錦麗 (創紀之城五期(apm))

营业中

休息中

每次經過APM時都留意到呢間食店門外經常排了一隊長長的人龍，上網看原來是一間越式食店，口碑都不俗。今次同老公看完戲，便決定試下呢間店有何特別。排隊期間做下功課，上OR睇下食客有咩意見。見好多人都點"錦麗綜合粉"，我地已經決定點呢碗粉。除了食物推介外，食客亦有提及粉麵賣完即止，有時下午3點及晚上8點已經售罄，令我地十分期望呢碗粉。坐底不久就來了綜合粉。綜合粉包括有生牛肉、熟牛肉、牛丸。我地即時試一啖湯，咦，咁平淡普通既？再飲多幾啖都係一樣感覺，滿以為中伏時，見台面寫了教大家如何食呢碗粉，原來要將食店提供既香草包括九層塔、檸檬葉、鵝草(不知有否記錯)等等撕碎並放入湯中，再連香草，蔥，粉連一口湯呷入口。一試，嘩，同之前既感覺係完全不同，今次係有層次既香味(可能有不同既香草配料搭配)。lunch lady既湯底係豐富濃香，而錦麗係清甜有層次感。兩者我都鍾意~試完湯底，跟住到牛肉。熟牛肉似牛腩，味濃。牛丸又真係唔錯，比熟牛肉更好味。但我覺得最出眾竟然係生牛肉(估佢唔到)，以往我食開既生牛肉都普普通通，甚至過熟變硬，所以從來唔會對生牛肉有任何期望。但錦麗既生牛肉好嫩口，有一份香甜既味道。呢樣野令我

話任加但芽菜好生不想加。牛丸好食但$62竟然得一粒半！牛肉不夠多，河粉薄且滑ok，但送來時一舊痴住要自己整散。。。一句講哂 錢貴量少 係好吃少款揀，得個4款。。。想食牛肚都無

上菜快。越南粉湯底一啲都唔好味，淨係味精多。做坏招牌。味道無越南feel.  小菜小到不能再小。味道一般。服务態度差。食完傾兩句就叫你走。簡直就係趕客。 都唔知佢地點管理。 唔知點解咁多人排隊 ？

好幾次都想黎試生牛肉湯粉，但打親電話去問都話只剩10~20碗，所以都係無緣一試人就係咁，愈得唔到就愈想得到😪今日11點鬆d ,附近d 人應該未放lunch❗️應該可以一試❗️go‼️Yeah~~唔洗排隊😻叫左一份 扎肉蝦紙米卷 一定要蘸多d 汁 唔係就好淡叫左一碗生牛肉湯河 喝一口湯夠熱嗜一口🐂非常嫩，林‼️仲叫左一碗牛丸河 同薏米冰其實牛丸口感十分好，但唔知點解陣牛騷味好重薏米水如果唔落薑會好d ,因為唔係人人喜歡薑味整體湯河味道的確不錯，如經過都會再試但如之前傳聞要排隊就不用考慮了因為又不至於花太多時間排隊

人氣牛肉河✨錦麗🍴錦麗綜合粉 Hkd 62 💸佢個湯真係冇得輸！好飲到癲🔥勁鮮甜！佢啲生牛肉同熟牛肉都勁林，入口即溶咁款仲要唔腥✨癲架！勁中意勁好味💕不過佢啲牛丸就同我地平時食個啲唔係好同，肥肥地我唔係好中意種口感😂但個粉真心必食！值得排隊去潮聖架👍🏿跟左佢啲guideline 去食～我都係中意原汁原味咁食多啲😀越式炸春卷 Hkd 38 (4pcs)用生菜包住黎食冇咁熱氣😂不過我個人麻麻地呢個～可能炸到太乾同太熱氣啦😞但佢啲醬汁係好好食既😭野飲方面叫左 香茅青檸薄荷梳打 hkd26💸都係普通嘅青檸梳打味但係飲來飲去都冇越南仔個杯咁好飲😅雪梨崩大碗 hkd22 💸 聽聞崩大碗係好涼既😂但我覺得點都要試下啲特色野係咪都試啦🤤其實飲落去係好似飲緊涼茶咁，甜甜地不過唔明點解係綠色嘅🙂ok既試1次好了～

近排返工要到觀塘工作, 午飯時間又要諗下食乜好。 係APM搵食時, 竟然發現有全越南最好食的牛肉粉名店錦麗!!!原來太興集團將錦麗引入香港, 並派香港師傅到當地集訓, 將越南錦麗的原汁原味湯底帶返嚟香港, 實在係天大喜訊。今次點了生牛肉粉和法式牛油蒜蓉雞翼。枱面上有教授越南傳統食法。我先呷一口湯頭,濃郁牛骨及香料味而不膩, 亦唔會有口渴感覺。然後將九層塔等香葉,青檸汁,芽菜等放入湯中,連湯連粉同吃, 是越南地道食法。生牛肉淋身很嫩, 河粉很滑, 而且每一啖都有濃濃的牛湯香料精華！法式牛油蒜蓉雞翼炸得十分香脆熱辣，並有濃郁的蒜蓉和牛油香味。係香港從未食過一間好的越南牛肉粉, 而家終於有得食了!

近期公司派我到觀塘區工作，所以多了機會於這區食午膳。觀塘區有佷多食店，遍布於工業大廈和商場，今次同事就帶我到了APM的這間越南食店。錦麗綜合粉 $58有生、熟牛肉和牛丸，湯底不濁而清甜，味蕾感受到用了很多材料熬湯，生牛肉浸在湯的部分漸漸變深色，將其放在口中一嚐半生熟的滋味，鬆軟夾雜，有不錯的口感。另有小杯裝著九層塔及芽菜等配料，可按個人喜好的份量放入粉中，而我放晒入去，香草味較濃烈，與清湯又是另一味道。小米糕 $32白色米漿配上花生、肉鬆，米漿本身沒有太多味道，主要靠花生和肉鬆來吊起香、脆、甜的口感，同時亦可加魚露或辣汁也是不錯呢。

作為越南控的筆者, 得知錦麗在香港開分店, 當然要一試! 週日下午差不多二時正, 店外仍然是大排長龍, 很受歡迎呢! 但錦麗在商場內開店, 跟在越南的風格很不同, 心裡還是有點失望. 等候了二十五分鐘, 終於可以入座. Menu選擇不多, 點選了炸手作蝦餅(2件)(HK$38), 大蝦扎肉米紙卷(HK$28), 椰青(HK$35), 錦麗綜合粉(HK$58). 炸手作蝦餅, 水準之作. 蝦餅新鮮炸起, 試一口, 外層微微的香脆, 內裏的蝦膠鮮味十足, 口感亦非常彈牙, 滿分之作. 大蝦扎肉米紙卷, 用上大蝦, 真材實料, 但大蝦口感較為乾身了一點, 配上青瓜,um…假若用上生菜效果應該會更好. 整體水準一般. 椰青, 尖子的必選項目, 未知味道如何. 錦麗綜合粉, 有生牛肉, 熟牛肉和牛丸. 賣相原本不錯, 但湯底好像有點油. 試一口湯底, 清潤中帶點牛味, 但口感確實油膩了一點, 有點失水準, 可知錦麗在越南當地排行no.1 的, 應該不只這個水平吧? 生牛肉, 熟牛肉正常水準, 反而想品評那粒牛丸, 牛味頗濃郁, 也很有咬口, 很欣賞. 笑臉是給炸手作蝦餅. 店內不供應清水, 為何

創立於1970年的錦麗於今年2月登陸觀塘apm，當時錦麗給窩夫與蝦子餅的印象是長龍和負評不少，一直沒有機會光顧，近日窩夫與蝦子餅終於試了這間來自越南胡志明市的著名牛肉粉店。某星期一晚上約8時40分左右到達錦麗，還是要排隊等位，等了一會，後面多來了兩個人，店員便截龍，並換上「多謝支持！」的牌通知大家當日的牛肉粉已經售罄，窩夫與蝦子餅有點運氣才可以吃到呢。窩夫與蝦子餅一人點了一碗錦麗綜合粉($62)，一次過試勻生牛肉、熟牛肉和牛丸。牛湯看來很清但味道非常濃郁，嚐過一口湯後將九層塔等香葉、青檸汁和芽菜放進碗中，拌勻後粉連粉同吃，非常滋味。窩夫與蝦子餅沒有去過越南吃最正宗的牛肉粉，不知道最地道的味道是怎樣，只知道這碗錦麗綜合粉叫窩夫與蝦子餅感到很滿意。除了錦麗專心做好的牛肉粉，窩夫與蝦子餅還點了兩款小食。炸手作蝦餅($38)一客有兩件，每件再一開二，帶有蝦的鮮味且口感彈牙，水準不錯。法式牛油蒜蓉雞翼($34) 一客有四隻，炸得十分香脆，有牛油的香味，但稍嫌蒜蓉份量不夠。

向來喜歡清湯腩，雞翼，凍啡。尤愛安利清湯腩，新記瑞士雞翼，愛凍啡如狂，恕難盡錄。每個地方各有所長，難爭一日之長短。越南菜是難得有一個一次過滿足三個願望的地方，但好的越南菜也得來不易。不是歧視，但越南菜本就不是太fine的dining，現在有太多所謂泰越fusion搞一樣搞不好另一樣，有的選擇太多連最基本的都搞不好。肯專心做好一樣撚手小菜的不多，錦麗是其中之一。選擇不多，也不需要多。牛河只有生、熟和混。牛湯呷香，熟牛($58)相當於牛腩，油脂比例均勻，個人prefer熟牛over生牛。小食選擇比較多，但我只試過一樣：牛油雞翼($34)。超鬆化，香口蒜濃，試一樣就夠。凍越啡($28)，講真，出色未算但足夠top off整件事。$120話平唔平，但以物價貴騰的商場鋪，好吃的簡單一餐我覺得ok。PS. 預咗要排隊15-30分鐘PPS. Weekend兩點後有機會賣晒

自從錦麗於apm 開店以來，一直人流旺盛，每次路經必見人龍，假如未見人龍，必定是已售罄某日上堂前見人龍不太長，就排隊等一下，一個人等位大約5分鐘就可以入座了！這裡設搭檯，一張圓桌可以搭5-6位食客首先會放上每人一杯配菜，芽菜新鮮很爽脆，香葉也有濃濃香味點了份招牌雜河，有生熟牛肉、牛丸、牛腩，湯底清甜，檯面上有教加醬汁吃牛肉的食法名不虛傳，會再次光臨

每次經過這間過江龍牛肉河粉專門店都大排長龍，今天只要等五、六張枱，於是便決定試一試。桌子與桌子之間比較近，招待普普通通，但我們只是吃一碗河粉，也不能要求太多。每款河粉都跟一杯配菜，包括新鮮的芽菜、鴨舌菜、九層塔、辣椒和青檸，使河粉的味道更豐富。炸手作蝦餅 炸蝦餅很香口但比較油膩，蝦膠很彈牙和蝦味十足，加上馬碲和芫茜很美味，可以一試。錦麗綜合粉 湯底牛味極濃郁又清甜，河粉很滑，牛腩很爽腍又帶點油香，牛丸很彈牙還帶點肉汁，生熟牛肉都不錯。錦麗生牛肉粉 生牛肉挺嫩滑，但牛肉味不是很重，湯底都是濃郁鮮甜的。香茅青檸薄荷梳打 很清新的飲品，賣點是整條香茅放在杯內，頗為特別。

首次品嚐錦麗的生牛肉粉，實在喜出望外，因為個湯底超級鮮甜、香濃，但不會覺得口喝或油膩。牛肉嫩滑，啲係湯內浸耐都唔見chewy。在澳洲食pho 食到大的我實在讚不住口。

看到很多人提到這裡的粉好食， 有時間就來試下， 聽到話要排隊，哪我當然就早點到，1130am 開門，我跟朋友便1130am 到達， 客人開始進入餐廳，幸好輪到我們還未滿坐， 順利入去唔駛等。 完來裡面面積不大， 全部都要搭枱坐， 枱上面已經準備了食粉的伴菜一杯，有芽菜，辣椒，薄荷葉，青檸。其實餐牌選擇不多， 最後我跟朋友都選了綜合粉，加杯薏米水。粉來到， 湯不算好熱， 粉亦不算多， 餸的份量就都ok, 油算多了一點， 牛腩比較肥， 生牛肉都算厚薄適中，講好食， 我就不覺得是好好食， 只可以算是普通， 很多小店比他還好呢， 反而他的薏米水加了香茅， 多了點香味， 幾特別離開時12點都未到， 就已經有大約10多人在排隊等位。

平時中午食飯時間排隊條龍非常長的錦麗，今次襯平日夜晚收工時間去食，排左大概15分鐘左右就有位la😬兩個人叫左錦麗綜合粉$58，錦麗生牛肉粉$56，一份炸蝦餅$38，一份牛油雞翼$34加一杯凍薏米水$16。河粉湯頭清甜，生牛肉略嫌不夠嫩，份量比想像之中多。蝦餅口感彈牙，不會炸得太燶，配上甜酸醬後，味道更佳！牛油雞翼最後才上碟，可能因為剛炸起，食起來會有熱氣的感覺，還是建議愛美人士一件起兩件止蕙米水味道有點淡，沒有特別需要推薦的地方，純粹解渴之用，不過希望冰塊可以少一點。綜合食物味道、餐廳環境及價錢各方面亦算不錯，應該會再食！