鋿晶館

营业中

休息中

趁住近排得閒少少, 同媽媽去飲早茶之前有朋友推介呢間鋿晶館, 話所有點心都係自家製, 即叫即做非常新鮮點心師傅曾經就職於日本東京富麗華, 返香港之後更加係多間米芝蓮餐廳做主管, 經驗豐富今日就等大食妹去帶大家睇一睇鋿晶館嘅點心係唔係真係咁好食<懷舊馬拉糕>媽媽最鍾意就係食馬拉糕嚟到當然要試一試呢種經典款鋿晶館嘅馬拉糕非常鬆軟, 味道甜甜地, 濕度啱啱好, 連大食妹呢啲唔係咁好澱粉嘅人都覺得好好食<北菰雞包仔>北菰雞包仔外皮亦好軟熟, 裏面包左雞肉、冬菇同青蔥, 冬菇味道突出, 保留到肉汁<濟寧蒜香鮮蝦春卷>鍾意食炸嘢嘅朋友一定要嗌呢個濟寧蒜香鮮蝦春卷非常非常非常足料, 外皮炸得好脆, 裏面加入咗好多鮮蝦同雜菜, 特別得黎又好食<黑松露鮮蝦燒賣>最後當然要食埋佢嘅黑松露鮮蝦燒賣啦雖然唔係好大粒, 但燒賣亦都非常彈牙

馬上又要禁晚市堂食，仲有最後兩日要快d出去食先。大概半年前黎過上環既鋿晶館一次，上次試過之後發現食物質素都唔錯。今晚就再次尋味。留意返酒樓入口唔喺大街，要行入橫街先見到個門口。入到去搭lift上一樓，入面裝修光猛，地方乾净。餐牌有小菜，燒味，湯羹魚翅，海鮮，都有套餐。努爾哈赤脆皮燒腩仔 $128 另加一努爾哈赤脆皮燒腩仔一客16件，皮脆肉汁豐富，脂肪唔算多，沾另上嘅黃色芥末更好味。伴碟有少少菜苗。天天原盅精選燉湯天天原盅精選燉湯今日係姬松茸螺頭燉竹絲雞，原盅上，熱辣辣上枱。湯水好清甜，料好足，除左姬松茸，螺頭同竹絲雞，仲有豬肉同雞腳，燉得夠耐，連雞骨都可以食埋，又好飲又養生。貴妃香芒大蝦球 貴妃香芒大蝦球一客4件，醬汁色水呈鮮黃色，上面灑上少少花生碎，帶黎多一重口感，下底墊有沙律菜。大蝦大大隻，爽脆新鮮，個汁帶清新芒果味，好醒胃。鮮百合冰耳炒鮮淮山 $82 另加一鮮百合冰耳炒鮮淮山主要係鮮淮山同西芹，好爽口，另外仲有雲耳，百合同燈籠椒一齊炒，油份適中，好健康。食完仲有糖水送，係大大碗綠豆沙，綠豆煲到爛哂，唔過甜。上菜速度迅速，坐低到食完只需45分鐘，果然係中上環速度。聽聞餐廳係自家製品

呢間鋪位以前係好彩，之後轉左手就變左鋿晶館，食物質素好過以前好多，可能因為師傅曾就職於日本東京富麗華多年，返香港後又係多間米芝蓮酒店及大型連鎖酒樓集團做主管，經驗豐富，所以野食特別唔同，而且價錢都唔貴又合理。.晚飯時段，$15/位 茶錢，另加一，食物選擇都幾多，但晚市就食唔到最出名既點心。.我地叫左「響螺燉竹絲雞湯」、「老爺子半肥不瘦蜜餞叉燒$128」、「大廚蝦乾小炒皇$118」、「鮮菇菌黃炒蛋白$108」，野食全部高質，尤其推介蜜餞叉燒，半肥瘦岩岩好，咬落淋身得黎爽口，餸飯真係好正。小炒皇配西芹，多料又好食。鮮菇菌黃炒蛋白，唔好睇個樣唔知係咩🤣但係真心好滑同好香蛋味，加埋鮮菇菌落去炒特別唔鮮味。.呢頭黎講呢間酒樓算真係數一數二🙏🏻👌🏻

鋿晶館 地址 ：上環德輔道中287-291號地舖細細個DADDY MUMMY 會帶埋我地去飲菜佞點心架, 大人就睇報紙我地小朋友就拎本漫畫書。餐廳所有點心現場即點即做, 非工場買來蒸熱架點心，是屬於自家製品牌手作點心睇返網上資料師傅經驗豐富,曾於日本東京富麗華工作多年，回港後在多間米芝蓮酒店及曾任職酒樓集團主管。香芒蝦球，炸好蝦球大大粒，有芒果肉架關係，食落唔會覺得油膩。蝦大隻肉彈鋿晶館 地址 ：上環德輔道中287-291號地舖細細個DADDY MUMMY 會帶埋我地去飲菜佞點心架, 大人就睇報紙我地小朋友就拎本漫畫書。餐廳所有點心現場即點即做, 非工場買來蒸熱架點心，是屬於自家製品牌手作點心睇返網上資料師傅經驗豐富,曾於日本東京富麗華工作多年，回港後在多間米芝蓮酒店及曾任職酒樓集團主管。香芒蝦球，炸好蝦球大大粒，有芒果肉架關係，食落唔會覺得油膩。蝦大隻肉彈欖角骨是用上了rib 位置，欖醬鹹鹹香香，所以又會落返蜜糖來平衡返，欖角肉有嚼勁叫左碟西芹炒雜菌，清清地，西芹爽口無渣家人想食南乳粗齋煲，南乳醬炆得好香。香茅班頭腩煲，腩多肉，炸過再整唔怕魚肉散掉，平時食薑蔥，搭香茅又幾唔錯海皇羹好

前兩天同嫲嫲飲完茶，氹到佢鬼死咁開心。今日就要輪到同婆婆飲茶，婆婆住喺上環，所以我揀咗佢最鍾意嘅鋿晶館。餐廳是自家製品牌，佢嘅所有點心都係現場即點即做，佢嘅師傅仲曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，所有才得外婆歡心。晶瑩鮮蝦豆苗餃餃皮晶凝通透，透出翠綠的豆苗和粉紅的鮮蝦，我個人比較喜歡吃豆苗餃多過蝦餃，始終多吃蔬菜對身體有益。鴛鴦臘腸卷這兩個懷舊的中式點心，可選得是婆婆的最愛。臘腸卷包着兩片臘腸和潤腸，鴛鴦腸的油份被包子吸收，所以吃起來感覺不會油口。臘味糯米飯軟熟的糯米飯吸收了一粒粒的臘味油脂，份外油潤、甘香。豉汁煎炆釀茄子我很喜歡吃茄子，這裏的釀茄子size的很厚大，鯪魚肉釀在厚厚茄子中間，份外惹味😋木魚絲琵琶豆腐用豆腐和魚肉混合而成的琵琶豆腐，最適合外婆吃，琵琶豆腐鮮味軟滑，木魚絲在豆腐上擺動，有趣又營養。其實跟婆婆飲茶，食物是其次，最重要的是讓她知道我們是關心和愛她，每次見到婆婆，她們都喜歡握著我的手跟我聊天，希望婆婆長命百歲，身體健康。

係中環上環食lunch周圍都係人，成日想即興飲茶食點心都唔係咁容易。今日同朋友去左上環呢間自家製品牌銷晶館，係中環行過黎都係大概十分鐘既路程，唔算好遠。一去到附近，遠處已經見到個吊牌，轉彎就係大門，佢有幾層，係地下拎飛，服務員會話你知去邊層。同朋友叫左幾籠點心，手作點心係即叫即整，燒賣蝦餃係必點，而且佢係每籠係兩粒，岩晒二人飲茶既我地，每樣都可以食到啲係最好既安排。另外，蘿蔔絲酥好好食，啲酥係整到岩岩好，啲蘿蔔蓉好綿。仲有個鮮蝦春卷都係炸到剛好，啲蝦仲係用新鮮蝦。

今日去上環飲中午茶，就嚟到朋友介紹既鋿晶館飲。茶樓分為兩層，唔洗等位就入到去，方便中上環番工既人士去食。平時都好怕飲茶位置太窄，但呢到座位尚算寬鬆，無我擔憂既問題。今日就食左下面幾樣點心:1. 生煎蘿蔔糕煎得啱啱好，又唔會太多油，唯一夾落去有小小散2. 蒜香鮮蝦春卷必食之選: 皮薄餡靚，入面有好多鮮蝦，下次會再叫！3. 雞絲滑粉皮普普通通，個人覺得啲豆苗唔係好夾個雞絲粉皮4. 白灼時蔬白灼時蔬, 少少失望: 雖然菜心都算新鮮，但係冇咗其他茶樓好食嗰種豉油嘅味道(聽講係豉油加煮熟油)，頂點嚟講，真係一般。5. 燒鵝河粉燒鵝好食，不過無得配合瀨粉6. 叉燒腸粉:普通，冇影相

一直以來都認為一間食肆是否長做長有，除了食物質素外，待客的服務態度也很重要。我從來都未試過在OpenRice留食評，但今次真係不吐不快😒今日特地從新界區搭港鐵去上環，試試這間酒樓。一入門口，接待的員工禮貌已不好。當點心送來時，我哋同傳菜的阿姐（身型較大隻的那位）講咗兩次要個蓋蓋住點心，她語帶兇惡的問我是甚麽蓋，其實傳菜盆上只係剩返一個蓋住該點心的蓋，好似我唔應該提出此要求咁。我認為她待客冇禮，佢仲鬧返我問我佢有甚麼問題，想同我鬧交似的，態度十分惡劣。我真是大開眼界，她的問題就係唔知道自己態度有問題😠 這間食肆的管理層真係要正視及改善員工對客人的態度，否則客人係唔會再幫襯。

同事話有朋友同佢講這間酒樓的豬仔腳好味,於是我們便一起去試吓打開點心紙,找不到豬仔腳,後來見到午市套餐內有豬仔腳,便order了一個午市套餐$228好可惜今天沒有豬仔腳點心可選3款我們選了粉粿,叉燒腸粉和黑松露燒賣全部熱騰騰,當然要等一段較長時間全部都好味喎燒賣彈牙腸粉及皮薄多叉燒炒飯粒粒飯分開,炒得香口,不多油,不過海鮮可以多些一間舊裝修酒樓,7成年長客人,招呼OK,食物好味

在港吃过最好的早茶。老婆带我来吃的，她已经吃了两次了。每样点心都超水准。小笼包汤汁鲜美，口水鸡鲜嫩可口，蒸鱿鱼鲜爽弹牙，就连拍青瓜都脆甜清爽。芒果布丁奶香满口。超级赞

一直都知道上環有好多歷史悠久，而且好傳統嘅茶樓，真係集中晒喺港島區，可能係歷史嘅關係🌟今次朋友推介左我過嚟而家性價比極高，但係水準係米芝蓮級數既中式茶樓，全部都係自家製嘅點心🎊😆聽我朋友講，廚師曾經喺東京嘅富麗華做咗好多年大廚，都係為明星服務，仲喺香港做咗好多年米芝蓮嘅主管，所以今次用咁平嘅價錢食到，真係勁抵😚🙏🏻叫咗好多點心，全部都係$10-$20蚊，真係勁抵🥰先叫咗香麻脆麻花最特別係佢上面用左橘子蜜🍊代替蜜糖，味道特別清新，而且仲健康啲😆 味道趣卜卜，超級可口❣️另外仲叫咗豉汁煎炆釀茄子🍆非常香口，口感層次好豐富🤩仲叫咗鴛鴦臘腸卷、臘味糯米飯、鮮淮山藥膳鳳爪、木魚絲琵琶豆腐，全部都係手工制，冇花冇假，真材實料🤩💗

早茶時段唔多人一坐低就叫咗鴛鴦燒賣人哋隔離枱遲過我地落單都早過我哋到我哋另外後加嘅嘢都上曬鴛鴦燒賣都未到都未到食曬枱上嘅嘢就叫埋單+取消個鴛鴦燒賣因為已經等咗40分鐘點知個阿姐冇幫我哋取消燒賣又冇幫我哋埋單反而係吹催燒賣到燒賣3分鐘後到咗同一個阿姐扮晒野走過黎再問係咪要埋單呀大佬唔係比唔起錢係條氣唔順40分鐘都唔到取消好正常呀叫你埋單又唔埋重扮晒野話有幫我哋取消到喎~~以後都唔會再嚟食而且點心又唔係特別好食

上環有幾間 稍為老牌的酒家 近日 多了間鋿晶館開業 這天 在附近酒店 Staycation 剛巧又遇上 颱風吹襲 舒適的睡了個賴覺 起床接近中午 八號波下 大多酒家有營業 我們來這裡 試試點心 🫖🫖叉燒酥 🍖🍖香茜叉燒腸粉 🐖🐖蝦餃皇 🦐🦐北菇雞包仔 🐥🐥香蒜鮮蝦春卷 🧄🧄古法香草綠豆沙 🌿🌿栗子燉鮮奶 🌰🌰這家點心 沒有特別造型 也沒有 創新口味 但廚藝卻是不俗的 全部都是 即叫即蒸 或炸 以傳統點心來說 絕對是水準之上 味道也不差 有時試了很多新派 造型奇特的 想回歸一下 也是好事 👍👍栗子燉鮮奶 較特別 嫩滑燉奶 加入栗子 出奇的配合 也不太甜 美味 😋😋

唔知道有冇人同我一樣耐唔時 總會突然想食下中菜今日就係一個例子收工突然想食燒肉 倒不如直接去呢間耐唔時都經過既中菜館度食當然一定要叫返個叉燒燒肉（例牌）燒肉外皮脆脆 肉同脂肪一層層非常分明叉燒就不過不失 唔會令你有驚喜既感覺冬菇菜苗食落好似平時去去飲既時候食到既味道冬菇大大粒 幾啖都味食哂拎黎送飯真係一流沙拉大蝦比我想像中既份量少左d 不過每個人都食到兩粒味道係幾入味 送飯都唔錯但係差就差在份量少左d咁囉總結對呢餐又唔會要求太多 都係食個便飯人流呢度唔算多 唔洗特別book 枱walk in 就可以見到海鮮好似都幾新鮮 大家如果同老一輩食飯可以去考慮下去呢度

位於上環站附近嘅鋿晶館係飲茶嘅熱點，餐廳是自家製品牌， 所有點心即叫即製， 是手作點心， 師傅曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富。餐廳距離地鐵站十分近, 只需要五分鐘路程，交通十分方便。 餐廳設於一樓，坐窗邊可以望到上環景色。 環境舒適，整潔明亮， 枱與枱之間亦有一定距離，絕對唔會好逼， 係飲茶嘆一盅兩件嘅好地方。叉燒焗餐包， 呢個絕對係懷舊經典點心，焗到香香脆脆嘅包外皮， 咬落去叉燒 餡料立即爆出，十分好味。 鮮蝦炸雲吞 ， 包住鮮蝦嘅炸雲吞，外皮超脆，配甜酸醬，味道簡直一流，香口又惹味。 蝦餃加素粉果各兩件， 大大隻嘅鮮蝦餃，皮薄，蝦亦都好大隻， 至於素粉果包住嘅係什菌同馬碲， 香濃爽口。胡麻醬茄子， 最欣賞係呢個，茄子特登去皮，絕對唔會因為硬硬嘅皮而影響口感，而且茄子亦都因為雪得夠凍唔會太淋， 配埋胡麻醬簡直一流。紅油抄手， 傳統小食紅油抄手， 鮮肉雲吞配 辣紅油微辣又唔會太嗆， 味道恰到好處。