銓仔記

营业中

休息中

大埔廣福道不嬲都好多美食，今次去咗一間好多人去嘅雞煲店，因為佢又平又好食，我平日7點幾去到，成人都只係收$138一位，有成9款煲揀🤤 我揀咗烤味雞煲，有少少辣嘅，啲雞超級香，醬汁夠濃、惹味，而且每舊雞都切到細細舊，好易入口👌🏻配料呢，呢到好特別，肉係每片咁落單，丸就係每粒咁落，方便客人準確預好份量，唔會浪費👍🏻飲品都好多選擇，除咗普通罐裝同紙包飲品外，呢到仲有自製嘅竹蔗茅根任飲，有心思！最後食到意猶未盡，友人提議試試佢哋嘅小食，酥炸廣島蠔 $88，由於係即叫即整，上枱時啱啱炸起嘅香味飄哂出嚟，咬落去好酥脆，原本已經飽到上心口嘅我，都忍唔住食咗3隻🤫⁣如果你鍾意睇我嘅食評，不妨關注我，支持吓我，謝謝你☺️💕

大埔朋友又帶我去食好西，今次就帶我到一間CP值極高的火鍋店，名為「銓仔記」位於大埔東昌街4號地舖，位置都幾方便而且好容易就會搵到。點解話CP值極高呢？因為呢度每位都只係$138，有雞煲+火鍋+任飲任食，請問邊度可以有咁平嘅美食呢～就在銓仔記可以做到。先講餐廳外觀好一般，同一般食雞煲餐廳一樣冇咩特別豪華裝修，街坊味重，好親民呀！今次點了奇味雞煲+BB辣，問了侍應哥哥咩叫奇味，其實係沙爹醬+南乳混合已成，味道又幾好喎，又濃好又香，BB辣又唔會太辣，可以接受喎。材料又豐富，雞肉嫩滑，果然唔錯，推介!火鍋配菜都係任點，因食咗個雞煲都已經7成飽，我都就叫咗少量肥牛，芝士丸同蔬菜。嘩~唔好以為佢哋會畀cheap野，每款樣樣都好得，肥牛算合格，芝士丸好好味，超彈牙有夠芝士味，蔬菜未食睇都知道新鮮啦。大大力推介，佢哋嘅即叫即製嘅響鈴，上檯都feel到佢熱架，即食或落湯食都一樣咁得，好正呀！最後我加個烏冬，我要索埋湯底嘅辣味，烏冬都好滑加埋湯一齊價夠惹味!最後又忍唔住見到隔離檯食緊38蚊一碟的冷盤雲耳，我都叫埋一份，勁辛辣超過癮。整體上「銓仔記」汽水啤酒任飲任食2小時，仲有醬汁配料都任你拎，每位都係$1

唔係誇張，平日既我係唔食粟米！但呢個粟米真係炸得超級宇宙無敵咁好味😭我一路食，一路講左好多次：好好味😆😆😆--入翻正題，今日去呢間親呢既火鍋店打邊爐有幸試到當中既椒鹽粟米覺得太好食所以決定要先表揚😂😂-講翻個雞煲先，因為我同媽媽都係唔食得辣，又鍾意食咸菜豬肚所以就緊係揀胡椒咸菜豬肚雞窩☺️-平日一人$138任飲任食，個價錢抵到咁邊度搵？所以我同媽媽本身既期望都唔高--飲品方面有汽水，紙包飲杯，仲有蔗汁水一大壺下下火，睇相就知真材實料❤️❤️❤️-個雞煲真係好足料，又香胡椒味我同媽媽兩個人食一大煲胡椒豬肚雞煲食完已經好滿足🥰感覺好養生咸菜又唔係死咸，雞肉嫩滑👍🏻👍🏻-好特別既係，呢度既配料係以件做單位一件豬紅、一件魚皮餃之類食幾多點幾多👍🏻 呢種方法唔錯，唔怕浪費食物-加錢 $12就有一大隻廣島蠔👅鮮甜厚肉！-見到牆上果張安格斯肥牛相，忍唔住叫碟細安格斯果然真相同圖片一樣，雪花啊😛❤️睇到都流口水，食落好香牛味🥳🥳🥳雪花紋靚到呢。。。-我又口痕忍唔住叫份尖椒皮蛋食，惹味，又流心🤤🤤🤤好想encore但真係好飽了-最後最後，我決定首尾呼應！再度表揚呢碟椒鹽一口粟米😍😍😍😍外皮炸到好香脆可口，絕對唔厚

住咗咁耐大埔都試過區內幾間雞煲不過呢間又真係未試過喎位置其實都算易搵就係大埔墟馬會過馬路過對面既一條內街入面價錢明碼實價坐位與坐位之間唔逼朋友未到 先叫一款餐前小食尖椒皮蛋香脆尖椒醬及花生碎鋪滿皮蛋上微微既味道刺激我既味蕾呀我地揀咗至尊麻辣雞煲揀咗bb辣咋，唔敢揀太辣有紅洋蔥、大量芫茜雞件帶微香辣，夠麻味呀而且雞件都多嫁、而且大件厚肉所以呢一煲真係好抵食，食完個雞煲都已經飽飽地😅我地都係叫咗小量配料咋，火鍋配料都係任點任食梗係唔好叫得咁過份，浪費食物啦我地都怕食唔哂，所以配料都係叫左小小配料質素平均，除咗個肥牛，真係肥咗小小最後我地都另外再加一碟安格斯肥牛 細碟$148紋理好靚，油脂分布都好平均仲有香濃既牛味呀整體黎講呢間雞煲價錢一點都唔貴，仲可以任食兩個鐘👍🏻👍🏻

今次又係我第二次嚟呢度任食放縱😝——————————————————————-呢度啲菜真係好新鮮。一棵爛都冇。飲品有酒同埋有維他嘅嘢飲，又有電視睇又有Wi-Fi。每次放假都會選擇嚟呢度同男友一齊食。仲有廣島蠔另叫都好大隻。正呀。 。。。。。。。呢度啲服務員態度好好，真心講有邊間可以做到。

去完鐵路博物館，係附近搵食Search到有間新開雞煲小店汽水罐裝啤酒任飲，價錢唔貴最鍾意個竹蔗茅根，係自家製唔會好甜又可解辣，打邊爐好啱飲我地都想食辣 揀左麻辣雞煲其實都幾想試個胡椒豬肚雞如果有鴛鴦窩可以雙拼就好la不過麻辣窩都無令我地失望雞煲有芫茜，芹菜，洋蔥，蒜頭麻，辣味都好足加熱煲滾後好香，而且雞件份量唔少食唔到豬肚雞煲，但都想食豬肚我地叫左2款小食，麻辣豬肚和麻辣皮蛋雖然要另外叫，但2碟都好食皮蛋做到流心軟滑，豬肚絲入味，爽口食完麻辣雞，自助加湯劃紙叫火鍋料火鍋配料真係按鍵一粒，一個既份量去點可以試多d款式又避免浪費生菜，麻辣公仔麵能吸到湯既麻辣味

去完大埔林樹，去返附近搵野食。見到呢間雞煲好似幾抵食，$148一位無加一，兩個鐘可以任飲任食新年期間連加一都無，實屬罕見良心小店👍🏻👍🏻兩個人有半隻雞，三個人就有一隻👍🏻另外仲有好多小食可以加錢叫而任食既配料選擇都唔少，除左基本既肉、丸、菜之外，仲比我發現有即炸響鈴。另外仲可以加錢點配料。飲品選擇好多，有啤酒、汽水、竹庶水等等兩個人雞煲都好大煲，味道超正，麻味重👍🏻👍🏻勁香口，仲有好多芫茜推薦必食即炸響鈴，黎到仲係熱熱地，配雞煲汁食係無敵！新年咁高興，我就加錢叫左啲配料試下。肥牛高質👍🏻魷魚抵過自己去街市買，好大隻，又厚肉！蠔都係好大隻，$10一隻都唔駛👍🏻雖然平時無乜機會去大埔但呢間雞煲會係我下次再黎既首選真係抵食之餘用料又好人多食飲啤酒又得👍🏻👍🏻

大年初八。同老親大人新年行大運，大埔一日遊！先去大美督踏個單車，再到林村許個靚願。之後落返大埔搵野食，在橫街中找到呢間雞煲！$138任飲任食！夠曬抗通脹！家母唔食得辣，試咗呢個胡椒鹹菜豬肚雞，真材實料，雞件嫩滑，唔會太辣。母親大人就欣賞鹹菜夠香！湯底同食物款式都算多！最正係段件計，兩個人都可以試好多唔同款式既食物！啱晒我地呢啲眼闊肚窄嘅人！安格斯肥牛，一睇啲脂肪分布就知係靚牛！好滑同有牛味！廣島蠔上枱時仲係冰住的！發財‘蠔’事！韭菜餃是自家包的！粒粒飽滿，d韭菜多到唔洗錢咁！啤酒汽水任飲！竹庶茅根真材實料，唔會太甜！我地一人一渣！總結：要俾個讚呢間家庭式經營嘅隱世小店！性價比極高！下次會試招牌麻辣雞煲！

銓仔記開張冇耐，主要都係做街坊生意，新年好多餐廳唔開，同屋企人唔想煮飯就去左食銓仔記。銓仔記主要食雞煲加火鍋放題，價廉物美，百幾蚊就雞煲加打邊爐放題，飲品、火鍋醬油都包埋，係香港真係買少見少，完全係抗通脹！雞煲真材實料，選擇豐富，此外仲有涼拌小食、香口小食，行過附近可以一試。我地點左胡椒鹹菜豬肚雞煲 $148/人（不同時段收費不同）首先選擇點咩煲做底，再點火鍋配料，最大好處係可以一件件一片片點，避免浪費。胡椒鹹菜豬肚雞煲，胡椒味濃郁，豬肚數量唔少，燜得腍身入味；雞肉煎炒到金黃再燜，入味又可以去腥，冇雪味之餘味道更香！鹹菜令個雞煲更加惹味，而且平衡左胡椒辛辣，亦令湯底味道更濃郁。飲品係雪櫃，除了啤酒其他都唔需要加錢，有汽水有果汁等，火鍋醬料都係自助無需加錢。火鍋料嘅蔬菜都幾甜，生菜、娃娃菜都好啱食雞煲，夠入味，此外肥牛都夠曬肥同滑。其他火鍋料都係中規中矩。總而言之，銓仔記主打cp值高，平價雞煲火鍋，行開大埔又多個平靚正選擇！

10月24日我媽咪生日佢指定話要食呢間啲雞煲，我就第一次嘗試，門面五大經過都五會留意到既鋪頭，一入去得6張台以為好細，但聽媽咪講佢有二樓可以上。去既時候夜晚7點左右甘岩有一張枱五洗等，另外都見到可以book台。閒日就$128/1位任食任飲兩個鐘，勁抵因為老媽子五記得上次揀咩味所以我地揀左麻辣雞煲，兩位半隻雞（應該無得refill）啲雞五算多肉但夠入味另外仲有醬料可以自己較，地方五算大行兩步就到醬汁位同埋飲品位都幾方便，仲有兩部大電視睇打邊爐配料每次限點十款食物，飲品都系竹庶水夏枯草雪梨茶比較降火岩打邊爐食雞煲飲既，比較意外既系有兩款罐裝啤酒可以任飲（獅威/ICE）而藍妹/生力/嘉士伯系要收費，食宵夜一流個人認為牛柏葉必食，烚耐左變細舊但五會變得難咬仍然好爽，點左兩塊豬潤但五新鮮五好食，一擺落煲到烚見到有啲綠，專登烚耐左都食五落口，陣味系臭既佢果隻紅薯粉就同食重慶酸辣粉果隻一樣甘好味！必食既肥牛都五差，腩片就超薄無咩肉得肥位，食多兩片都五會好邪惡果啲總括泥講都好抵食，下次宵夜食雞煲可以五洗專登出城，大埔都有間任食任飲既，下次會揀奇味雞煲五會揀麻辣雞煲（因為媽咪話佢上次泥食五系呢隻味）。我

最近同區較火的雞煲店突然結業，上網search一下見銓仔記新開張，見價錢非常吸引，嗜辣熱愛辣雞煲的於是便來試試。火鍋料任食汽水任飲，以人數決定雞鍋數量，我們點了至尊麻辣雞鍋(大辣)及藥膳雞鍋，麻辣鍋香味撲鼻鹹淡適中，不過個人覺得大辣只是中辣級數，藥膳雞鍋的雞非常夠份量而且雞很嫰滑讚聽店員說餃子是自家製的，只是任點火鍋料中的美國肥牛非常硬希望店家可以考慮一下其他貨源因為咁，所以我地就另外付費點了安格斯牛肉總括來講係抵食，有下次! 如果可以keep住呢個水準就好了。

父親節晚飯選擇食小菜，自備海鮮加工1.芝士海蝦伊麵2.黃金軟殼蟹3.椒鹽鮮尤4.蒸海魚5.蒜蓉蒸扇貝6.沙拉骨7.椒鹽栗米8.白灼花螺9.雞煲10.鹽焗奄仔蟹11.蒜蓉白菜仔12.酥炸桶蠔