釜山商會

近期睇得韓劇多，見得多韓國菜好想食，所以今日約咗姊妹去尖沙咀食午餐，金巴利道成條街有多間韓國餐廳，揀咗間香港首間釜山地道風味燉鍋專門店「釜山商會」，簡約風格設計，木枱皮椅，環境寬敞，有室內外空間，地方寬躺。🥢餐前三款韓國小菜：泡菜、黑豆、牛蒡，好食好正宗。［SIGNATURE MENU］🌶️🐙🦐🐖全球首創-釜山商會 辣"章三蝦“一人鍋 $138~ 有章魚、鮮蝦、五花腩片、娃娃菜、菇菌類、拉麵。章魚軟嫩彈牙，浸幾耐都唔會韌。🐙🦐全球首創-釜山商會"章三蝦“一人鍋$128~ 有章魚、鮮蝦、五花腩片、娃娃菜、菇菌類、拉麵，原味更顯豬骨湯底嘅味道。

同朋友太想飛韓國釜山，但又無時間，去尖沙咀韓國街解一解思韓國既心，見到呢間餐廳個名有釜山，就好想試，一人一鍋好滿足！仲好足料！原隻八爪魚、唔流手既豬肉同蝦，辛辣麵做麵底，辛辣麵世一😍 仲有個情侶鎖打卡牆，好有心思🫶🏻🫶🏻🩵 全球首創—釜山商會辣「章三蝦」一人鍋唔會好辣，平時唔點食辣都食到，幾惹味，惹味過唔辣既😛🩵全球首創—釜山商會「章三蝦」一人鍋相對清淡少少，海鮮鮮味更出，小朋友都岩食～

今日去咗尖沙咀食韓國嘢，金巴利道呢條街好多韓國餐廳。經過門口俾佢大大嘅招牌吸引，決定入去試吓。餐廳就連裝潢都頗具韓國特色。入門口就見到一個類似首爾鎖橋嘅牆。上面扣滿晒鎖。我哋決定點佢最近極具人氣嘅章三蝦一人鍋。有辣，有唔辣。我唔食得辣，所以選擇咗唔辣嘅口味。呢個一人鍋入邊好足料。有豬腩片、大八爪魚、蝦、娃娃菜、韭菜、仲有公仔麵。公仔麵冇落味精湯底清甜，辣嗰隻麵原本會以為好似部隊鍋咁辣，我試咗少少口味尚算清淡。

韓國街的釜山商會有一個全球首創的章三蝦一人鍋其實是一個包含章魚、豬五花和蝦仁的韓國湯鍋章魚是原隻之章魚，肉質彈牙，非常有嚼口五花肉和蝦仁份量也很多，配上韓式拉麵及蔬菜、菇菌食非常美味一人鍋可選辣或不辣，個人覺得辣鍋不會很辣，類似BB辣程度，但加了辣會較惹味，不辣的湯鍋湯頭帶點奶香味，其實也很好吃。餐廳近期有個活動，只要follow餐廳IG及在IG打卡，就可以獲得一個Love Lock，把自己想寫嘅說話寫上去，再掛在門口掛鎖的位置上。

Lunch揀咗釜山傳統料理「釜山商會」見門口banner推出「🌎全球首創-釜山商會🐙”章三蝦”一人鍋」😍真係要試吓餐廳裝潢簡約，空間寬敞走工業酒吧風，暖和復古牆身海報及天花吊掛海鷗佈置釜山景色般更設一道情人鎖牆寫心意及打卡三色Kimchi～泡菜、蘿蔔、黑豆🌎全球首創-釜山商會🐙”章三蝦”一人鍋＄128/$138（辣）Order咗一辣一唔辣，騰騰上台～似傳承嫲嫲秘方豬肉濃白湯，大大隻既章魚好吸睛，加上用料豐富有幾隻蝦、豬腩片、菇、菜同埋韓國拉麵，另一鍋辣度輕微個人接受到

主打釜山風味嘅「釜山商會」餐廳走工業風裝修，空間開揚，好有釜山感覺，牆身仲有情人鎖牆位俾人打卡，氣氛好Chill！坐低就送上三色前菜，包括韓式泡菜、醃蘿蔔同甜黑豆，夠開胃。主角當然係招牌「章三蝦一人鍋」，有辣同唔辣版本，價錢分別係$138（辣）同$128（唔辣）。一上枱已經熱辣辣冒煙，湯底係乳白色豬骨湯，飲落香濃帶甜，好似嫲嫲煲嘅老火湯咁暖胃。配料方面除咗主角超大隻章魚、蝦外，仲有豬腩片、椰菜、韓國拉麵等，用料相當足料，層次豐富。辣鍋屬輕辣，唔會搶味，反而令湯底更惹味；唔辣版本就更突顯湯頭嘅原味鮮甜。最後仲有個釜山愛情鎖匙扣，同男朋友一齊畫咗一個，超有意思，勁啱打卡！

釜山商會餐廳位於九龍尖沙咀金巴利道79號金柏閣地下,餐廳裝修簡約,以釜山懷舊式餐廳裝修設計,餐廳住打韓國菜,釜山湯鍋係餐廳招牌菜,服務員招呼到位有禮。全球首創釜山商會辣章三蝦一人鍋和全球首創釜山商會章三蝦一人鍋,前菜有三款小食物,一人鍋配料有韮菜,公仔麵,鱆魚,鮮蝦,.娃娃菜,豬腩片,韮菜入口新鮮青嫩,公仔麵食落爽口,原隻鱆魚要用較剪隨意剪開自己喜好大小,鱆魚食落爽口彈牙有鮮味,鮮蝦口感爽彈鮮甜,娃娃菜腍滑.豬腩片肥瘦均勻肉味濃,湯底清甜不膩,辣章湯底有小辣。

今日過嚟韓國街覓食，真係成條街都好多韓式餐廳，最後揀左呢間由韓國Oppa主理的充滿地道韓式風味的韓國餐廳。前菜三點，有甜豆🫛、泡菜、蘿蔔，甜豆幾特別，泡菜夠晒酸同爽脆，全部都夠晒開胃🤤。全球首創-釜山商會”章三蝦”一人鍋＄128果然係全球首創，第一次見到韓國餐廳有呢個菜式食，而且係好大隻八爪魚🐙就咁上，俾左剪刀俾你自己剪開慢慢食，有分辣味同吾辣。我揀咗唔辣。首先個湯底都好濃郁好香，好似飲緊椰子豬骨湯咁，入面啲配料都好足料，有蝦仁🍤、大大塊豬腩片、娃娃菜同菇。

呢條韓國街真係好多正宗嘅韓式美食。我哋呢日午餐就嚟呢間，做咗個好得意嘅選擇。個餐牌明有好多嘢食，我哋兩個都俾章三蝦吸引。🍖章三蝦其實係一個韓式鍋物，內容非常豐富，包括咗豬肉，薄薄咁切，肥肉同瘦肉比例均勻，非常香，又爽口。蝦肉話系三蝦，其實係N蝦，由於本身預計只有三隻，多過三隻嗰一刻好有驚喜，但係就冇特登去計算，不過口感就非常彈牙，又好大隻。咁我冇數蝦數量嘅原因就係因為個隻章魚。佢嘅面積繫個鍋嘅一半，一開始見到嘅時候已經嚇咗一跳，就好似加勒比海盜，入面嗰個八爪魚怪，係個水面浮出嚟咁，個樣好震撼，不過味道就非常之可口，非常之脆身，同樣系條狀，同韓國拉麵煙煙韌韌嘅口感就變得相影成趣。成個鍋物都非常之 yummy。🍖咁點解我哋要兩個人都揀同一個鍋呢？就係因為個湯底。我就鍾意飲個辣湯，朋友就鍾意飲原味。貪佢可以自由配搭，加入伴菜嘅kimchi，選擇辣度。不過無論邊一樣，你見住個鍋滾住咁出嚟，你都好想先飲幾啖。

去完釜山都有半年，記得係釜山最出名就係豬肉湯飯。諗起又有啲掛住，尖沙咀小韓國呢頭有間釜山商會，賣緊正宗釜山味道。老闆係韓國Oppa，繼承咗嫲嫲嘅豬肉湯飯秘方，係香港發揚光大。今日試咗佢哋首創嘅章.三.蝦一人鍋將豬肉白湯加入成隻章魚同埋蝦肉，再加入辣將鮮味提昇致頂點。章魚同蝦非常之爽彈，三層肉片份量都好多。而且入面仲有拉麵，一個人食啱啱好。宜家follow佢哋個IG就有一個許願鎖，可以寫低你嘅願望，鎖係佢哋門口嘅feature wall，好似釜山塔咁。

第二次同爸爸去食韓國菜，今日食咗個“章三蝦”一人鍋，係佢嘅signature dish，感覺都好特別。餐廳巧妙咁結合左新鮮的章魚、豬肉和蝦，口感層次分明，鮮美而不油膩。豬肉的嫩滑和海鮮的鮮甜相得益彰，搭配特製的醬汁，提升了整體風味。鍋中還包含了半個韓國麵，吸收了湯頭的精華，令人滿足。另外，我們還點了白飯，倒入鍋中，變成撈飯，吸晒啲汁真係好正。臨走之前店員送咗兩個同心鎖俾我哋，我哋可以設計完之後掛喺店入邊。成件事好似去咗歐洲旅行咁樣，真係好正。

好耐無食過韓國菜，今日見到呢間 釜山商會，餐牌上都有好多唔同嘅餐點配搭，於是我哋決定試試呢個「章三蝦」一人鍋，回味一下釜山嘅味道！😚鍋入邊有超大份嘅原隻章魚，上枱嘅時候需親自剪開，章魚肉質鮮嫩彈牙，配上蝦仁同油脂香濃嘅五花肉，海陸鮮味完美交融。辣味湯底辛香惹味，刺激過癮，而原味湯頭就醇厚清甜。值得一讚嘅係，店員服務親切，因為係韓國人嘅關係，我哋用英語溝通，仲主動幫我哋加前菜呀。可以係香港試到釜山嫲嫲秘傳嘅風味同創意海鮮鍋，鍾意食辣嘢或者海鮮嘅你，都要嚟試試呀！  ✨ 全球首創 - 釜山商會辣”章三蝦”一人鍋✨ 全球首創 - 釜山商會”章三蝦”一人鍋

終於有機會去oppa 食過嘅餐廳——釜山商會 點咗全球首創”章三蝦 “一人鍋😋原隻章魚🐙自己剪開黎食加埋去殼蝦🦐同豬肉～ 個湯底好飲！！章魚須食得好過癮！🤣自己剪開想點食都得～好鍾意食d須須🤭彈牙～ 有數過入面d蝦都有四五粒～ 而且係蝦肉好方便！豬肉就薄片黎ge～ 都好味配菜的白蘿蔔條同泡菜都好開胃💕最緊要可以打卡oppa同款鎖 🤣可惜無搵到oppa簽名留底ge鎖🥲鍾意個環境夠曬寬敞有陽台位置～ 可以吹下風～

最近喺尖沙咀發現咗間好正嘅韓國餐廳，試咗佢哋全球首創嘅“章三蝦”一人鍋，真係好好味！我哋叫咗兩個鍋，一個辣一個唔辣🔥首先，呢款鍋嘅亮點就係裡面嘅新鮮食材。鍋入面有好多蝦，最驚喜係一隻超大隻嘅章魚🐙，真係未見過咁大隻！食嘅時候要用鉸剪剪開，肉質好嫩，咬落去好有口感😎仲有韓國五花豬肉片，油脂啱啱好，令鍋嘅香氣更加濃郁🥓 每個鍋都有包公仔麵，吸咗湯汁之後，超級掛湯！🍜辣味嘅鍋真係好惹味，而清淡嘅鍋就啱啱好適合想輕食嘅人，湯底清新，依然保留住食材嘅鮮味🌱。兩款鍋各有各好，無論你鍾意辣定清淡，都可以搵到啱自己嘅選擇👍前菜方面，我哋仲食咗黑豆、辣蘿蔔同埋泡菜，每樣都好出色，特別係泡菜，酸辣可口，為整餐增添咗好多層次感😋總括來講，今次嘅用餐體驗真係好滿足，無論係食材嘅新鮮程度定鍋嘅獨特風味，都俾我好深刻嘅印象，尖沙咀呢間韓國餐廳絕對值得一試，特別係對於鍾意海鮮同韓國料理嘅朋友，記得嚟試下呢款“章三蝦”一人鍋！🥳

唔係想鬧，但呢間韓式餐廳真係伏到我懷疑人生。1. 煎餅厚到似煎粉糕望落好似正常，咬落完全係厚粉無料，海鮮少得可憐，咬極都係粉糊糊，又無咩味，粉到懷疑人生。2. 蔘雞湯個味似即食包成碗湯冇乜人蔘味，淡得出奇，最離譜係雞骨啲質地同即食嘅一樣一夾就碎晒，一咬就成塊骨粉，應該唔係自家製。3. 招牌豬肉湯麵？係咪攪笑？所謂「招牌」上枱係凍既🥶🥶🥶🥶，入廚房叮完再上都只係微暖。湯底無靈魂，淡如水，啲豬肉又韌又柴，仲有雪味！4. 炸雞就係唯一過得去，但都唔值返轉頭甜辣炸雞係OK既，炸得脆、醬汁夠掛住，但咁既質素其實外面炸雞店隨便一間都做到，冇驚喜可言，同埋其實佢個汁都唔係傳統果隻味。同埋連頸都俾埋人😅😅總結：真心唔知點解咁多foodie推介，係收錢定真係味覺出事？食完個胃同心情都跌落谷底。唔係嬲，只係好失望。評分：★☆☆☆☆（1/5）只係炸雞叫合格。