鍋匠中日火鍋專門店 (已結業)

今日同朋友係旺角覓食，係樓下見到傳單既日式火鍋, 好似好吸引，就試下啦～ 上到去, 餐廳裝修簡約, 擺位寬敞舒適, 經理招呼入座之後就解釋餐牌上既套餐安排，我地揀左$248安格斯牛肉火鍋放題+任食刺身 (任食海鮮/ 刺身 2揀1）如果2樣都想食可以揀升級套餐！揀左湯底後，店鋪好細心，有免費wifi、手機袋、圍裙、髮圈等等 湯底我地點左雙拼鍋- 簡簡單單既香茜皮蛋湯拼蕃茄濃湯, 蕃茄濃湯鍋既蕃茄味真係好濃! 刺身方面. 有任點任食既三文魚、赤貝、劍魚腩、泰式生蝦、象拔蚌、北寄貝、魷魚、甜蝦同希靈魚, 每樣都好新鮮而且好快上檯, 唔會甩單! 安格斯牛肉同極品一口牛: 牛有牛味, 食得出真係高質牛五花腩肉: 有驚喜, 不嬲都唔係太好豬肉, 但係呢碟好出色其他配料選擇好多, 墨魚滑、響鈴都有，菜類款式多而新鮮！而且絕對唔會吝嗇分量, 食到我地捧住個肚 甜品類別除左自家制既蛋糕, 仲有幾款雪糕選擇, 最特別係細個成日食既阿波羅雪糕, 好懷念丫!

My families and I went to a Japanese restaurant called "Pot Master" (鍋匠中日火鍋專門店) located in 1/F, Fee Tat Commercial Centre, 613 Nathan Road, Mong Kok旺角彌敦道613號飛達商業中心1樓.Adorable wooden cabin liked booth seating with colourful, dreamy pastel tone pendant lights.There are 4 types of buffet sets which cost differently...HKD$188/ 90 mins HKD$248/120 minsHKD$298/120 minsHKD$468/150 mins..We chose the HKD$298/120 mins set with free flow of seafood, beef Danish pork and other hotpot ingredient.Customers w

今晚同朋友去左旺角行街,行到肚餓就梗係搵野食啦,所以去左鍋匠中日火鍋專門店度醫下肚好喇,坐低就選下食咩先好喇,今日選左248蚊餐,安格斯牛肉呀,仲有極上牛肉,丹麥豚肉,啤酒放題,極品一口牛,魚皮餃,手切金錢展,日式豚餃子,豚肉湯包,鮮蝦雲吞,手打鯪魚滑,蟹子墨魚滑,蟹子鮮蝦湯....我地選左海鮮任食食過雞煲先.雞滑入味,唔錯食個沙律先,清清地夠新鮮,FRESH混下醬先安格斯牛肉,極上牛肉,極品一口牛--牛類都有返咁上下水準,真係牛有牛味..夠咬口,夠牛香海蝦原隻魷魚,蜆,帆立貝,魚柳,螺--海鮮類都好新鮮,蜆同螺都冇沙,其實冇沙好重要午餐肉,鱈芋--打邊爐點少得午餐肉呀西洋菜,皇帝菜,蓮藕片,鮮金菇--好新鮮,食下菜溝一溝係唔錯既選擇炸魚皮--夠晒脆,唔會好油膩蟹子墨魚滑,蟹子鮮蝦湯--幾好味,咬落去係同平時既唔同..幾新鮮

果次兩個人去食，叫咗$248一位嘅手切安格斯牛肉，另外$98食養顏花膠螺頭雞湯鍋，好滋潤喔！花膠真係好多，個湯頭係鮮甜嘅，仲有雞肉都幾足料。加湯加普通湯底～海鮮拼盤—蝦、蜆、八爪魚腳同魚片，都幾新鮮手切安格斯牛肉唔錯，肥瘦適中墨魚滑、蟹子鮮蝦滑、蟹子墨魚滑，好食！新鮮！

今日放假又心癢癢想打邊爐，於是帶屋企人一齊出旺角。上網搵左一陣，見到呢間有優惠，所以就決定黎一試。Book左晚上食，入門第一印象係燈光明亮而且乾淨。入到去座位都好闊落，而且木質的裝修，望落去是舒服的。餐牌有四種選擇，最後選擇了$248的安格斯牛肉放題，可以食120分鐘，而且有送刺身或海鮮放題。飲品和甜品（小蛋糕、雪糕）餐牌選擇都好多，按照自己和家人的份量，可以隨便任點，正！見到推介單張入面見到招牌鍋匠沙鍋，用豬骨湯做底再加上藥材，加埋店員推介於是點左招牌鍋。見到有養顏花膠雞（加$98），覺得下次可以和一班女生朋友來一試，感覺材料足又好滋補。一開始店員已經會送上芫荽，蔥，蒜，辣椒，麻油，醬汁等，仲有前菜日式胡麻沙律，幾新鮮又開胃，再係自助飲料吧拿了幾罐可樂、啤酒和綠茶，准備開餐!點放題可以選擇送海鮮盤或刺身，家人都愛食海鮮，所以點了海鮮。未落任何肉類前先試了湯，幾清潤。肉類方面選擇都多：有安格斯牛肉、極上牛肉、丹麥豚肉、五花腩肉、手切金錢展和極品一口牛。安格斯牛肉肥瘦適中，食落牛味都重，點左好幾碟。長輩最愛的牛柳粒，切得細細粒易入口，肉質唔會太硬。海鮮任食有魷魚、帆立貝、海蝦、竹仔魚等，

呢排工作超忙搞到心情唔多好，老公話帶我食好野等我開心返。今晚佢帶咗我的去旺角食火鍋放題，仲叫我盡情食多啲😆😆餐廳環境不錯，裝修精緻。餐牌有4個唔同價錢放題可以揀，我地揀咗$298餐包埋刺身放題，仲送埋尊上海鮮拼盤一份。店家好貼心供應埋手機保護套，髪圈，除臭劑，圍裙等等。刺身選擇都算多，落order時寫上件數就可以。其他食物亦分門別類，方便食客剔選。而飲品甜品就自助型式，$298餐仲包埋啤酒，sake任飲，我地當然都有叫支sake暢飲一下。日式胡麻沙律沙律菜新鮮爽脆，配上胡麻醬非常滋味。刺身拼盤甜蝦肉質鮮甜，魷魚爽口彈牙，赤貝爽脆鮮美，象拔蚌片鮮嫩爽口。之後先上雞煲，雞肉鮮嫩多汁，味道甘甘甜甜，有少少藥膳feel 。食完雞煲就開始烚下烚下，揀咗蕃茄濃湯鍋，蕃茄味香濃滑順，味道突出。專上海鮮拼盤，每款海鮮都非常新鮮，尤其大蝦肉質爽口彈牙，鮮甜又夠大隻。安格斯牛肉鮮嫩軟滑，脂肪比例均勻極上牛肉肉濃比較濃郁，有咬口丹麥豚肉雖然油花不算太多，但肉質鮮美極品一口牛牛肉粒鮮嫩多汁，入口juicy , 而且肉味香濃，加上用小鐵板煎過更添香氣。雖然仲有好多配料可以選擇，但我地已經食到好飽好飽，下次一定要

一般火煱食得多都闷啦，今次佢地有新玩法比个迷你燒你可以一边十下十下又可以玩下燒牛肉超好味，因为佢地d牛肉超新鲜超好味，而且佢地成日轉湯地丫食物，所以每次食都会有新驚喜重点係服务永冇减退

520呢一天,只要同屋企人一齊,食乜嘢都開心。我發覺我同呢一棟大廈都幾有緣㗎喎。之前喺呢棟大廈嘅2樓食過打邊爐,今次就嚟到1樓呢一間中日火鍋專門店。地方好闊落,就算我哋只係兩個人,佢都俾一張卡位我哋,感覺好開揚。啲醬料好乾淨企理,店員同我地倒豉油,又好用心同你介紹有乜嘢選擇,最後我哋揀咗$248嗰一款。湯底我哋揀咗蘋果雪耳雞湯。冇幾耐侍應就會送上一碟胡麻沙律同埋刺身喇。肉類嗰一欄我哋全部都要曬,就係想每樣都試下,不過今日冇牛黃喉。個雪花肥牛都ok嘅極上牛肉軟滑皇帝菜又甜又爽極品一口牛有咬口，肉質鮮甜我哋都係嗌咗平時打邊爐都會嗌嘅炸魚皮吖響鈴,金菇,冬瓜片,豚肉。呢間火鍋店有好多貼心位,佢會有濕紙巾喇,橡筋俾你紮起啲頭髮,最特別係有圍裙呀!就係驚啲汁彈咗去你個身上(有時著白色衫好難避)。我都係第一次喺火鍋店度食到阿波羅雪糕,通常都係見到有movenpick同haagen dazs或者雀巢牛奶公司嘅雪糕。 我揀咗香芋雪糕食,香芋味好濃喎!雪糕又夠凍好實淨。真係要認住呢一款呀!好好食㗎! 佢有綠茶紅豆同埋士多啤梨雲呢拿味， 我覺得士多啤梨雲呢拿麻糬係我杯茶。入面嘅士多啤梨好似果肉咁㗎，雲呢拿

身為邊爐戰士，一個星期打一次邊爐都唔過份，今次去到旺角鍋匠，除咗有唔同火鍋套餐選擇之外，湯底選擇亦非常之多，我地想食好啲，就揀左較矜貴嘅花膠螺頭湯底。花膠湯底絕無取巧，有足足一磅嘅花膠，加上又有原隻竹絲雞同螺頭片，放落鍋內滾熱，再品嚐一啖湯，完全品嚐到濃濃雞湯味道，而花膠亦軟滑充滿骨膠原感，一人分享幾件都無問題!接著嘅海鮮拚盤，上枱時已經賣相吸引，有蟶子、躉片、蠔隻、鮑魚以及大蝦，非常豐富! 蟶子無任何雜質、加上肉身彈牙，係非常新鮮嘅食材; 而蠔隻係枱上已經聞到濃濃鮮味，經滾湯煮熟後，亦不失鮮味，而鮑魚更加係鮮味之最，肉身厚身，入口極具彈性，易於咀嚼，啖啖都係滿足鮮味!食完海鮮，當然係肉類時間，呢3款分別係極上牛肉、手切金錢展、豚肉，都係大家必點之選，極上牛肉唔需要多講，脂肪比例完美，食到嫩滑口感; 而手切金錢展非常考刀功，入口爽勁有口感，同樣充滿濃郁嘅牛肉香味!食完火鍋後，呢度都有任飲汽水以及雪糕甜品，夏天時候食返杯透心涼嘅雪米滋或雪糕都係個好選擇，而且味道選擇多，總有一杯啱你口味!

見到報道旺角有間火鍋店叫鍋匠打邊爐加日本燒肉，我就打電話訂位因為是星期五所以要等到八點半先有位．我們四個朋友商討學去試試.餐廳店內裝修以日本屋仔為主題好有私人空間.我們坐了六位卡坐好闊落燈光好柔和.除咗餐廳裝修加分之外最重要就係食品質素.我們叫了＄298每位海鮮刺身火鍋放題，最重要是可以加日本燒肉零收費.所以覺得好抵.食品質素：手切雪花牛肉油花分布好靚食落好juicy 刺身有八款選擇擺設OK有六款時令海鮮送仲有指定海鮮放題有六款選擇湯鍋有八款選擇有日式有中式有雞煲真係好難作出選擇仲有70多款火鍋鍋物任食汽水有12款選擇，有熱咖啡，奶茶，朱古力任飲甜品有意大利蛋糕，雪糕，雪條選擇整體食物質素OK員工服務質素有禮貌用心給客人了解每款火鍋放題.下次在去要早啲book位

一個字：伏！叫了$298/位 套餐牛肉質素差，又薄又少，一夾就爛，肉質又唔香，基本上係吉野家邊爐嗰種牛肉任叫配料例如響鈴、芝心丸、支竹都係佳寶級數，完全唔入流任食刺身同爭鮮買返嚟無分別，甜蝦係細細隻嗰種，赤貝全部薄切，三文魚仲要無切到落底，分都分唔開，成舊過都夠膽死上檯$298送每位一份海鮮，有蠔有鮑魚，但係全部急凍到同啲冰痴埋一齊，拗都拗唔開，唔講以為上咗雪山尋寶。凍到硬曬，碌完自然無曬肉質同樣價錢可以食到好高質火鍋了中過伏唔會再中，無下次！

前晚舊朋友聚會，有位朋友建議試新，嘢話中日大戰幾有噱頭，中式火鍋加日式刺身聽落部唔錯！地點係彌敦道近以前雅蘭商場，對大家嚟講都好就腳，而家彌敦道一帶地舖大部分都係金鋪金鋪加藥房，呢間中日火鍋都唔例外，係一樓。去到樓下，見到有人派宣傳單張，態度好好亦主動介紹不同價錢嘅食物，我哋人未齊佢話亦唔介意可以上去坐住攞住嘢飲先。服務態度真好，因為有些餐廳就已經開始計時間，我們點了$298餐。海鮮拼盤十分新鮮，跟住就叫了一碟滿滿的刺身，甜虾很鮮味，三文魚肥美。湯底叫了烏雞花膠湯，真係見到有一隻烏卒卒嘅烏雞同埋很多花膠，極上肥牛及雪花肥牛脂肪均勻，牛味亦十分之濃，我朋友十分滿意因為有愛沙尼亞手工啤及清酒任飲！我就好欣賞 細切 牛 牛柳粒 肉質好柔軟

同幾位朋友約左去旺角鍋匠中日火鍋專門店，因地點好方便近地鐵站，叫做個花膠竹絲雞湯鍋超正……嘩！超多花膠！超厚肉！仲好"膠"添！湯底都超正！Yummy!下次約多d朋友再嚟食多幾次！

成日搭車經過見到呢間鍋匠好似好吸引，咁所以襯放假就去試試呢到會有幾個餐俾你揀，可以因應自己需要而去選擇。一開始揀左個中辣雞煲，好香好惹味，辣度亦都適中而雞件都份量亦算多，雞肉嫩滑亦都夠哂入味，抵讚!!!!!!食完雞煲就可以自選湯底繼續打邊爐喇!!!!呢度任食既選擇唔算多，基本食材都會有，勝在所有野都好新鮮， 彌補佢嘅不足同埋佢每次黎既份量都啱啱好，唔怕眼闊肚窄浪費食物野飲亦都有好多選擇食左個半中已經攬住個肚走人

我不是打手，同朋友第一次起這店食飯，坐得舒服，服務好。食物質素我會俾70,有些可以進步，另外食物種類上，我認為可以設計更多不同的套餐俾客人選。總結 不錯的選擇，可以考慮介紹俾朋友嘗試。