銓仔記

营业中

休息中

銓仔記阿Kay今次同朋友揸車落到大埔又係搵地道嘢食啦去到依間銓仔記見到個名都幾特別見到有任食雞煲當然係唔好放過要試吓啦，每位$138位雞煲10分入味，麻辣味十足而且雞份量都好多依個價錢拍得住喺出邊食嘅雞煲配料選擇都好多而且新鮮飲品方面就係任飲嘅仲有自家製竹庶茅根水👍🏻老闆都好客氣食完之後都會問我哋嘅感覺如何一間充滿熱情同有愛嘅餐廳雖冇豪華花巧裝修但絕對有小店人情味嘅感覺支持本地小店👍🏻👍🏻

今日約咗幾個老死出嚟食飯 話要重拾當年情於是就去咗大埔呢間銓仔記度打邊爐 邊飲兩啖啤酒 邊傾計啱曬 閒日夜晚嚟到都十分爆滿 好在唔使等位 叫咗個重慶辣魚煲雖然湯底係紅色 但麻多過辣 夠晒過癮 魚肉嫩滑煲耐啲都唔會散曬 而且索曬麻辣嘅味道 一流手切安格斯肥牛 係要加錢食嘅但完全值得 因為由花靚之餘 牛味十足同普通美國肥牛冇得比丸類 蔬菜 你噏得出都有得食 最推薦當然係魚皮餃 用上貴價貨 一食就知仲有響鈴都十分推薦 老闆話用上大埔遠近馳名嘅樹記 非常鬆脆而且豆香十足埋單都係百零蚊一個人 依家去邊度搵到咁平

有時候去到啲好有心打理，想整好味野食嘅餐廳真係好想介紹比朋友！一齊再幫襯；而銓仔記就係其中一間，所謂麻雀雖小但五臟俱全，入到泥第一印象係有啲麻甩嘅，但正正又有種親切，好自便又隨心嘅感覺！ 小食叫左必食嘅椒鹽一口粟米 48 創新又特別，超爽甜粟米同椒鹽炒埋一碟又幾襯喎，剛炸起雖然有啲熱氣但食到都停唔到！招牌炸豬手 128建議要早啲叫，製作需時，要等20分鐘！豬手上碟前會先切好一大片，食起上泥好方便，醬汁係加左wasabi嘅沙拉醬👍🏻好味！好多芫茜呀😍(中辣）至尊麻辣雞煲 + 打邊爐配料任食 138/人，雞煲辣得惹味，但有少少重手咸左啲，如果有飯就好very good 啦！配菜都是新鮮的，記得記得要點菜肉雲吞，要小心煮唔好比佢散哂，雲吞好好味呀！美國安格斯肥牛（大）198片片肥牛雪花肥瘦均勻，最喜歡用食完雞煲啲油同汁慢煎肥牛，入口輕輕咬幾口直滑落喉嚨，係幸福嘅味道！飲品自己拎，竹蔗茅根清清地！

今次帶朋友去一間大埔我比較鍾意食嘅雞煲店，係因為貪在呢間有得食又有得打邊爐呀！價錢唔太貴，仲平過食放題！因為我地人少少，就叫左半隻雞，同埋奇味雞，即係唔辛辣的！半隻雞都好足料，唔係食幾舊就無曬。雞煲配料都幾足料，起馬有大大粒薑同洋蔥(我至愛!)。雞肉好有肉地，而且係大大粒，口感唔太鞋口，而醬汁底好正，咸咸地又有少少辣，係引起胃口既！食左差唔多半個鐘，就食完個雞煲，就請店員加湯水變成打邊爐。因為食到飽飽地，就叫左啲時令蔬菜，媽媽話蔬菜好新鮮，口感鮮爽，脆甜！最誇張就係佢地既魚皮呀，炸到好脆口，吃下又不覺腥味，但有少許咸！另外，還叫了豬紅，爽口彈牙，係至愛！

前幾天跟寶寶說起吃雞煲，回想起來我們在一起以來也非常少吃雞煲，寶寶說因為雞煲一般都是他跟一大堆男孩朋友聚在一起才會吃的🙈，所以一直也不太敢和我吃🤣，所以今晚我就提議找家吃雞煲的🤟🏻 雖然我從小到大都是住在大埔，但這條小巷我是很少來，原來都開了好幾間食店了。眼看門口的價目表，是蠻便宜的。星期一至四 $138星期五至日 $148除非點菜單上特別註明，否則這個價錢已是飲品食品全包了。飲品有自家製的竹蔗茅根水、啤酒、汽水及紙包飲品任君選擇。另有自助調味吧。由於不想吃太辣的關係，我們選了烤味雞煲。另外看見餐廳菜牌上寫了個很有趣的菜式「椒鹽一口粟米」$48，我在別的地方都沒有試過，非常感興趣，於是便點來試試！順道當作是等雞煲滾起來時的一個小食😆。非常特別👍🏻很創新！酥脆熱辣的椒鹽皮層包裹着飽滿帶口感的粟米粒，椒鹽味中帶點甜味，原來椒鹽跟粟米還是蠻配合的！非常好吃😋 對這個餐前小食非常滿意☺️這時雞煲都滾了，可以吃了！雞件很新鮮，份量不少，應該有一隻雞的份量之多，煮得非常入味，味道也不錯。此時我們發現原來兩個人吃完一個雞煲已經飽了一大半，其他配料其實也不會點得太多🤣，所以我們隨便點了些我們火鍋會吃的配

店舖分4個時段，最平時段係霄夜，$98-我個大埔朋友今次介紹超筍。但如果要食裝修，就唔係果樣嘢啦，因為哩度係sell抵食、好味、新鮮。蔬菜類，十分嫰綠，芫茜都新鮮過人。正宗沙爆魚肚,一定要叫,沙爆魚肚如果在處理過程中做得唔好,食落口會淋俾俾,但這間小店處理得好好，烚耐咗都係仍然爽口彈牙｡九菜餃正，因皮薄餡料夠多，所以嘅淥時候要份外小心!鷄的份量絕對唔慳皮，食完都7，8成飽肚。飲品都係任飲，啤酒都有提供，因本人不是啤酒同好，反而自家制竹蔗茅根係至愛， 清熱潤喉，爽呀～食到中途見靚女店員包外賣，細問之下原來打邊爐鷄煲都可以做到外賣。2小時夠晒時間食。超平生蠔，可惜飽哂肚，叫唔到來試，下回再戰。

今日又係我係大埔出動搵食既大日子 呢排天氣轉涼 就當然係去食打邊爐啦 今日就黎到大埔銓仔記果到食實而不華既火鍋餐一入到去就有陣湯底氣味我地首先叫左個雞煲 我地有四個人 可以叫一隻 雞味幾濃郁 而且香料既味道亦巧妙地提升左雞肉既鮮味之後就叫左個酸菜魚 魚肉極之新鮮 亦都幾爽口 驚喜既係當加入花椒之後 成個魚既味道除左麻之外仲惹味左不少 值得一讚跟住又叫左個安格斯牛肉片 油花均勻之餘亦都富牛肉味 同一般肥牛好唔同總體而言 呢一餐既性價比非常高

在大埔居住的朋友，可能對這間餐廳都不陌生，他雖然是新開的，但是在網上時常看見好評。今天決定相約朋友來試一試。他的門口不太大，是在馬會對面的橫街直入。不同的時段有不同的收費，今天我們是星期一至四的晚上，九點前，所以收費是$138。當中有四款湯底都是免費的，另外也有藥膳雞煲要加$20。除此之外配料是任叫的，選擇也不少🤗另外有一些海鮮或肥牛是要加錢叫。時間尚早，但已經坐了一半的人，因為地方都不太大，所以建議來之前可以訂位。我們加了$20要了藥膳雞煲！裏面的材料也不少，湯底不太鹹，滾起上來非常香😉雞是另外上的， 這個雞窩當中包括半隻雞！我們另外也叫了生蠔，一碟有六件，size很大隻呀！也有一般火鍋的材料，豬潤顏色鮮艷，非常新鮮👍大家可以一試。飲品是任取的，啤酒也是包括的。大家可以出去自己調配醬料。最後埋單不用$400兩個人，而且是火鍋任食，我們更加了廣島蠔，實在非常抵食。下次會再光顧👍😍

天氣雖然開始有點熱，但因為太掛住雞煲，咁岩經過大埔墟就見到「 銓仔記」有得食雞煲同任食打邊邊，重要係價錢吾貴！兩個人食就揀左半隻雞就夠, 可以揀辣度，揀左烤味雞煲。雞煲黎到已經聞到好香，入口非常惹味, 最衰吾食得辣，如果食得辣，一定要揀秘製麻辣醬，應該仲正!呢個「秘製雞汁」真係重中之重，除左主角雞之外，仲有好多香料！食雞食很八八九九，就加上雞湯，打邊爐起動了！最喜愛墨魚丸，好彈牙，仲有墨魚粒，正呀！韭菜餃、魚皮餃。推介韭菜餃，皮薄又可以hold 住入面韭菜餡料，就算浸耐d都吾驚散開！勁！響鈴！！！雖然好邪惡，但浸2秒就吸哂湯既精華，好味！推介小食！！！椒鹽一口粟米和魷魚圈，送酒一流！！！ 豬潤好爽！必食！！任飲飲品，最正有凍的新鮮竹庶矛根水，成壺上！仲有罐裝啤酒，都係任飲，不用加錢！也有很多不同種類菜，十分健康！

朋友好鍾意打邊爐食雞煲🐔🐔，喺市區既雞煲差不多間間都試過哂，聽講大埔有間雞煲抵食又好食，所以專程去新界試試🥢🥢大埔墟站A1出口行幾分鐘就到銓仔記，一坐低即刻睇下有咩雞煲揀先🧐🧐三個時段收費（$138/$118/$98一位）。雞煲都有6種選擇，真喺花多眼亂🧐🧐，經店員細心介紹，最後我地揀咗店員推介嘅「至尊麻辣雞煲」👍🏽👍🏽👍🏽火鍋配料任食、飲品任飲，仲有啤酒🍺同竹蔗茅根下火添！最最最驚喜係有椒鹽一口粟米$48！朋友話未見過香港其他地方有，所以就算要另外散叫，都要叫一客嚟試吓！果然不負所望，栗米爽甜椒鹽惹味，極力推介😍😍雞煲出場啦～～～～金黃嘅雞肉發出吱吱聲響🐓🐓，散發出一陣陣麻辣香味，色香味俱全🥇雖然只係揀咗BB辣，但仍然保持到麻辣嘅香味，但唔太辣，恰到好處！雞肉相當之入味，斬得無碎骨，雞件大細適中易入口，仲連雞胸肉都好嫩滑👍🏽👍🏽👍🏽店員仲間中會幫我地攪下煲底，好細心☺☺☺最窩心喺煲柄有隔熱墊，唔怕辣親手手！🥰🥰嘆完成隻雞，就加湯向火鍋配料進攻🤤🤤呢度有數十款免費配料，可以逐件點，唔怕叫太多食唔落。我地叫咗好多款配料，肥牛、豆腐、魚腐、豆卜、蟹粉丸、牛丸、炸魚皮、炸腐皮、冬菇、青口肉、

位於大埔嘅小店勁抵食，任飲任食又多選擇，有雞煲、邊爐、酸菜魚。今次叫咗個藥膳雞窩湯底，有紅棗、桂圓、淮山，夠曬滋補醉雞呈上時聞到好香嘅酒味雞脾肉亦肥美嫩滑另外叫嘅安格斯肥牛$148，賣相好吸引，有雪花紋，牛味濃而且肥瘦適中，好味道。飲品任飲，選擇都好多，有啤酒、盒裝飲品同竹蔗茅根，就唔驚食到口渴啦！餐廳有兩層，好多人食好熱鬧，真係好啱一班朋友嚟十下十下！仲係任飲任食又多選擇，真係勁抵，食到飽一飽！

喺熱天來臨之前食多餐雞煲呢間喺大埔嘅小店原來有兩層7點幾已經差唔多爆滿，見大多數都喺成班人嚟打邊爐想嚟食記得預先訂位呀超抵食之選星期五六日都喺$148任飲任食，仲唔洗加一有雞煲有酸菜魚揀，雞煲又有好多湯底揀有麻辣，奇味雞煲，烤味雞，胡椒鹹菜豬肚，仲有蕃茄魚肚同藥膳雞鍋今次我哋揀咗超健康之選 藥膳雞窩藥膳雞窩湯底有紅棗桂圓淮山，滋補之選醉雞嚟到有好香嘅酒味醉雞汁倒埋落個湯底度仲濃郁雞脾肉好肥美好好肉滾熟咗之後肉質好滑食完半隻雞就開始打邊爐另加錢叫咗$148的安格斯肥牛加錢嘅真喺正好多肥牛好靚，雪花紋好均勻肥瘦適中，好濃嘅牛味另外豬潤都好正好厚好嫩滑其他火鍋配料都喺任點任食每樣食物都喺以件計，食幾多叫幾多唔會浪費飲品任飲，有啤酒有竹蔗茅根有盒裝飲品竹蔗茅根唔會好甜，打邊爐飲最啱，下火想食雞煲酸魚又想打下邊爐，絕對喺大埔抵食之選！

之前嗰排比較凍，想打邊爐，就跟男朋友到這裡嘗試一下，如果5:00pm - 9:00pm 入座每人都是 $138 講真，在家打邊爐，都要差不多這個價錢，還要清洗食物、用具，有機會吃的食物款式沒有那麼多。有自助醬汁區，不過喜歡原汁原味的我們沒有去添加！其實有很多湯底我們都想選擇的，例如烤味、奇味，不過我們最後選擇了胡椒鹹菜豬肚湯底雞窩胡椒豬肚湯底本身不能選擇辣度，但本身胡椒帶點辣，所以冬天吃的時候寧舍暖身！胡椒豬肚湯可以單飲，辣中帶甜，一向點開麻辣湯底的我們，突然喜歡這種健康中的小剌激～不過不是所有餐廳都有胡椒豬肚湯底～雞件索了湯底的味，一咬啖啖散發著湯底的味～椒鹽鮮魷即叫即炸，鮮魷軟中帶韌～皮薄、脆，叫起來不知快樂過，轉眼吃光了！

先食雞煲，再打邊爐。聽過無數次，很慚愧，本人真係第一次。因為同行友人唔食辣，於是叫左奇味雞煲。雞煲捧上黎已經好香，有大量香料同埋我最中意的洋蔥和芫茜。食落真係啖啖肉，味道農業，正。食到差唔多，我地放湯落個煲開始打邊爐。加埋原來個雞煲，成個邊爐變得味道香濃，唔使點醬油都夠味。叫左一碟大安格斯肥牛，雪花比例完美，牛味回甘，係上等靚貨。雖然係任食，但我地食量唔大，於是隨便叫左D丸。有魚蛋，貢丸，芝心丸，芝士腸，豬紅，雲吞等。芝士丸一定要試，裡面勁多芝士。蔬菜方面，我地叫左金針菇，生菜同埋芫茜。樣樣配料都好新鮮湯抵又美味，大家食得好開心！值得一提係醬油配菜飲品都係全自助。飲品啤酒應有盡有，店家好大度，貨量大而且補充即時，贊！食得好滿足，一定要介紹朋友再黎！

自從大元邨間邊爐冇左之後, O係大埔都冇乜又抵又好食既邊爐..但直至朋友介紹呢間, 趁天氣涼返, 去打邊爐就真係非常岩!!2小時任飲任食, 價錢都幾抵!店內唔算好大, 但原來有上一層, 食緊之際都有D大group既客, 地方應該好足夠大班朋友一齊黎烚下烚下~睇到D雞煲既相都覺得好吸引!餐廳亦有其他小菜~叫完野就去睇下有咩飲先!飲品選擇都好多!! 紙包罐裝都有~仲有竹蔗茅根! 健康之選, 梗係唔好錯過.拎完野飲再混個醬~坐左陣, 先上雞煲~胡椒咸菜豬肚雞煲個湯底好惹味! 酸酸meimei, 我地既至愛!仲有好多咸菜, 豬肚同枝竹~豬肚冇異味, 枝竹又索哂D湯汁, 正!不得不提, 雞肉既份量好多, 而且十分有驚喜! 曾經食過一次雞煲, D雞肉好鞋口, 但呢度完全唔會!!D雞好滑, 同埋真係啖啖肉!仲有好多咸菜, 豬肚同枝竹~豬肚冇異味, 枝竹又索哂D湯汁, 正!係到咁上下, 就放D料打邊爐喇!先黎D即刻食得既香口野~響鈴好鬆脆! 推介!其他食材都十分新鮮, 選擇都好大路岩食!Overall, 十分推介呢間餐廳!! 性價比相當高岩哂鍾意打邊爐既我呀!!