影片
以上资料只供参考，请与餐厅确认详情
同朋友去试了一间新开的火锅放题，多款任食，包括海鲜、鸡煲、刺身及串烧等，仲有14款生啤任饮，又鲜又好食，同大家分享一下💖。🦐海鲜鸡煲烤鱼火锅🥘呢个餐都几丰富，先烤鱼，后鸡煲，再火锅，一次满足你多个愿望😍最啱我呢啲心大心细嘅人。✨鸡煲✨鸡件量多大件，本身已有八、九成熟，中火煮4至5分钟起烟就食得。酱汁香浓，啖啖肉，凤爪胀卜卜，豆卜吸满汁，非常惹味。✨刺身✨ 多款刺身任食，三文鱼，赤贝，北寄贝，马刀贝全部大大块。三文鱼肥美厚切，贝类甘甜饱满。✨串烧✨多款烤串 任点任食，🐮🐷🐔牛猪鸡都有，沙嗲汁香浓好味，烧汁微甜开胃。✨火锅✨店家提供安格斯牛颈脊及日本萨摩牛大米笼，全部优质靓牛，仲要无限追加，食几盘已大大回本‼️牛颈脊颜色鲜艳，食落牛味浓且滑嫩。日本萨摩牛大米笼油花爆靓，食落油脂香且丰盈，十分高质。除靓肉，仲有大量海鲜任食，整整齐齐任夹唔嬲😍。🦀蟹有两种，三点蟹劲鲜又爆膏；🦐鲜虾非常大只，🐚螺肉口感爽脆。仲有拳头一样咁大的花甲、蛏子及鲍🐟，无比鲜甜。✨ 14款生啤/黑啤无限任饮✨多款不同啤酒任饭，看得人眼花撩乱，心花怒放🥰。我饮了好多款，令我难忘的是桃味生啤🍑，非常香甜。✨甜品✨多款Mövenpick及dryers雪糕任食，超爆开心🤩🤩室内有多间房间，他们也有户外牌照，坐室外也完全没有问题，难怪人气十足😍想食的朋友，记得订位啊。想睇更多介绍，马上Follow我啦😁。#火锅 #海鲜任食 #big_big_foodie #big_big_foodie食匀屯门
继续阅读
屯门麒麟径一带，有间峰哥厨房除咗大排档热炒，我地今次拣左麻辣烤鱼＆海鲜火锅任食，胜在性价比高。火锅放题三步曲 ，1）拣左麻辣烤鱼 / 酸菜鱼2）鸡煲无限添 3）海鲜火锅+ 日本萨摩牛+串烧+刺身任叫任食，仲有饮品+生啤+雪糕放题。一坐底，侍应问我地想食边样先。拣左食麻辣原条烤鱼, 姐姐话系佢地自家调配味道，与别不同。辣度可以选，我地简左BB辣，一啖入口有微微辣味，鱼肉完全无泥味，之后就系轻轻麻辣的余韵之后就到鸡煲，自己炒4分钟岩岩好，唔会怕Overcook。鸡腿肉、鸡翼，啖啖肉。可以自己出去再拎D芫茜、粉条，莴笋同莲藕，吸收个辣鸡汁，相当惹味。火锅特色就系海鲜任食！海鲜自助拎。当日有三点蟹、鲍鱼、蛏子、九肚鱼、花螺、 花甲、鱼头、鱼腩件、黄金蚬、海虾，大慨有十余款海鲜，鲍鱼蛏子海虾贵妃蚌新鲜，弹牙鲜甜，我地都encore左一转。蔬菜、丸类、鸡子、响铃、鱼皮等火锅配料，就是自助区拎。一个刺身拼盘，有齐四样嘢。三文鱼刺身～肥美、厚切！ 仲有 赤贝, 北寄贝, 白鸟贝，爽口弹牙冇腥味，刺身又够冻。牛肉 有两款(安格斯牛颈脊同A5蕯摩牛)牛颈脊肉味浓，而我更钟意A5蕯摩牛，多汁柔软，肉汁丰富，油脂均匀分布，口感滑顺不干柴。串烧 有猪腩肉，牛肉和鸡肉三款，正常操作。饮品都系任饮，钟意食住鸡煲+饮啤酒的朋友，根本就系天堂。高质生啤有10多款，特别有一款系原装进口 日本Asahi黑生啤。大支装啤酒有仲有本地品牌「少爷啤」。唔饮啤酒，仲有其他罐装嘢饮，例如韩国Lotte、台湾得米、加多宝、纸包果汁等，一样饮得尽情。雪糕柜度有好多款，雪条、甜筒、雪米糍 dreyer's 雪糕杯、最正是Mövenpick 既雪糕，一次食左 云呢拿、cream brulee同薄荷朱古力 三种口味。个场都好full 好在book左位先。一路都有人入嚟食，除左食放题打边炉， 亦都有几枱来食大排档小炒。 相信佢小炒都有一定水准。
继续阅读
与朋友庆生，要找个地方能够坐得舒适，谈天说地，吃放题最适合。朋友提议锋哥厨房有海鲜放题，还有多款生啤黑啤任饮，这晚就来玩一晚吧！原来这里地方好大！七时半来到，见到门外已坐了几枱客了，里面非常多座位，也有大、小包厢，人多来开party都可！食物自助区取海鲜、刺身、饮品，还有大家最期待的生啤、黑啤任饮，串烧、火锅牛肉，可以下单即点即制，雪糕有movenpick！$378每位，加一服务费，任饮任食2.5小时，看到自助区已经很兴奋！刺身先来开开胃，所有刺身都是在自助区即场切的，三文鱼、北寄贝是我最喜欢的刺身，北寄贝超鲜甜，三文鱼油脂分布均匀，入口充满油香。火锅放题包括有烤鱼、鸡煲、火锅任吃，能吃的话绝对吃回本。我们先吃酸菜鱼，这一锅绝对足料，味道比得上川菜餐厅，够麻又够酸辣，很香浓，连汤也喝了几口。鱼片新鲜嫩滑份量也多，还有酸菜、芽菜、枝竹等配料，非常有味道。大家心急想吃海鲜，就不吃鸡煲了，直接进入火锅阶段。点了芫茜皮蛋汤底，大家已经把一盘盘海鲜取来了。见到海鲜自助区的厨师，整晚不停的开海鲜，辛苦了！我们有新鲜海鲜吃真的太兴奋！蛏子大大只，白灼一下已经非常鲜甜。喜欢蚬用个小篮子盛著，可以直接放在锅里煮，这样蚬壳打开后，蚬肉可以轻易夹出来吃。大虾只只爽口，煮在汤里令汤味更鲜甜。还有奄仔蟹、沙白、九肚鱼、鲍鱼、扇贝等等，只要新鲜，不用点酱油都很好味。其他火锅配料如蔬菜类、丸类，该有的都有，煮完海鲜后，最好就是煮菜，响铃、炸鱼皮、金菇、芋丝等吸收汤味都不错，吃火锅的精华！我们喝啤酒再点串烧，真的乐而忘返。这里的啤酒款式有16款之多，其中Asahi 的生啤是这里独家， Hoegaarden、1664、Erdinger黑啤最受欢迎。各式串烧，猪牛鸡肉都有，我们最喜欢大葱鸡肉串，沙爹酱汁非常香口，佐酒佳品。这里食物选择实在太多，不能尽录，啤酒款式多得喝不完，试过就明白为何这个海鲜啤酒放题这么受欢迎，十分适合朋友聚会，一定会再来。
继续阅读
一间超级丰富既任食火锅店就系屯门之中出现虽然唔系闹市，但相处地方好大方枱，圆枱，卡座咩都有坐得舒适，可以慢慢食 慢慢倾依到无野烦，一个价钱食哂所有野鸡煲，烤鱼，打埋边炉除左烤鱼，连鸡煲都系任食！重点一提系依到有多款生啤系自助任饮添，钟意既每款试小小都得食物方便都多都爆首先有几款刺身开胃跟住就黎啲串烧，有鸡牛猪三款个猪系猪腩肉，好有诚意之后煲就到了无要烤鱼，拣左酸菜鱼，谂住开胃下食完就鸡煲，香香麻麻，无揸流摊再黎就拣汤底打边炉啲配料又系劲多，最爆系海鲜咩都有，鲍鱼，虾，蟹，贵妃蚌全部回本货之后唔好以为啲牛会求求其十分高质，牛颈脊不在话重有A5萨摩牛，劲淋滑！最后甜品，有dreyers同movenpick都系任您食
继续阅读
最近天气转凉，又系打边炉嘅好时机！今次同朋友去咗锋哥厨房试佢哋嘅火锅鸡煲任食，真系惊喜满满！首先，汤底选择多样，我哋拣咗招牌麻辣鸡煲，香辣惹味，鸡肉嫩滑入味，令人食欲大增！ 重点黎啦！任食食材种类丰富，最吸睛当然系海鲜啦！蛏子、鲍鱼、贵妃蚌全部任食，而且非常新鲜！蛏子肥大肉厚，鲜甜爽脆；鲍鱼弹牙有嚼劲；贵妃蚌鲜嫩多汁，每一啖都系海洋嘅味道！ 除咗海鲜，其他食材都毫不逊色，肥牛肉片，呢个和牛肥牛片真系大癫，$330新鲜海鲜，仲要有和牛食（大家可以睇吓啲相真系几OK）蔬菜等等，应有尽有，而且质素唔错，绝对唔系将货就价！ 想讲佢最抵食嘅位，仲要系先有一个酸菜鱼，然后仲有一份鸡煲，最后仲有一个汤底俾你打边炉。真系夸张过kinda出奇蛋一次过满足晒你三个愿望，系仲多过出奇蛋嘅愿望仲有任饮同刺身任食，而且仲要有串烧添。我想问吓呢个老板系咪想上天堂呢？呢一间绝对系善堂嚟㗎㖞！最令人惊喜嘅系，价钱非常亲民，以咁高质素嘅食材同埋出色嘅味道黎讲，性价比真系爆棚！ 总括黎讲，锋哥厨房火锅鸡煲任食绝对系一年四季嘅必试之选！无论系食材质素、味道定系价钱都令人非常满意，推荐俾所有钟意打边炉嘅朋友！
继续阅读