錦麗 (創紀之城五期(apm))

营业中

休息中

APM附近一路以來都有好多嘅餐廳，好多都有唔同嘅特色，但我自己個人來講最喜歡嘅就一定係錦麗啦。之前成日經過錦麗，都見到有好多人排隊，有一次因為下午茶時間先去食晏晝，見到錦麗冇乜人排咁就梗係去試吓啦。排咗10分鐘左右入到去，叫咗一碗招牌嘅越南牛丸河粉，小弟其實就好少食牛丸嘅，之前對牛丸甚至有一種反感，但食完呢碗牛丸河真係完全改觀。首先一定要跟足晒佢嘅指示，落足晒芽菜等等嘅材料，再試一試啖場絕對係喜出望外，非常之有牛嘅鮮味，食完直情想再叫多一碗嚟食。我自己之前有去過越南食河粉，但我都覺得唔夠呢間錦麗咁好食，埋單只不過係50幾蚊嘅一碗牛丸河，係APM來講絕對係一個非常好嘅選擇。

今天去觀塘吃了一間越南粉，由太興引入香港，在網站寫著是被美國Wall Street Journal譽為越南胡志明市最好吃的牛肉粉 - 錦麗，其實店已經開了一段時間，都沒有去吃，因聽說要排隊排很久綜合粉(生牛肉，熟牛肉，牛丸)$62食後感：湯：清澈帶黃金色，牛清湯味算濃，略有魚露味河粉：要自己用筷子弄散，滑👍牛丸半粒x3：重牛味👍牛腩：有牛味，彈牙👍生牛肉：冇乜肉味，冇特別配菜生芽菜，肥嘟嘟的，鮮甜多汁，好吃辣椒？得一塊，唔辣的青檸：汁不夠另外有鵝蒂，九層塔在澳洲，越南人開的牛肉粉店都是用生芽菜，但在香港很少見到用生芽菜，可能是我見識少，今能嚐到👍離開後，喉嚨乾，可能因在街上，又可能.....

本身對越南河粉冇乜好感，因為去越南旅行時見到佢哋嘅製作過程非常污糟。但今次呢間越南河粉真係令我大開眼界，刮目相看。第一次去食嘅時候就叫做綜合河粉，食完之後就發現牛丸真係不得了，冇得彈！自此之後每次去都淨係要牛丸河。帶過唔少朋友去食，好多都會再回頭。點解咁好味？佢嘅牛丸真係非常一流！非常香牛味，而且好彈牙，食完一次第日都仲會想食嘅感覺。唔係誇張，真係咁好味！唔單止牛丸好味，佢個湯底都超香甜！記得食河粉之前要飲一啖湯，咁樣你就會完全感受到佢個牛肉湯底係幾咁鮮甜😍另外，記得要跟足佢嘅做法食先好味㗎 ！

錦麗開業一段時間，仲成日有人龍。今日見唔洗排隊就入去試下～～.錦麗牛丸河/ 熟牛肉河$58唯一推介牛丸，好咬口同有牛肉味。$58食河粉已經算好貴，但啲河粉份量勁少，而且短身、薄同幼。啲牛肉好韌同硬，好失望。湯底一般。.店內雖然冇加一，但啲員工態度一般。店內連水都冇得飲，迫住人嗌野飲。.雞肉米紙卷（$28）材料算新鮮，但唔係特別好味。.總結黎講，食物唔算好味，而且價錢偏貴，唔值得排咁耐隊食。唔會再黎～

每次經過這店都見到有人排隊，雖然我對越南菜不算感興趣，但還是想找天來試試，看看我能不能感受到它的魅力。可能因為這天時間尚早，還不需要排隊。錦麗綜合粉 $62第一次吃，當然要選甚麼都有的綜合粉了。內裡有生、熟牛肉和牛丸。先試一口湯，還算清甜的肉湯味。牛丸方面，很重牛味，感覺有混內臟。熟牛肉，就是牛腩，普通的牛腩味，有點韌。生牛肉還算鮮嫩，但有些肉疊在一起了，這會讓肉有些部分太生。另外，有給一份有生芽菜，青檸，香葉，辣椒的配料。生芽菜很爽口，配上軟滑的河粉，口感還不錯。牛油果紙米卷 $28因為河粉裡充滿肉，感覺上有吃點菜來平衡一下，所以點了這個牛油果紙米卷。一眼綠色，看上去十分清新。爽口的蔬菜配上煙韌的米卷，口感不錯，可惜牛油果有點少，只有一塊。至少滿足了我想吃菜的願望啦！另外，可能還沒到繁忙時間吧！店員一直在聊天，其實這也沒什麼，主要是服務態度有點怠慢。

大年初一出門揾食, 雖然話近年已經很多食肆 會照常營業、 但傳統落嚟越有甚多食府是關門大吉， 今天再去老爺家拜年之前、 便跟「蝦子餅」勇闖apm, 希望沒有打門叮吃上一頓美味 的年初一午飯才去拜新年。。。慶幸原來大商場下真的沒有跌眼鏡， 本身是想往鄰近的店子、(茶X), 但排隊輪籌甚是多人、 眼尾往身旁的 咁厲瞄一瞄， 位置正多的是，終於和蝦子餅放下手上的輪候飛直闖店內~店子編排除了有四人座之外亦有一個大長枱， 客人要圍席而坐、 即是話 一人二人又或是四人入座 ，都有可能與不相熟的人並排而坐、 感覺像 大型快餐店一樣無二、 既來之則安之吧，快快點餐鬆人是也~要來一個生熟牛肉河粉HK$60., 生牛肉方面感覺上較為厚身、 而熟牛肉方面就則像腩位一般， 件數非輕、 粗略估計也有十件之多， 而湯底方面個人就覺得甚為濃厚、 濃厚得有點兒過份(咸)， 但看色澤卻甚為清澈， 不過身邊人就甚為欣賞~牛油果沙律米紙卷叫價Hk$28. 價錢上絕對吸引不過內涵甚少， 滿滿檬粉佔了份量之一半、 所以整體上評分我只給予五十分數 ~另一款燒雞肉米紙卷HK$28. 一樣有這個缺點就是主角份量不足， 吃在口中滿足感

其實呢間都食過幾次，因為香港食pho嘅店雖然多，但有保證嘅真係少。中意佢香料多，甜醬同是拉差都齊一條友係apm就會食佢，但今次經歷認真麻麻。是咁的，排隊排左15分鐘叫你入去又冇講明坐邊張枱，見有位坐左，又叫你起身去另一張，算。之係都係照舊叫綜合牛肉粉同牛油雞翼。雞翼夠脆同有蒜味，牛河都有應有份量同水準。不過快快手食完，諗住問店員拎杯水食藥，個店員好冇禮貌咁話我地呢度冇水供應，其實一句唔好意思好難開口？一句總結，未至於好食到要受你氣都照食

我一心入黎試牛肉湯粉，睇下有無廣告講到咁勁，話自己係最好味湯粉!!上菜之後我跟食法黎食，點知一飲湯底好咸，加左香菜的確有少少層次的味道，但係已經比咸味蓋晒，我無晒心機飲湯。食拉麵D湯仲好味過佢，人地都飲到鰹魚味，佢就得味精。之後飲 越南咖啡,飲落好甜，完全飲唔到咖啡味。甜得甜奶香都無。如果評分100分滿分，我會比20分，10分服務，10分香菜同扎肉味道。讚既地方，扎肉同生牛肉熟牛肉煮得幾好味!!希望貴公司改善湯底。

Pho Le 熟牛肉粉一間好出名既越南餐廳入到去睇餐牌 無諗過得感小選擇😂最後揀左食熟牛肉❤️本身唔特別好牛肉既我一食落去 係覺得塊牛好出色好入味再飲埋啖湯係正 個湯底岩岩好啲河粉唔會一夾就散哂👄份量都算ok☺️佢會另外比芽菜你自己落整體唔差但排左好耐隊🙈🙈

觀塘區越來越多食肆，差不多不同國家的菜的都有得食，不過發覺原來越南菜得一兩間，聽講正宗越南菜－錦麗，係當地好出名，早前開到來apm，剛開張時好受歡迎，經常排長龍，我又唔鍾意排隊，所以一直冇試過，最近朋友知我想食，就搵我去一齊食，熱潮減退了，去到唔駛排就有得入座，終於等到呢個機會一坐低就見有有隻杯，杯內有越南河粉必備的配料，九層塔、芽菜、少少辣椒碎同埋少少青檸，同埋枱面有個教你點食越南河，我要左碗生熟牛肉河，先試左啖湯，湯好清但有點偏咸，牛肉就好腍，牛肉味重，加埋配料落河粉，就令到碗河粉味道再提升，可惜係個湯水唔多夠熱，較為失準另外亦要左客越南炸春卷，春卷剛炸起，熱辣辣又香脆，覺得炸物反而好過碗湯河，有機會下次再試埋另一小食牛油雞翼

錦麗係間越南牛肉粉專門店，自開店以來生意一直好好，成日都大排長龍甚至唔夠賣而要截龍冇得食！最鍾意呢度既綜合牛河生熟牛肉牛丸牛腩都齊，全部都好好味肉味好香濃！牛丸竟然係鮮甜另一推介係蒜蓉牛油雞翼香脆到不得了

每次行過都大排長龍，一於約埋幾個鐘情pho既朋友一探虛實~錦麗綜合粉 ($62)越南Pho既精髓從來都係個湯，先飲一啖牛骨、牛腩、香葉、肉桂、草果等熬製而成既湯底，甜而不膩。 生熟牛肉都算軟腍有牛味，熟牛肉似牛筋腩，最大驚喜係牛丸有手打既彈性、牛味濃郁。配料九層塔、芽菜、辣椒同青檸等另上，唔夠可以再加。 個人喜好會加大量辣椒，鮮甜湯底滲出淡淡辛辣，配幼身軟滑既越南河粉好夾。法式牛油蒜蓉雞翼 ($34) 4隻香脆嫩滑，牛油蒜蓉味濃，食完encore左一碟。小米糕 ($32) 4件粘米糕配魚露、花生碎、蔥花，可以不吃。整體材料份量好足，但味道唔算驚為天人，格局亦似譚仔要搭台，如果想姐妹girls’ talk唔太岩feel呀~

聽過同事提過此為越南出名店舖，咁啱去官塘做運動，為免手軟腳軟，又怕太飽在做起運動時反胃，便選擇吃碗河粉應剛剛好。由於約6時便到達，所以都不需等位便直入有得坐。看到全舖中間以 一張長枱形式設計，中間用矮層架放置食具、醬料等，藉此分隔兩邊，減少客人面對面的尷尬感，其他還有4人或6-8人的圓枱。由於空間有限，大家吃粉時都有些迫迫地，令你吃完都想快些走人。 為想試齊各種牛肉，叫了錦麗綜合粉，望到隔鄰碗粉不太大，便另叫大蝦扎肉米紙卷、炸手作蝦餅。綜合粉來到，覺得湯很多，粉和肉料不多，生熟牛肉在一個大碗湯中顯得有些空盪感。在枱上有教食的步驟，先喝湯，才加入每個座位都放有一杯的芽菜、青檸和九層塔等配料，突然全碗粉變得豐富起來，咁至似樣，一碗牛肉粉成$60多元㗎！ 至於湯很清但有很濃郁牛肉湯味，好飲！不愧是過江龍。而各類牛肉，如牛肉是生的放湯中，到的時候是半生熟，喝湯後便先將生牛肉全浸入熱湯內，才改入芽菜等，避免湯的温度驟降，使牛肉不能熟。其次牛丸切半粒上，共有3個半粒。牛肉無特別驚喜，唯有試吓跟佢指示點拉差辣醬和甜醬吃，但改善不大。粉是較幼身的，很滑唔油，份量約一碗飯碗，唔當正餐吃應該還可以的。 大

垃圾餐廳，食物份量少，想賺錢賣野飲好正常，但已點飲品，天氣冷想要多杯熱水都無，話唔提供任何水，老人家唔通叫兩杯甜野飲咩⋯⋯環境又迫，又要搭枱，間野已經嘈架啦，仲要播埋歌，俾我靜dd食個lunch 得唔得

菜式唔多, 主要幾款粉類, 幾款小食和飲品。裝修唔似快餐, 但原來服務,入座安排是快餐模式。所以要有心理準備快食快走,上菜快, 搭檯搭得好犀利,千祈唔好諗住和朋友來慢慢食慢慢傾。倒哂落胃就好走啦！唔係會俾侍應啤行你。其實座落大商場,靚裝修,一碗粉賣得都唔係平,味道雖然好食,足料,但不至於超好好到倒落胃走都要來食。快餐式安排令人有點意外。食過一次。足夠了。未至於癮大到要再來。