鉄火堂 (厚福街)

营业中

休息中

平日夜晚過嚟已見到好多人係店外排隊。2人套餐真係好豐富，亦設「鉄」丼家 (1人自選刺身飯)，兩種套餐嘅性價比都超高！⭐️2人前套餐⭐️ $398🥗迷你蟹籽沙律（2個）：蟹籽配爽脆青瓜絲，清新開胃。🍱豐盛刺身丼：
（三文魚腩、油甘魚腩、厚切赤身、厚切劍魚腩、八爪魚、烏賊、北寄貝、馬刀貝、帆立貝、芝士蟹籽、海膽魷魚、帝皇蟹棒、中華沙律、飛魚籽、碎葱吞拿魚、珍寶赤蝦）依個刺身丼實在太豐富，鋪上滿滿嘅海鮮刺身，一睇到我已經垂涎欲滴😍🤤刺身好新鮮，厚切嘅三文魚腩、油甘魚腩、赤身及劍魚腩，魚質鮮嫩，鮮味十足👍🏻。帆立貝彈牙，馬刀貝好爽口。✨芝士蟹籽同✨海膽魷魚依兩款都好特別。一款有香濃芝士配蟹籽鮮味，送飯食好正。一款海膽甘甜配魷魚爽口，好少食到嘅味道組合。🥟炸物盛合：
（芝麻雞翼・墨魚咀・餃子）炸物炸到外層好酥脆，令人食唔停口😋。雞翼🍗肉質保持嫩滑，面層芝麻香氣撲鼻。墨魚咀✨彈牙，而餃子🥟外脆內軟，餡料肉汁。🍬是日甜品（2個）：迷你士多啤梨雪葩迷你焦糖布甸大福🍓雪葩冰涼爽口，帶士多啤梨甜酸果香。而大福🍮有焦糖嘅香甜，加上布甸奶香味同柔軟口感，味道豐富令人滿足。*********************

呢間位於尖沙咀厚福街人氣火爆既壽司刺身店🥰每晚都大排長龍 佢地主打各款刺身丼飯 多達50款刺身自由搭配 人均都係百幾蚊 性價比好高❣️適逢情人節就嚟到 佢地推出左限定二人套餐 裏面有💓前菜(蟹子沙律)💓豐盛刺身丼(三文魚腩·油甘魚腩·厚切赤身·厚切劍魚腩•八爪魚•烏賊·北寄貝·馬刀貝·帆立貝·芝士蟹籽·海膽魷魚帝皇蟹棒•中華沙律·飛魚籽·碎葱吞拿魚•珍寶赤蝦）💓炸物盛合(芝麻雞翼•墨魚咀·餃子）💓是日甜品（2個）食物種類好多好豐富 兩個人都夠晒飽😍想食性價比高既壽司🍣一定要試吓 蟹子沙律爽口開胃🤤刺身丼裏面有16款種類 全部都新鮮好食😋大大塊唔會吝嗇👍🏻個人最愛碎蔥吞拿魚同珍寶赤蝦🦐赤蝦爽彈比較黏口 同我隻手掌差唔多大 吞拿魚蓉配埋醋飯真系好食到食唔停口😎炸身拼盤都系即叫即炸 熱辣辣上枱好邪惡🥰墨魚咀爽口彈牙 配埋沙律醬一齊食 惹味無比😍芝麻雞翼大隻好juicy👍🏻本身驚一個食唔飽 再叫多左個自選丼飯share🙈太睇得高自己啦😂裏面配左大拖羅、松葉蟹、火炙燒三文魚腩、油甘魚同蟹膏 都只系百幾蚊 性價比極高❣️

佢個宵夜套餐晚上放工去食絕對係大大嘅心靈慰藉🫂💓-晚上9:30去食，見佢有宵夜menu, $89包括味噌湯，一款小食，一個甜品，一個丼飯，可選4款刺身配料（部分需加錢）-🍱丼飯揀左穴子、吞拿魚蓉、三文魚蓉同芝士蟹籽🍣飯係用左醋飯🍚食落味道還好，份量都夠多🤩-🍬甜品當日選左士多啤梨雪葩🍓類似係就咁結左冰嘅士多啤梨食左一下覺得太酸就冇食到😟-🍮🍮另外朋友叫左個焦糖布甸大福，呢個味道有驚喜，唔會死甜💯💯-夜晚係尖沙咀諗唔到食咩可以去食下👍🏻

突然想食日式料理，所以黎到尖沙咀厚福街呢間鉄火堂。餐廳環境尚可，空間不大，但總算舒適。見到餐牌有個二人套餐$398，被吸引了，於是就點了呢個套餐。首先第一道：麵豉湯 （味道不錯，夠熱）再來第二道： 迷你蟹籽沙律（味道清新，青瓜絲特別幼細，爽脆清甜，好喜歡呢種口感）第三道：炸物小食拼盤（由於雞翼賣晒，所以改用炸芋丸，芋圓外脆內軟，味道不錯，雞軟骨冇特別，餃子皮有啲過硬同厚 味道一般）第四道：刺身大丼飯 ，有16款配料，相當豐盛，包括有：珍寶赤蝦、厚切三文魚 、馬刀貝 、厚切油甘魚 、八爪魚片 、厚切劍魚腩 、厚切赤身、烏賊、芝士蛋籽、中華沙律、青瓜絲、碎蔥吞拿魚、帶子、蟹柳、北寄貝、飛魚籽。 （刺身整體味道鮮甜，幾款魚腩都甘香，可惜個飯太差，啲飯唔係鬆散粒狀，係一舊舊，似係冷藏再解凍嘅感覺，食落有啲硬，拉低了整體嘅分數🥲）最後一道：甜品（雖然甜品size非常迷你，但味道很好，一款類似係冰凍士多啤梨有夾心cream，另一係焦糖布甸）⭐️除咗啲飯欠佳，其他整體都良好。員工服務態度不錯，有禮貌，上菜速度快。

啱啱行過尖沙咀嗰間魚生飯店，入去一試，正！食完後果然心思思要同大家分享下。店家真係懂得點滿足我哋食客嘅味蕾👅，超過40款魚生，由你揀，咁多選擇真係令人眼花撩亂！首先，火炙藍鰭吞拿魚🐟，燒到外邊微焦，入口即溶，啖啖肉，濃郞滋味真係得意得滯！再嚟，同三文魚腩飯拼盤，個三文魚腩燒得啱啱好，外層微焦，保留晒隻魚嗰股鮮美！而啲碎蟹肉和松葉蟹鉗，清新得嚟又唔會蓋過魚生本身嘅鮮味，真係完美。喺此拉埋一句，啲赤蝦同帶子🦐，新鮮、彈口，絕對係你嚟呢到必試嘅好去處。撈魚生飯時，啲飯粒夠晒彈牙，一啖一啖咁入口，滿足到你所有覓食嘅慾望。總之，我嘅境界已經進化到，行過呢間店就一定要入去兜一轉。友情提示：記得挑啲自己最鍾意嘅魚生添！总括來說，這次的体验真係正過癮👍！

😂😂忘了拍照，只拍了影片，所以有點朦朧午膳嘅時候和幾位同事一齊食，十分之化算，凡有燥飯和普通飯的選擇，加了三個款刺身，才60多港幣，對於香港呢個物價咁高嘅地方嚟講，真係一間超值，食物質素也挺新鮮的刺身飯店

TEKKA at Tsim Sha Tsui is a true gem for seafood enthusiasts. Priced at a reasonable $108, it delivers an exceptional culinary experience with its diverse array of high-quality sashimi, including tuna, salmon belly, swordfish belly, and sweet shrimp. The expertly crafted flavors and textures, combined with the freshness of the ingredients, make this dish a must-try for anyone seeking a seafood delight in the heart of Tsim Sha Tsui. Whether you're a connoisseur or simply a lover of good food, TEK

刺身：～三文魚腩：味道一般，唔夠厚，影響口感。～北寄貝：不過不失。～甜蝦：肉質都算肥美，口感鮮甜。藍鯨吞拿魚赤身：味道清甜，口感嫩滑。中拖羅：味道較淡，略為普通。大拖羅 ：味道甘香，口感細膩。壽司🍣：中規中矩，亦算新鮮。生蠔🦪：新鮮，海水唔重，較淡。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻入坐後會每人先送上一碗味增湯🫕，部分刺身選擇會出示系牆上，所以記得睇完菜單後望望牆上嘅小黑板丫～😙

鐵火堂小編咁啱行過有「尖沙咀美食一條街」之稱嘅厚福街，小編左揀右揀該之後喺眼花撩亂食肆之中揀咗鐵火堂嚟食！🍱$108自選魚生丼 保底有兩件藍鰭吞拿魚，之後仲可以揀4款配料，小編就揀左火炙三文魚腩x2，汁燒帆立貝同蟹肉碎🫴🏻，配料分量都啱啱好，三文魚腩好肥好邪惡好大舊🥵，吞拿魚赤身食落冇筋、以赤身嚟講油脂都算多，魚生丼嚟講性價比都算高🙏🏻賣相：⭐⭐⭐⭐味道：⭐⭐⭐⭐CP值：⭐⭐⭐⭐如果係大學生食可以有九折🙏🏻同佢個加一服務費打返個和~

尖沙咀做完gym，又係補充蛋白質既時候。 溫泉蛋火炙三文魚沙律$75 溫泉蛋同火炙三文魚。煙三文魚配搭溫泉蛋蛋非常夾，加埋沙律菜同和風汁酸酸甜甜非常開胃。自選魚生飯$108我就叫左拖羅,帶子,火炙三文魚,醋鯖魚，海鮮有滿滿既蛋白質同低脂肪。拖羅同帶子非常新鮮，火炙三文魚同醋鯖魚都幾好食。鰻魚玉子燒$30鰻魚玉子燒非常好食，而且好滑。吉列生蠔$48吉列生蠔非常出色，顏色金黃，亦保留到生蠔既鮮味。📍鉄火堂（厚福街）地址：鉄火堂 (厚福街) (尖沙咀)尖沙咀厚福街10號地舖

今晚去鉄火堂叫外賣，差左好多，啲飯硬，一舊舊，以前係鬆軟，一粒粒，好好食。仲要漏左兩樣食物無俾。反到打反去，職員態度仲要好差，仲要話成張單cancel, 唔係錢既問題，係滿足唔到我想食既野。

鉄火堂，曾經係唔少朋友心目中食魚生飯嘅首選，見佢由3間分店到得返一間，實在有啲唏噓…曾經係旺角分店倒閉前去過，再嚟到尖沙咀分店，呢間「留下來的舖」明顯水準👍🏽好好多，魚生都新鮮而且無特別食到有根。作為小鳥胃，飯量多左一啖左右，可能因為今次揀嘅配搭有3款魚生，厚切，食完💛好滿足☺️下次會再嚟，希望佢可以維持魚生水準，努力生存落去💪🏽今次叫嘅係自選魚生飯，可揀米飯、藍鰭吞拿，再自選4款配料，我嘅選擇係：壽司飯｜吞拿魚｜火炙三文魚、汁燒帆立貝、劍魚腩、芝士蟹籽💲108 有加一服務費

🐱好耐冇食過日本野🇯🇵就同朋友食下魚生飯🤭呢間既飯都係免費無限添加，唔使驚唔夠飽😂亦可以自由配搭魚生，鐘意點match都冇問題✌🏻而且叫一碗魚生飯都會跟一碗日式麵豉湯🥣午市珍寶丼(8款）：$99藍鰭吞拿魚x1、火炙藍鰭吞拿魚x1、蔥碎吞拿魚x2、火炙三文魚x1、三文魚x2、火炙左口魚邊x1 (另加$5）🌕🌕🌕🌗/5 丼飯跟有一舊仔玉子，味道正常，冇咩特別😌唔會偏甜😊魚生份量其實好少，每份得2片，所以有啲我叫左2份🤣整體都算新鮮！最值得試係火炙左口魚邊，食到佢既油脂分布好平均😋😋而且燒得好香😛可是份量真係非常少，一份係完全唔夠喉🥸

勁開心，男朋友話想食丼飯，一解思鄉之情，自選丼飯係又抵又夠飽。我就揀左($113)：壽司飯、厚切藍鰭吞拿魚、三文魚、碎葱三文魚、赤蝦同帆立貝($+5)男朋友揀左($113)：壽司飯、厚切藍鰭吞拿魚、三文魚、北寄貝、飛魚籽同埋蟹膏($+5)兩個餐都有埋味噌湯，食魚生飲熱湯，perfect。今日我地仲加多左一個珍味拼盤($48)，有蜆肉、螺肉同中華沙律，個麻辣好正，爽皮仔！兩個人都冇記錯好似食左三百幾蚊，除左有張枱冷氣凍左d之外，所有野食都唔錯👍🏻。

嘩！今次去到收銀個男人係我俾錢果陣西面到呢，大佬，摷緊錢嘛。佢係抵食又免加一服務費。$108套餐有個麵豉湯送。套餐有1款藍鰭吞拿魚配4種食材，壽司飯都有得揀。叫咗 薑味壽司飯+$6、中拖羅+$20、溫泉蛋、赤蝦、三文魚、松葉蟹腳+$5。咁食材都算新鮮，埋單$139。1）薑味壽司飯食落好清新，消一消暑。2）中拖羅無筋幾滑口。3）松葉蟹就無乜肉，兩隻蟹腳先得一粒魚蛋咁丁屎嘅蟹肉。4）溫泉蛋正常有流心5）赤蝦爽口唔潺6）三文魚唔夠肥，魚身唔油抵食就計個成本價俾你睇，$6 = 三文魚2片$5 = 溫泉蛋$30 = 中拖羅 2片$10 = 松葉蟹腳 2隻$6 = 赤蝦 2隻$2 = 麵豉湯$10 = 薑味壽司飯Total $69 = 大約成本佢應該一碗我嘅飯就賺到$70減返租金、人工，應該一碗飯淨賺$10-$15 最多。