釜山商會

今日自己一個係尖沙咀行吓街，想吃韓國菜，見到呢間釜山商會，見環境大，坐得舒服，就入去試吓☺️老闆係韓國人，黎到呢到好似去左韓國咁叫左份全球首創-釜山商會章三蝦一人鍋，有五花腩又有蝦，最緊要係條章魚超級大條！而且非常之爽口又唔韌特別想重點講吓個章魚，我覺得店家嘅章魚用料非常新鮮，章魚喺出面食都冇呢間咁新鮮，而且佢嘅烹調手法亦都非常之出色，感覺佢嘅火候控制都係非常之啱啱好👍👍而且店家好有心去經營，食完嘅每一位食客都會送你一個鎖，喺上面樓下片言隻語，創造一段韓國回憶推介大家黎試吓👍👍

今次嚟到尖沙咀呢間食韓國菜嘅餐廳，老闆係韓國釜山人，主打正宗釜山菜色，非常吸引。特別欣賞拌餐部分，醬黑豆真係好出色！除咗因為唔係好多餐廳會有呢款小菜，仲整得好好食，有咬口，味道亦調得剛剛好。 章三蝦一人鍋一嚟就俾佢個signature no.1 吸引住，係餐廳首創嘅「章三蝦一人鍋」，即係有章魚、五花肉(韓文讀音係「三gap sal」) 同埋蝦。除此之外，仲有拉麵、菜、香蔥等材料，勁豐富。章魚啱啱熟，咬落脆口唔拎韌，非常鮮味；五花肉厚度適中，味道香甜；蝦肉爽口。 口味有辣有唔辣，以為唔辣嘅鍋可能淡味啲，但原來個湯超甜，海鮮同五花肉勁鮮甜；辣味鍋係甜辣味，越食越過癮。 本身諗住試吓其他嘢，但佢一個鍋份量都已經好多，惟有下次先試吓釜山名物釜山豬肉湯飯。 走嘅時候店員拎咗兩個鎖俾我哋，可以掛喺門口，好有韓國鎖橋feel。

終於有機會同老公出去放鬆下，今次去尖沙咀嘅一間韓國餐廳！釜山商會餐廳裝修連侍應都係韓國Oppa😻好似去咗韓國咁！首先送上韓國特色小菜，有泡菜、蘿蔔同埋黑豆，特別要讚黑豆，甜甜地好似蠔油豆，讓人意猶未盡。最吸引嘅係「章三蝦一人鍋」，有原隻八爪魚、三層肉、五隻蝦，再配韓式公仔麵，佢哋有辣同唔辣兩種口味，但其實辣味都唔算太辣，感覺係特別迎合香港人口味。餐廳仲提供炸雞、部隊鍋、韓式BBQ，真係可以慢慢試晒！下次再挑戰其他特色菜式，餐廳環境舒適味道水準高，絕對值得期待嘅一餐！

釜山商會 📍：香港尖沙咀金巴利道79-81號金栢閣地下A-C號舖🚗：佐敦地鐵D2出口 步行8分鐘📞：+852 3758-4517💲：~HKD138/head for lunchFood quality👌🏼：辣章三蝦一人鍋、章三蝦一人鍋總結：🤔韓國oppa主理 招牌是章三蝦一人鍋 今次試咗一辣一唔辣 正常🤔魷魚🦑成隻上嘅韓式豬肉湯麵 魷魚豬肉都足料 辣同唔辣分別唔算太大🤔韓國oppa好nice 但真係雞同鴨講 鬧出唔少笑話‼️😋前菜反而有驚喜 醃製得頗入味👍🏼😨衛生有改善空間 有烏蠅飛嚟飛去🥲

釜山商會今次要介紹一間喺尖沙咀有一間韓國菜餐廳叫「釜山商會」，一去到門口已經見到嵌入式嘅斜路，餐廳入面都算通道都算寬闊，落單時要講英文或韓文，主要店員都係韓國靚仔，經過開尖沙咀嘅你不妨試下入嚟呢間韓國菜餐廳尖叫下，總有一個韓國靚仔比你尖叫到！🤣🤣🤣最先會嚟一道前菜：一共有三款前菜，兩碟係唔同味道嘅泡菜，一碟係甜甜地嘅黑豆！1.全球首創-釜山商會“章三蝦”一人鍋$128（10/10）呢鍋“章三蝦”一人鍋係全球首創，份量真係唔似一人份量，似2-3人份量，入面有一大隻原隻章魚，仲會比埋較剪你自己剪細嚟食，咬落鮮甜彈牙，仲有大約5隻好爽彈牙嘅蝦仁、大約十片連埋軟骨嘅五花腩、娃娃菜、秀珍菇同韓國公仔麵等，湯底吸收哂海鮮味，鮮味十足，正爆！2.辣炒“章三蝦“蓋飯$128（9.5/10）呢個辣炒“章三蝦“蓋飯個辣度啱啱好，材料一樣有蝦仁、五花腩同剪細咗嘅章魚，面頭仲有芝士，旁邊仲有飯同一隻太陽蛋，份量都係好多，似係2人份量！3.醬油雞翼$118（10/10）呢隻醬油雞翼一共6隻雞全翼，味道啱啱好，雞肉肉質嫩滑，唔會整得過老，非常好味！2人總共價錢$411.4，其他有加一服務費！個人口味總評分：9.8

近期睇得韓劇多，見得多韓國菜好想食，所以今日約咗姊妹去尖沙咀食午餐，金巴利道成條街有多間韓國餐廳，揀咗間香港首間釜山地道風味燉鍋專門店「釜山商會」，簡約風格設計，木枱皮椅，環境寬敞，有室內外空間，地方寬躺。🥢餐前三款韓國小菜：泡菜、黑豆、牛蒡，好食好正宗。［SIGNATURE MENU］🌶️🐙🦐🐖全球首創-釜山商會 辣"章三蝦“一人鍋 $138~ 有章魚、鮮蝦、五花腩片、娃娃菜、菇菌類、拉麵。章魚軟嫩彈牙，浸幾耐都唔會韌。🐙🦐全球首創-釜山商會"章三蝦“一人鍋$128~ 有章魚、鮮蝦、五花腩片、娃娃菜、菇菌類、拉麵，原味更顯豬骨湯底嘅味道。

同朋友太想飛韓國釜山，但又無時間，去尖沙咀韓國街解一解思韓國既心，見到呢間餐廳個名有釜山，就好想試，一人一鍋好滿足！仲好足料！原隻八爪魚、唔流手既豬肉同蝦，辛辣麵做麵底，辛辣麵世一😍 仲有個情侶鎖打卡牆，好有心思🫶🏻🫶🏻🩵 全球首創—釜山商會辣「章三蝦」一人鍋唔會好辣，平時唔點食辣都食到，幾惹味，惹味過唔辣既😛🩵全球首創—釜山商會「章三蝦」一人鍋相對清淡少少，海鮮鮮味更出，小朋友都岩食～

今日去咗尖沙咀食韓國嘢，金巴利道呢條街好多韓國餐廳。經過門口俾佢大大嘅招牌吸引，決定入去試吓。餐廳就連裝潢都頗具韓國特色。入門口就見到一個類似首爾鎖橋嘅牆。上面扣滿晒鎖。我哋決定點佢最近極具人氣嘅章三蝦一人鍋。有辣，有唔辣。我唔食得辣，所以選擇咗唔辣嘅口味。呢個一人鍋入邊好足料。有豬腩片、大八爪魚、蝦、娃娃菜、韭菜、仲有公仔麵。公仔麵冇落味精湯底清甜，辣嗰隻麵原本會以為好似部隊鍋咁辣，我試咗少少口味尚算清淡。

韓國街的釜山商會有一個全球首創的章三蝦一人鍋其實是一個包含章魚、豬五花和蝦仁的韓國湯鍋章魚是原隻之章魚，肉質彈牙，非常有嚼口五花肉和蝦仁份量也很多，配上韓式拉麵及蔬菜、菇菌食非常美味一人鍋可選辣或不辣，個人覺得辣鍋不會很辣，類似BB辣程度，但加了辣會較惹味，不辣的湯鍋湯頭帶點奶香味，其實也很好吃。餐廳近期有個活動，只要follow餐廳IG及在IG打卡，就可以獲得一個Love Lock，把自己想寫嘅說話寫上去，再掛在門口掛鎖的位置上。

Lunch揀咗釜山傳統料理「釜山商會」見門口banner推出「🌎全球首創-釜山商會🐙”章三蝦”一人鍋」😍真係要試吓餐廳裝潢簡約，空間寬敞走工業酒吧風，暖和復古牆身海報及天花吊掛海鷗佈置釜山景色般更設一道情人鎖牆寫心意及打卡三色Kimchi～泡菜、蘿蔔、黑豆🌎全球首創-釜山商會🐙”章三蝦”一人鍋＄128/$138（辣）Order咗一辣一唔辣，騰騰上台～似傳承嫲嫲秘方豬肉濃白湯，大大隻既章魚好吸睛，加上用料豐富有幾隻蝦、豬腩片、菇、菜同埋韓國拉麵，另一鍋辣度輕微個人接受到

主打釜山風味嘅「釜山商會」餐廳走工業風裝修，空間開揚，好有釜山感覺，牆身仲有情人鎖牆位俾人打卡，氣氛好Chill！坐低就送上三色前菜，包括韓式泡菜、醃蘿蔔同甜黑豆，夠開胃。主角當然係招牌「章三蝦一人鍋」，有辣同唔辣版本，價錢分別係$138（辣）同$128（唔辣）。一上枱已經熱辣辣冒煙，湯底係乳白色豬骨湯，飲落香濃帶甜，好似嫲嫲煲嘅老火湯咁暖胃。配料方面除咗主角超大隻章魚、蝦外，仲有豬腩片、椰菜、韓國拉麵等，用料相當足料，層次豐富。辣鍋屬輕辣，唔會搶味，反而令湯底更惹味；唔辣版本就更突顯湯頭嘅原味鮮甜。最後仲有個釜山愛情鎖匙扣，同男朋友一齊畫咗一個，超有意思，勁啱打卡！

釜山商會餐廳位於九龍尖沙咀金巴利道79號金柏閣地下,餐廳裝修簡約,以釜山懷舊式餐廳裝修設計,餐廳住打韓國菜,釜山湯鍋係餐廳招牌菜,服務員招呼到位有禮。全球首創釜山商會辣章三蝦一人鍋和全球首創釜山商會章三蝦一人鍋,前菜有三款小食物,一人鍋配料有韮菜,公仔麵,鱆魚,鮮蝦,.娃娃菜,豬腩片,韮菜入口新鮮青嫩,公仔麵食落爽口,原隻鱆魚要用較剪隨意剪開自己喜好大小,鱆魚食落爽口彈牙有鮮味,鮮蝦口感爽彈鮮甜,娃娃菜腍滑.豬腩片肥瘦均勻肉味濃,湯底清甜不膩,辣章湯底有小辣。

今日過嚟韓國街覓食，真係成條街都好多韓式餐廳，最後揀左呢間由韓國Oppa主理的充滿地道韓式風味的韓國餐廳。前菜三點，有甜豆🫛、泡菜、蘿蔔，甜豆幾特別，泡菜夠晒酸同爽脆，全部都夠晒開胃🤤。全球首創-釜山商會”章三蝦”一人鍋＄128果然係全球首創，第一次見到韓國餐廳有呢個菜式食，而且係好大隻八爪魚🐙就咁上，俾左剪刀俾你自己剪開慢慢食，有分辣味同吾辣。我揀咗唔辣。首先個湯底都好濃郁好香，好似飲緊椰子豬骨湯咁，入面啲配料都好足料，有蝦仁🍤、大大塊豬腩片、娃娃菜同菇。

呢條韓國街真係好多正宗嘅韓式美食。我哋呢日午餐就嚟呢間，做咗個好得意嘅選擇。個餐牌明有好多嘢食，我哋兩個都俾章三蝦吸引。🍖章三蝦其實係一個韓式鍋物，內容非常豐富，包括咗豬肉，薄薄咁切，肥肉同瘦肉比例均勻，非常香，又爽口。蝦肉話系三蝦，其實係N蝦，由於本身預計只有三隻，多過三隻嗰一刻好有驚喜，但係就冇特登去計算，不過口感就非常彈牙，又好大隻。咁我冇數蝦數量嘅原因就係因為個隻章魚。佢嘅面積繫個鍋嘅一半，一開始見到嘅時候已經嚇咗一跳，就好似加勒比海盜，入面嗰個八爪魚怪，係個水面浮出嚟咁，個樣好震撼，不過味道就非常之可口，非常之脆身，同樣系條狀，同韓國拉麵煙煙韌韌嘅口感就變得相影成趣。成個鍋物都非常之 yummy。🍖咁點解我哋要兩個人都揀同一個鍋呢？就係因為個湯底。我就鍾意飲個辣湯，朋友就鍾意飲原味。貪佢可以自由配搭，加入伴菜嘅kimchi，選擇辣度。不過無論邊一樣，你見住個鍋滾住咁出嚟，你都好想先飲幾啖。

去完釜山都有半年，記得係釜山最出名就係豬肉湯飯。諗起又有啲掛住，尖沙咀小韓國呢頭有間釜山商會，賣緊正宗釜山味道。老闆係韓國Oppa，繼承咗嫲嫲嘅豬肉湯飯秘方，係香港發揚光大。今日試咗佢哋首創嘅章.三.蝦一人鍋將豬肉白湯加入成隻章魚同埋蝦肉，再加入辣將鮮味提昇致頂點。章魚同蝦非常之爽彈，三層肉片份量都好多。而且入面仲有拉麵，一個人食啱啱好。宜家follow佢哋個IG就有一個許願鎖，可以寫低你嘅願望，鎖係佢哋門口嘅feature wall，好似釜山塔咁。