金鶴拉麵 (蜆殼街)

营业中

休息中

天氣轉涼，想食啲熱野見到金鶴拉麵，近年冒起得好快既連鎖拉麵店，就試下天后店質素如何😌店舖門面好靚，真係有#日式拉麵店、居酒屋既感覺，加分👍🏻店內裝修一樣咁有feel，氣氛不錯，餐牌當然係拉麵，以極濃雞白湯為招牌，亦有特式既蟹湯等，仲有串燒同小食，相當吸引🤤期間限定極濃牛骨湯拉麵配A4西冷和牛(100g)，淨係個賣相都值得叫🍜和牛可以揀生食或者火炙，梗係揀火炙🔥燒左既和牛片啲牛脂又香又好味，放係一條燒左既牛骨上面，保持牛味，賣相同風味都無得輸😮‍💨和牛片外面燒香出晒油，入面半生熟肉質嫩滑，牛味好濃，和牛就係正✨🐮#極濃牛骨湯拉麵，擺盤好精緻，湯底真係好濃，偏白色，但味道一啲都唔淡，好濃既牛骨味，加埋啲湯落去食半熟蛋實在超爽🙉麵質爽身，中等粗幼，湯太濃一定掛到，好正🤓食下和牛，又食下濃牛湯麵，牛到爆😝加左串#照燒帆立貝，size幾大粒，有焦香，口感食落半熟，都唔錯🍡整體黎講，都係一餐正既拉麵，氣氛加重左和風味道，和牛咁正，真係要把握期間限定食多次😝唔想堂食，想返屋企睇住波食既，都有外賣自取既選擇🥡小食性價比都好高！

近排身邊好多朋友都去旅行旅行癮起好掛住日本嘅拉麵呀就搵間人氣超高嘅拉麵店試吓店面細細 好有日本拉麵店既感覺北海道極濃蟹湯拉麵 ＄138蟹湯超濃郁 蟹肉份量適中 都幾鮮甜仲有木耳 豚肉叉燒 同埋流心蛋忍唔住飲埋個湯極濃雞白湯拉麵 ＄138白雞湯味道好香濃湯底有住豐富嘅骨膠原配上一塊豚肉叉燒及兩件雞胸肉 仲有流心蛋不得不提佢個炸牛蒡店員喺上菜嘅時候仲好貼心提醒要快啲食如果唔係會好快淋兩碗拉麵既麵質口感彈牙 粗幼適中一路食住碗麵仲係熱辣辣會出煙㗎就咁食碗麵 飲埋個湯已經好夠飽朋友仲叫咗店員推介嘅Coedo啤酒 $48麥味香濃 入口有清新嘅果香除咗堂食，原來仲可以外賣自取架一路食都見到唔少客人來外賣響屋企都可以享受到日本拉麵嘅風味可以再黎encore!

突然間好想食雞湯拉麵，唔使諗第二間，金鶴拉麵嘅雞白湯拉麵好正，最鍾意佢濃郁白色湯頭，之前疫情期間都嚟過買外賣，而家都仲有外賣，湯麵分開放，唔會失色，喺呢個OpenRice 平台外賣自取仲有折扣。今日得閒梗係堂食啦，即做即食始終最好。我哋兩個人一人一個拉麵，招牌雞白湯拉麵 $98 係必食嘅，最鍾意去啲炸牛蒡，係佢先做到健康食品都咁美味，另外啲雞胸肉，又係好少人做到可以咁滑，真係好好食，湯頭極濃，奶白色，極正！令一碗係北海道蟹湯拉麵 $138，麵上有蟹肉、火腿肉、木耳，配料與剛才的不同，湯底一樣係白色係雞湯，但加咗蟹熬出好香的蟹海鮮味，呢碗第一次嘗試，好鍾意。經常食餃子炸雞，今次點雞肉棒串燒 $48，雞肉與雞軟骨混合，口感一流。

💡高質雞白湯拉麵好耐無得去日本旅行，好掛住日本嘅食物，特別係熱騰騰的拉麵，呢間餐廳係主打雞白湯湯底，湯底用上日本赤雞並經過6小時以上的高溫熬製而成。🍽極濃雞白湯拉麵🐥🍜餐廳招牌雞白湯，用原隻雞烹煮8小時以上充滿膠質，一放上枱已經聞到好香雞香味，湯非常濃郁，好香好滑。入口清甜，拉麵有炸牛蒡，口感似薯片。建議我先食左先，避免放太耐變得淋左。有兩塊慢煮雞胸肉及一塊豚肉叉燒，雞肉好嫩滑🐔叉燒唔會鞋口。另外仲配左半隻流心蛋🥚，黑木耳等等，夠曬豐富。🍽鹽燒五花腩串🐷充滿焦香既表面，唔會好油身，肥瘦適中，肉質剛好。🍽唐楊炸雞赤雞三件🐔炸雞炸得香脆可口，入面仲保持到嫩口🍗值得一試😍🍹COEDO Shikkoku啤酒黑啤黎，有豐富咖啡豆及黑朱古力香氣，清爽不膩，飲落唔會覺得苦。

#金鶴拉麵 📍天后炮台山蜆殼街6-16號寶榮大廈地下E號舖今次經過天后，試下唔同分店嘅#金鶴拉麵 。之前已經食過旺角、佐敦 質素都會有唔同！厚切日本雞胸肉飯 之前喺旺角佐敦食開嘅雞胸都係好滑，但係喺天后呢間嘅雞胸就比較鞋口..希望下次可以做得更好💪🏻好有日本咖喱個味道，炸雞有3件👌🏻炸雞炸得好香脆， 即叫即炸熱辣辣☺️咬落去鬆軟，咖喱好有日本味呀！！！！糖心蛋 普通蛋而且唔夠味。日式餃子炸得香脆皮薄。

Book mark左呢間拉麵店好耐，一直都好想試，因為朋友鍾意食拉麵，我又喜歡食鰻魚飯😋店舖細細，設計十分日式拉麵小店feel，但我地坐左旁邊，十分舒適。極濃雞白湯拉麵🍜一上枱立即試左啖湯，顏色奶黃白色，湯頭超濃郁，入口每滴都係精華，而且口感好有膠質，滿足埋女仔美顏膠原既需要🤭一上枱店員就提我地要食左炸牛蒡先，牛蒡又薄又香脆，浸左湯既就掛湯一齊食。拉麵重有雞肉、豚肉叉燒，雞肉比較似雞胸肉，但因為慢煮所以好滑。而豚肉叉燒肥瘦均勻，好食。麵身質地適中，而且麵條係易掛湯，所以每一啖都好正。最後重點係隻溏心蛋，讚👍🏻活燒蒲燒鰻魚飯熱辣辣既即燒鰻魚，鰻魚好厚肉，而且廚師燒到外皮脆身，而肉質彈牙，有咬口，而鰻魚汁入晒肉，又落晒飯度，個飯都係精華所在🤤成個set重有個海帶湯、芥末八爪魚小食，又開胃又可以中和一下！下次再經開，都可以外賣自取，濃湯雞白湯太讚啦😋

成日行過天后，見到有間拉麵店，今日終於有時間你返個外賣返去試吓。吉列豬扒厚身大件，外脆內軟，配上醬汁非常惹味，仲有半隻流心蛋，飯粒煙韌，套餐配上新鮮蔬菜，非常健康。

北海道極濃蟹湯拉麵😍好多蟹肉👍👍個湯好有海鮮味😊正雞白湯拉麵！兩塊嫩滑的雞胸肉放左拉麵碗邊，食先點下湯食👍加上濃濃的雞湯，特別好味雖然好味同賣相唔錯，不過價錢有點貴

今日介紹嘅呢間餐廳係拉麵店入面都頗為出名，今次我地去嘅係炮台山分店。餐廳主打雞白湯湯底，餐廳唔單止提供主打嘅拉麵，同時亦提供蒲燒鰻魚飯、日式沾麵及小食等。🌟北海道極濃蟹湯拉麵 $138湯底頗為Creamy。 同時亦有加上蟹肉🦀，市面上其他拉麵店比較少見，拉麵配料附上叉燒肉片。🌟極濃雞白湯拉麵 $138湯底方面，白雞湯味道香濃，雞既精華比起其他做得更出色，味道適中。配料方面，有一塊豚肉叉燒及兩件雞胸肉。餐廳嘅兩款拉麵麵底軟硬適中，咬落尚算彈牙而且掛到汁。🌟日式唐揚炸雞(3件) $38唐揚炸雞即叫即炸，炸到金黃色而且保留到肉汁肉質鮮嫩。📌金鶴拉麵 @kanetsururamen天后炮台山蜆殼街6-16號寶榮大廈地下E號舖🚇港鐵炮台山站 A出口, 步行約4分鐘📍#炮台山

好耐之前去過呢度食極濃雞白湯拉麵，嗰次體驗其實麻麻哋😅 但係唔知點解隔咗一排又想再嚟試吓🤣 今次揀咗招牌雞白湯拉麵、北海道蟹湯拉麵同雞胸肉飯，出奇地全部都覺得好滿意😳 連同行嘅朋友都讚不絕口😝✤//北海道極濃蟹湯拉麵 $138//先講講呢個蟹湯拉麵🦀 係咪極濃就見仁見智😂 但係我個人認為都幾濃郁🤤 可能因為冇咩特別嘅期望，反而好有驚喜🥹 首先湯底濃而不膩，食後唔會口渴(我不知不覺飲晒成碗湯🙊) 蟹肉份量雖然唔多但幾鮮甜，拉麵質感軟硬適中，連埋啲湯一齊食好正😚✤//招牌雞白湯拉麵 $98//有鑒於之前試咗極濃，所以今次試朋友推介嘅招牌雞白湯🍜 奶白色嘅湯頭幾清甜，個人覺得好過極濃湯頭好多 (極濃嗰款係忌廉湯😂) 雖然都係冇得同座銀比，但係以普通拉麵來講已經算係唔錯👍🏻 除咗湯底之外，我覺得叉燒同慢煮雞胸肉都非常唔錯☺️ 瘦得嚟唔會鞋口，平時唔係好鍾意食叉燒嘅我都忍唔住食哂👏🏻✤//厚切日本雞胸肉飯 $98//雞胸同樣係慢煮所以唔會鞋☺️ 仲有溏心蛋，滿滿蛋白質，亦冇過多調味，感覺健康，尤其適合健身人士💪🏻🏋🏻‍♀️ 值得一試👍🏻除咗堂食，仲有外賣自取🍱🥡整體覺得食物質素好，價錢合理，推介☺️⋆

今日試左金鶴出名的雞白湯拉面同蟹湯拉麵 ，間店好有日本的感覺。🍜雞白湯拉麵🍜碗面係好足料，有牛膀片、有雞肉、黑豚肉、黑木耳絲、洋蔥絲、溏心蛋、竹筍等。個湯係濃郁嘅雞白湯，口感順滑，味道香濃得嚟唔會好鹹，飲晒成碗湯都唔會覺得口乾，拉麵麵質軟硬度亦啱啱好，食落爽口彈牙，拉麵掛晒濃稠嘅雞湯，每一啖都好滿足。🦀蟹湯拉麵🦀鍾意食蟹嘅，一定要試依碗蟹湯拉麵，賣相靚仲有巨量蟹肉！勁滿足！蟹肉仲要好鮮味~湯底真係好濃！充滿海鮮味＋忌廉味，每條拉麵都沾滿湯，食完碗拉麵D湯都見底，鍾意食濃湯就真係要試！

第一次食金鶴拉麵 以前成日經過都無試 食完有d後悔🥹點解唔早d食下😂😂試左以下3款野:1️⃣花咲蟹🦀拉麵 Seasonal 的我係蟹迷 所以點都要試試佢 湯底係不錯～真係食到有蟹味但蟹肉就比較淡味 勝在夠特別☺️2️⃣雞白湯沾麵 好正😋個湯係超濃 呢個真心強烈推介！比起心愛既蟹 我都會揀呢個😌🌟如果個湯凍左 可以叫店員幫手加番熱的試完呢度之後 我發覺我原來鍾意食雞湯多過豬無咁膩 平時係出面真係少d食到3️⃣唐揚炸雞 配檸檬鹽 出色(兩個字講完)！一d都唔乾 亦都唔會食到成口油果種 佢係超Juicy🤤必點既小食‼信我 ️

雖然金鶴主打係拉麵，但係其實鰻魚飯真係好出色，同朋友泥食飯一個麵一個飯share食剛剛好。今日試咗係蟹味拉麵，湯底依然係濃厚嘅雞白湯底做底，加入蟹肉，味道鮮甜蟹味十足。有時食白雞湯湯底食到悶都可以試吓轉款。另一款必要嘅菜式，就係鰻魚飯。日本人視鰻魚為補充體力嘅佳品，每逢夏天特別熱嘅日子都會一家大細食鰻魚，所以我喺天氣特別熱嘅日子都會諗起呢度嘅鰻魚。呢度嘅鰻魚飯即叫即燒，喺香港真係買少見少。有時都忍唔住買返屋企自己獨吞一盒。呢度採用嘅鰻魚肉質彈牙，而且非常厚實，配上鰻魚汁，真係好好食。雖然成二百幾蚊，但偶爾都要對自己好d。

提到最愛的日本菜，少不了拉面喔！由於疫情關係，無法飛到愛愛日本吃拉麵。跟朋友來這店子過日本快樂晚餐，其實不少來自日本各地的拉麵店也會在香港開設分店，這拉麵面推介，來一解大家的思鄕情！這店子是朋友喜歡～拉麵店的分店很方便，合朋友喜歡拉麵的心情，不妨一吃。雞白湯拉麵朋友說非常棒！最特別是上面有脆卜卜之牛蒡，同拉麵夾，味道甜甜，如果浸淋了又有另一種吃法呢，棒，整體好味，雞肉不會鞋是不錯，朋友喜歡湯底味道～看到它用赤雞熬制很久，難怪味道是鮮甜濃鬱又不油膩好好飲，吃不到味精也不會不舒服，連不愛雞的朋友亦成碗飲光，一定真材實料。醬油拉麵 濃口味，肉入味，淋身口感非常棒的， 今天的知識點有點多，立刻開始吧！原來美味的日本拉麵也分很多種湯底，清淡的醬油甜味，濃厚感覺，口感是甜甜醬油拉麵，入口不油膩，慢煮雞胸肉片嫩滑，必吃，差燒肉片，糖心旦煮得好，大蔥多多，好飽好飽～特別呢～在日本，醬油拉面已誕生百年，拉面如今不斷進化，從味道之方面跟吃法範疇分別也有很高質素，美味之謎公開。棒

同朋友一齊喺炮台山附近，佢話想食日本🇯🇵拉麵🍜，話不如一齊發掘吓😅，我話呢日好肚餓兼好攰唔得閒發掘啦😆，於是就嗱嗱聲掹咗朋友嚟呢間日本🇯🇵拉麵店🍜開餐😆- $138嘅「北海道・花咲がに濃厚ラーメン（北海道極濃蟹湯拉麵）」：呢個以前係「期間限定」，但係見佢印咗喺餐牌裏邊，咁問店員姐姐，店員姐姐解釋話而家已經變咗長期供應😋。湯底好濃郁好creamy，有啲似西餐 creamy soup 嘅風格，亦好輕身，有蟹味🦀，亦都見到有蟹肉🦀- $98 嘅「低溫慢煮日本🇯🇵雞胸肉飯（200g) Sous Vide Japanese Chicken Breast on Rice」：呢度嘅慢煮日本🇯🇵雞胸肉 不嬲都有水準，雞胸肉 都煮得腍腍哋唔「鞋」口，真係有番咁上下技巧😆；雞胸肉 感覺健康😋，成個飯嘅賣相亦都出奇地幾靚🤩；仲有，響拉麵店食飯🍚，咁樣做日本人🇯🇵經常都會😊- $48 嘅「燒黑豚肉串 (2PCS)」：油分充足，夠甘香，燒得亦香口😋