鋒哥廚房

营业中

休息中

今日去中學同學會聚會，book咗間喺屯門嘅餐廳食火鍋放題，餐廳叫做鋒哥廚房。佢嘅放題超正，材料新鮮選擇較多，湯底又靚，而且絕大部份都係任食唔嬲，正正正👍一班人聚會非常熱鬧，份量咁多慢慢嘆慢慢食。佢哋係先食麻辣烤魚（一次性），後食麻辣雞煲，跟住到火鍋，我哋揀咗兩款湯底，分別係超香超濃皮蛋芫荽湯和惹味飄香沙嗲湯。湯底：🍲皮蛋芫荽湯清得來又好濃郁嘅芫荽味和皮蛋味，非常香，又降火用嚟打邊爐真係一流。🍲飄香沙嗲湯香得來大有少少微辣，用嚟打邊爐非常惹味。火鍋材料：🐂安格斯牛頸脊大大一碟，而且仲可以任叫任食，牛頸脊新鮮又好味，雪花比例非常平均，肥瘦啱啱好，喺火鍋到淥幾秒就可以攞上嚟食，充滿牛鮮味。🌽粟米飽滿又覺甜，係火鍋必食材料🥒萵筍控制住淥嘅時間就可以有件清新爽口又多汁嘅萵筍食🍖台灣腸甜甜地，用嚟打邊爐都好好味🐖豬肉丸爽口有彈牙，好有豬肉味🐟炸魚蛋用嚟打邊爐絕對一樓。麻辣雞煲：呢個麻辣雞煲夠晒多雞，而且件件都有雞肉。芫荽亦都有好多，啱晒鍾意食芫荽嘅我，雞肉煮得好入味，有夠辣椒，啲汁用嚟撈飯一流。