，有專人及timer計時，所以雞超嫩！食完雞可以開始打邊邊，原來加湯要收錢，所以店員只會幫忙加水咋！肥牛/豚肉/蝦/花膠/蠔/象拔蚌仔/帶子/北寄貝/丸........其中蝦是最正，新鮮彈牙；象拔蚌仔也新鮮，只是有點沙；肥牛軟腍！而帶子及北寄貝像是不夠新鮮的刺身，所以作火鍋用途，還加了點檸檬去腥，有點怪怪的！至於蔬菜有皇帝菜/黑木耳/菇菌/豆腐/冬瓜/淮山......我最喜歡是豆腐及冬瓜！調味料是不用額外收費，仲要是任拎唔嬲；而家仲有酸梅湯及竹蔗水任飲！提提大家：只收現金

依排天氣超熱+陽光又猛郁少少已經出晒汗~無咩事..日頭真係唔想出街(曬黑)所以全日留係屋企避暑~等晏d先同另一半出去食晚飯前2晚..佢已經搵定話去"深水埗 - 鍋呵呵"食火鍋是但啦! 佢搵左我唔駛諗~同埋..最緊要岩佢食ma^^* * * * * * * * * *藍妹啤酒($10/3支)(x2)~開頭猶豫..會唔會係水貨價錢實在太平..難免會有d疑惑~但試左味道正常喎同埋..酸梅湯&竹庶茅根水都係任飲(估計飲品唔係主打銷售目標)自助醬料區~基本6款調味料..仲有酸辣汁/麻辣醬2小碗獨享~前面係(麻辣醬+芫茜+豉油)~夠濃夠麻辣味後面除左花生醬~全部加晒..醬料最like有沙茶醬有套餐/散叫/魚缸亦有新鮮海鮮選擇我地點套餐($398)~走牛肉牛丸..轉黑豚肉+墨丸豬肉丸"象拔蚌仔"..新鮮肉質嫩北寄貝, 日本帶子, 正宗潮州四寶丸(汕頭自取貨), 海蝦因為無青邊鮑片~所以另一半揀要鵝腸原本有"安格斯肥牛"~另一半都戒左牛..就轉埋日本黑豚肉"花膠"..雖然細細條~但質感厚身..膠質豐富仲有半隻雞~雞肉無肥膏夠瘦蔬菜方面..有豆腐, 木耳, 冬瓜片, 鮮淮山片"新鮮時菜併雜菌"湯底有2款

朋友說呢間的好多人推介好食,我地係放工就走入去試, 係B2出口直行好快就到入面人流唔算多, 而且店唔係好大, 但坐得都幾舒服我地選左一個麻辣雞煲(半隻)同一個椰子雞煲(半隻)的套餐一個雞煲足夠兩個人食的份量的, 因為佢仲包埋海鮮, 雜丸, 菜同菇類而職員見意我地食左個麻辣雞煲, 之後再食椰子雞煲因朋友唔太食得辣, 所以我只叫左小辣, 但唔緊要, 佢呢到有麻辣醬油俾我地點野食..如果想食辣但又要就D唔食得辣既朋友的人係唔錯的選擇而呢間店每張枱都有個出緊煙的蒸爐, 但一拆出黎就係坐底的鍋, 專俾人食雞煲或火鍋而唔需要下下抬高個頭或起身, 而且鍋邊係唔熱, 就算唔小心掂到都唔驚整親麻辣雞煲到啦, 有專人係你面前炒幾下, 睇到都流晒口水雞好滑, 而且好入味, 另外佢有加左豬大腸同洋蔥蒜頭, 小小辣好快大家就清晒之後到椰子雞煲, 佢係先落左椰子先, 之後加雞, 職員同時放低一碟切好晒的青檸俾我地, 原來係當雞熟左, 大家要先飲佢啖湯先, 所以要加埋青檸汁一齊飲職員無介紹錯, 加左青檸汁的雞味道變得好濃, 但佢既煲由頭到尾係無加鹽, 用青檸汁代替鹽健康得黎又唔熱氣, 正!!好啦, 輪到海鮮, 除左