錦麗 (已結業)

今日行完山經過東港城見到錦麗的下午茶時間，做緊生牛肉小粉套餐買一送一優惠才$45已經有2碗粉+2杯飲品✌️🤩即刻入去坐低叫左😋果然係越南style，個湯底好清甜，牛肉又肥瘦適中，嘆完再飲埋個熱飲就好滿足啦👍✌️✨

本身自己都鍾意食越南野 同男朋友行街見到入咗嚟食物出到嚟完全超出預期 我哋嗌左一碗綜合牛肉粉 一碗生牛肉粉 及拼盤 每樣嘢食真心勁好食 尤其是河粉令人眼前一亮河粉真係好滑 湯底完全恰到好處又野味 準備的檸檬好好 本身好鍾意加辣椒 佢啲辣椒都好到位 實心嗰種 啲辣椒味溶出嚟果下好正去過好多間越南野都唔係呢種 好加分 感覺就係所有材料都好用心 真材實料嘅感覺拼盤的雞翼 春卷 好香脆 覺得廚師手勢好好 期望中也不差但仍然比期望好食 相信比起好多餐廳好食環境不錯 喜歡 張枱幾闊落覺得呢個價錢比起啲嘢食真係好抵 60幾蚊一碗 每人百零有個滿足的晚餐係食完即刻想回來的店舖 個刻覺得好遺憾嘅係將軍澳真係離屋企太遠 平時喺紅磡 返去找了一下發現原來仲有幾間分店 但係就係唔知嘢食同手勢會唔會同呢間一樣好食 有機會試吓啦

其實都唔係第一次食錦麗因為本身都唔鍾意食越南野而呢間唯一我覺得係幾好食嘅😋😋佢有個午市套餐，價錢同單點一樣，不過佢會包一杯特色嘢飲小食都幾多選擇而野飲都幾多特色野試😛叫左個綜合牛肉粉我就係咩都想食 所以叫個綜合粉有哂手打牛丸、生熟牛肉、牛筋牛丸有d筋 都幾有咬口生牛肉啱啱好 唔會太老😆湯底清甜 有d味 但唔會覺得飲落去成啖味精不過熟牛肉煮得有d過火 有啲韌同埋好癡牙其餘都ok的！屋企人就叫左個生牛肉湯河本身唔鐘意食煮得太老既牛肉呢碗送上來嘅時候就半生熟 剛剛好河粉煮得都幾滑🤤另外跟個套餐加咗兩隻牛油雞翼、兩隻蔗蝦、同埋四件春卷牛油雞翼啱啱煎出嚟熱辣辣煎得好脆，同埋好有牛油味食得好滋味😆😆至於蔗蝦，唔會太多粉個蝦肉既比例都幾多同埋幾有蝦味不過$18兩件來講就份量比較少雖然都真係值得一試嘅😹春卷方面，咬落去第一啖冇乜驚喜不過都足料同埋加上個甜酸醬，都真係幾夾既🥰都幾快上台，間唔中來食下都OK嘅！

🇻🇳錦麗牛肉綜合粉好食就大家都知，但原來佢而家仲推出左撈檬，份量足夠，又幾好食😳-大蝦扎肉撈檬 $65 👍🏻扎肉食得出較重胡椒粒味，幾好食！撈檬還加入了花生碎和肉鬆，是少見的配搭，估唔到令整體口感味道更豐富，肉鬆具畫龍點睛之用☺️自己倒入魚露甜酸汁，酸甜口味很清新開胃；欣賞佢選用幼檬粉，使掛汁效果更好！餐飲熱甘蔗汁都唔錯，但太細杯。———————————————環境：6服務：6味道：8性價比：合理回頭率：60%

假日到東港城逛一逛， 突然好想吃越南河粉， 立即走進錦麗用餐。 星期六的下午不算太多人， 不用等位， 但是店員強烈要求我們坐卡位要坐埋同一邊， 我覺得有點冇禮貌， 如果很多人當然要坐一邊啦， 但係沒人的情況下，都唔畀客人坐得舒服些？ 然後見到其他客人入嚟的時候他們已沒有再 強烈要求了， 感覺有點無理吧！ 講返食物當日我們有越南咖哩牛筋腩飯$66， 生牛肉河$63， 越式滴漏咖啡$28，凍越式滴漏咖啡$30。越南咖哩牛筋腩飯～ 椰香味蓋過咖哩味， 牛筋只有一件， 牛腩味道都唔錯， 不會太硬。生牛肉河～ 湯底夠熱， 牛肉質感太韌， 不夠嫩滑。越式滴漏咖啡～ 點了一杯凍和熱的， 熱的比較好飲， 可惜咖啡味不太濃， 沒有香味。整體來說發現每間分店的質素都不同， 德福分店的錦麗各方面比較平均。

同朋友經開坑口東港城, 諗緊食咩好, 行咗一個圈, 最後揀咗錦麉, 朋友話佢未食過. 咁就試一試佢~排咗5分鐘隊就有位啦~最後揀咗綜合牛河同埋香茅豬扒撈檬~間嘢好FULL, 但好彩唔洗等好耐!好快嘢食就到咗啦綜合牛河有牛腩, 牛丸同生牛肉, 料算多, 河粉又唔爛~香茅豬扒撈檬, 舊豬排都幾入味,加埋汁, 成碗嘢酸酸甜甜,幾好食，好開胃好驚係出面食完嘢, 會好口乾. 呢間食完又無咁嘅情況~好彩無叫小食, 我地2食咗呢兩碗嘢已經好飽.見其他食客叫嘅小食都幾吸引, 下次可以試下

呢間餐廳每逢用餐時段都大排長龍所以一直都無去過由於假日周圍都一樣打蛇餅所以終於今個假日去咗排隊啦！現場環境都幾迫同隔離枱真係好近枱面，櫈同牆身都好多食物碎同污漬感覺真係唔太好特別係我帶埋bb去bb會周圍摸真係會好重視餐廳係咪乾淨生熟牛河好好味生牛肉好嫩熟牛肉夠厚成碗既料算好多咖喱牛筋腩飯正常牛筋腩都好淋但啲飯偏少同埋硬即炸牛油雞翼新鮮又脆口但真係油咗少少菠蘿梳打係糖漿嚟菠蘿係罐頭菠蘿整體嚟講普普通通再去嘅話我會淨係食碗越南粉

• 錦麗綜合粉🍜 •💵Price: $62🍴Food: 5/5 ❤️-講到食pho，個人覺得錦麗都真係無得輸😛 個湯頭甜度濃度適中，食完都唔會口乾！不過我就偏好牛丸同生牛肉，熟牛肉會有啲韌同好多渣。可惜佢又無得雙拼咁嗌，所以識食一定係同男朋友一人一碗生牛肉同牛丸然後share黎食！🤤

🍜錦麗牛丸粉 $60🍜有五大大粒牛丸，超彈牙同好多肉汁，而且唔會只有得麵粉，所以牛肉味好重！而湯底並都係偏濃味嘅，岩哂重口味人士！而且有好多洋蔥，額外加嘅芽菜都好有口感！

/每次黎錦麗必叫既三樣野😋.錦麗牛丸粉 $60錦麗生牛肉粉 $63✅河粉真係做得唔錯 冇食過咁滑✅牛丸爆汁 喺香港好少搵到✅牛肉好多塊✅任添香料✅湯夠熱✅湯底清甜法式牛油雞翼 $40/4隻✅雞翼大大隻好juicy✅即炸 夠熱✅上面啲炸蒜好正🤤.💛呢間野嘅職員真係好好人 上次有優惠券 所以雞翼就免費 而用咗一張優惠券就唔可以用第二張 嗰個第二張就係免費飲品 本身就唔可以咁嘅 但係之後個經理好好人 請我哋兩嗰兩杯免費飲特飲💛人間有愛.錦麗地址: 將軍澳重華路8號東港城2樓223號舖.#food#hongkong#fooddiary5911將軍澳#牛丸河#生牛河#牛油雞翼#錦麗#平價美食

錦麗綜合粉 (生熟牛肉+牛丸).黎自胡志明市嘅過江龍果然名不虛傳😍牛骨湯底清甜，濃而不膩。生牛肉軟腍有牛味，熟牛則係牛腩。有點過靭，有啲位好難咬。🥺最驚喜係牛丸😍超濃郁嘅牛味，爽口彈牙🤤🤤👍🏻可惜佢冇生牛肉配牛丸呢個choice🙈點解啊點解🥺.呢個價錢 $62，食到呢個水準都幾滿意！不過份量稍嫌偏少，女仔食都OK但男仔應該唔夠飽🤣.而家越開越多分店，香港、九龍、新界都有，希望佢可以繼續keep到個水準🙌🏻

 錦麗 熟牛肉粉 @ $60小妹lunch想食清清地，所以去左Phole，叫咗一個熟牛肉河粉，盛惠60大元。香葉同埋芽菜係可以無限添加。-錦麗河粉食法：趁熱先飲一啖湯，試下濃郁既湯底；將九層塔及鴨舌草等香料，撕碎，放入湯裡面；加入青檸汁，辣椒同芽菜拌勻；最後，粉連湯一齊食  -湯底望落好清，重點是夠熱，飲落去係好濃郁嘅牛骨味，但今次既湯嘅味道比較鹹，可惜左少少。熟牛肉用咗牛腩嘅部位，煮得未算好軟淋，但有牛味幫補返，份量頗多。河粉吸咗湯底嘅味，口感幾滑。$60黎講都算性價比高既。-地址： 將軍澳重華路8號東港城2樓223號舖-推介指數👍🏻👍🏻👍🏻👍🏻抵食指數👍🏻👍🏻👍🏻👍🏻(5個👍🏻為滿分)

難食到 不得了==============================九龍灣開第一間分店食左一次覺得係好食 之後過左幾個月係就開始唔得 到搬左去將軍澳之後 琴日係坑口食過一次決定永遠blacklist !服務係好既野係超難食最難食就係啲河粉 連街邊d細麵店仲好食過佢D粉又碎又爛食落口就好似食左d濕左既麵粉又唔滑又粉！勁嬲 $63碗 貼錢買難受D熟牛肉 鞋到不得了湯得個鹹味 青檸乾到汁到冇 以後都唔再食==============================

曾經是最愛的牛肉粉店，曾經一個人也要排隊食。今日放工再黎，發現變哂啦。員工態度極差 不可一世，幾好食都無用。質素唔穩定 是好時壞，已經沒有了曾經的美味。再見了我曾經的最愛

位置容易找因為就是在一田超市隔壁，但店面小，大多數要搭枱，叫左綜合牛肉河，牛丸河仲有牛油雞翼。綜合牛肉河:牛肉熟度剛剛好，不會生又不會過熟而口感變韌牛丸是切片的，爽口彈牙，真材實料，不會食到滿口澱粉推介。牛丸河:牛丸弾牙有汁，可以係成粒，所以一咬落去會有汁彈出來，河粉滑嘟嘟，好味!牛油雞翼:反而覺得麻麻地，一口咬落去成口油，好肥好膩食完覺得好滯呀！食完個人感覺還可以，但是吾知點解，覺得好口渴，可能湯頭比較咸DD的原因，除此之外尚算OK