銓仔記

营业中

休息中

夜晚同屋企人唔知食咩諗諗下好想食銓仔記個豬骨煲所以就叫左個外賣自取<懷舊澳門豬筒骨煲>其他打邊爐配料自己去新街市買.自取既時候鋪頭好細心分左兩大袋(一袋筒骨,另一袋有兩大兜胡椒湯,重有筷子 手套 飲筒 豉油 炸蒜等等)佢地D豬筒骨真係又大舊又多,一煲起碼7-8舊骨而舊舊都有手板咁大隻,筋位有咬口好易食到重會有小許豬肉連住而肥高位亦唔會太油膩好正丫,骨髓可以用佢地比既飲筒全部食哂湯底非常好飲胡椒味勁重一D都唔吝嗇足足有兩大兜,就算自己打埋邊爐都卓卓有餘.

限聚令一解禁即刻就走去食，諗住好多人會出山點知又唔係喎 🤣🤣 打訂位仲唔駛訂實有位添一來因為早，6：00 就到，去到係第一檯客，老闆連熱針同消毒 gel 都仲未揾返出嚟 😂😂😂可能限聚令耐餐廳少人幫襯外賣，所以第一次幫襯啲雞有啲雪藏味，但還接受到。隔幾星期有朋自遠方來，帶台灣朋友再嚐一次，呢次味道正尚9返，台灣朋友都好滿意 👍👍有位女侍應好好，唔知係咪家庭生意，事事上心，又提我哋用咩火路，又叫我哋落定火鍋料，招呼好好，但第二次坐樓上，有個染髮靚仔，可能係 part time 就有啲甩漏，仲將我哋個雞煲咗比遲嚟嗰檯客 😅😅食物非常可以，飲品又任攞，仲有竹蔗茅根揀，真心推介比朋友 👍👍👍

網上見人介紹呢間雞煲，心思思成日都想幫襯，終於揾到時間約埋老友一齊食。我哋揀咗胡椒豬肚雞，有好多豬肚，但胡椒味到我哋差唔多食完先出，3 個人比咗一隻雞，食晒啲雞其實都飽咗 7 成，變咗打邊爐嗰 part 唔係食到好多嘢 😅響鈴好好味，我哋叫咗 2 rounds, 其他打邊邊食物唔差。我哋坐咗喺樓上，樓底比較矮所以比較嘈！服務都好好，原本訂咗 7 點，但吐露港公路有交通意外所以塞車，我再打電話改 7：15 佢哋都接受，樓上雪櫃壞咗都會喺樓下攞啲冰凍飲品上嚟，唔駛食客走上走落 👍👍

朋友介紹食「銓仔記」雞煲，$168 仲要任飲任食，完全抗通脹，所以膽粗粗一試！小妹叫了「奇味雞煲」，麻香撲鼻，精髓在於花椒八角、芫茜和紫洋蔥缺一不可，食一啖，十分惹味，已經停唔到，兩個人好快就食完半隻雞。之後可以加湯打邊爐。打邊爐方面，可以自行填寫份量，上菜又唔會比少。肉類丸類、餃類菜類要有必有，味道正常，牛柏葉、水魷 爽口 ,瘋狂order..小妹加錢叫咗「安格斯肥牛」，足牛味份量又多，唔錯！飲品方面，除咗啤酒、紙包飲料外，仲可以叫自家製嘅竹蔗茅根水，足料，唔太甜。埋單嘅時候，店員提一提我哋，清哂食物，可以平$10，仲叫我地慢慢食，唔好急，有教育性好有愛。另外，見到門口個牌寫住齊抗疫不裁員，良心店舖「銓仔記」雞煲，會再試！

這間銓仔記火鍋任食，十足十以往學生👨🏼‍💼或男士來牛飲🍺的火鍋店。當然也有其他比較上等的配搭，例如牛胸爽、廣島蠔，或是海鮮、魷魚，或是特別的啤酒等等，除了這些之外，其他都是選一個火鍋湯底，然之後任食。這令我想起大元邨以前都有家「金恆香」，亦都是做火鍋任食的。點了個奇味雞煲，才想起有網台人士說好吃的應該是胡椒豬肚，不緊要，也儘管一試。先到外邊辣調味料，雖然調味料那個攤位，不如那些著名火鍋店那麼誇張，連調味料也弄一個浮華的擺設，只是廚房旁邊通道的小小一張桌子，但其實應有盡有：有醬油、蔥、芫荽、辣椒、生蒜、炸蒜。📺兩部電視分列兩旁，一邊無綫一邊Viu，任君選擇。飲品也比起之前大元邨那間酒樓多款式，有維他檸檬茶、豆奶、竹蔗茅根、可樂、雪碧、忌廉，啤酒都有幾個牌子：獅威、森堡、藍冰、威樂。本身的奇味雞，其實好像普通雞煲一般，放了很多雞，然之後有青椒、紅椒、洋蔥等等其他調味，味道香濃，微微少辣，然之後吃完就再加湯打火鍋，好像加湯之後未到就顯得淡味很多，因此要用上述的調味料。肥牛細細片，不算太過肥膩，味不算太濃，但最少不會整片牛肉都是脂肪，到時就更加難吃。其餘有墨魚丸、貢丸、蟹子包、芝心丸，都是普通

今日行完街天氣又凍凍地就打算黎呢間食下野~可能因為武漢肺炎關係一入間鋪見大把空位都係得兩台人一共6個人係到食緊。我地就話兩位唔該 佢個服務員都痴鬼線一開始個態度就超差 唉~坐個到啦。家陣食左你隻車咩。之後叫我地坐埋去人地格離台到。兒家個個人都話出街要帶口罩同人要保持距離主重個人環生啦。加上張台都比人放曬袋丫背包係張櫈到 人地都唔主動拎走啲野啦 個兩個男食客都叫我地再坐過一格 中間格多一張台。我地就同個服務員講我地坐格多一張台啦 個服務員係要我地坐埋一齊 。我心諗坐埋落去咪迫到咩甘 加上又唔係無位 最後一肚火唔鬼食 走左去佢格離間餐廳到食 一入去服務都好好比膠袋你放好口罩。真係無對比就無傷害~食到8點出到黎望返佢間店 咪又係無人 仲係 空空如也 就算幾好食都無用啦~仲以為比咩人留左甘多位。位都唔比人地揀黎坐 呢間店已經永遠失去我們。哼~

深夜時份同朋友食宵夜大家想食雞煲就揀左近我既呢間位於大埔墟雞煲呢間既雞煲都係可以揀辣度同朋友都驚太勁所以揀左小辣後來發現唔夠辣好彩係可加不可減機制就另叫左辣汁另上都係偏辣會好食d肉雞斬得比較細所以難免有d 碎左既骨size 亦唔算大煲兩個人食剛好另外叫左個一口粟米好食好香口食完個雞煲之後打邊爐配料可以任叫吃到飽的概念整體唔好期望係上等食材就係比較麻甩既選擇價錢方面以雞煲來說就都係合理價格晚上在大埔想食宵夜唔一定要食陳漢記

因為朋友住附近所以嚟到大埔食飯由原本想打邊爐到想食雞煲但坐低左之後見到個菜單有酸菜魚就忍唔住嗌咗條酸菜魚一上枱見到隔離好多人都望住就知道條酸菜魚有幾吸引 酸菜魚隔離有豬紅蘿蔔仲有薯粉 其實唔使嗌配料已經飽飽地推介

之前盲中中去過食一次，覺得啲雞好好味，係一個有俾心機去烹調雞煲嘅鋪頭，所以今次再嚟試吓其他口味嘅雞。同其他雞煲店唔同嘅係，佢有好多種唔同口味嘅雞，除咗麻辣雞外，仲有腐乳同南乳烹調嘅奇味雞，有陣燒烤味嘅烤味雞，仲有酸菜豬肚雞煲等等。除咗啲雞冇得彈之外，另外就係佢嘅魚皮同埋響鈴，全部都手工制，好好食。而且佢有好多種飲品選擇，有冇糖嘅紙包飲品，亦都有糖㗎，罐裝汽水一應俱全，仲有佢哋自己煲嘅竹蓆茅根涼茶，淨係飲嘢都飲飽。

大埔墟火車站附近十分鐘路程的一間高性價比隱世雞煲火鍋， 穿過一個公園， 來到幾棵滿佈雀烏的大樹， 在投注站過對面馬路就差不多到達。 最平時段$98起， 兩小時雞煲加任飲任食火鍋， 就連啤酒都是任飲，經濟價錢吸引不少街坊。雞煲有六款口味， 因為當日不想食辣， 我們兩人點了奇味雞煲。「奇味」其實是沙爹醬與南乳醬混合， 吃起來濃而不咸， 雞件入味嫩滑， 配料加上大量芫茜、燈籠椒、紫洋蔥及香料。吃過半隻雞後，已有少許飽的感覺，可以加湯底進行第二輪的火鍋。免費的火鍋材料有四十多款， 基本常點的食物都有，注意每次下單限點十樣，以免浪費。飲品櫃旁有醬料可自行混醬。鯇魚片推薦， 入口鮮嫩。其他火鍋材料質素也不錯， 雖然美國肥牛油脂較多， 但入口不會老，有牛味。肥牛愛好者可以任點肥牛。當然要試試新鮮即炸的響鈴。高性價比， 價錢不貴， 質素可以， 選擇也多， 難怪平日也滿坐。

又黎拎到聚一聚啦，銓仔記真係好有家既感覺平日黎食都好旺場，睇黎深得街坊既心🥰🥰價格依然係好親民，任飲任食呢個價格無得彈！-原來唔只雞煲，烤魚都有得食見人地係一大條魚好吸引！但今次同友人兩個去，都係食雞煲先，下次再黎就試烤魚🙂--之前食過胡椒咸菜豬肚雞，今次就食奇味雞煲，唔食得辣既我地都可以有咁好選擇確實唔錯奇味唔辣得黎都可以好香口，d香料令到雞肉變得好惹味，食完又唔會覺得口渴，證明味精唔重😍😍雞件既份量好多，食完我同友人都已經大半飽-忍唔住加錢點左個椒鹽栗米栗米一咬落去爆汁，好鮮甜，加上椒鹽味特別香口👍🏻每次必點！ -真係好欣賞餐廳可以一件一件咁點食幾多叫幾多，唔怕浪費同埋絕無因爲係任飲任食既關係而漏單！值得一讚✨好鍾意食水魷魚、木耳響玲同魚皮都好鮮脆～～～蔬菜好新鮮-加點系列：安格斯肥牛 $148任飲任食既肥牛質素都唔錯，但加錢點既呢份細安格斯肥牛絕對對得住個價格😍牛肉上既雪花分佈平均，淥一淥就食一咬落去，哇真係好香牛肉味😍黎得呢度食加點一碟簡直係完美！！！-飲品種類有好多，啤酒都有😍而加instagram/fb打卡仲送任食雪米糍！！呢度會係我同朋友既聚會天堂～坐樓上更加有家既感覺🙈

好多人黎到都叫雞煲，其實烤魚仲好味。隔離枱見到我地條魚，都即刻話下次黎要試烤魚。BB辣已經好勁，各位美食家自己衡量辣度。上菜速度快，配料就真係落單幾多上幾多，唔會亂咁執，美食家們唔好嘥野呀。萬家烤魚，盤上已經煮熟，店家再即時淋上湯汁，全魚一條，份量十足，肉質彈牙，跟盤上既配料有豬紅、豬皮、芽菜，魚骨好少啖啖肉，食曬魚魚後，直接用鐵盤打邊爐，個湯非常惹味，全程冇點過醬都夠曬味，不過都有叫一個“奇味醬”試試看，個人覺得似豆瓣海皇醬。店家都有小食供應，其中一款係“尖椒皮蛋”，上菜賣相好好，冇紅油伴碟，份量好足，略重口味，不過唔會太辣，怕辣朋友仔都可以試。依到仲有另外單售既火鍋料，有“安格斯肥牛”，真心好食，牛味十足，脂肪比幾好，食得出脂肪香味，薄切厚度恰好，快熟之外，又有口感，如果想食豪d，可以考慮下。仲有“廣島蠔”，都幾肥美。“魚肚”份量幾多，要有心理準備，煮熟幾淋，都有類似花膠口感。講返任食果邊既配料，“響鈴”最勁，唔知邊到攞貨，質地好脆身，好食既，唔係普通野。“脆骨腩”都唔錯，切成四四方方，去骨，有脂肪，幾滑。另外，炸魚皮、菇類、娃娃菜都有水準，吸收湯汁後非常重口味haha。豆腐件就普

平時我比較少入大埔，不過今日朋友開車載我們去，先發現原來有好多小餐廳。我們見到有間食雞煲任食兩小時價錢好吸引，店內又有好多客人，應該唔會中伏。所以我哋決定入去試吓。麻辣雞煲入味$138 有一位而且配菜任食好平，任食好抵食🐓🐓🐓雞煲我點了中辣，雞好入味好好食喔😋而且份量都好多，可以比美外面的雞煲專門店。配菜我點了牛肉，大魚皮，炸魚皮，水魷魚🦑，同菜，真是好抵食而且質素幾好。下次都會再來😊😋😋😋

之前已經有朋友介紹過呢間，身為為食一族嘅大埔友當然要去試下。適逢呢幾日又涼返Ｄ，有Ｄ秋意，梗係要去下打邊爐啦！價錢黎講都算幾親民，星期一至四每位都係$138起。😍一去到大部分枱都已經留左，好彩仲有張！建議大家真係要book定枱呀，雖然樓上仲有一層，但我地坐低左一陣已經Full哂喇！首先先揀個雞煲，我地揀左至尊麻辣雞煲，亦有唔同辣度揀。由於朋友唔食得太辣，所以要左ＢＢ辣。雞煲一上枱已經覺得好香，好多料！雞肉好嫩滑同入味，而且啖啖肉，唔會好有多頭頭尾尾嘅雞件。食到７７８８，我地就加湯落去打邊爐喇！邊爐嘅配料都有唔少選擇。趁個湯未滾起就去睇下有乜好飲同拎醬料喇，飲品都有汽水啤酒紙包飲品，仲有西洋菜蜜青檸。西洋菜蜜青檸都幾得意，酸酸甜甜，好清新。打邊爐唔少得梗係肥牛，呢度嘅肥牛肥瘦分明好有口感，自製金菇肥牛卷食～脆卜卜嘅野都係唔可以唔食，呢度嘅魚皮同嚮鈴都好好食！嚮鈴仲要係現炸，非常有誠意！另外，亦好推介呢度嘅鯇魚片呀，魚肉好滑，正！當然亦有好多菜類同荳品等等～十分推介呢間雞煲邊爐呀！亦都好岩一大班朋友黎聚會暢飲暢食呀！

餐廳：銓仔記 (大埔)地址：大埔東昌街4號地舖大埔超值雞煲火鍋，星期一至四17:30-21:00入座都只是$138！23:00-02:00入座更低至$98😂這個咁便宜的價錢真的買少見少，不過在大埔墟卻有一家銓仔記，而我所說的價錢正是在這家火鍋餐廳找到的🤤～光是一開始的雞煲便已經有四款免費和兩款加錢的選擇，另外還有兩款烤魚煲，免費的雞煲選擇分別有：至尊麻辣雞煲、奇味雞煲、烤味雞煲和胡椒鹹菜豬肚雞窩，喜歡吃辣的人你可以選擇至尊麻辣雞煲或烤味雞煲，而我就選擇了烤味雞煲小辣🤓帶小小辣之餘又有香烤雞味，未吃便已經聞到那股香香的燒烤味🥰令人垂涎三尺~任食的肉類、海鮮、肉和餃類、菇菜類、粉麵類等有接近50款，牛肉和豬肉只有各一款選擇，畢竟一開始吃了雞煲，所以也沒有雞肉，不過以吃火鍋來說，重複多叫兩三輪便已經很飽肚很滿足~不得不提這裡的炸響鈴十分好吃，必試！另外也有一些自費食物，而這些自費食物都是蠻值得推介的，包括安格斯肥牛($148/細碟)、廣島蠔($58/6隻)和原隻魷魚($58/隻)等安格斯肥牛肥牛上碟很整齊，牛肉和脂肪比例均勻，紅肉相當新鮮，滾一分鐘左右便可以吃，肥牛入口即溶，不會有雪種味👍🏾