鋒哥廚房

营业中

休息中

估唔到屯門區都有咁抵食嘅任食火鍋雞煲早鳥時段三百幾蚊一個人食到7:00 唔想咁趕嘅話7:00入座食兩個半鐘每人加埋一先係$400 首先麻辣雞煲任食佢仲按人頭每人有半邊龍蝦好多膏 都好大隻店員有介紹我哋放埋落雞煲可以吸晒啲汁食完你仲可以揀花雕雞煲或者羊腩煲呢個天氣食羊腩煲就啱晒估唔到煮得咁入味入面啲枝竹同埋冬菇真係好好食即刻出去夾咗好多生菜返嚟食完羊腩煲之後就轉左湯底打邊爐出面啲海鮮都好新鮮有蝦有魚有蟹想食肉仲可以order牛肉豬肉任食生啤任飲 1664 asahi 想要咩自己斟唔飲啤酒都仲有好多汽水同埋茶甜品有雪糕，好多牌子夜晚都幾多人如果一大班朋友最好就打電話book定位啦

懶洋洋嘅星期六早上😸，就同老公落咗去樓下食一個靚早餐去開始一個開心嘅weekend ！🫶🫶❣️丹麥烤多士+深海魚柳配炒蛋❣️丹麥烤多士，鬆脆有咬口，當時一路食，一路聽到索索聲好搞笑！深海魚柳炸得剛剛好，唔會太多炸粉，咬開裏面係真係有魚肉㗎 🧡！炒蛋夠曬滑，超正囉！💚❣️脆香雞扒配三角薯餅珍寶牛角包+ 煎蛋+輕量級火腿通粉❣️整體來講好大份，裏面有好多嘢又有雞排又有牛角包🥐最後仲有個火腿通粉！薯餅脆卜卜，好好味！雞扒煎得啱啱好，肉質鮮嫩彈牙，仲好Juicy 添🔸環境衞生方面🔸餐廳裝修充滿香港特色，睇落都好光猛同埋乾淨衛生！座位闊落一啲都唔迫！服務員態度有禮🤝，反應速度都好快😼，另我有一個好愉快嘅早晨！咦咦，食完之後發覺原來呢間餐廳夜晚係可以食烤魚雞煲同埋麻辣火鍋，下次夜晚一於要黎試吓先👍食咗一個咁豐富咁滿足嘅醒神早餐，就可以開始啊一個開心嘅週末啦！🙌🏼

父母約會吃什麼：雞煲、火鍋、羊腩煲、海鮮⋯⋯屯門鋒哥廚房💯好多美食😋服務好👍🏻 全程多謝宏哥 (kelvin) 與同事熱情款待👏🏻父母揀了任食任飲 HK$388/位有雞煲、雙冬羊腩煲、肥牛和火鍋料各式各樣的海鮮，包括蝦、蟹、鮑魚雪糕仲有Movenpick呢😍蕃薯糖水都有得食！不過冇咁大胃口😝🥹留意番，醉雞只可點一次醉雞的藥材湯真材實料，飲頭啖湯再打邊爐啦🥰🌟只需like餐廳社交平台專頁，即送每人半隻波士頓龍蝦🦞🌟💖💖

🔹沙嗲牛肉韓國麵估唔到早餐竟然有韓國麵食🥹韓國麵嘅口感係較好會粗身少少✨但重點都係沙嗲牛肉，牛肉都係淋嘅唔係好重口味😆🔹原隻生炸雞髀湯韓國麵麵同樣都係韓國麵，口感係比較好的👌🏻但重點係生雞髀🍗雞髀大大隻💕外皮炸得好脆👅雞肉都冇雪味真係不錯❣️🔹丹麥烤多士+火腿奄列係上面生雞髀有埋的😌多士烤得好脆有牛油係上面🧈都好香口❤️而火腿奄列就正正常常蛋都係偏滑🤓🔹奶茶早餐就係要飲奶茶🧋就係不過不失😗🔹阿華田唔係好淡個隻都有味的😝

琴日放假，所以唔想煮飯，咪上網睇下有咩好食抵食既餐廳，點解推介左呢間餐廳比我，見到有我最鍾意食既雞煲，即刻決定食。經過呢間餐廳見到門面都幾整潔，食材水準極高，服務亦夠貼心。我地食完一次性烤魚，再食雞煲，最後仲食左好多海鮮，真系好飽啊！😋麻辣雞煲外面是一層濃鬱的芡汁，鹹甜得宜。肉塊本身外層保持彈牙，不用牙齒咀嚼，有肉脂的甘香在口腔內回味。😋手非常入味，辣得黎有咬口。咬落去軟硬適中，非常滋味。🍯食落又唔會，有少少辣椒味，但係唔辣.時令火鍋海鮮任食，😍擺盤好精美，青口外皮好滑溜、而且好入味。扇貝都好好食。非常爽口香辣。蜆，性價比極高之選， 🔥所以我食左好多，而且有非常多配菜，全部都好新鮮。☘️☘️全部食物都好高質，而且性價比都幾高，得閒再來開飯。！🙏🙏

今晚我同朋友來到屯門愛堂街45號興泰大廈地下既鋒哥廚房食飯，店鋪面積好大，地方好闊落，座位多。食物種類多。我地預早訂位，所以好快就可以入座，唔洗等。😋🍱我地叫左個麻辣雞煲呢個餐，雞煲的湯汁濃鬱香濃，雞肉鮮嫩，配合蔬菜和香料，層次豐富，入口滋味令人愉悅，是家庭聚餐的不二之選。好香濃！滋味！令人好期待一陣既食物。🍱食完雞煲，就放安格斯牛頸脊落去D 汁度，好正，軟硬適中，好易入口。牛肉肥美甘香，超好食。🎊另外，時令火鍋海鮮任食，有我最中意食的扇貝同埋大蝦！🍱鮮中帶鹹的口感，配合雞煲醬汁味道更鮮美。🐟Häagen-Dazs都好正，好解膩。除此之外，🍤🍢餐牌仲有好多選擇，呢餐實在太抵，食得好滿足✨💯

一大班friend難得食飯，梗係要搵間氣氛好嘢食正嘅餐廳聚一聚🫂依間餐廳主打10多款生啤任飲，美食配啤酒，令人好期待👀🚩麻辣烤魚嘅麻辣湯汁浸滿成條魚，配料仲有啲腐竹、芫荽，索晒烤魚嘅麻辣汁👅魚先炸後放湯，肉質嫩滑無比，一啲腥味都冇👅🚩蒜蓉燒扇貝都幾大隻，蒜蓉嘅份量仲要好多，啱晒鍾意蒜味重嘅朋友👄🚩海鮮主要係貝殼類，蜆、青口、帶子、鮑魚全部都新鮮鮮甜，用嚟打邊爐非常好🥢🚩安格斯牛頸脊色澤紅潤，油花分布均勻，肉嘅口感軟腍，淥一淥就食得👅

在屯門站附近有家新開的店，一個價錢吃到飽選擇多，就跟朋友過去試試看😎。港風大排檔裝修挺特別，這裡分為有自助區和用餐區。晚市時間很快爆滿，但上菜速度挺快的🙈。-▪︎2.5小時任飲任吃 HKD$368/位羊腩煲、雞煲、海鮮、火鍋及生啤是任飲任吃欵，可以吃到捧著肚子走🤭。這裡的選擇挺多，生啤有差不多十款，熟悉的生啤也有🍻。飲品和雪糕也有很多款，這裡海鮮賣相新鮮😎。-先吃羊腩煲和雞煲，再選湯底吃火鍋，全部也是任吃！店員還怕我們吃不夠😂，熱情地問我們要加羊腩雞煲嗎🤣。邊吃邊喝真的挺享受，這個天氣吃羊腩煲，挺暖身又滋補。羊肉半肥瘦肉質腍身，味道香濃惹味，感覺挺入味的😚。-火鍋湯底有多款選擇，有滋補的也有麻辣的。加了湯清後味道分別不大，感覺挺足料的，所以不配醬油吃也可以😏。海鮮和肉肉也有不少選擇，食材用料新鮮，吃得到食物的鮮味🤩。-

✨先講講餐廳形式先🔉呢度係做放題任食，每枱都會有一個麻辣烤魚同埋麻辣雞煲，當然辣度都有得擇，之後就會係食火鍋🥘佢一共有6個湯底可供選擇：有營蕃茄暑仔湯、皮蛋芫茜湯、四川麻辣湯、飄香沙嗲湯、黑蒜豬骨湯、只加$28鴛鴦湯，然後仲有大量海鮮同埋甜品飲品💬🌟蒜蓉燒扇貝💥🌈原來呢個都係值得推薦既海鮮，本身既扇貝都好好食，好鬆軟，燒出嚟既扇貝仲有一份燒烤味，仲加上蒜蓉一齊食，係真好食既⭐️安格斯牛頸脊💥🌈我地都話想試飄香沙嗲湯，無諗過係咁濃郁又咁香，湯嗲既味道可以過襯乜野都咁好食，呢一份安格斯牛頸脊都唔例外，好嫩滑，好香牛味🌟麻辣雞煲💥🌈呢個雞煲係最開頭既時侯已經食左，成個雞煲都好香，勁多雞係度，好食到我地都食到停唔到手，好少可有咁好食既雞煲🌟海鮮💥🌈好多海鮮既種類，有蝦、鮑魚、大蜆，扇貝都有添，好新鮮既口味，被湯底包住湯汁，食起上嚟都有一份味道

今日要外出做活動，所以一定要食返個豐富嘅早餐，補充體力先可以應付一日啲疲勞💪🏼💪🏼而呢間茶餐廳嘅炸髀早餐就正合我心意💘重點當然係呢隻🍗原隻生炸雞髀湯！大大隻好多肉，生炸特別脆同多汁，一早有生炸雞髀食真係不得了👏🏻韓國麵比起普通公的麵更有彈性，食完隻雞髀慢慢先食麵都唔淋💖套餐仲有件丹麥烤多士&火腿奄列，同樣大份熱辣辣，我懷疑呢個餐可以俾兩個人食都綽綽有餘～～飲埋杯熱華田，成件事就係幸福，今朝早果然係Good Morning ！🌞

今日去中學同學會聚會，book咗間喺屯門嘅餐廳食火鍋放題，餐廳叫做鋒哥廚房。佢嘅放題超正，材料新鮮選擇較多，湯底又靚，而且絕大部份都係任食唔嬲，正正正👍一班人聚會非常熱鬧，份量咁多慢慢嘆慢慢食。佢哋係先食麻辣烤魚（一次性），後食麻辣雞煲，跟住到火鍋，我哋揀咗兩款湯底，分別係超香超濃皮蛋芫荽湯和惹味飄香沙嗲湯。湯底：🍲皮蛋芫荽湯清得來又好濃郁嘅芫荽味和皮蛋味，非常香，又降火用嚟打邊爐真係一流。🍲飄香沙嗲湯香得來大有少少微辣，用嚟打邊爐非常惹味。火鍋材料：🐂安格斯牛頸脊大大一碟，而且仲可以任叫任食，牛頸脊新鮮又好味，雪花比例非常平均，肥瘦啱啱好，喺火鍋到淥幾秒就可以攞上嚟食，充滿牛鮮味。🌽粟米飽滿又覺甜，係火鍋必食材料🥒萵筍控制住淥嘅時間就可以有件清新爽口又多汁嘅萵筍食🍖台灣腸甜甜地，用嚟打邊爐都好好味🐖豬肉丸爽口有彈牙，好有豬肉味🐟炸魚蛋用嚟打邊爐絕對一樓。麻辣雞煲：呢個麻辣雞煲夠晒多雞，而且件件都有雞肉。芫荽亦都有好多，啱晒鍾意食芫荽嘅我，雞肉煮得好入味，有夠辣椒，啲汁用嚟撈飯一流。

聽朋友講呢度既午餐好抵，今日過開黎做野就試下，裝修係就係簡單佐啲，但係食物抵食夾大件，掂晒！咖喱豬扒飯✨豬扒有兩大塊，厚切豬扒，煎到香脆焦香，肉質好腍，保持到肉汁，咖喱唔會太甜太辣，味道岩岩好，好香椰奶味，撈隻真係一流！梅菜扣肉飯💫呢估算係男人的浪漫，扣肉用上五花腩，半肥瘦既扣肉軟嫩香腍，入口即化，梅菜唔會太咸，味道岩岩好，啲汁甜甜地咸咸地，味就突出，超正既一碟飯！呢度既凍檸茶同凍奶茶都好飲，唔會好淡無味，濃味香甜，凍凍地咁飲好舒服！

近排有啲涼意，係時候食麻辣雞煲補一補🤣屯門鋒哥廚房出哂名雞煲好食，仲有多款時令海鮮可以任食打邊爐，點可以唔嚟呢🤩🔥🔥麻辣雞煲🔥🔥雞煲上面鋪滿芫荽，當雞肉同埋芫荽撈埋一齊嘅時候，嗰陣香味真係唔講得少😍大辣嘅雞煲，食落又香又麻，辣椒嘅味道喺口腔同埋喉嚨爆裂，好爽啊！🌊🌊海鮮🌊🌊有好多游水海鮮提供，最鍾意就係鮑魚同埋帶子，好彈牙😚🔥🔥蒜蓉燒扇貝🔥🔥每隻燒扇貝上面都鋪滿蒜蓉，蒜蓉嘅味道同扇貝完美融合，可以任食蒜蓉燒扇貝實在太開心啦🤤

尋晚第一次試鋒哥廚房，頭盤叫咗羊腩煲，呢個煲非常有水準，味道又好，難得食完可以再添羊腩，而菜、枝竹腐乳就到自助區任攞。之後每人半隻龍蝦，由於白烚，味道一般，呢樣冇得添食。食完就免費揀湯底，雙拼先要加錢。食物方面，海鮮都任攞，有蝦、蟹（中size但鮮味）、貴妃蚌（都幾大隻）、蟶子（唔細、新鮮好味）、牛肉（得一款牛頸脊，唔錯，可無限追加）。嘢飲方面，唔同大牌子嘅生啤任斟，唔飲酒可以揀綠茶、汽水，都係任飲。最後仲有雪糕（Mega, 牛奶公司，Haagendazs, dreyers)任食。員工有禮貌及有效率，一開始同我哋交待雪糕本來有Movenpick, 但由於供應商問題暫時缺貨。最過癮係有生日優惠，有同行朋友11月生日，全單九折，即係抵消咗加一。最後每人$368，抵！

今日再開心享受，港味味道！其實已經來過無數次，但難得和男朋友享受😎平日的午餐呢💛必嗌之物👍🏻蘿蔔牛腩飯料足味道濃，牛腩燜腍，而且味道很讚！蘿蔔清甜，有住家飯的味道。👇🏻不容錯失！招牌菜之一【豉油王大蝦炒麵】炒出豉油的香甜🟡肉質爽彈惹味醬汁鮮甜不會過鹹 ，夠火候😛👇🏻飲品方面：一定唔少得奶茶！茶水🍵部用心經營，杯杯落足心機，真誠對待！記得趁熱飲熱奶茶☕️茶香重，絲滑香醇。凍奶茶🥤順滑口感和濃郁奶香，夠香濃，奶與茶比例平衡👍🏻真心要加分俾夥計！服務很好，上餐速度快、準！全店燈光通明，好舒服，感覺激好！食物好有港味！係我最鍾意❤️既食堂。