錦麗 (創紀之城五期(apm))

营业中

休息中

今日終於試左生熟牛肉粉。湯真係好好味可惜我覺得太鹹，咁有牛肉味既湯俾d鹹味破壞晒，有d飲鹽水湯既感覺 .... 我鐘意食生牛肉食落軟綿綿而且好鮮甜，用料靚，熟牛肉都好軟，但我個人還是喜歡生牛肉多一點。河粉倒是沒有很特別。 我通常只會加九層塔同青檸，唔想破壞佢原來的味道。不過60元一碗湯粉沒有茶水供應，真心覺得太貴了，生牛肉的份量也不算多。總之湯好有牛肉味可惜真的太鹹，生牛肉我很喜歡，河粉沒有特別 ....

平時行過都會見到呢間餐廳岀面排晒長龍，已經好想試，心諗係咪真係咁好食😂見今日得閒而且條龍又唔算好長，就試下啦🙈間餐廳食物選擇真心得好少，尤其maincourse只係得五個，係專食河粉的。同朋友share左個春卷食，啱啱炸好，熱到比佢辣親😂配埋塊生菜同啲酸蘿蔔絲就好似感覺上冇咁熱氣😂不過同其他地方既春卷比，味道就冇咩大分味🤔呢杯野入面有齊加入河粉既配料，可以比人自己揀加咩落去，唔中意就唔加😂主角係佢!!認真平時食開啲牛丸係粉味多過牛味，但呢個牛丸係食得岀佢真係用牛肉打岀黎，好彈牙好重牛味，真係好好食!!!😍不過餐廳冇水供應，又冇叫野飲，食完有啲口渴。

錦麗都算有點名氣, 被稱為胡志明市最好味的牛肉粉!牛丸都算好食, 但不算出色!生牛肉和熟牛肉都煮得不錯!湯底十分出色, 配上九層塔和青檸，十分清香, 令人忘懷!至於其他油炸食品,如春卷, 牛油雞翅,蝦餅,都是即叫即做, 味道頗佳!至於梳打,我還是比較喜歡泰式的,這是個人口味的問題!

今日去完觀塘shopping完後，嚟到最近好人氣既「錦麗」唸住食碗pho。第一次幫襯apm分店,職員態度唔太好，已經大打折扣，再要求要兩杯水，職員竟然話要收費？holy x，話說水是基本餐廳應該提供的東西，為基本service好算，講講食物，個人認為一試可以，再試無謂。我地一行兩人叫左兩個「生熟牛肉河」，一個牛油雞翼，再被迫叫左一杯凍蔗水枱頭按人頭計每人有一杯basil、芽菜同辣椒。先講碗粉，湯唔夠熱，生牛肉一直淥唔熟，呈都幾生既狀態，而且有筋。湯頭唔算好飲，應該有味精。河粉尚算可以，，有口感，唔會一舊舊蒜蓉牛油雞翼既蒜略嫌過生，太辣，牛油味唔重，但總算炸得鬆脆蔗汁不過不失，有d似竹蔗矛根水，只能說食呢碗粉唔叫飲品會渴死，呢個策略絕呀

在官塘區覓食，Lunch time隨處也是人，如果不理會價錢的話，其實選擇也頗多！就以APM為例，中西日韓連越南河也有～😋由於此店不設取票，所以店外常常也有人龍。眼看今天的人龍略為不長，就決心一試！和同事一行二人，等位時間差不多15分鐘。看一看餐牌，其實選擇不多，就只得四款牛肉河😅我選擇了熟牛肉河走蔥，不設套餐，沒有餐飲盛惠$58～沒想過～熟牛肉如此看似牛腩，牛肉份量雖然不少，河粉底就反而不多。第一口湯～嘩，很夠味道，重重的牛肉味但一點也不蘇～很濃但略嫌多了少少油。再吃口牛肉，鬆化有牛肉味，厚切的口感似乎不錯😋 河粉粗幼適中，但高要求的人可能會覺得過淋😀 洋蔥似生但很易入口，還有那杯配菜～是無限添加的。但不喜歡吃生芽菜的人要注意，應立刻把芽菜放進湯底，否則那種生芽菜味十分濃⋯同事點了雜錦河，勿看錯牛丸有3粒～其實每粒只有一半😆起初還以為牛丸會比較普通，但試了同事半粒，又頗有驚喜😄估不到小小的半粒牛丸的牛肉味那麼重，實在難得～生牛肉方面⋯同事說這個湯底對它來說不夠熱，有待改善～總括而言，未吃此餐前沒有期望，所以也沒有失望～反而我個人來說頗欣賞這個湯底，它令我飲到看見碗底🙊

平日經過總是打蛇餅的人龍，今次大概因為已經9點，眼望約等三張枱左右，加上不是太肚餓（中午吃過自助餐），所以決定來個突擊，等若5分鐘便可入座。由於鋪位較細，搭枱少不免。餐單可選的不多，叫了一個綜合河，一個生熟牛肉河，一杯咸柑桔水兩份分。等食時便看看杯上的配菜，芽菜比一般街巿見的粗和短，放進熱湯用河粉焗一會兒，爽口中有點像爆珠的感覺，所以推薦大家試一試下芽菜。 另外杯中還有些九層塔（？）的葉，由於某些葉已發黑（又或者只是紋？？），所以我就採了幾片看上去比較青綠的放湯。葉的看味其實不錯，但由於青綠的葉子只有數片，唯有搓一搓才放進湯，以增添多點香氣。到肉，生牛肉沒甚麼特別，熟牛肉是頗嫩的，個人喜歡再濃味一點，至於最驚喜的莫過於牛丸。所有丸類中，最討厭可說是牛丸，因為一般粉麵檔的牛丸都淡而無味，只是徒具牛丸之名。由於這乃過江龍，加上夠膽賣近60蚊一碗牛丸河，就試了一粒。嗯，好在冇走寶，咬開牛丸，有點肉味，更有一粒半溶的根似的牛根粒，打破了一直以來牛丸係難食嘅想法。大概下次來，我只會叫個牛丸河。至於熱的咸柑桔水，就是咸柑桔水啦。

#fridayla_kwuntong⠀⠀⠀⠀⠀⠀⠀⠀⠀⠀⠀⠀⠀⠀⠀🇻🇳越南過江龍：錦麗🔸🔸🔸🔸🔸🔸🔸🔸🔸🔸🔸🔸🔸🔸🔸🔸🇻🇳Pho Le🔸🔸🔸🔸🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀⠀⠀⠀⠀⠀⠀⠀之前佢開張既時候，每次經過，都見到超長人龍😳所以一直無試😌😌 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀早排放假去開APM買野，所以下午6點乖乖已經排定隊，食翻個dinner😎😎 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀最後只喺等左10分鐘已經入得！一於好好試下呢條過江龍😆 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀*️⃣錦麗創立於1970，專賣越南牛肉粉，喺越南都幾有名氣，曾被美國《 Wall Street Journal》譽為胡志明市最好吃牛肉粉😳靈魂喺佢個濃郁湯底，今次試完都覺得喺一絕！ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣錦麗河粉食法(Menu有寫)：趁熱先飲一啖湯，試下濃郁既湯底；將九層塔及鴨舌草等香料，撕碎，放入湯裡面；加入青檸汁，辣椒同芽菜拌勻；最後唔駛多講，粉連湯一齊食🤤🤤⠀⠀⠀

號稱胡志明市最好食的越南湯河- 錦麗，在月前正式登陸香港。在香港暫時有兩間分店，一間在apm, 一間在德福。我有幸食過三次，每次也花了不少時間排隊。今次光顧apm 分店，算是比較失望的一次。價錢方面，一碗生牛肉湯河盛惠六十大元，問過越南朋友，他說越南錦麗只需十五至二十元一碗。香港足足貴四倍呀，而且份量都比香港的大碗，配料亦比香港的多。錦麗生牛肉粉（$60)食越南牛肉粉最重要的是湯底，真是可以"一湯定生死"呀！記得之前兩次來食，湯底都好美味，濃濃的牛骨牛腩味道，令我喝不停口，飲到直見碗底。今次的湯底就令我有點失望，味道一味死鹹，而且牛骨味欠奉，好似飲鹽水似的。幸好其他方面尚算不俗。牛肉腍滑，有牛油香。可以把牛肉蘸點是差拉辣椒醬同吃，甜甜辣辣的味道跟牛肉挺配，是正宗的越南食法呢！河粉比較幼身，爽口彈牙。另備有一杯配料，有九層塔，鵝蒂，青檸芽菜等，放多放少，悉隨尊便。芽菜比一般越南菜館的粗壯，味道更好。錦麗綜合粉（$62)(生牛肉，熟牛肉，牛丸）味道跟生牛肉粉大同小異，但是多了熟牛肉及牛丸兩款配料。熟牛肉的口感像牛腩，質感軟腍，牛肉味濃郁。牛丸口感彈牙，都算有牛味。法式牛油蒜蓉雞翼（4 件，

米紙卷嚴重縮水春卷竟然係返炸小米糕竟然係凍！都夠膽上比客？完全冇九龍灣分店水準永遠blacklist 實在好令人失望陰公陰公令人失望偷工減料 廚房求其而且沒有清水供應

又出去同男朋友仔搵食啦，呢間越南河次次都要排隊今次都唔例外，不過值得的，中場時間通常賣哂，五點再可以排隊食...其實我第四次黎 一間餐廳吸引我去多次係十分之難得 所以呢間絕對值得。湯好清甜唔似落左好多味精 再加配佢俾既越式配料 味道一流😋再配埋綜合牛肉煮得剛剛好食得出係新鮮的 反而生牛肉我本身唔太鐘意食加上始終唔係日本牛，我都係食熟牛！熟牛好有口感加埋個湯 ，成碗好有我之前去越南食既河粉。雖然越南平好多但呢度係香港，價錢都唔太貴，有時覺得平過食拉麵又好食。好興奮終於搵到越南味道😋有時間我都會再去食 希望九龍灣新開左一間分台 黎緊會小d 人排啦🤣🤣

起apm行開街肚餓 朋友話帶我食好好味既越南野 行到門口時已坐滿人 要排一小條龍 好啦！一場黎到就等下啦 本身想叫小米糕.. 但賣曬呀 所以叫左米卷 唔平架 好似大約$35 有4小舊.. 細細粒咁 比較貴 試完一次下次唔會再叫米卷中間夾住9層塔 粉絲同蝦 其實食落去比9層塔搶曬味 都唔太食到其他野係咩味 因為本身米卷都係無咩調味 所以我有少少失望呀我同朋友一人叫左一碗 佢叫生牛肉 我叫牛太 再交換食 咁就最抵啦 哈哈 牛丸有5粒 都唔少 開動前要將杯仔裝住既芽菜辣椒撈曬落去 湯底好清甜 牛丸好重牛味 好彈牙 好好食！ 好似手打牛丸咁 再配岩岩好既麵質 唔會軟到一pat野咁 成碗食曬之餘湯麵飲埋牛油雞翼 好似都係$30到 唔覺好濃厚既牛油味 似係普通炸雞翼 因為上台時都係熱辣辣同脆卜卜 所以都仲係好好味啦下次都會繼續黎.. 因為牛丸好好食啦！

APM真係好多人，但係呢一間係首選，好鍾意呢間餐廳食越南牛肉粉，越南野，感覺都健康啲，好過西餐咁肥膩，嗰啲牛丸真係好彈牙，啲河粉亦都好爽口，越南河粉少油，健康之選。配埋越南滴滴咖啡。越南咖啡非常好味，呢隻咖啡嘅重點就係煉奶，所以冇平時嘅咖啡甘苦，令咖啡更加滑。

早於開業初期已經想一嚐在越南嚮負盛名的錦麗, 但每次過來都是大排長龍, 無奈放棄, 最近知道德福廣場開了分店, 心想情況應該會緩和一點-星期二的晚上6:45pm到達apm的錦麗, 排隊的人數不算太多, 少於10人吧, 所以很快便安排了入座-錦麗綜合粉 - $62綜合粉有齊生牛肉, 熟牛肉和牛丸-綜合粉上枱後先飲一啖牛骨湯, 好清甜, 飲完唔會口渴, 而且顏色較清徹, 的確與其他越式粉專門店的湯底有分別-飲完一啖牛骨湯後, 就放入店員準備好的香葉 - 鵝蒂葉、九層塔、芽菜、青檸和辣椒在湯內, 但其實香葉係要擲碎才出味, 我忘記了, 一下子全部倒入湯內生牛肉為美國嫩口牛柳 - 質感比較厚, 口感似滑牛, 感覺一般-熟牛肉為本地牛腩 - 厚身、爽口、彈牙、完全唔黐牙, 有驚喜-牛丸 - 睇落平平無奇, 但實則係勁Juicy-河粉 - 夠滑身, 份量唔算少, 足夠女孩子晚餐-法式牛油雞翼 (4件) - $34我對法式牛油雞翼的熱愛大約要追溯回我小學的時代, 媽媽帶我到景隆街的燕萍, 店子超細, 每次都要等超級耐才有位, 但他們的牛油雞翼真的是無敵, 厚厚的牛油包著雞翼, 炸得又脆又香-錦麗的法

本身我係唔寫食評，但一定要支持呢間店。呢間係最好食ge 越南粉，間舖淨係賣牛肉粉同埋少量小食。真係款唔需要多，精就夠。河粉我次次淨係食生牛河。食過幾次真係好好食。將60蚊發揮最高作用！呢碗野賣100蚊都會食。不過某d食量比較大ge男仔食就可能要食兩碗，對於我一個女仔黎講非常滿足。真心推介。牛肉湯濃又香，河粉好滑，牛肉量係正常比例，牛味重，唔韌。p.s 真心唔推薦飲椰汁崩大碗，雖然我知道係涼茶，應該有怪味，但無唸過係草青味😂😂我真係頂唔順寫完

錦麗幾個月前apm插旗，仲記得當時好誇張，係好似午市3個鐘已要last order等晚市再開先有得食。摸過一次門釘，今次等熱潮冷卻下午茶時間去就穩健了果然5點幾左右去到直接入座，仲有一半枱是未有客，不過都已經馬上要四人枱搭枱坐越式餐廳坐得咁唔舒服都都真係第一次..不過，香港勝在有土地問題，明嘅。坐低枱上已有杯配料，如果冇客人用過就留到下一枱，再冇客人用就下一枱...擺左幾耐冇人知啦，不過我面前呢杯d九層塔黑黑地色，我就情願唔加啦叫左杯蔗汁($18)同凍滴餾咖啡($28~$38)。蔗汁冇咩特別驚喜同失望，正常甜味飲品。唔好預期係公利d質素就得喇。咖啡就失望喇，唔係味道，係服務/presentation。自己diy由個熱杯倒落個冰杯果下真係猶疑左陣..有咩方法可以小心d唔倒瀉d情況下做到呢？係冇嘅。倒完之後，個咖啡壺冇地方放唯有放喺透明隻碟度，滴滴下有侍應黎收走個壺先發現，隻碟都差不多溢出。其實會不會有個好d嘅方法可以得體少少？嗌完個牛油雞翼先上openrice結果就出事，真係好似其他食評所講得個油字，仲要係油喳，我食唔出牛油嘅香唯一係個生牛湯河，60$以佢湯底同牛肉質素我覺得係真係唔錯。