影片
相关文章
朋友成日话深水埗好多平野买，特登揾佢带路寻宝，行下行下就两大袋战利品，先醒起原来未食lunch ，但已经差不多六点啦...唔想去酒楼又唔想大排档坐得唔舒服，朋友建议去北河街锅呵呵火锅餐厅。原来就系地铁站附近，非常就脚。可能时间尚早，加上系平日，人唔算多。餐厅装修开扬企理，一大排落地玻璃望到街外风景，木枱木椅感觉温暖，枱与枱之间空间足够，每张枱旁边都有个三层架用黎放火锅配料。汤底拣左清汤萝卜锅，味道清甜，同豆卜金菇好夹，啱晒我呢d钟意食菇菜既人。所有菇菜都洗得好干净，呢样真系加分。羊肉片够薄片，肉质嫩滑，烚耐左都唔会鞋，最重要唔会好苏，入口好易接受。肥牛切得厚薄适中，充满雪花，入口即融，牛味香浓，真系好有水准。新鲜虾滑，又香又鲜，仲好弹牙。朋友钟情鱼皮饺，话皮薄多汁又唔腥。打到尾声，红薯粉出场，而家成煲汤底都充满精华，红薯粉粗幼适中，索埋d汤汁，滋味弹牙，正！望望点菜纸，原来有刺身拼盘，仲做紧特价，朋友忍唔住想叫，我只好奉陪啦。本身都唔敢抱太高期望，估唔到卖相精美，质素都唔错，全部都颇新鲜，三文鱼香滑够油脂，北寄贝同带子都非常鲜甜。餐厅上菜快，又勤收碟，店员一叫即到，整体非常满意。
继续阅读
今个星期天气又凉凉地，最适合莫过于去打边炉，今次拣左去一直都未试过既锅呵呵，又有得鸡煲又有得打埋边炉，唔错之选，但今次人少少就净系拣左打边炉，地方座位亦唔错，价钱都算合理！叫左个芫茜皮蛋锅，清清地得黎又可以下火又食到食物既真正鲜味，以下都值得推介既食物，薄片脆鲩鱼片，大大片都几新鲜，鲜甜中又好味，一碟得份量唔算太多，都唔系几够喉但真系几好味既！ 爽口鲜鹅肠，唔系周围都有得食同lee度事前清理功夫都得做得几好，都好干净，食落好爽好弹牙，都唔错！ 简简单单既豆卜，豆味都几重，炸得口感唔错，但最后食到中段或者尾段先开始食比较好，食起黎索晒d汤既精华，好味得多！
继续阅读
深水埗出名多好野食，天气凉凉地，紧喺最适合打边炉，第一次黎锅呵呵食，食物质素唔错呀，款式又够晒多，我地都睇到花多眼乱，侍应服务亦唔差！我地先黎叫咗个鸡煲，热辣辣香喷喷，鸡肉肉质都好嫩滑，加埋莞茜洋葱既味道，辣辣地中带点甜味好入味好惹味！ 之后就倒入清汤继续打边炉，墨丸大大粒之余好弹牙爽口，味道亦唔错！ 薄片肥牛一卷卷放上碟卖相吸引，色泽都好靓，食落好嫩滑，牛味好重！ 金菇洗得好干净企理，一碟份量都唔少，我地食都食得好放心！ 打边炉不少的豆卜，食落好香豆味好新鲜既感觉，最正喺索晒汤既味道精华，特别惹味好味！ 其他食物都不过不失，加多几支汽水，大家都大叫饱饱够晒喉！
继续阅读
虽然最近天气转热，但家姐话好耐无打边炉，一讲起，全家人既兴致就黎拉。呢间餐厅有蒸气火锅，4款粥底睇落仲好养生添，有野生鲜淮生排骨粥、虫草花、同花胶瑶柱粥。由于我上星期先食过黎，所以今次都系食算普通既边炉。爸爸见到有刺身食，即刻表现兴奋，仲无问过我地意见，就自己系到写纸仔。当然拉，我地一行三人又点会表示反对呢刺身卖相都几好睇架，有带子、鲜虾、三文鱼、北寄贝。带子都几大粒，不过就较为薄切，好在都几甜。虾一向系我最爱，特别既口感，令佢系一众刺身当中特围而出。三文鱼色泽光亮，食落又有油脂香。北寄贝爽口，咬落唔会好难断咁，都几新鲜。火锅既配料仲有豆卜同鱼片。最后为左食饱饱，我地仲叫左乌冬。乌冬应该就唔系平价野，因为食落弹牙，与此同时，佢仲系家姐爱人，我只可以成功争夺到几条，还真是哭出来。有鉴于今餐既满意程度，同佢距离我家既远近，睇黎我都会帮衬佢，试埋个蒸气火锅，有兴趣既大家就留名等我食评拉~
继续阅读
我并不是一个食家，只是想分享一点点。以上就是今天5个人，1600元的份量。仲有呢碟约两旧几嘅本地牛，唔算差，但不能叫好！为什么会到此店帮衬，只因食评网有很多赞，但原来有点「伏」。5个人人均340左右，打边炉应该的一般价钱，我们除了点𩠌还加多两罐可乐，同九枝青岛。汤底系椰子鸡，可能系想清淡点，他们就得很好，若果不加点柠檬汁，绝对做到淡如水的效果。上面碟嘢系连汤计，份量足够，料就普通。来货的响领，差。桶蚝，够大只，但唔鲜甜。潮州丸类呢到又唔太差。其实呢间上楼舖，估计租金会平过地舖，若果材料上梗加加点心机，好评一定会多，但食后感到『评价』原来有点假，又或者是今天比较差。
继续阅读